Shanaya: Queen of the Fairies

Chapter 7: Training

Nakasimangot ako habang pinagmamasdan si Timothy na abala sa pagmamasid sa buong hardin ng palasyo.

Kagaya nga nang nais ng aking inang reyna, nanatili muna ito ng Xiernia. At ako, si Shanaya, ang Prinsesa ng Xiernia, at ang tanging taga-pagmana ng trono ang siyang inatasan na maging gabay ng lalaking ito habang narito siya sa kaharian namin! Unbelievable! Napairap na lamang ako at tamad na pinagmasdan ang lalaki.

"Hahaba ang nguso mo, mahal na prinsesa," biro nito sa akin noong makitang nakabasungot ang mukha ko. Inirapan ko lamang itong muli. "Halika dito," yaya pa niya sa akin. "May ipapakita ako sa'yo."

Nasa may malapit siya sa garden fountain. Kunot-noo akong naglakad papalapit sa kanya. Napansin ko namangnaging alerto ang mga taga-bantay na kasama namin ngayon sa paglapit ko kay Timothy. Nilingon ko ang mga ito at sumenyas na ayos lang. Na ayos lang na lumapit ako sa lalaking ito.

"What is it?" I asked when I reached him. Namewang ako at hinintay ang kung anong ipapakita niya sa akin.

"Is this... uhm-" Hindi niya matapos ang dapat ay itatanong sa akin kaya naman ay minabuti kong mas lumapit sa pwesto niya. At noong ilang hakbang na lamang ang distansiya ko sa kanya, mabilis akong natigilan noong mapagtanto ang kung anong nakita nito.

I smiled when I saw them. "Xiers," mahinang wika ko.

Bigla naman silang lumipad at lumapit sa akin. Nagpaikot-ikot ang mga ito sa gawi ko. Tatlo sila. Ang isa ay umupo sa kanang balikat ko samantala ang dalawa ay lumipad patungo kay Timothy na mukhang nagulat dahil napaatras ito. Natawa ako. "Relax, Timothy. They're harmless," imporma ko sa kanya habang paikot-ikot na lumilipad ang dalawang Xier sa kanya.

"Prinsesa, sino siya?" Nilingon ko ang isang Xier na nasa balikat ko. Ngumiti ako rito.

"Our visitor. From Tereshle," sagot ko dito. Kita ko ang gulat sa maliit na mukha nito. Maging ang dalawang lumilipad malapit kay Timothy ay nagsitigil at biglang lumipad patungo sa akin at nagtago sa likod ko. Napailing na lamang ako sa inasal ng mga Xier. I can't blame them. Ito ang unang pagkakataon na may bisita kaming taga-Tereshle at pinahintulutan ng reyna na manatili sa palasyo.

"Bakit sila nagtatago?" takang tanong ni Timothy sa akin. Kunot-noo niyang pinagmasdan ang mga nagtatagong Xier sa likuran ko.

"Princess, is he a bad guy?"

"Will he hurt us?"

"Princess, let's run and hide from him!"

Sa pagkakataong ito ay hindi ko na napigilang tumawa. Nakita ko ang lalong pagguhit ng pagtataka ang mukha ni Timothy. Nasapo ko ang aking tiyan dahil sa pagtawa. Mukha ba talagang masamang tao itong si Timothy? Na maging ang mga inosenteng Xier ay takot sa kanya?

"They're afraid of you, Timothy," natatawang saad ko dito at inalis ang luhang lumabas sa mata ko dahil sa kakatawa.

"Ssssshh!" Sabay-sabay na suyaw sa akin ng tatlong Xier na siyang ikinailing ko.

Humugot ako ng isang malalim na hininga at tumigil na sa pagtawa. Umayos ako nang pagkakatayo at nginitian ang mga ito. "He's not a bad guy. He's our friend," wika ko at bumaling sa nakakunot-noong Tereshlian. Napailing na lamang ako at tiningnan muli ang tatlong Xier. "Go. Bumalik na kayo sa fountain," utos ko sa tatlo at agaran naman silang sumunod sa nais ko.

"Princess Shanaya."

Natigilan ako noon may tumawag sa akin. I know that voice too well kaya alam ko na kung sino iyon. Malawak ang aking ngiti noong nilingon ko siya. "Simon," sambit ko sa pangalan niya at kinawayan pa ito. Ngunit ang ngiti sa mga labi ko ay biglang nawala dahil sa kakaibang ekspresiyong ipinakikita niya ngayon. Salubong ang mga kilay nitong nakatingin sa akin, sa amin. He looked so serious... and may I add, he looked dangerous as well. Anong problema na naman ng isang ito?