حبي مثل المتاهه

البارت الثامن

وفجأة سلمي تفتح الباب وتدخل بارتباك وقلق شديد
"مساء الخير يا شمس"
شـمــس بغضب:كنتي فين يا هانم لحد دلوقتي؟وقافلة تليفونك ليه؟
سلمي بارتباك:كنت.....كنت ..كنت في الكلية والتليفون فصل شحن
شـمــس:وهو في محاضرات لحد الساعة 8 بردو؟؟
سلمي:المواصلات زحمة اعمل ايه؟
سلمي وهي ماشية ورايحة لاوضتها
شـمــس:اقفي عندك انا لسه مخلصتش كلامي
تلتفت سلمي
"خير عايزة ايه؟"
شـمــس وهي جاية عندها:ايا كان عذرك متتاخريش بره البيت تاني مش هقولك علشان كلام الناس بس....علشان انا مقلقش عليكي
سلمي:ماخلاص بقي يا شمس فكك من تعاملك معانا علي اننا اطفال احنا دلوقتي كبرانا وكل واحد حر
شـمــس:لا طول ما انتوا لسه قاصر انا الوصية عليكوا وحتي لو عديتوا سن ال21 هفضل بردو الوصية عليكوا امال يعني هي سايبة؟؟
سلمي:شمس ارجوووكي انا راجعة فاصلة علي الاخر خلي محاضرتك دي بقي بكره
سلمي هتسيبها وتمشي وتدخل الاوضة
شـمــس:ماشي يا سلمي
رضوي:يعني كان لزومها ايه الغاغة دي كلها مهي رجعت اهي وخلاص
شـمــس:بت أنتِ لسه صغيرة متتدخليش في الكلام ده ويلا أنتِ كمان علي اوضتك
رضوي:يوووو حاضر
وتذهب رضوى
رضوي وسلمي في غرفتهم
سلمي:يوووو انا زهقت لحد امتي هتفضل تعاملنا زي الاطفال
رضوي:معلش بقي خلاص أنتِ عارفاها بتطلع تطلع وتنزل علي مفيش
سلمي:خلاص ميهمش
رضوي وهي بتغمز:بيني وبينك كده....أنتِ كنتي فين؟
سلمي:وأنتِ مالك بقي؟
رضوي:اصلك اول مرة تتاخري
سلمي:ملكيش فيه بقي
رضوي:براحتك مسيري هقررك
سلمي:امشي يابت من هنا

في منزل نادر
بعد ساعتين
نادر بغضب:يعني هيكون اتاخر ليه؟؟محاضراته بتخلص 6 او6ونص بالكتير والبيه قافل موبايله
معتز:معلش الغايب حجته معاه
نادر بغضب:اما نشوف اخرتها بقي معاه
ماجد يدخل من الباب
ماجد:مساء الخير
نادر بعصبية ونرفزة:ما لسه بدري يااستاذ
ماجد:معلش كنت بذاكر عند واحد صاحبي
نادر بنظرة عدم التصديق
"اتفضل علي الاوضة ومتكررش تاني والا مش هتدخل من باب الشقة"
ماجد:هو انا عملت ايه يعني لكل ده؟
نادر:كلم اخوك الكبير عدل احسلك
ماجد:انا مغلطش ممكن افهم بقي عملت ايه.؟
نادر:الساعة كام في ايدك؟
ماجد:10
نادر بجفاء:وانت محاضراتك بتخلص كام؟
ماجد:خلاص معلش يا نادر انا اسف مش هتحصل تاني....تصبح علي خير
معتز:معلش يانادر يمكن اتاخر في المذاكرة شوية
نادر:ماشي...تصبحوا علي خير

في اليوم التالي نادر وصل شغله وعمال بيدور علي شمس في مكتبها ورانا هتلاحظ
رانا بابتسامة خبيثة:لسه موصلتش يا باشمهندس
نادر:هاااا هي مين؟
رانا:الي بتبص ناحية مكتبها
وفجأة توصل شمس وهي لابسة طقم شيك اوي عبارة عن بلوزة رصاصي وجيبة قصيرة سودا
نادر اول ما هيشوفها هيتنح وهيبتسم وهي هتلاحظ وهتبتسمله وفجأة يلاقي اكرم زميله بيبص عليها ومعجب بشكلها اوي فا هيتغاظ اوي ويروحلها
نادر:ايه الي أنتِ لابساه ده؟
شـمــس:ماله؟؟وحش؟؟
نادر:مش الفكرة بس اللبس ده مينفعش هنا وبعدين بصراحة شكلك في اللبس التاني احلي
شـمــس:بجد؟
نادر بابتسامة:اه بجد
شـمــس:طيب تمام
نادر بهمس:صحيح عملتي الي اتفقنا عليه
شـمــس:ايوة كلمت فرغلي وعزمته زي ما قولتلي
نادر:قالك ايه؟
شـمــس:وافق طبعا
نادر:تمام انا هعدي عليكي في نفس المعاد
شـمــس:طب بس فهمني ليه؟
نادر:هتفهمي كل حاجة في وقتها
وفجأة نيرة تدخل عليهم وهما بيتوشوشوا
"الله الله انت عمال تتساير مع الهانم دي في ايه؟"
نادر:هااا لا مفيش بنتكلم في شغل المفروض ان احنا زمايل
نيرة:طيب يا نادر يا حبيبي تعالي بقي معايا
نادر:حاضر
شمس زعلت وزي ما تكون اتحرجت وراحت علي مكتبها ونادر ونيرة ساحباه عمال يبص لشمس وكانه بيعتذرلها
ماجد وسلمي في الجامعة
سلمي:بعد كده انا مش هقدر اتاخر معاك تاني يا ماجد
ماجد:عارف اكيد اختك بهدلتك علي فكرة انا كمان اخويا بهدلني
سلمي:طب والعمل احنا كده مش هنعرف نتقابل خااالص
ماجد:متقلقيش اكيد ليها صرفة دلوقتي بقي قوليلي ..بتحبيني؟
سلمي:طبعا يا ماجد
ماجد:وانا كمان بحبك اوي يا سلمي
سلمي:انا مستعدة اصبر معاك لحد ما تتخرج زي ما قولتلي وبعدها نتجوز بقي
ماجد:طبعا طبعا امال ايه
سلمي:طيب يلا بقي انا مش هحضر حاجة انهارده علشان نقعد مع بعض
ماجد:طب ومحضراتك؟
سلمي:تولع مش مهم مجتش من يوم انا هرجع في معاد المحاضرات عادي ولا من شاف....
ماجد:ولا من دري ...ماشي ياستي عجبتني دماغك يلا بينا