حبي مثل المتاهه

البارت العشرين

نادر في منزله
نادر بغضب:بعد كل ده مصدقتنيش...انا مش فاهم هي ليه مكنتش عايزة تصدقني...هي شكلها بتحبه...انا مستحيل اسيبها تتجوز اكرم...علي جثتي...علي جثتي يا شمس...طب اعمل ايه بس ياربي
نادر سهر طول الليل يفكر ازاي يخليها تقتنع بالحقيقة الي قالها لحد ما لقي فكرة كويسة
نادر:بس لقيتها هو ده الحل... انا لما هشوف رانا بكره في الشغل لازم احكيلها علشان تساعدني بس علي الله تصدقني
في اليوم التالي اكرم في الشغل ونادر لسه موصلش
نادر اول ما وصل الشغل بقي بيبص ناحية اكرم بغيظ واكرم بيبادله نفس نظرة الغيظ
نادر بمكر:صباح الخير
اكرم ببرود:صباح النور
نادر:هي رانا جاية امتي يا شريف؟
اكرم بشغف:بتسال ليه يا نادر؟
نادر:انا سالت شريف علي فكرة
شريف:يعني علي وصول شكلها
رانا وصلت
"ايه صباح الفل يا شباب"
الجميع:صباح النور
نادر:ازيك يا رانا؟
رانا ببرود:الحمدلله يا باشمهندس
نادر:معلش يا رانا عايزك علي جنب
رانا:خير يا نادر عايز مني ايه؟
نادر:تعالي بس
نادر اخدها في حتة بعيدة عن زمايله وفضل يبص يمين وشمال
نادر:عايزك بعد الشغل
رانا بفزع:نعم؟
نادر:يا رانا ابوس ايدك متفهمنيش غلط...ده موضوع مهم جداااا...بخصوص شمس
رانا بفزع:شمس؟؟؟مالها شمس؟
نادر:يادي النيلة...ياستي شمس بخير...لحد دلوقتي يعني
رانا:نعم؟؟؟؟مش فاهمة وضح كلامك
نادر:لما اشوفك هبقي احكيلك...المهم بس توافقي نتقابل
رانا بتنهيد:مفيش مانع...الساعة كام؟
نادر:بعد الشغل علي طول
رانا:تمام...مستنياك...انا رايحة بقي اشوف شغلي
نادر:اتفقنا
نادر رجع مكتبه تاني واكرم عمال بيبص ناحيته ونادر مش واخد باله
وفجاة يجي بسيوني
بسيوني:صباح الخير يا نادر
نادر:صباح النور
بسيوني:متنساش هتنزل انت ونيرة انهارده زي ما اتفقتوا علشان تختار معاها فستان كتب الكتاب
نادر بسخرية:طبعا طبعا
بسيوني:طيب تمام ربنا يتمملكوا بخير
نادر:شكرا يا فندم
شريف:هنيالك ياعم كتب كتابك بكره...الف مبروك
نادر في سره:مش هيتم ...بعينك يا نيرة
اكرم بسخرية:الف مبروك يا نادر
نادر:الله يبارك فيكوا

شمس في الاتوبيس في الطريق ل شغلها الجديد بتكلم خالها في الموبايل
شـمــس:ايوة يا خالي...ها وصلت لحاجة؟
مصطفي:يعني اهو بحاول...اهم حاجة انا هدور علي الواد ده من ناحية وانتي تدوري علي البطيخة الي اختك بتتوحم عليها من ناحية التانية
شـمــس بعصبية:بطيخة؟؟بطيخة ايه يا خالي؟اجبلها بطيخ منين مش الموسم بتاعه
مصطفي:معلش اتصرفي بدل ما الواد يطلعله بطيخة في حتة كده ولا كده
شـمــس:ماشي يا خالي ...سلام
مصطفي:سلام
وتغلق شمس الخط
شمس بتسال الي جنبها
"متعرفيش حد يكون بيبع بطيخ يا حاجة؟؟"

