SATAN [Completed]

SATAN-L

(Unicode)

သူအခုထိ မနိုး​သေးဘူး။ ကျ​နော်​လည်း
မထချင်​သေးဘူး။ ကျ​နော်​နိုး​နေပြီဆို​ပေမဲ့ သူနဲ့ဒီ
အတိုင်း ဖက်​လျက်​လေး​နေချင်​တုန်းပဲ။

ဘာမက်​မောမှု့မှ မပါတဲ့..... ဒီအချိန်​လေး​တွေမှာ
ကာလယန္တရားဆိုတာကြီးကို ရပ်​ထားချင်​လိုက်​တာ။

ကျ​နော်​မချမ်း​ပေမဲ့ ပူ​နွေးစွာ ဝင်လိုက်​ထွက်​လိုက်​ဖြစ်​နေတဲ့ သူ့နှာသီးဖျားဝနားကို....... မသိမသာတိုးရင်းပါး​မော့ထားမိတယ်​။

အား....အသဲ​တွေယားလို့​သေမှာပဲ။

တစ်​မျှင်​ချင်းစီ​တောင်​မြင်​နေရတဲ့ သူ့မျက်​
​တောင်​နုနု​တွေက နက်​မှောင်​ပြီး လှလွန်းတယ်​။
ပိပိရိရိအနားသတ်​လိုင်း​တွေ​ကောက်​ကြောင်း
ညီညီဆွဲထားတဲ့ နှုတ်​ခမ်း​လေးက အ​ပေါ်ကို
​ရေး​ရေး​လေး လန်​လို့ ။ နှာ​ခေါင်းချွန်​ချွန်​မှ
စ၍ ဟိုးအ​ပေါ်ဆုံး နဖူး​ပြေ​ပြေနားအထိ တတိတိဝဲကျ​နေတဲ့ သူ့​မွှေးညှင်းနုနု​တွေ.......

ဒီ​လောက်​ချောတဲ့သူ ....မဟုတ်​သေးဘူး။
ကျ​နော်​က ချစ်​လို့​ချော​တယ်​မြင်​မိတာ
ဖြစ်​မယ်​။ မဟုတ်​သေးဘူး...မချစ်​ခင်​ကတည်းက
​ချောတယ်​လို့​တွေးခဲ့ဖူးတာကို......

ဒါလည်း မဟုတ်​သေးဘူး။ မုန်းတယ်​ဆိုပြီး
အရူးချီးပန်း​လျှောက်​ပြောကတည်းက​သူ
​ချောတာကို အသိအမှတ်​ပြုခဲ့မိတာ။

အွန်​...ဒါကမှ ပိုမဟုတ်​တာ။ သူ​ချောတာကြီးကို
စိတ်​ပေါင်းစုံလွန်​ဆွဲပြီး အ​ငြင်းအခုံလုပ်​နေ
ကတည်းက ကျ​နော်​မဟုတ်​တော့တာ။
​

ရှုပ်​နေတာပဲ....တကယ်​ကိုယ့်​ကို​ကိုယ်​တောင်​
အမြင်​ကတ်​လာတယ်​။

အဲ့တာအသာထား ...ဒီအတိုင်းကြီး​နေလို့
မဖြစ်​သေးဘူး။ သူနိုးလာရင်​ယုန်​ထင်​ကြောင်​ထင်​ဖြစ်​ပြီး အရှက်​ကွဲ​နေမှ ကိုယ်​ကျိုးနည်းမှာ။

အသက်​နည်းနည်း​အောင့်​ကာ ကျ​နော့်​အ​ပေါ်
ခွထား​သော သူ့​ခြေတံရှည်​ရှည်​ကို ဖြည်းဖြည်း
ချင်းဆွဲဖယ်​လိုက်​တယ်​။