صحت مها على رنه موبايلها
عاينت جنبها مالقت مصطفى
ردت على الموبايل ,,
مها بصوت ضعيف : الو
سلمى : مالك يابت لسه نايمه
مها : ايوا
فى حاجه
سلمى : فى انو عندنا محاضرات الليلة
مها : لا لا ما قادره امشي والله
سلمى : ما ح ينفع يابت
نحنا خلاص على الامتحانات
مها : اصبحنا واصبح الملك لله خير في زول يقول امتحانات من الصباح كدا
سلمى : هههههههههه اصحي خلاص وما تتاخري ح اسبقك على هناك
مها : حاضر حاضر حاضر
قامت مها عشان تشوف مصطفى
ولقته فى المطبخ
مها : انت بتعمل شنو هنا ؟؟
مصطفى بابتسامه : نقول صباحيه مباركه ؟
مها خجلانة : هههههههه لا قول لي بتعمل شنو هنا
مصطفى : بعمل لمرتى حبيبتى الشاي
مها : ليه كدا بتتعب نفسك
مصطفى بهظار : امركم عجيب ايتها النساء الراجل يعمل الشاي تقولو بيتعب نفسه ما يعمل تقولو كعب
مها : ههههههههههه ياربى لماضه من الصباح
مصطفى : اعمل شنو لقيتك نايمه قلت اشوف لى حاجة
وكمان اخد فيك ثواب
مها : ثواب شنو دا
مصطفى : الرسول عليه الصلاه والسلام قال فى حديث
(( تُطْعِمُهَا إِذَا طَعِمْتَ، وَتَكْسُوهَا إِذَا اكْتَسَيْتَ... ))
وكمان باخد ثواب على كل لقمه بتاخديها من ايدى
مها : عليه الصلاه والسلام
يعنى عملت كدا بس عشان الثواب ؟
مصطفى : وممكن عشان بحبك وكدا
مها : ههههههههه انا عارفه
يلا عشان اجهز معاك
مصطفى : لا خليك
انتى موش ح تمشي الجامعه ؟
مها : اسي سلمى اتصلت وقالت نمشي
مصطفى : ماشى شدى حيلك عايز تقدير كبير عشان تشتغلى معاي فى الشركه
مها : تمام
مصطفى : يلا عشان نشرب الشاي
و اوصلك وامشي الشركه .................
