وفجاة جرس الباب يضرب
نيرة بابتسامة:نادر شكله جه يابابا
بسيوني بابتسامة:طيب كويس يلا بقي افتحوله الباب خلينا نكتب الكتاب ونخلص...الف مبروك يا حبيبتي
نيرة بفرحة:الله يبارك فيك يابابا
الشغالة راحت تفتح الباب وكل المعازيم بصوا نحيته ونيرة وباباها وقفوا يبصوا
الشغالة فتحت الباب لقت البواب
البواب:في واحد ساب الجواب ده بره ومشي وقال ادوه للانسة نيرة
نيرة:واحد مين ده؟
البواب:معرفش والله يا ست هانم هو قالي ادي الجواب ده للانسة نيرة
نيرة بعصبية:طب غووور
نيرة مسكت الجواب وفتحته بعنف وبدات تقرا الي مكتوب فيه بهدوء
"السلام عليكم ورحمة الله وبركاته تحية طيبة وبعد الي نيرة بسيوني خليفة اعتذر عن عدم حضوري كتب الكتاب لاني مقدرش ارتبط بواحدة زيك لاني اخاف تقوليلي بوس ركب بابا زي يوم الخطوبة واكتشفت ان مهما ملكتي من مال فاانتي متملكيش حاجة خالص لان الي تعمل مؤامرات وتظلم واحدة ماذتهاش ف حاجة عمري ما هقدر اّمنلها...وصدقيني انا حاولت كتير احبك انما منفعش كل مرة كنتي بتثبتيلي اني اخترت الانسانة الغلط ...اه وقبل ما انسي دبلتك هتلاقيها في الظرف...حظ سعيد يا انسة نيرة وربنا ينتقم من امثالك"
امضاء:من استعاد وعيه وافاق الي نفسه في اللحة الاخيرة:نادر محمود يحيي
نيرة اول ما قرات الجواب ده اتعصبت وطلعت الدبلة من الظرف وبقت عنيها بتغمز من الغيط وبدات تعيط
بسيوني:ايه مالك بتعيطي ليه؟؟؟الجواب ده فيه ايه؟؟وريني
بسيوني اخد منها الجواب وقراه
بسيوني بغضب:الندل ده انا لا يمكن اخليه عندي في الشركة انا لازم اوريه واطرده طردة الكلاب
رانا كانت واقفة بتتفرج علي المشهد ده وهي فرحانة و مستغربة وكان نفسها تعرف الجواب ده فيه ايه
نيرة بعياط:ده باعتلي الدبلة في الظرف يابابا
بسيوني بغضب وشك:ويقصد ايه بقي الحيوان ده من الواحدة الي انتي ظلمتيها؟؟
نيرة وهي بتمسح دموعها بخوف:هااا لا ده بس بيخرف انا معملتش حاجة يابابا ومش فاهمة اي كلمة من كلامه
بسيوني بغيظ:ماشي يا نادر بس لما اشوف خلقتك
رانا دخلت فيي مكان بعيد شوية عنهم واتصلت ب نادر
ويجيب نادر عن الهاتف
رانا بهمس:الو ايوة يا نادر
نادر:ايه ؟؟في حاجة يا رانا؟
رانا بهمس:ايه الي انت نيلته ده...الدنيا مقلوبة...والجواب ده كان فيه ايه؟
نادر:قالها علي مضمون الرسالة
رانا:يانهااااار ده بسيوني بيه حالف ليرفدك
نادر:متقلقيش انا عامل سابي علي كل حاجة
رانا:ربنا يستر
نادر:قوليلي شمس عرفت
رانا:وهي هتعرف منين يا ذكي؟؟مهي ولا موجودة معانا ولا انا كلمتها اقولها
نادر:طيب حلو اوي احسنلها متعرفش دلوقتي...اهم حاجة انك مطلوب منك مهمة ممكن تبقي صعبة شوية بس ارجوووكي حاولي
رانا:مهمة ايه؟
