RoseBlood (..one drop fulfills a lifetime..)

~ † One Step Closer † ~

~ † One Step Closer † ~

Nagkulong si Julia sa kwarto nya pagkatapos ng meeting kanina ng mga “Warriors”. Parang hindi pa rin sya makapaniwala na sa tagal na nyang nakatira sa bahay na toh hindi man lang sumagi sa isip nya may ganung klaseng misteryo pala dito. Sa halip na takot ang maramdaman, pagkalito ang pumupuno ngayon sa naguguluhan nyang isip at pag ganitong mga panahon alam na nya kung sino ang matatakbuhan nya.

Kahit hindi sila laging magkasama dahil sa bahay nila Kath tumira si Julia habang ang tatay naman nya ay may sariling laboratory na nakalaan para sa company ng mga Fuentebella, may kakaibang bond pa din silang mag-ama na kahit hindi masyadong nag-uusap, pag nagkasama naman sila parang kayang kaya nilang maka-cope up sa isat isa.

Naisip na tuloy ni Julia na baka hindi naman talaga obsessed sa vampire stuffs ang tatay nya kundi dahil ito talaga ang trabaho nito sa Fuentebella Group of Companies. Baka sya yung tumutuklas ng kung anu-anong mga gamot na laban sa mga bampira o pangpatay sa bampira?

Napakadaming tanong sa isip nya at gusto nya lahat sabihin sa tatay nya bago pa sa kahit sino sa paligid nya. Gusto nyang kausapin ang tatay nya tungkol sa desisyon nya na sumama sa grupo bilang vampire warrior at nararamdaman din nya na may maitutulong ito para gumaan ang loob nya.

“Julia…” Mahigpit na niyakap sya ng ama pagbukas na pagbukas ng pinto. Kahit maggagabi na pinuntahan pa rin nya ang tatay nya.

“Pa…namiss kita…hmmmmm!” Mas mahigpit na yakap ang ginanti nya dito. Totoong lagi nyang namimiss ang tatay nya dahil konti lang ang oras na meron sila dati pa dahil sa pagkabusy nito sa laboratory.

“Pumasok muna tayo…malapit nang dumilim…mahirap na.” Bigla namang naging alerto ang tatay nya. Kumawala ito sa yakapan nila at luminga linga habang pinapapasok sya sa loob. Siniguro muna nitong nakakandadong mabuti ang pinto bago sya hinarap ulit.

Wala pa ring nagbabago sa laboratory. Mejo madilim, puno ng mga gulo-gulong libro ang mahabng table na nasa kaliwang gilid ng room. Sa gitna naman isang mahabang table na puno ng mga containers, cylinders at kung ano-anong mga aparato. May ibat ibang kulay ng chemicals at testing kits. Nagtuloy si Julia hanggang maabot nya ang isang maliit na pinto na nagcconnect sa laboratory at sa simpleng bahay ng tatay nya. Laboratory at the same time bahay. Yan ang buhay ng tatay nya dito.

“Kumain ka na? Anong gusto mo?” Excited na tanong ng tatay nya pagupo nila sa sofa. Halatang miss na miss din sya nito.

“Ok lang po ako…Pa, straight to the point. May alam po ba kayo tungkol sa ginagawa ng Fuentebella Group na may kinalaman sa mga bampira?” Tanong ni Julia. Napangit ang tatay nya na parang hindi man lang nagulat sa sinabi nya.

“Natutuwa ako na alam mo na. Sinabi din sakin ni Matriarch na naorient ka na ng Warriors. Hays… sa wakas… hinihintay ko tong pagkakataon na toh…” Napatingin sa bintana ang tatay nya na parang malalim ang iniisip. Kita  mula sa bintana ang papaangat na buwan sa langit.

“Alam kong iniisip mo na wala akong panahon sayo dahil maliit ka pa lagi na kong nakasubsob dito sa laboratory… ngayon maiintindihan mo na… Anak… ito ang tadhana natin. Nandito tayo para magtrabaho sa mga Fuentebella…para tulungang mailigtas ang lahi ng mga tao laban sa mga bampira na nagiging suwapang na sa kapangyarihan. Kaya ako busy lagi dahil marmi akong gustong tuklasin na makakatulong para maging payapa ulit lahat.” Matahimik na nakikinig si Julia sa tatay nya na parang nagbabalik tanaw pa.

“So…alam nyo na po na magttraining ako para maging warrior din?” Siniguro muna nya na magkakaintindihan nga sila. Tumango ang tatay nya.