افنان:هاي غرفة جَواد ومن اليوم صارت غرفتج انتي هم
شعرت قلبي ينقبض التفت إليها
افنان:شبيج
ملك:شنو
افنان:شبيج خايفه
ملك:شنو يعني هو راح يعيش وياي نفس الغرفة
افنان:طبعاً غير زوجج
تراجعت إلى الخلف
ملك:لا
افنان:شنو لا شبيج بنتي
ملك:بابا كال هو مراح تقرب منج كال زواجي منه مؤقت
افنان:شنو مؤقت؟
ملك:اي بس على ما بابا يسدد الديون مالته وارجع لبيتي
افنان:اني مجاي افتهم شي تعاي اكعدي هنا
اشارت الى الاريكة
افنان:واحجيلي شنو القصة
اقتربت منها وجلسنا على الاريكة وشرحت لها كل ما حدث اليوم وعندما انتهت كانت مندهشة من الذي سمعته
افنان:انتي شنو جاي تحجين معقول جَواد سوه هيج بيكم
ملك:اي يعني اني رهينه هنا وهذا الزواج مؤقت بس على ما بابا يدبر الفلوس بعدين ارجع للبيت مالتنا
افنان:جَواد شلون يتصرف هيج
ملك:كله بسبب القمار هذا واحد مقامر وجامع فلوسه هاي كله بسبب القمار ونصب على الناس
اصبحت اتحدث معصبية
ملك:الله واحده يعلم كم شخص غير بابا سوه بيه هيج
افنان:انتي جاي شنو تحجي جَواد بحياته ما لعب بهيج شي
ملك:لا لعب والدليل ورط بابا واكيد هذا القصر اخذه من لعبه بالقمار و الرهن
افنان:مستحيل
ملك:لعد شي تزوجني ها.... لان بابا مكدر يدفع الديون الي عليه وطلب منه من ياخذني بالمقابل لج حتى شكله ما شايفته لحد هسه واسمه عرفته منج هسه
نهضت بسرعة
افنان:اني طالعه راح اعوفج ترتاحين
خرجت واقفلت الباب خلفها بقيت لوحدي اجلس في الغرفه وانظر من النافذة الى حديقة المنزل كانت كبيرة وجميلة مرت نصف ساعة وانا اجلس لوحدي وفجأة سمعت أصوات ضجيج قادمة من الاسفل نهضت اقتربت من الباب لكي أسترق السمع سمعت أصواتهم وهم يركضون فتحت الباب بهدوء وسمعت احدى الخدمة تتحدث
الخادم:لقد وصل السيد جَواد اسرعوا في العمل
اقفلت الباب بسرعة ووقعت خلف الباب شعرت بالخوف وكان جسدي يرتعش من الخوف
ملك:ياربي ساعدني شسوي
سمعت صوت الباب الخارجي ينفتح ركضت بسرعة لكي انظر من النافذه ورأيت دخول سيارتين من الباب وقفوا امام الباب الرئيسي ونزل السائق من احدى السيارة وفتح الباب ونزل شخص لم راى جيداً لانه كان ينظر الى الاسفل اعتقد بان هذا هو المدعو جَواد وقف قليلاً في مكانه وتحدث الى احد الحرس ورفعت راسه الى الاعلى وجاءت عيني بعينه ابتعدت بسرعة عن النافذه وصرت ارتجف وتنفس سريع ان جاء للغرفه ماذا سوف يفعل بيه ارجوك ياالهي ساعدني بقيت نصف ساعة وفي الغرفة اعتقد بانه لن يأتي لي شعرت براحه قليلاً وفجأة انفتح الباب بقوة دخل لي نهضت بفزع وقفت في مكاني واصبحت ارتعش من الخوف نظرت إليه كانت نظراته حاده ومخيفة ازداد خوفي منه وفجأة صرخ بصوت عالي على الخدم ارعبني اكثر واكثر
جَواد:ديانـــــــــا ديانـــــــــا
وبعد لحظات وصلت الخادمة
ديانا:نعم سيدي
جَواد:ماذا تفعل هذه هنا؟
ديانا:السيدة افنان هي التي وضعتها هنا
جَواد:أخرجوها من غرفتي
ديانا:ماذا ؟
جَواد:لم تسمعي ما قلته
ديانا:حسناً سيدي
كان يتحدث معها ولا ينظر إلي حتى
جَواد:سوف اذهب لكي اعمل في المكتب عندما اعود لا ان اراها في غرفتي هل فهمي
ديانا:حسناً
ضعوها في الاسفل
ديانا:ماذا؟
نظر لها بغضب انزلت راسها وترك الغرفه وخرج بقيت متجمدة مشده القلق والرعب اقتربت تلك الفتاة مني واصبحت تنظر إلي من الاسفل الى الاعلى وتبتسم بسخرية
ديانا:الوضع هنا ليست كما تخيلنا جميعاً
التفت إليها
ملك:ماذا ؟
ديانا:اجل توقعت بانه هناك قصة حب جميلة بينكم ولكن...