نادر:بكره هكلمك واقولك المطلوب منك
رانا:تمام...سلام بقي دلوقتي
نادر:سلام
ويغلق نادر الخط
نادر:ايوووة كده كله تمام مش فاضل غيرك انت يا اكرم يازفت وابقي اخدت حقك يا شمس
شمس في اوضتها عمالة بتعيط لانها عارفة ان اكيد نادر كتب كتابه علي نيرة
سلمي تدخل عليها
"ايييييييييه؟؟؟مالك بتعيطي ليه؟؟؟"
شمس ببكاء:مش مهم خلاص حتي العياط دلوقتي مبقاش هيفيد بحاجة
سلمي:انت مش مظبوطة اليومين دول ...عارفة من امتي؟؟من ساعة ما عرفتي زميلك ده الي اسمه نادر او الي كان زميلك
شـمــس:هااا لا طبعا وهو ايه علاقته باي حاجة تخصني يعني؟
سلمي:اممممم ماشي يا شمس تصبحي علي خير بقي
شـمــس:استني
سلمي:في حاجة؟
شـمــس:احنا لازم نروح الكلية انا وخالك نترجي العميد يرجعك
سلمي:امتي؟
شـمــس:اسرع وقت ممكن
سلمي:تمام تصبحي علي خير
شـمــس:وانتي من اهله
في اليوم التالي
نادر في الشركة وسه واصل مكتبه
كل زمايله والوظفين بيبصوا ناحيته باندهاش وخضة
في مكتب بسيوي خليفة
محي يدخل عليه
"نادر وصل يافندم"
بسيوني بغضب:دخلي الزفت ده حاااالا
محي باستسلام:حاضر يافندم
محي راح عند نادر في مكتبه
محي وهو بيجز علي سنانه:انت ايه الي جايبك انهارده؟؟انت مجنون؟؟
نادر بثقة:متخفش انا مش جي علشان المشاكل
محي:المدير عايزك جوه خلي بالك بقي علشان مزاج مش رايق ومتعصب بسبب الي انت نيلته
نادر بابتسامة وثقة وهو بيخبط علي كتفه:قولتلك متخفش انا مظبط كل حاجة
محي:طب يا ادخل
ويذهب نادر
محي:استرها يا رب
نادر خبط علي الباب ودخل للمدير
اول ما المدير شافه اتعصب اوي
بسيوني بعصبية:انت؟؟؟انت يا.....
نادر مقاطعا:يافندم الموضوع مش محتاج ان حضرتك تشتمني
بسيوني بعصبية:امال عايزني اعمل ايه بعد ما كسرت قلب بنتي وفضحتنا قدام...وليك عين تيجي كمان
نادر:مهو لو تعرف انا جي ليه مكنتش هتتعصب كل ده
بسيوني وهو بيحاول يهدي:اتفضل اتنيل
نادر بابتسامة:اشكرك...اولا انا جي علشان اقدم استقالتي...اتفضل اهي
نادر ادهاله والمدير بص ناحيته وبصله تاني بهدوء
بسيوني:وثانيا؟؟
نادر بابتسامة وثقة:تحب بقي ابدا القصة الي جي احكيهالك منين؟؟من اول ما نيرة اتفقت مع اكرم علشان يعملوا مكيدة ويرفدوا شمس ولا منين بالظبط؟؟
بسيوني بصدمة واندهاش:انت بتخرف بتقول ايه؟؟
نادر:اسمعني الاول وبعد كده احكم
بسيوني:اتنيل اتكلم
أنت تقرأ
حبي مثل المتاهه
Romansaفكرة مختلفة ونوع مختلف من الرومانسية الواقعية الاجتماعية وبعض الصدف والمفارقات الكوميدية الطبيعية التي يمكن ان يتعرض اليها اي شخص ولكن التعامل مع هذه المواقف يختلف من شخص لاخر!!!! شخصيات القصه شمس بنت جميلة في اوئل العشرينات توفت امها وابيها منذ فت...