بعد الشغل رانا واقفة مستنية نادر قدام الشركة
نادر:رانا عايزك في موضوع مهم اوي
رانا بقلق:يااخي قول قلقتني
نادر:طب تعالي نقعد في اي حتة وانا احكيلك
رانا:يلا
نادر ورانا في كافية بعد ما حكالها كل الي حصل
رانا لما سمعت كانت بتشرب العصير وشرقت
رانا بخضة:هاااااا بتقول ايييييه؟
نادر بحزن:والله العظيم هي دي الحقيقة ارجوكي تصدقيني
رانا باندهاش:معقولة اكرم يعمل كده؟؟؟طب ازاي؟؟ده...ده انا كنت فكراه بيحبها
نادر:واضح فعلا انه مثل عليها دور الحب صح لانها مصدقتنيش
رانا بابتسامة:بالعكس بقي الي عملته شمس ده اكبر دليل انها مصدقاك هي يمكن بس اتصدمت ومعرفتش تفكر
نادر بحزن:واضح انها بتحبه اوي علشان كده مترددة
رانا بمكر:نادر؟؟؟؟؟؟هات من الاخر ...انت ايه الي يخليك تعمل كده؟؟ويهمك اوي انها تصدقك....واوعي تكدب
نادر بارتباك:تقصدي ايه؟
رانا:بص بقي يا نادر اذا كنت فاكر ان انا مش عارفة انت عملت كده ليه؟؟تببقي غلطان...انا عارفة ومتاكدة انك بتحب شمس من زمان علشان كده مقدرتش تشوفها في خطر ومتحذرهاش حتي لو مصدقتكش
نادر بخيبة امل:ويفيد بايه بقي حبي ليها ادام بتحب اكرم!!!
رانا:يانادر شمس مبتحبش اكرم وعمرها ما فكرت فيه
نادر:امال هي بقي اتخطبتله ليه يا ام العريف؟
رانا:علشان حست ان هو الي صدقها وكمان علشان تنسي الجرح النفسي الي ات سببتهلها وعملت زيك زي باقي الموظفين
نادر:والله العظيم انا ندمان ونفسي تسامحني...بس انتي عرفتي منين انها مبتحبوش؟
رانا:هي الي قالتلي كده بلسانها
نادر بفرحة:بجد؟؟
رانا:لا بهزار
نادر باندهاش:امال هي بتحب مين؟
رانا:سؤال غبي مش هرد عليه
نادر بفرح واندهاش:معقولة؟؟؟؟
رانا هزت راسها بمعني ايوة وهي حاطة ايدها علي خدها
رانا:بس انا عارفة شمس كويس عندها كبرياء وعمرها ما هتعترف لحد بده حتي لنفسها
نادر:طب والعمل؟
رانا:قولي انت ايه العمل في كتب كتابك الي بكره ده؟ده بسيوني بيه عازم كبار رجال الاعمال
نادر بثقة وحسم:مش هيتم
رانا بشغف:ليه؟؟هتعمل ايه؟
نادر:انا هتصرف ملكيش دعوة علشان لازم احل الموضوع ده بسرعة علشان افوق بقي ل سي اكرم ده ونشوف ياانا يا هو
رانا:يعني بردو مقولتليش ناوي علي ايه؟
نادر:هتعرفي كل حاجة في وقتها ...المهم دلوقتي ان شمس لازم يبقي عندها يقين من جواها مش مجرد شك ان كل الي قولته ده حقيقة
رانا بثقة:هتقتنع متقلقش...من جهة شمس سيبلي الموضوع ده انا هحاول اتصرف انا ليا طريقتي
فجاة شخص يجي من ورا رانا
الشخص بغضب:الله الله مين ده يا هانم الي قاعدة معاه؟
رانا بخوف:يا ياسر افهم ده يبقي......
نادر مقاطعا:ده ياسر جوزك يارانا...اهلا اهلا اتشرفت بيك يا استاذ
ياسر بعصبية:وكمان ليك عين تتكلم
ياسر كان لسه هيضرب نادر رانا حاشته
رانا بفزع:يالهوي يا ياسر افهم حرام عليك انت مش فاهم حاجة
ياسر:ولا كلمة قدامي علي البيت لحسن اقسم بالله......
رانا مقاطعة:لا بلاش ونبي استهدي بالله وانا هفهمك
ياسر:اتفضلي فهميني
رانا:ده يبقي زميلي في الشغل وخطيب بنت المدير وكتب كتابه عليها بكره وكان بيكلمني في موضوع بخصوص زميلة لينا
ياسر قام يسلم علي نادر
ياسركمعلش انا اسف ياباشمهندس حقك عليا
نادر:ولا يهمك انت عندك حق في الي عملته
ياسر:طيب تمام انا كده فهمت استاذن انا بقي
نادر:لا انا الي استاذن معلش ورايا حبة حاجات...عن اذنكوا...سلام
رانا و ياسر:سلام
شمس في الشغل
يرن هاتف شمس المتصل رنا
وتجيب شمس علي الهاتف
شـمــس:الووو ايوة يا رانا ازيك؟
رانا:انا الحمدلله تمام يا شمس واخبارك ايه؟؟واخبار اكرم؟
شـمــس بارتباك:هاااا الحمدلله تمام
رانا:بقولك ايه يا شمس انا كنت بتصل بيكي علشان اسئلك علي محل فساتين يكون كويس
شـمــس:اه اعرف بس ليه؟
رانا بمكر:اصلي عايزة اجيب فستان حلو احضر بيه كتب كتاب بنت المدير بكره
شـمــس بحزن:ايه ده؟؟هو كتب كتابها علي نادر بكره؟
رانا بابتسامة ماكرة:اه ياستي بصراحة نادر كان مستعجل اوي
شـمــس بحزن:الف مبروك
رانا بمكر:الله يبارك فيكي عقبالك انتي واكرم
شـمــس:هااا اه طبعا
رانا:ماشي يلا بقي اديني اسم المحل
شـمــس:محل ايه؟
رانا بمكر:محل الفساتين يا شمس
شـمــس:اه....اسمه (.............) في شارع..........
رانا بابتسامة خبيثة:الف شكر يا حبيبتي يلا سلام
شـمــس:سلام
وتغلق شمس الخط
شـمــس بحزن:كتب كتابهم بكره؟؟بكره ازاي يعني؟؟؟بسرعة كده؟؟
شـمــس وفاقت لفسها وبثقة
"وانا ايه الي يهمني يعني ما يتجوزوا ولا ميتجوزوش دي حاجة تقرف"