Have I Told You (PUBLISHED BY POP FICTION)

Chapter Twenty Eight

Chapter Twenty Eight

Hindi lang si mommy sexy ang nawala, pero pati na rin ang daddy ni Eisley. They both died at mommy sexy's restaurant/house. Apparently, may dalawang properties pa pala na hindi binigay si mommy sexy. Their resto/house in Cebu and Effor, the property we're using for our shop.

Sinabi lang ni mommy sexy na property ni tita Berna 'yun para hindi mag taka si Eisley kung paano nakuha ni mommy sexy yung bahay na ginagamit namin.

What breaks me is that she knew it would happen to her. Nag-iwan kasi siya ng letter kay tita Berna.

To Berna,

Alam ko ang dami ko ng utang na loob sa'yo kaya nga nahihiya ako ngayon dahil ang dami kong pabor na hihingin sa'yo. Unang-una sa lahat, sana i-tago mo 'to kay Eisley. Ayokong malaman niyang alam kong mawawala ako. Pangalawa, please take care of my boy. Alam kong hindi mo siya papabayaan, but he's a good boy. You don't need to do anything, but guide him. Magiging mahirap, pero alam kong kaya niya. Ngayon pa't may girlfriend na siyang mahal na mahal siya.

Berna, I don't have much time left. I'm sorry to be a burden, but I really need you. Alam mo kung gaano ka-importante sa'kin yung bahay namin sa Cebu at yung i-binigay ko kila Eisley. Hindi ko 'yun kayang i-bigay kay Bien. Ayokong i-benta niya 'yun para sa kabit niya dahil ako ang nag hirap nun. Dugo't pawis kong binuo 'yun para sa aming dalawa ng anak ko.

Nahihirapan ako na sa tuwing umuuwi si Eisley, lagi siyang pagod at wala akong magawa dahil gusto niya akong bigyan ng magandang buhay. Ayoko na rin maging pabigat sa kanya at kahit ayoko siyang iwan, kailangan. Araw-araw, pinapadalan ako ni Bien ng death threats. Nalaman niyang bumalik na kami sa Manila. Nalaman niyang kumikita ang business nila Eisley at Tyrese. Natatakot ako na madamay pati kayo kaya mas mabuti pang tapusin ko na ang lahat.

I will kill him, Berna. If he tries to kill me, I will kill him. At kung nababasa mo 'to ngayon, ibig sabihin, hindi ko na kayo kasama. Sana sa pagkawala ko, naging matagumpay ako. Sisiguraduhin ko na pag nawala ako, mawawala rin si Bien. Hindi niya pwedeng saktan ang anak ko. Lahat ng pera at properties na mayroon kaming dalawa, mapupunta kay Eisley. Wala na rin magiging problema. Hindi na ako matatakot na may mangyaring masama sa inyo dahil mawawala na siya. Mawawala na kami ni Bien.

Marami akong kaibigan, pero ikaw lang ang kaya kong pagkatiwalaan. You are like a sister to me, Berna. Mahal na mahal ko kayo. Sana h'wag ninyong papabayaan ang mga sarili ninyo.

Yung mga importanteng dokumento, nakalagay sa vault ko. H'wag kang mag-alala dahil iniwan ko yung bukas. The properties and my recipes are there. Ikaw na ang bahala kung gusto mong i-tuloy ang restaurant.

Naging masaya ako, Berna. Hindi ako nagsisinungaling. H'wag niyo sanang isipin na puro hirap lang ang pinagdaanan ko. Salamat at nandiyan kayo dahil pinagaan niyo ang buhay ko. Maraming, maraming salamat. At patawad. Patawad sa lahat.

Love,

Juliet Padiozo

Dahil hindi annulled ang parents ni Eisley, mapupunta sa kanya lahat ng properties at pera ng parents niya. Tita Berna told me that his dad's a millionaire. Dahil maraming binenta yung daddy niyang properties, lahat ng pera, mapupunta kay Eisley. He has now 5 properties and tons of money.

I can only feel scared for him. Eisley doesn't like 'too much'. Baka hindi pa niya alam na ganun ang mangyayari. Ayaw rin naman sabihin dahil alam namin ni Tita Berna na hindi pa siya ready.

Pero alam naman niya yung nangyari sa daddy niya. Alam na niya na noong sinaksak ng daddy niya ang mommy niya, his mom had a gun and shot his dad.