ﺑﻌﺪ ﻣﺼﻄﻔﻰ ﻓﻜﺮ ﻣﺸﻰ ﻧﺎﻡ ﻭﻗﺎﻝ ﺍﻟﺼﺒﺎﺡ ﺑﻨﺘﻔﺎﻫﻢ
ﻭ ﺃﻭﻝ ﻡ ﺻﺤﻮ ﻣﻦ ﺍﻟﻨﻮﻡ ﻣﺼﻄﻔﻰ ﻗﺎﻝ : ﻣﻬﺎ ﺳﻮﻱ ﻟﻴﻨﺎ ﺍﻟﺸﺎﻱ ﺳﺮﻳﻊ
ﻋﺸﺎﻥ ﻋﻨﺪﻱ ﻣﻌﺎﻙ ﻣﻮﺿﻮﻉ
ﻣﻬﺎ : ﺣﺎﺿﺮ
ﻭﻣﺸﺖ ﺳﻮﺕ ﺍﻟﺸﺎﻱ ﻭﺟﺎﺑﺘﻮ
ﻣﺼﻄﻔﻰ : ﻣﻬﺎ ﺍﻧﺎ ﺑﺤﺒﻚ ﻣﻦ ﺍﺣﻨﺎ ﺻﻐﺎﺭ ﻭﺍﻧﺘﻲ ﻋﺎﺭﻓﺔ ﻟﻜﻦ ﺍﻧﺎ ﻡ ﻓﺎﻫﻢ
ﺍﻧﺘﻲ ﺑﺘﺘﺼﺮﻓﻲ ﻛﺪﺍ ﻟﻴﻪ
ﻣﻬﺎ : ﻛﻴﻒ ﻳﻌﻨﻲ
ﻣﺼﻄﻔﻰ : ﻛﻞ ﻡ ﺃﻗﺮﺏ ﻟﻴﻚ ﺑﺘﺒﻌﺪﻳﻨﻲ ﻋﻨﻚ
ﻣﻬﺎ : ﺍﻧﺎ ﻡ ﻓﺎﺿﻴﺔ ﻟﻠﻜﻼﻡ ﺩﺍ ﺳﻠﻤﻰ ﺟﺎﻳﺎﻧﻲ ﺍﺳﻲ ﺑﻌﺪﻳﻦ ﺑﻨﺘﻜﻠﻢ
ﻭﻣﺼﻄﻔﻰ ﺳﺎﺑﻬﺎ ﻋﻠﻰ ﻛﺪﺍ ﻭﺑﻌﺪ ﺷﻮﻳﺔ ﺳﻠﻤﻰ ﺻﺎﺣﺒﺘﻬﺎ ﺟﺎﺕ ﻭﺍﺗﻜﻠﻤﻮ ﻛﺘﻴﺮ
ﺳﻠﻤﻰ : ﻳﻌﻨﻰ ﺑﻌﺪ ﻛﻞ ﺍﻟﺤﻜﻴﺘﻴﻪ ﺩﺍ ﻧﺎﻭﻳﻪ ﺗﻌﻤﻠﻰ ﺷﻨﻮ
ﻣﻬﺎ : ﺡ ﺍﻃﻠﻖ ﻃﺒﻌﺎ
ﺳﻠﻤﻰ : ﺍﻧﺘﻰ ﻋﻮﻳﺮﺓ ﻳﺎﺑﺖ ﻭﺍﻟﻠﻪ ﺣﺮﺍﻡ ﻋﻠﻴﻜﻰ
ﻣﻬﺎ : ﺷﻨﻮ ﻫﻮ ﺍﻝ ﺣﺮﺍﻡ ﻳﻌﻨﻲ ﻣﺎ ﺣﺮﺍﻡ ﺍﻋﻴﺶ ﻣﻊ ﻭﺍﺣﺪ ﻣﺎ ﻋﺎﻳﺰﺍﻩ
ﺳﻠﻤﻰ : ﻭﺍﻟﻠﻪ ﺧﺴﺎﺭﻩ ﻓﻴﻜﻰ ﺍﻧﺎ ﻣﺎﺷﻔﺖ ﺯﻱ ﺍﺧﻼﻗﻪ
ﻣﻬﺎ : ﺷﻴﻠﻴﻬﻮ ﻟﻮ ﻋﺎﻭﺯﺍﻫﻮ
ﺳﻠﻤﻰ : ﻳﺎ ﻣﻬﺎ ﻳﺎﺣﺒﻴﺒﺘﻰ ﺷﻴﻠﻰ ﺍﻟﺰﻓﺖ ﺍﻟﺘﺎﻧﻰ ﺩﺍ ﻣﻦ ﺭﺍﺳﻚ ﺍﺻﻼ ﻋﻤﺮﻛﻢ
ﻣﺎ ﺡ ﺗﺒﻘﻮ ﻟﺒﻌﺾ ﺍﻧﺘﻰ ﻗﺎﻳﻠﺔ ﺍﻧﻚ ﻟﻤﺎ ﺗﺘﻄﻠﻘﻰ ﺡ ﻳﻌﺮﺳﻚ
ﻣﻬﺎ : ﻭﻟﻴﻪ ﻻ !