صمتت وثم ابتسمت ساخره
ديانا:ولكنني توقعت ذلك لكني لست من النوع النساء اللواتي يفضلها السيد جَواد انتي أمراة عادية
افنان:ديانا
التفتنا ورأينا السيدة افنان تقف امام الباب وهي تنظر الى ديانا بغضب
افنان:ديانا انتي ماذا تفعلين هنا؟
نظرت إليها بسخرية
ديانا:لقد أتيت لان السيد جَواد طلب مني ان انقل اغراض زوجتهُ إلى احدى الغرف التي في الاسفل
نظرت إليها بعصبيه
افنان:ماذا هل تعلمين ماذا تقولين انتي
ديانا:لا تغضبي علي لست انا من امر بهذا بل السيد جَواد هو من امرني ان انقل أغراضها للاسفل
افنان:اتركي كل شيء في مكانه واخرجي
ديانا:ماذا
افنان:نفذي ما أقوله لكِ
خرجت ديانا من الغرفه ودخلت افنان واقتربت مني
افنان:ابقي هنا بالغرفه ولا تطلعين لحد ما ارجعلج ماشي
اومأت لها بالإيجاب وثم تركني وخرجت
افنان ⬛
تركتها في الغرفه وخرجت ذهبت لكي ابحث عن جَواد عندما نزلت إلى الاسفل صادفت كريستين احدى الخادمات
افنان:كريسين
كريسين:نعم
افنان:اين السيد جَواد
كريسين:انه في المكتب
افنان:حسناً اكملي عملكِ
اتجهت الى مكتبه طرقت الباب وسمعت صوته ودخلت كان مشغول في المكالمه عندما دخلت رسم على وجهه ابتسامة واشار لي بيده بان انتظر قليلاً جلست على الكرسي المجاور للمكتب وبعد لحظات انهى المكالمة
جَواد:اهلا امي شلونج
ادرت وجهي عنه نهض وجلس امامي
جَواد:امي شكو شنو صاير
افنان:وتسألني هم شنو صاير انت شلون تروح تزوج وبهاي الطريقة
جَواد:شبيها الطريقة
افنان:شنو شبيها انت شلون تجبر البنت على الزواج منك
جَواد:شنو الخاتون اشتكت
افنان:جَواد شنو هاي الطريقة الي جاي تحجي بيها وبعدين تعال هنا انت صدك تلعب قمار
رفع حاجبه
جَواد:شنو
افنان:تلعب قمار وتخسر ابوها وتجبره ينطيك بنته مقابل الفلوس شنو هاي التصرفات اني ابدا ما تخيلتك تتصرف هيج تصرفات هاي هي تربيتي لك تتصرف مثل هيج تصرفات
جَواد:هاي هي اللي حجتلج هذني المواضيع بسيطة
نهض من مكانه وخرج
افنان:تعال جَواد وين رايح
تركني وخرج من الغرفه ناديت عليه ولكنه لم يسمع لي
ملك ⬛
كنت اجلس في غرفة انتظر عودت السيدة افنان وفجأة انفتح الباب بقوه ودخل ذلك المدعو جَواد وكان ينظر إلي بغضب وعيناه مليئه شرار والغضب عندما رأيته شعرت بالخوف ونهض من مكاني وكان جميع أنحاء جسدي يرتجف دخل للغرفه واقفل الباب تراجعت خطوة الى الوراء هو كان يقترب باتجاهي اصبح يتقرب مني وانا اتراجع الى الخلف الى أن التصق جسدي على النافذه ولم اعد استطيع أن اتحرك لانه كان قريب مني توقف عن السير ونظر إلي بنظره حاده ومليئه بالكراهية
جَواد:اسمعني زين واحفضي الكلام اللي راح احجي بذانج لان مراح اعيده بعد لا تفكرين انو اني تزوجتج معناتها راح تصيرين مرتي وراح اعاملج كأزوجه انتي هنا مثلج مثل الخدام اللي موجودين بالبيت لا واقل منهم بعد
ملك:شو ؟
جَواد بصراخ:خليني اكمل كلامـــــــــــــــــي
اصبحت اتعش خوفاً
جَواد:القاعدة الاولى اني ما احب احد يقاطعني واني جاي احجي والقاعدة الثانية تنفيذ كلشي احجي...
