حبي مثل المتاهه

البارت السابع عشر

شمس مبرقة ومبلمة ومبتردش بعد الي عرفته من سارة زميلة سلمي
سارة:احم احم شمس انتي معايا؟؟
شـمــس:اه ايوة انا معاكي
سارة:هبقي اكلمها تاني وابقي سلميلي عليها
شـمــس بهدوء وصدمة:يوصل
سارة:سلام
تغلق شمس الخط وهي في صدمة
سلمي تخرج من الحمام وهي شايفة شمس مبلمة كده
سلمي بخوف:مين الي كان بيتصل بيا؟
شمس ساكتة ومبلمة ومبتردش
سلمي بخوف:شمس؟؟؟.....شمس؟؟....شمس انتي مبترديش ليه؟؟؟هو في ايه؟
شمس بدون وعي لطشتها كام قلم علي وشها
شـمــس بغضب:اما انتي بقالك شهر مبتروحيش الجامعة .....امال...امال انتي كتي بتروحي فين؟
سلمي وهي تقاوم:يا شمس افهميني
شـمــس بزعيق:افهم ايييييييه؟افهم انك كنتي بتستغفليني ودايرة علي حل شعرك...كنتي بتروحي فييين؟؟؟انطقي!!!
رضوي سمعت الزعيق من جوه
"يانهاااار اسووود لا تكون البت سلمي اتسحبت من لسانها وقالت ل شمس...انا هروح انده خالي بسرعة"
سلمي من الداخل:يا شمس اهدي واسمعيني ......يا شمس انا حامل!!!!!
شـمــس بصدمة:ايييييه؟؟؟؟حامل؟؟؟؟
يدخل مصطفي ورضوي الاوضة فجأة
مصطفي وهو بيحوش عن سلمي وماسك شمس
"ايوة اختك حامل واهدي بقي علشان تفهمي الموضوع"
شـمــس بصدمة وغضب:يعني ايه حامل؟؟؟؟؟و...وكلكوا كنتوا عارفين الا انا....انا زي الاطرش في الزفة ومخبيين عليا
مصطفي بزعيق:ممكن تهدي بقي علشان تفهمي الموضوع...انا مقدر صدمتك انما الموقف ميحتملش كل الي بتعمليه ده
شـمــس وهي بتحاول تهدي:تمام....انا ههدي اهو....فهموني بقي الموضوع
بعد ما مصطفي حكالها علي الموضوع ما عدا(ان ماجد مش عايز يعترف بجوازهم ولا بالجنين)
شـمــس بغضب:انا مكنتش اتصور انك مش متربية للدرجادي .....انت ازاي تعملي فينا كده ازااي؟؟ازاي قدرتي تفرطي في نفسك كده؟
مصطفي:اهدي يا شمس خلينا نعرف نفكر
شـمــس بزعيق:منتظرين ايه مني لما اعرف ان اختك حامل من زميلها الي اتجوزته من ورانا....ازغرط ولا افرق شربات
مصطفي:طب والي انتي بتعمليه ده هيحل حاجة؟
شـمــس بانندهاش:يحل؟؟؟؟يحل ليه؟؟؟هو مش هيتجوزها ولا ايه؟
الكل سكت ومصطفي حط وشه في الارض
شـمــس:افهم انا ايه بقي من سكتكوا ده؟
سلمي بارتباك:مهو....مهو
شـمــس باندهاش:مهو ايه؟؟ما تنطقي؟
سلمي ببكاء وخجل:مهو مش عايز يعترف ولا بجوازنا ولا بالجنين
شـمــس فضلت مبرقة من الصدمة
شـمــس بزعيق:كمان...كمان؟؟؟
مصطفي:مهو انا من الصبح بقولك اهدي علشان نعرف نفكر
شـمــس وهي بتهدي:ال......الواد ده رقمه ايه؟؟ساكن فين؟؟
سلمي بارتباك:غير رقمه لاني حاولت اتصل بيه تاني معرفتش ومعرفلوش عنوان
شـمــس:الله .....الله عليكي يا حبيبة اختك...يعني ايه؟؟يعني الواد ده منعرفلوش طريق جره؟؟