ﺳﻠﻤﻰ : ﺍﻧﺘﻰ ﺑﺘﻔﻜﺮﻯ ﻛﻴﻒ ﻟﻮ ﻛﺎﻥ ﻋﺎﻳﺰ ﻳﻌﺮﺳﻚ ﻛﺎﻥ ﺣﺎﺭﺏ ﻣﻦ ﺍﻻﻭﻝ
ﻭﺑﻌﺪﻳﻦ ﻋﺸﺎﻥ ﺗﺒﻘﻲ ﻋﺎﺭﻓﻪ ﻟﻮ ﻛﺎﻥ ﺻﻤﻢ ﻋﻠﻴﻜﻰ ﻛﺎﻥ ﺍﺑﻮﻛﻲ ﻭﺍﻓﻖ ﻋﻠﻴﻬﻮ
ﻋﺸﺎﻥ ﺳﺎﻋﺘﻬﺎ ﻛﺎﻥ ﺡ ﻳﺤﺲ ﺍﻧﻮ ﺷﺎﺭﻳﻜﻰ ﻟﻜﻦ ﻫﻮ ﺍﺻﻼ ﺑﺎﻋﻚ ﻓﻰ ﺍﻭﻝ
ﻣﺤﻄﻪ ..
ﻣﻬﺎ : ﻣﺎ ﻋﺎﺭﻓﻪ ﻳﺎﺥ
ﺳﻠﻤﻰ : ﻻﺯﻡ ﺗﻌﺮﻓﻰ ﻭﻓﻜﺮﻯ
ﻳﺎﺑﺖ ﻭﺍﻟﻠﻪ ﻣﺼﻄﻔﻰ ﻛﻮﻳﺲ ﻭﺑﻴﺤﺒﻚ ﻭﻫﻴﺼﻮﻧﻚ ﻡ ﺗﺨﺮﺑﻲ ﺑﻴﺘﻚ ﺏ ﺍﻳﺪﻳﻚ
ﻣﻬﺎ : ﺭﺑﻨﺎ ﻳﺴﻬﻞ ﻳﺎ ﺳﻠﻤﻰ ﺍﺩﻋﻲ ﻟﻰ
ﺳﻠﻤﻰ : ﺭﺑﻨﺎ ﻳﻬﺪﻳﻜﻰ ﻳﺎ ﺻﺤﺒﺘﻰ
ﻳﻼ ﺍﻧﺎ ﺡ ﺍﻗﻮﻡ ﻣﺎﺷﺔ ...
ﻣﻬﺎ : ﻟﻴﻪ ﺧﻠﻴﻜﻰ ﺷﻮﻳﻪ
ﺳﻠﻤﻰ : ﻳﺎﺑﺖ ﺭﺍﺟﻠﻚ ﺑﻴﻜﻮﻥ ﺟﺎﻯ ﻭﺍﻧﺘﻮﺍ ﻋﺮﺳﺎﻥ ﻧﺨﻠﻰ ﻓﻰ ﺩﻡ ﺷﻮﻳﻪ ,,
ﻣﻬﺎ : ﻫﻬﻬﻬﻬﻪ ﺍﻗﻌﺪﻯ ﺳﺎﻱ ﻡ ﺑﻴﻘﻮﻝ ﺷﻲ ...
ﺳﻠﻤﻰ : ﻻ ﻳﻼ ﻭ ﺳﻠﻤﻲ ﻟﻲ ﻋﻠﻴﻪ ﺭﺑﻨﺎ ﻣﻌﺎﻛﻰ ..
ﻣﻬﺎ : ﻃﻴﺐ ﺍﻧﺘﻰ ﻧﺰﻟﺘﻰ ﺍﻟﺠﺎﻣﻌﺔ ؟
ﺳﻠﻤﻰ : ﺍﻳﻮﺍ ﻃﺒﻌﺎ ﻣﺎ ﺍﻧﺘﻰ ﻋﺎﺭﻓﻪ ﺍﻧﻬﻢ ﺑﻴﻬﺘﻤﻮﺍ ﺑﻐﻴﺎﺏ ﺍﺧﺮ ﺳﻨﻪ ﺑﺎﻟﺬﺍﺕ
ﻣﻬﺎ : ﻃﻴﺐ ﻭﺍﻧﺎ ﺡ ﻋﻤﻞ ﺷﻨﻮ
ﺳﻠﻤﻰ : ﻻ ﻣﻦ ﺍﻟﻨﺎﺣﻴﻪ ﺩﻯ ﺍﻃﻤﻨﻰ ﺍﻧﺎ ﻗﺪﻣﺖ ﺍﻋﺘﺬﺍﺭ ﻟﻠﺪﻛﺘﻮﺭ ﻭﺑﺎﻋﺘﻠﻚ
ﺍﻟﺴﻼﻡ ﻭﺍﻟﻒ ﻣﺒﺮﻭﻙ ﻛﻤﺎﻥ
ﻣﻬﺎ : ﻫﻬﻬﻬﻬﻬﻬﻬﻬﻪ ﻃﻴﺐ ﺍﻟﺤﻤﺪ ﻟﻠﻪ ﺧﻠﻰ ﺍﻟﺴﻨﻪ ﺩﻯ ﺗﻌﺪﻯ ﻉ ﺧﻴﺮ ﻭﻧﺘﺨﺮﺝ
ﺧﻼﺹ
،،،،،،،،،،،،،،،،،،،
ﻣﻠﺤﻮﻇﻪ ؛
_ ﻣﻬﺎ ﻭﺳﻠﻤﻰ ﻭ ﺳﺎﻟﻰ ﺍﺻﺤﺎﺏ ﻣﻦ ﺯﻣﺎﻥ ﻭﺩﺧﻠﻮﺍ ﺍﻟﺠﺎﻣﻌﺔ ﻣﻊ ﺑﻌﺾ ,
ﻛﻠﻴﻪ ﺩﺭﺍﺳﺎﺕ ﺗﺠﺎﺭﻳﺔ _ ﻭ ﺳﺎﻟﻰ ﻋﺮﺳﺖ ﻭ ﻣﺴﺎﻓﺮﻩ ﻣﻊ ﺭﺍﺟﻠﻬﺎ ...
يتبع...