جَواد:اولاً موضوع زواجي منج وهاي الشغلات ما اريدج تحجين بيها يم احد حتى وياه نفسج يعني مو ياهو الرايح والجاي تحجيله شنو تزوجتي تره هي مو فخر حتى حجين بيها...
وثانياً اني ماريدج يمي ولا اريد اشوف شكلج التافه هذا يعني تاخذين غراضج وتطلعين من هاي الغرفة هي مو مكانج مكانج ..مكانج جوه وحده من غرف الخدم وثالثاً تلبسين مثل ملابس الخدم
نظر الى ملابسي وابتسم بسخرية
جَواد:ولو ملابس الخدم احسن من ملابسج
نظرت إليه بغضب اردت أن اقتله ولكنه امسكني من يدي وحكم قبضته على يدي ورفع اصابع على عيناي
جَواد:لا تباعين بهاي الطريقة لانج مراح تكدرين تسوي شي
شعرت بألم كبير في يدي ولكنني كنت حاول ان اسيطر على نفسي لكي لا ابين له بانني ضعيفه لكي لا يتستغل ضعفي
جَواد:مو عبالج بزواجج مني راح تعيشين مثل الملكه هنا انتي ولا شي بالنسبة لي ومو معتبرج مرتي ولا راح اعتبرج انتي هنا مجرد خدامه لا اكثر ولا اقل راح تلبسين مثلهم وتشتغلين ومثلهم ومعاملتج مراح تكون احسن منهم
ملك:بس اني مو خدامه
ابعد يداه عني
ملك:مو خدامة وما اسمح لك تعاملني بهاي الطريقه
جَواد:اذا ما عاجبتج هاي الطريقة روحي اني مراح امنعج بس بشرط تدفعين كل ديون ابوج وترحين
ملك:راح ادفعه الديون اللي على بابا وعد مني قبل ما تخلص المدة المحددة راح اجي وانطيك فلوسك
رفع حاجبيه
جَواد:نشوف
اعطيته وعد ولا ادري من اين سوف احضر المال ليس لدي احد لكي يساعدني المدة المحددة سنة سأجد حلاً ......
وفجأة صرخ بصوت عالي افزعني جَواد:ديانـــــــــا ديانـــــــــا
بعد لحظات انطرق الباب ودخلت ديانا
ديانا:نعم سيدي
جَواد:هل جهزتوا الغرفه
ديانا:اجل سيدي لقد اكتملت
جَواد:اذن خذوا أغراضها الى الاسفل
ديانا:حسناً
قامت الخدامات بأخذ اغراضي الى الاسفل وعندما انتهت طلب مني الخروج من غرفته
جَواد:يله اطلعي برا اريد ارتاح
خرجت من الغرفه وذهبت الى الاسفل ارشدتني احدى الخادمات الى غرفتي كانت غرفة صغيرة جداً ويوجد بها سرير صغيرة جداً لشخص واحد وخزانه صغيرة وبجانب السرير طاولة صغيرة وعلى زهور ذابله كانوا الخدم يضعون اغراضي في الخزانه دخلت الى الغرفة واصبحت التفت حولي
ديانا:ماذا بكِ لماذا تنظرين هكذا لم تعجبكِ الغرفة؟ السيد جَواد هو من طلب ان حضر لكِ هذه الغرفة
تركتها وذهبت لكي ان نظر من النافذة
ديانا:لا تقلقي سأتعتادي على هذه الحياة
التفت إليها
ملك:انا لم اتي الى هنا لكي اعمل خادمة
ديانا:ولكن السيد جَواد لا يريدك
ملك:ومن قال لكِ بأنني اريده انا ايضاً لا اريده و زواجي منه هذا اجباري ليست بإرادتي
ابتسمت بسخرية ونظرت إلي بتحدي
ناديا:حتى وان كنتِ تريديه فهو لا يريدك لذاك لا تضعي امل عليه
تركتني وخرجت من الغرفة