سلمي وهي تهز راسها نافية في حزن:لا
شـمــس بزعيق:طب....طب وبعدين ؟؟؟والعمل؟؟الواد ده لازم نجيبه قبل ما بطن البت دي تكبر...انتي في الكام دلوقتي؟
سلمي بخجل:الاول
شـمــس بغضب مكتوم:امممممممم الاول....والاول هيجر الثاني والثالث والتاسع وتولدي واحنا منش عارفين ابوه فين ولا بيعمل ايه؟
مصطفي:ياشمس متبقيش متشائمة كده اكيد باذن الله ربنا هيعطرنا فيه وهيكتب عليها
شـمــس:يا خالي انت جي تحلم هنا ...هنلاقي الزبالة ده فين؟اذا كنا ولا عارفين رقمه ولا عنوانه
مصطفي بذكاء:من اسمه
شـمــس:اسمه؟؟؟صحيح هو اسمه؟
مصطفي وهو بيفتكر:اسمه....اسمه...ايوة افتكرت اسمه "ماجد محمود يحيي"
شـمــس:اااه ماجد محمود يحيي...طب اسمعوا .....ورقة الجواز معاكي مش كده؟؟
مصطفي:معايا انا
شـمــس:تمام
مصطفي:ايه هنبلغ بيها؟
شـمــس:لا طبعا احنا منقدرش نبلغ لو بلغنا فضحتنا هتبقي علي كل لسان والناس كلها هتعرف احنا نلاقي الواد ده ونحل الموضوع ودي ويتجوزها
سلمي:لا طبعا انا لايمكن اعيش مع بني ادم زي ده
شـمــس:ياختي اسكتـــــــــــي خليه يتجوزك ويداري علي المصيبة الي نيلتوها بدل ما تتفضحي وساعاتها منقدرش نقول للناس عرفي ومعرفيش
سلمي:المهم انتي ناوية علي ايه؟
شـمــس بحسم:ناوية اقلب مصر كلها علي الواد ده لحد ما نلاقيه
يرن هاتف شمس المتصل اكرم وتجيب شمس علي الهاتف
اكرم:ازيك يا شمس؟
شـمــس بخجل:الحمدلله خير في حاجة؟
اكرم:مفيش انتي بس وحشتيني قولت اكلمك
شـمــس بابتسامة:بجد؟
اكرم:اه بجد....ممكن نخرج نتعشي انهارده؟
شـمــس بفرحة:انهارده انهارده؟
اكرم:امال انهارده بكره هههه اه طبعا انهارده انهارده
شـمــس:تمام انا موافقة
اكرم بسعادة:ماشي هستناكي قدام البيت الساعة 7 ....تمام؟
شـمــس:تمام
اكرم:مقولتليش عاملة ايه في شغلك الجديد؟
شـمــس بصت يمين وشمال لان اخواتها ميعرفوش:الحمدلله
اكرم:طيب علي معادنا زي ما قولتلك....سلام
شـمــس بفرحة:سلام
وتغلق شمس الخط
شـمــس:هااا كنا بنقول ايه؟؟؟اه افتكرت....اسمع يا خالي احنا لازم ندور علي الواد ده في كل حتة منخليش اي مكان
مصطفي:حاضر انا من ناحية وانتو من ناحية وربنا يسهل....انا هستاذن بقي
شـمــس:مع السلامة ياخالي
مصطفي:مع السلامة
ويذهب مصطفي
شـمــس:اسمعي بقي يا سلمي انتي مفيش خروج من البيت مطلقاااااا لحد ما نلاقي الواد ده ومتتكلميش مع حد انتي فاهمة...اما بقي بالنسبة للكلية فا هروح انا وخالك نترجي العميد يمكن يرجعوكي تاني وان مرضيش هحولك جامعة تانية وتعيدي السنة وخلاص
سلمي باعتراض:يعني ايه بقي؟يعني هتحبسيني في البيت؟
شـمــس بعصبية:اه هحبسك في البيت...واظن كلامي واضح...يلا كل واحدة علي اوضتها
وتذهب شمس في غضب.....
