A Story Of Heaven And Hell [COMPLETED]

Chapter 3

Meron na 'kong naisip sa gagawin namin'g booth. I hope na magiging exciting para sa kanila.

" Heaven anak, lumabas ka na ng kwarto mo. Nandito si Hell hinahanap ka. " Sigaw ni Mommy mula sa labas.

Hindi na ako sumagot at lumabas na lang ako. Kung tutuusin hindi na namin kailangan pa na mag-usap eh. Mukhang hindi naman siya interesado sa booth.

" Hi Langit."

" Hi Langit. " pangga-gaya ko. "Hi mo mukha mo!"

" Ang aga-aga nakabusangot 'yang mukha mo. "

" Malamang, ang aga-aga nandito ka!"

" Tss! So about sa booth may naisip ka na ba?" Tanong niya, oo naman ako pa.

" Yeah, for sure ikaw wala kasi wala ka 'non. "

Wala naman talaga s'yang isip eh, maliban na lang kung paano niya pag-isipan yung mga pang-iinis niya sa'kin.

" Bakit ikaw nagba-bra pero wala ka rin'g ano."

Aba't! 'Yan ang hirap eh, ang hilig nilang mamersonal.

" Oh ba't ikaw nagbi-brief ano trip mo lang?"

Natawa ako sa expression ng mukha n'ya, pfff... bigla kasi s'yang namula.

" Tara na nga!"

" Hahaha! Pikon."

Nakangiti akong sumakay ng kotse dahil feeling ko nanalo ako sa kan'ya. Akala niya ha. Maliit man yung hinaharap ko, maliit naman yung baba n'ya.

Maliit nga ba?

Oo, kunwari maliit. Ayoko naman kasi na sabihing malaki 'yon. Baka lumaki yung ulo. I mean, lumaki yung ulo niya. Tss! Basta lalaki yung ulo niya.

Ang saya talagang mag-drive. Buti nalang nautakan ko si Manong. Sabi ko kasi sunduin niya si Daddy sa office tapos yung kotse ni kuya yung gagamitin hihi.

Tumingin ako sa side-mirror at kita ko nga yung kotse ni Hell na kulay dark-red. Mukhang bagong car wash ah.

Iniliko ko yung kotse dahil may putik. Knowing Hell, masyado siyang mabilis mag-paandar ng sasakyan.

Inihinto ko ang kotse at muli siyang sinilip sa side-mirror. Napangisi ako nang lumabas siya at panay mura ang nasasambit n'ya.

Pa'no ba naman kasi, tumalsik sa kotse niya yung tubig na may halong putik at sigurado ako na bagong linis yung kotse niya.

Hihi! Isang puntos ulit para sa'kin.

------

" Horror booth talaga yung naisip ko. Ewan ko lang kay Hell kung ano yung naisip n'ya. "

Nandito kami ng mga kaibigan ko sa classroom. Nakapaikot yung upuan namin para makapag-usap ng maayos. Binigyan kasi kami ni Ma'am ng time niya para pag-usapan yung preparation namin para sa gaganapin na booth.

Mabuti na nga lang at umalis na yung Audrey Kim na 'yon dito sa upuan ko. Lumipat kasi siya sa inupuan ko kahapon katabi ni Hell.

Speaking of Hell. Bakit gan'on? Hindi siya mukhang badtrip ngayon. Gusto ko kasing mabwisit yung araw niya.

" Hoy Heaven, ano agree ka ba?" Tanong ni Mae.

" Saan?"

Saglit lang naman lumipad yung isip ko eh. Malay ko bang nagsasalita pala sila.

" Sa Wedding booth, nabalitaan ko kasi na may nauna na sa Horror booth eh. "

Wedding booth? Ang baduy naman. Hindi ako makakasali.