ملك:اني كل اللي يهمني هو انو اطلع من هذا المكان وبسرع وكت لازم ادبر الفلوس بأي طريقة ما اكدر اتحمل العيشه هنا
جلست على السرير واصبحت افكر
ملك:بس هذا الغبي شكله مو غريب عليه وجهه مألوف بالنسبة لي وين شفته
اصبحت افكر
افنان ⬛
ذهبت الى غرفة جَواد لكي اتحدث مع ملك واتطمن على وضعها طرقت الباب ودخلت ولم اجد احد في الغرفة وفجأة انفتح الباب الحمام خرج جَواد
جَواد:امي
افنان:وين ملك؟
جَواد:وين يعني بمكانها الطبيعي جوه يم الخدم
افنان:شنو
جَواد:اي شبيج
افنان:هاي مرتك شلون تكعدها بغرفه الخدم
جَواد:هاي مو مرتي و زواجي منها جان مؤقت ومستحيل اعتبرها مرتي لو اتعامل وياهه على انو هي زوجتي
افنان:انت جاي شنو تحجي ليش تزوجتها اذا متريدها
جَواد:مزاجي
افنان:شنو
جَواد:اي انتي تدرين بيه اللي اريده اسوي ومحد يكدر يمنعني واني تزوجتها وجبتها هنا بس على انو هي خدامتي وبس
افنان:ليش تتعامل وياهه هيج شنو سوتلك البنيه
نظر لي وثم قال وهو يسير
جَواد:اريد اغير ملابسي لان راح اطلع تركني وذهب للغرفه وقبل أن يدخل التفت لي
جَواد:الكلام اللي كلته اذا متنفذ مراح تتوقعون شسوي
دخل إلى الغرفه واقفل الباب خرجت من الغرفه وذهبت الى الاسفل وفي طريقي صادفت ديانا تخرج من احد الغرف
افنان:ديانا
ديانا:نعم
افنان:هل رأيتي ملك
ديانا:اجل هي ترتب أغراضها
اشارت لي الى غرفتها ذهبت الى الغرفة وطرقت الباب ودخلت كانت ترتب ملابسها
افنان:ملك انتي جاي شتسوي
ملك:مثل مجاي تشوفين
نظرت إليها كان وجهها حزين الدموع تملأ عيناها
افنان:عوفي كل شي وتعالي
اشارت لها الى السرير نهضة ملك وجلست على السرير وهي تنظر الى الارض
افنان:ليش منزله راسي بالكاع رفعي راسي لا تنزلين راسج لاحد
رفعت راسها ونظر إلي وهي تتوسل إلي
ملك:اريد اطلع منا ساعديني عفيه
افنان:وين ترحين هذا صار بيتج
ملك:اي بيت هذا يريدني اشتغل خدامه هو جابني هنا حتى يشغلني خدامه وجاي يستغل وضعي والديون اللي على بابا الله يخليج ساعديني اريد اطلع منا
نهضة من السرير وقفت امامها وتحدث معها بجديه
افنان:ما اكدر اساعدج انسي موضوع تطلعي منا
تركتها وخرجت
افنان في نفسها:صدكيني هذا الشي على مود مصلحتج ومصلحة جَواد اني عندي احساس بان انتي الوحيدة اللي راح تطلعين جَواد من المستنقع الي عايش بيه
اكملت ملك اليوم في غرفتها ولم تخرج منها وكان الطعام يأتي لها للغرفه وفي اليوم التالي استيقظ الجميع ما عدا ملك كانت لا تزال في غرفتها منذ الامس وكانوا الخدم يجهزوا الفطور قبل أن يستيقظ جَواد وكانت افنان تشرف عليهم
افنان:كريستين هل انتهيتي من تجهز الفطور سوف يستيقظ جَواد
كريستين:سينتهي من دقائق
افنان:حسناً اسرعوا جميعاً اريد كل شي جاهز
التفت ديانا حولها ولم تجد ملك مع الخدم
ديانا:ملك لم تستيقظ بعد ؟