اكرم في الشغل
بعد ما قفل مع شمس
نادر طبعا سمع المكالمة كلها
اكرم وهو قاعد فجاة جاله تليفون تاني
اكرم بارتباك:معلش يا جماعة معايا تليفون مهم ....عن اذنكوا
نادر كان قايم رايح مكتب مكان ما اكرم واقف بالصدفة فا سمع المكالمة دي
اكرم:ايوة ايوة كله تمام زي ما اتفقنا بالظبط انا طيرتها من الشركة وعملت الي المطلوب المشكلة بقي ان الشركات المتضررة من تسريب اظرف العطا مش ساكتين
المتصل:...................................
اكرم:تمام انا وصلني من شركة مصلحي شعلان 50 الف جنيه بس طبعا مقدرش احطهم في البنك دلوقتي علشان الشبوهات
المتصل:.....................................
اكرم:لالا متقلقيش انا شوفتلها شغل في شركة تانية بعيدة عن الشركة دي خالص,خلاص شمس بقت معايا وبعدت عن السكة كده كل حاجة اتحلت
المتصل:........................................
اكرم:نتقابل؟؟؟امتي؟؟
المتصل:....................................
اكرم:حالا يعني؟؟امتي؟
المتصل:....................................
اكرم:خلاص تمام اتفقنا....سلام
نادر سمع المكالمة دي وهو مبرق ومصدوم ومش مصدق الي سمعه وانه فعلا ظلم شمس وشمس دلوقتي في خطر
نادر في سره:معقولة؟؟؟؟معقولة اكرم هو الي سرب العطا واخد رشوة علشان يرفد شمس ويطلب يرتبط بيها من غير ما ترفض؟؟؟طب ليه؟؟ومين الي كان بيكلمه ومشترك معاه في المؤامرة دي؟؟طب ولو ده حصل يبقي حصل ازاي؟؟
Flash back>
شمس طلعت اظرف العطاء من الدرج علشان تطمن انهم موجودين واكرم هيبص علي الاظرف باهتمام
نادر وهو بيقوم:معلش يا اكرم انا هروح الحمام
اكرم:هااا ماشي اتفضل
يذهب نادر
زميل اخر:شمس المدير عايزك في مكتبه جوه
شـمــس:حاضر جاية معاك اهو
وتذهب شمس
بعد ما يمشي نادر وتمشي شمس اكرم عينه مش هتتشال من علي الدرج وفجأة هيلاقي المفاتيح ويطلع صلصال من جيبه بسرعة ويعمل نسخة علي مفتاح الدرج ويحطها تاني في جيبه بسرعة
اكرم هيتفت هيلاقي نادر وراه
نادر بشك:انت واقف هنا بتعمل ايه؟
اكرم بارتباك:هاااااا لا ابدا عادي يعني...يلا بقي نطبع الفيلات
نادر بشك:يلا
اكرم يروح يقعد علي المكتب
اكرم في سره:خلااااص كده تمام نسخة من درج المكتب الي فيه اظرف العطاء معايا خلاص وكله في السليم
Back◄
نادر في سره:معقولة؟؟؟؟لالا انا لازم اتاكد بنفسي ....انا لازم اعرف مين الي سلطه يعمل كده؟
نادر رجع تاني مكتبه
نادر:شريف معلش هتاخدلي اذن بسرعة علشان لازم اخرج حالا
شريف:الله ايه حكايتكوا بالظبط...اكرم اخد اذن وانت هتاخد اذن امال اانا الي هشيل الشغل ده كله علي دماغي
نادر وهو بيقوم وبياخد حاجته:معلش يا شريف مستعجل .....سلام
ويذهب نادر
نادر فضل ماشي ورا اكرم بالعربية لحد ما وصل لكافيه
نادر لبس نظارة شمس وقعد في ترابيزة قريبة من ترابيزة اكرم
اكرم قاعد مستني شخص معين يجيله
وفجاة ياتي شخص ما ويجلس علي ترابيزة اكرم
نادر في صدمة:انا مش مصدق عنيا معقول يكون................................................