فى مول مشهور
ياسر بعصبيه : بس انتى ماقولتي انو ح يبقى فى شاب معاكى
سلمى : معليش ياياسر انا اسفه
ياسر : برضو مافهمت كان ضروري ؟؟
سلمى بحزن : المشكله انى ما ح اعرف افهمك كدا ح اضطر احكى
سالى : خلاص يا دكتور ياسر عندى انا المره دى
ياسر : لا عندك ولا عندها كلو عشان خاطر مصطفى ومها بس
سالى : اهاا وانا مالي خاطر والله انت شرير
ماتتخطبي ليهو يابت
ياسر : ههههههه لا كلكم ليكم خاطر بس يلا عشان نشوف الفستان قبل ما الحاج يتصل يقول لى خطفت البت
،،،،،،،،،،،،،،،،،،،،،،،،،،،،،،،،،،،،،،،،
فاتت ايام كتيرة ومافي جديد فى الموضوع
ويوم الخطوبه
فـى التلفون
سلمى بزعل : يعنى ما ح تجى معاي الكوافير يا مها
مها : معليش ياسلمى مابقدر
سلمى : يعنى ما ح تجى الخطوبه كمان ؟
مها : لا اكيد ح اجى طبعا بس قولي لى وجاوبى بامانه يا سلمى
مصطفى ح ييجى ؟
سلمى : والله ماعارفة يامها عشان ماابقى كذابه بس حتى لو ج احنا مالنا ياستى ما ح احكم على ياسر انو صاحبو ما يجي
مها بتردد : طيب ياحبيبتى ربنا يتمم ليك على خير اشوفك هناك
سلمى : طيب
و بــالـلـــيل
لبست مها فستان طوويل لونو اسود ب فضى
ولابسة طرحه عاديه لونها فضى
ومشت مع امها وخالتها للقاعه ال فيها الخطوبه
وبعد ما دخلو بشويه دخلت العروسه
وكانت لابسه فستان ازرق وداخل فيهو فصوص فضى
والعريس بدله فضى وكرافت زرقا
الام : ما شاء الله زى القمر
مها : اي سلمى طول عمرها قمر
وبعد تقاليد الخطوبه العاديه
وفى نص الحفله قامت مها عشان تقيف جنب سلمى
مها : الله اكبر دا شنو القمر دا
سلمى : بجد ياميهو ؟
مها : بجد ياحبيبتى ربنا يحميكى
الف مبروك يا ياسر ربنا يتمم ليكم على خير
وسابتهم مها ودخلت بلكونه فى القاعه
وسرحت شويه
مها ( ياارب انا تعبانه جدا ومزهجة على كل ال حواليني يارب حلها من عندك انت ال عالم )
