Chasing Hell (PUBLISHED)

Chapter 30

WARNING: May pagka SPG ito. Patnubay ni Supremo ang kailangan. lol

Chapter 30: Hard

Matthew's Point of View

Nakatingin lang kami kay Zein habang nagkukwento sya. Kahit papaano ay nauunawaan ko na ang biglaang pagkawala ni Dave.

"That's it." pinitik ni Vanessa ang kanyang daliri. "Kaya pala parang nakita ko na sya dati ngunit pinagsawalang bahala ko lang." sabi nito.

"May balita na ba tungkol sa kanila?" Jerome asked. "Baka kung ano ng nangyari sa kanila. I know Tito Yuan, 'pag sinabi nya ay kailangang masunod." nag-aalalang sabi pa nito.

Napasandal na lang ako dahil nag-aalala rin ako. Si Tito Yuan, na tatay ni Mia ay isang striktong ama. Saksi kami sa kung gaano sya kahigpit sa kanyang nag-iisang anak. Mahihirapan si Dave na makipag-usap sa kanya.

"Wala. Hindi ko alam kung anong nangyari." malungkot na paliwanag ni Zein. "But, we have to trust them. Hindi nila hahayaang mabuwag sila." pilit na ngumiti ito para patahanin ang nararamdaman.

Alam kong pinatatag na sila ng mga pinagdaanan namin. Pero, hindi lang basta-basta ang kalaban nila. Pamilya ni Mia. Tama si Zein, kailangan na lang naming magtiwala sa kanila. Sana lang ay maging maayos na ang lahat.

"Saan ka galing?" nagulat kami sa tanong ni Jerome kay Zein.

Nakita ko ang pasimpleng pagsiko ni Vanessa kay Jerome dahil sa sinabi nito. Mukhang nahimasmasan si Jerome kaya nakita ko ang pagdaan ng guilt sa kanyang mukha.

Napatingin ako kay Zein na kalmado lang. Wala kang mababakas na pagkabigla sa kanya.

"I mean... Bago ka pumunta rito sa café. Saan ka muna nanggaling?" bawi nito.

Napangisi ako sa mga inaasta nila.

Hindi ko na pinansin ang mga ito nang magvibrate ang phone ko sa bulsa. Kinuha ko ito at tumambad sa akin ang isang text message.

From: Anghel ng buhay ko

"Babe. Where are you? Susunduin kita."

Mabilis na nagtipa ako ng isasagot sa kanya.

"Ako na ang pupunta. Saan ka?"

Sent

Hindi ko alam kung anong ginagawa ko. Nakikipaglaro lang ba ako sa kanya? Hindi ko rin alam kung seryoso talaga sya sa akin o trip nya lang. Kung ako ang tatanungin ay wala akong ibang nararamdaman sa kanya kundi ang kaibigan lang.

Ilang beses kong sinabi sa kanya 'yon ngunit tinatawanan nya lang ako.

Tumayo na ako nang mareceived na ang reply nya. Napatingin sila sa akin.

"May lakad ka?" tanong ni Vanessa.

Nakita ko naman ang pasimpleng pagngisi ni Jerome. "Lagi namang may laka---" siniko ko ito na ikinatawa nya.

Naningkit ang mata ni Zein kaya alam kong magdududa na ito. "May inililihim ka sa amin?" she asked.

"Ako ba?" turo ko sa sarili ko.

Napatingin ako kay Vanessa bago tuluyang lumabas ng café na 'yon. Hindi pala ako pumasok kanina kaya malamang na makikibalita na lang ako kay Ace.

Mabilis na pinaharurot ko ang sasakyan ko papunta sa lugar na sinasabi ni Angel. Ano ba kasing ginagawa nya sa Baguio? Anong trip nya at doon na naman ang nais nya.

Muling nagvibrate ang phone ko kaya kinuha ko ito sa bulsa ko.

"Faster, babe. Excited to see you."