Chasing Hell (PUBLISHED)

Chapter 10

Chapter 10: Enjoy

Zein's Point of View

Tumingala ako para tignan ang mga bituwin sa langit na animo'y kumukutitap. Lumabas ako sandali para magpahangin. Nanunuod ng T.V sina mommy at ate sa loob habang si dad naman ay nasa office room nya rito sa bahay.

Napapikit ako at napangiti nang yakapin ako ng malamig na hangin ng gabi. Pinanatili ko ang pagkapikit ng mga mata ko para damhin ang paligid. I miss him...

Ano kayang ginagawa nya ngayon?

Nakakunot ang noo habang nag-aayos ng mga papel? Seryosong nakikipag-usap kay Raze? Nakikipag deal sa mga partner nila sa negosyo? Damn it!

Iminulat ko ang mata ko at pinagmasdan ang christmas tree ng bahay namin na nasa gilid. Nakakatulala ang pagpatay sindi ng mga iba't-ibang kulay ng ilaw nito. The christmas is getting near and I want to spend it with my whole family and of course... with him.

Napangiti ako nang maalala 'yong unang pasko na nakasama ko si Ace na halos buhusan ko ng tubig para lang bumangon para sa noche buena.

"Ace..."

"Hmmm?"

Ngumuso ako dahil binalot nya ang sarili nya ng kumot. Dito na sya pinatulog ni daddy dahil delikado kung magbibyahe pa sila ng alas dose para pumunta rito dahil napag-usapan na namin na dito sila magpapasko ni Raze na nasa labas na at humahalakhak.

"Ace! Pasko na! Wake up!" Gigil na wika ko.

Hinila ko ang comforter nya na ikinanguso nito. Napangiti ako nang unti-unting minulat nito ang kanyang mapupungay na mata. Kinusot nya ang kanyang dalawa mata at nagtatakang tumingin sa akin.

"Why?" Tanong nito.

Hinambalos ko sya ng unan sa mukha na ikinatawa nya. Bumangon sya at umupo sa harapan ko.

"Noche buena..." wika ko. "Merry christmas." Bulong ko.

Tumingin ito sa wall clock. "Twelve o'clock? Pasko pa rin naman kapag alas otso ako gumising ah?" Reklamo nito.

Napapadyak na lang ako sa pagkadismaya. UGH! Buti pa si Raze. Hindi natulog at buong magdamag na humahalakhak habang kakwentuhan si daddy.

"Ewan ko sa'yo..."

Tumalikod na ako at aktong aalis na nang hawakan ang kamay ko at hilain ako para yakapin. Namula ako habang dinadama ang katawan nyang nakabalot sa akin.

"Merry christmas, darling..."

Napapikit ako nang taniman nya ako ng halik sa noo. This is damn ugh sweet and uhmmm... I love it.

Napabalikwas kami ni Ace nang pabagsak na binuksan ang pinto. Iniluwal nito si ate na nakataas ang kilay.

"Akala ko gigisingin mo lang sya? Why are you hugging each other?"

Namula ako at bumangon sa kama para ayusin ang damit kong nakagusot. Ang lakas talaga ng pandama ng babaeng ito, parang alam nyang may mangyayaring ganito para tutulan nya.

Sumilip sa likod nya si Raze na may hawak na hotdog na nakastick. May santa claus hat pa sya sa ulo at nakangisi.

"Merry christmas!" Sigaw nya kaya mabilis na tinapalan ni ate ng kamay nya ang bibig nito.

"Sshhh... Shut up, hindi ako nakatulog sa tawa mo."

Inis na naglakad ito palayo at mabilis na sinundan naman sya ni Raze na humahalakhak. Napailing na lang ako at tinapunan ng tingin si Ace na nagliligpit ng pinaghigaan.