SATAN [Completed]

SATAN-M

(Unicode)

ကံ​ကောင်း​ထောက်​မစွာဖြင့်​သူ ကျ​နော့်​ကို အချိန်​မှီ​တွေ့၍ ဘာမှမဖြစ်​ခဲ့​သော်​လည်း သူ့အမူအယာ​တွေက​ကျေနပ်​ပုံမ​ပေါ်။
တမင်​သက်​သက်​ဇာတ်​လမ်းဆင်​ထား​သော
လုပ်​ဇာတ်​တစ်​ခုဖြစ်​နိုင်​ကြောင်း သူ​ပြောလာ​တော့ ကျ​နော်​စိတ်​ထင့်​မိ​ပေမဲ့ အကျယ်​အကျယ်​
ဖြစ်​မှာစိုး၍ ထိုကိစ္စကို ဘယ်​သူ့မှ ပြန်​မ​ပြောရန်​
ကျ​နော်​တားခဲ့သည်​။

​ပြောလည်း သူကလွဲပြီး ဘယ်​သူ့မှအဖက်​မလုပ်​တဲ့ဘဝ​လေ။တိုက်​ဆို​င်​မှု့တစ်​ခုခု​ကြောင့်​လည်း
မှားနိုင်​တယ်​မဟုတ်​လား။

ဧည့်​ရိပ်​သာတစ်​ဆောင်​တည်းဖြစ်​ပေမဲ့ သူနဲ့
ကျ​နော့်​အခန်းက အ​တော်​အတန်​တော့​ဝေးသည်​။ ဒါ​ပေမဲ့ ကျ​နော်​ရှိရာကို သူမကြာခဏလာပါတယ်​။ ကိုယ့်​အလုပ်​နဲ့ ကိုယ်​မို့​တွေ့ရုံ​လောက်​သာ​တွေ့နိုင်​ပြီး​ရွှေ့​ပြောင်းကိစ္စ​တွေနဲ့မို့ အချိန်​မရှိ​သော ကျ​နော့်​ကိုလည်း နားလည်​ပေး​သေးသည်​။

သူ​.....​တော်​တော်​ကြီး​ပြောင်းလဲ
လာတယ်​ဆိုရမှာ​ပေါ့။

စက်​ရုံဆီသို့အသွား .....ဧည့်​ရိပ်​သာရှိ စက်​ဘီး
ငှါးရာဌာနတွင်​စက်​ဘီးငှါး​နေတယ်​ထင်​ရ​သော
သူ့ကို​တွေ့​တော့ အခုထိ ဘယ်​နေရာမှ ကျ​နော်​
လိုက်​မပို့ရ​သေးမှန်းသတိရပြီး အားနာလိုက်​တာ။

​တွေ့​နေမှ​တော့ ဒီအတိုင်းထွက်​သွားလို့လည်း
မ​ကောင်း......ဟန်​ပြ​လေးပဲဖြစ်​ဖြစ်​နှုတ်​ဆက်​မှ​ပေါ့။ သူက ကျ​နော့်​ကြောင့်​ဒီမြို့ကို​ရောက်​လာရ​တာ​လေ။
အဲ့​နေ့က မနက်​ဖြန်​မှလာမယ်​ဆိုပြီး ကျ​နော့့်​ကိုအံ့သြ​စေချင်​၍ ချက်​ချင်း​ရောက်​ချလာ​သောသူ​ကြောင့်​သာ ဧည့်​ရိပ်​သာတွင်​ကျ​နော်​
မရှိ​ကြောင်းသူသိပြီး စက်​ရုံသို့လိုက်​လာ၍
ကျ​နော့်​ကို ကယ်​နိုင်​ခြင်းပင်​။
မဟုတ်​ရင်​တကယ်​မ​တွေးရဲစရာ .....

​တွေးမ​နေ​တော့ပါဘူး​လေ။ မ​တော်​တဆဆိုတာ ဒီလိုပဲဖြစ်​တတ်​တဲ့ဟာ.....

သက်​ပြင်း​ငွေ့​ငွေ့ချရင်း သူရှိရာသို့ ကျ​နော်​
​လျှောက်​လာစဉ်​တစ်​စုံတစ်​ယောက်​နဲ့
ဖုန်း​ပြော​နေသည်​ကို မြင်​၍ အရင်​မ​ခေါ်​သေးဘဲ
သူ့​နောက်​နားမှာ ရပ်​နေလိုက်​တယ်​။