الزميل:مش اكرم خطب!!
نادر في فرح:بجد؟؟؟طب الف مبروك
الزميل بسخرية:عارف بقي خطب مين؟
نادر:مين؟
الزميل:مش هتصدق
نادر:لا هصدق قول
الزميل:خطب شمس!!!
نادر بصدمة:شمس مين؟
الزميل:شمس الي كانت بتشتغل معانا هنا واترفدت علشان سربت العطا
نادر بغضب وصدمة:انت بتقول ايه؟؟؟؟!!!!!!!
الزميل:يااا ومالك اتحمقت كده ليه؟؟ده انت المفروض تتحسر عليه مش بعيد كمان تسرب معلومات عن حياتهم الزوجية ههههههه
نادر بغضب:ممكن تسكت يا شريف
شريف:خلاص خلاص سكت اهو انا رايح بقي اشوف بقيت الفيلات....عن اذنك
نادر بهمس:غور
نادر مش علي بعضه ومتعصب اوي من ساعة ما عرف الموضوع ومستغرب هو ليه زعلان كده ما يتخطبوا ولا ميتخطبوش عادي يعني وفي نفس الوقت كان بيحاول يقنع نفسه انه مضايق علشان القلم الي ضربتهوله
وياتي اكرم
اكرم:صباح الخير
نادر ينتبه
نادر ببرود:صباح الزفت
اكرم باندهاش:ايه مالك؟؟؟قرفان ليه علي الصبح كده؟
نادر بغيظ:انت خطبت شمس
اكرم بفخر وابتسامة:انت عرفت؟
نادر بغضب:طبعا عرف ...انت ازاي تعمل كده؟
اكرم باندهاش:اعمل ايه؟؟هو انا ارتكتب جريمة؟
نادر بتسرع:طبعا...انت....اقصد يعني انت ازاي تخطب واحدة سمعتها مش كويسة
اكرم:عندك.....شمس دي احسن واكفء واحدة هنا
نادر:تقصد كانت
اكرم:ايا كان ...انا خلاص ارتبط بيها وهتجوزها....ثم انت مالك مضايق كده ليه؟؟؟هو انت ولي امري...انا حر
نادر يسكت وميردش بس متغاظ اوي
اكرم ببرود:معلش بقي ورايا شغل ....عن....عن اذنك
ويذهب نادر في غضب
اكرم في سره:ياااا للدرجادي شمس تهمه كده بس معلش شمس خلاص بقت خطيبتي وقريب اوي هتجوز
شمس في المنزل وتتحدث في الهاتف مع اكرم
شـمــس:قولتلك يااكرم 100 مرة انا مش هقدر احدد معاد فرح ولا نتجوز الا لما اعرف مين الي سرب العطا ولبسها فيا ورفدني من شغلي
اكرم بزهق:انا مش فاهم انتي ليه مش عايزة تنسي الموضوع ده وتفتحي صفحة جديدة
شـمــس:مش هنسي وعمري ما هنساه ومتنساش انك وعدتني بكده
اكرم بقلق:طبعا طبعا وعدتك بس مش كل لما هكلمك هتفتحيه معايا
شـمــس:هو ده اخر كلام عندي يااكرم واظن انك لازم تنفذ وعدك معايا مش هقدر اعيش كده بقيت حياتي وانا مفضوحة والناس كلها فكراني مرتشية انا لازم اثبت براءتي
اكرم:الي يريحك انا هعدي عليكي ونفكر سوا ماشي؟؟
شـمــس:ماشي....سلام
اكرم:سلام
شمس بعد ما تقفل مع اكرم
رانا تتصل بيها
شـمــس:الو
رانا:كده يا نادلة يا واطية يا خاينة للصحبية والعيش والملح
شـمــس:في ايه يا رانا نازلة فيا تهزيق ليه؟
رانا:تبقي اتخطبتي واعرف زيي زي الغرب ومتعزمنيش يا زبالة وابقي لسه معاكي مبقاليش كام يوم ومتجبليش سيرة افهم انا ايه بقي من الكلام ده؟؟؟
شـمــس:طب ممكن تهدي وتسمعيني
رانا:اتفضلي اما نشوف هتدافعي عن نفسك وتقولي ايه؟
شـمــس:رانا انا محتجالك اوي ...انا عقلي مكنش فيا معرفش ازاي وافقت وازاي اتخطبت وازاي كل ده؟؟؟هو واضح انه بيحبني اوي من تصرفاته ...انما انا...انا
رانا:يانهار مدوحس...هو انتي مبتحبيهوش؟؟؟
شـمــس:بصراحة...............لا!!!!
رانا:امال وافقتي عليه ليه يا منيلة؟
شـمــس:معرفش بقي كنت زي الغريق الي متعلق في قشايا اول ما لقيته بيقولي بحبك وتتجوزيني وانه كمان صدقني في الموضوع الياه لقيت نفسي موافقة مش عارفة ايه السبب؟
رانا في سرها:اكيد اتخطبتيله يا حبيبة اختك اما علشان فقدتي الامل في الي بالي بالك او اما علشان تغيظي بردو الي بالي بالك بس لاسف محدش هتاذي ولا يتغاظ ويتفرس غيرك يا شمس
شـمــس:رانا....رانا.... سرحتي في ايه؟
رانا:هااا لا انا معاكي كملي....ولا اقولك بصي الحوار ده مينفعش في التليفون انا لازم اشوفك
شـمــس:مش هينفع علشان اكرم جي دلوقتي
رانا:ماشي بعد ما يمشي كلميني علشان اجيلك
شـمــس:حاضر.....سلام
رانا:سلام
أنت تقرأ
حبي مثل المتاهه
Romanceفكرة مختلفة ونوع مختلف من الرومانسية الواقعية الاجتماعية وبعض الصدف والمفارقات الكوميدية الطبيعية التي يمكن ان يتعرض اليها اي شخص ولكن التعامل مع هذه المواقف يختلف من شخص لاخر!!!! شخصيات القصه شمس بنت جميلة في اوئل العشرينات توفت امها وابيها منذ فت...
