وفــى البيت
مصطفى : حمد الله ع السلامه
مها : الله يسلمك
مصطفى : اها عملتي شنو ؟
مها : تمام انا عزمتها بكره ان شاء الله تاني الباقي عليك
مصطفى : خلاص ماشى ربنا يسهل الامور
مها : يارب
ح تتغدا ؟
مصطفى : لا بصراحه الجو حر وماعندي نفس اسي
مها : طيب وانا ح استناك
انا ح ادخل انوم ساعتين وصحينى ماتخليني اطول طيب ؟
مصطفى : طيب بس انتى كويسه ؟
مها : اي ماتقلق مرهقه شويه بس
ودخلت مها اوضتها رمت نفسها ع السرير وسرحت فى ال حصل
فلاش بـاك
مها : اها نحنا في مكان هادى اتفضل
محمود : طيب اول شي اوعدينى الكلام ما يطلع ل زول وانك ماتزعلي منى
مها : اوك ما من طبعى انى بحكى ل زول اصلا بس اوعدك
خير يامحمود قلقت بي
محمود : من الاخر انا عارف انك على علاقه بمحمد لحدي اسي
مها واتصدمت : نعم
محمود : مها ما تخافي سرك ح يفضل معاي انا جاى اقول ليك على حاجه
محمد ما بيحبك يا مها وبيلعب بيك وعاملك مصيده عشان خاطرى ابعدى عنه
مها بتكوررك: انت بتقول في شنو؟؟
محمود : صدقينى اقسم ليك بالله انا بعرفو اكتر منك ودى نصيحه ليكى انتى زى اختى ومابحب يتعمل فيكى ال محمد ناوى يعمله
مها : انت كيف تقول على صاحبك كدا انت صاحب انت !
محمود : صاحبى ولد ما ح يحصل ليهو حاجه بس انتى بنت ومتزوجة وليكى سمعتك وح يحصل ليك كتير ابعدى عنو يا مها ........
مها بتجوط : ما عندك شغلة بي واقسم بالله لو الكلام دا ..........
محمود : من قبل ما تقسمى سرك لو عايز اطلعو برا كنت طلعته ومن غير ما اقول ليك
محمد لو كان بيحبك زى ما انتى واهمه نفسك ع الاقل ما كان ح يجى يحكي لي انك ماشة ليهو في بيتم الشقه ويا عالم بيقول لمنو تانى
انا ح اخليك تفكرى براحتك ونصيحه ابعدى عنو وانا ولا كأنى سمعت ولا عرفت حاجه ماتقلقي ولو حبيتى تتأكدى من كلامى بكذا طريقه انا موجود
سلام .....
ونزلت دموع من عينيها
واتذكرت الكابوس ال قامت مفزوعه منو لما شافت محمد بيأذيها ويخنقها
