مصطفى طلع ومشى الاوضة التانية وكان مصدوم وقعد على الكرسي وبقى يفكر ليه اتغصبت علي؟؟
وليه ابوها يعمل كدا؟؟
انا طول عمري بحبها ومنتظر اليوم دا يجي ب فارغ الصبر
اليوم الاشوفها مرتي وبحلم نسوي اسرة مع بعض ونكون ب اولادنا
ليه يا مها تقطعي قلبك الحباك؟؟
وبدون ما يحس لقى دموعو جرو
وتاني يوم مها مشت الجامعة
سالى بصدمه : انتى عويرة يابت انت ليه تعملى كدا
مها : ح اعمل ليهو شنو يعنى انتى كمان
سلمى : والله ما شفت فى برودك يا خي ونازله الجامعه عادى زي الكأنو مافي شي
مها : يعني انا جايه هنا عشان كل واحده فيكم تشتم فيني شويه
سالى : احنا شايفينك بتستهبلى
مها : لا بستهبل ولا حاجه انا حذرت بابا وهو ال صمم على العرس خلاص اشربوها
سلمى : مافي زول ح يشربها غيرك انتى يا مها والله
سالى : ايوه بالضبط كدا وراجلك دا نعمه ما ساهل تلاقى زول بيحبك كدا
وانتى بترفضى النعمه بايديك
مها : خلاص ياخ ياجماعه انا جايه افك ما تشغلوها لي اكتر
سلمى : دا على اساس انو فارق معاك
يعنى بقى عندك دم فجأه
مها بضيق : سلمى اسكتى خلاص والله ح امشي
سالى : خلاص ياجماعه اهدوا
الحق علينا خايفين عليكى انتى حره
مها : ماشى الساعه كم؟
سالى : الساعه 1
مها : طيب لما تيجى الساعه 2 الا ربع كدا كلموني
سلمى : اشمعنى ؟
مها : ماشة مشوار
------------------------------------------------------------------------
وفـى مكتب مصطفى .......
الاء : يسرا بطلى هبل دكتور مصطفى دا محترم جدا وماليه في الفارغة
يسرا : مافي راجل ماليه فى كدا ياهبله كلهم صنف واحد
الاء : ح تعملي شنو يعنى
يسرا : انا عندي طرقى الخاصه
الاء : قصدك شنو؟
يسرا : م قصدى شي بس اتفرجى علي وانتى بتعرفى
الاء : ح تضحكى عليه وتعرسيو وكدا؟؟
يسرا : هههههههههه حبيبتى ماعندك شغلة فيني خليكى ف حالك
الاء : تصدقى انا غلطانه انى جبتك هنا
يسرا وبنظره غريبه : احلى غلطه عملتيها فى حياتك
الاء ولسه ح تتكلم
يسرا : هششش اسكتي هدا جا قومى انتى امشي يلا
ودخل مصطفى على مكتبه من غير ما يقول سلام
يسرا : ودا ماله دا مافى بنى ادمين قاعدين
الاء : ههههههههههههه قولت ليك دا ما زيهم انا ح اقوم اشوف شغلى
ورن التليفون
يسرا : ايوه يااستاذ
مصطفى : شوفى استاذ ياسر جا ولا لسه ولو كان موجود خليهو ييجى
يسرا : اوك يا استاذ
يسرا ( شكلك صعب فعلا بس ما على انا )
------------------------------------------------------------------------
وفـى كافيه عـلى النيل
مها مشت عشان تقابل محمد , وقفت تفتش عليهو و اخيرا لقتو...
محمد : انا ما مصدق انك جيتى
مها : انت عايز منى شنو
محمد : اهدى بس واقعدى نتكلم
مها وقعدت : اتفضل احكي قعدت انا
محمد : اشتقت ليك والله
مها سكتت
محمد : انتى بقيتى بتسكتى ليه
انا عارف انتى كمان اشتقي لي ولسه بتحبينى
مها : وجايب الثقه دى من وين؟؟
محمد : مها حبيبتى خلينا ما نضيع وقت
انا اكتر واحد فاهمك وعارفك
تعالى نشوف حل
مها بضيق : لا ياراجل بعد ما عرست جاى تقول لي نشوف حل
حل شنو دا ال ح نشوفه
محمد بزعل : انتى كل شويه ح تذكرينى يا مها حرام عليكى
مها وحنت : خلاص ياحــ اقصد يامحمد ح اسكت
محمد : قوليها يامها اشتقت اسمعها منك قولى ياحبيبى موش انا حبيبك ؟
مها : ايوه يامحمد انت حبيبى وكل حاجه بالنسبة لی
يتبع....