افنان:لا تزال نائمة اتركيها وشأنها
ديانا:اخاف ان يغضب السيد جَواد عندما لن يراها امامه
افنان:هذا الموضوع ليس من شأنكِ لا تتدخلي
خرجت ديانا من المطبخ وهي منزعجة من تصرفات افنان ومعها اخذت الورود وذهبت لكي تره هل استيقظ جَواد لم لا طرقت الباب عليه وسمعت صوته ودخلت رأيته يقف على المراة ويصفف شعره
ديانا:صباح الخير سيدي
جَواد:صباح النور
ديانا:لقد اتأتي لكي اغير الورود لك
لم يجب عليها اكمل ترتيب شعره
ذهبت ديانا الى ناحيه المزهرية وخرجت الورود الذابله و وضعت الورود الجديدة
جَواد:هل استيقظت ملك؟
ديانا:كلا سيدي
التفت إليها
جَواد:ماذا؟
ديانا:لا تزال نائمة وطلبت السيدة افنان بان لا احد يزعجها
اشتعلت النيران في عينيها وخرج من الغرفه غاضباً ابتسمت ديانا بخبث
ديانا:حيد
نزل جواد الى الاسفل كانت عيناها تصب غضب وشرار وقف في منتصف السلم واصبح ينادي على الخدم بأعلى صوته لكي يأتون وقف الجميع امامه وكان ينظر إليهم وكأنه يبحث عن شخص
افنان:خير ابني شكو
جَواد:وينها
افنان:منو؟
قبل أن يتحدث وصلت ملك ووقفت مع الخدم نظر لها وتحدث معها بعصبية
جَواد:وين جنتي حضرتج
شعرت بخوف واصبحت تتعثر في الحديث
جَواد:جاي اسألج وين جنتي
ملك:جنت نايمة
جَواد:نايمة حضرتج شنو حضرتج عايشه بفندق
نظر إلى الخدم وتحدث معهم بصوت عالي
جَواد:لم تخبروها ما هي القوانين هنا
صمت الجميع نظر إليها
جَواد:كل يوم تكعدين من الساعة بالسبعه الصبح مثل باقي الخدم
وثم نظر إلى ملابسها
جَواد:وبعدين ليش ملابسه مثلهم انتي شنو مفكرة نفسج
اخذت نفس عميق وتحدث معه بصوت عالي
ملك:واني مو خدامة
التفت الجميع إليها
جَواد:شنو
ملك:مثل ما سمعت اني مو خدامه وما اسمح لك تتعامل وياي بهاي الطريقة انتي ما اشتريتني بفلوسك
اقترب منها ونظر الى عينيها
جَواد:لا اشتريتج ابوج باعج مقابل الديون مالته يعني انتي قطعه اشتريتها واني شنو اريد اسوي بيها بكيفي
نظرت الى عيناه وتحدث
ملك:مو بكيفك اني مو قطعه من املاكك
امسكتها من يدها بقوة وسحبها معه ذهبوا الى القبو
ملك ⬛
امسك بيدي وسحبي معه ادخلني الى القبو امسك بيدي ودفع بي نحو الحائط
ملك:اني ما اسمح لك تتصرف وياي هيج اني مو عبده عندك
وقف امامي وضرب الحائط بيده
جَواد:اسكتــــــــــــي
فزعت من صوته وكانت عيناه مخيفه جَواد:لا تحاولين ترفعين صوتج كدامي ولا تجادليني انتي هنا عبده وخدامه واقل من الخدم انتي ولا شي مجرد
شغله تافهه اني اشتريها ابوج باعج واني اشتريتج شسوي بيج اني حر وانتي ما الج الحق على الاعتراض عليج بس تنفذين كلشي احجي وبس والا راح اعدمج حياتي واكرهج باليوم الي اجيتي بيه على هاي الدنيا
ملك:انت ليش تتصرف وياي هيج اني شمسويتلك
جَواد:كلتلج مزاجي هيج تريد تعيشين هنا استحملي مزاجي ما تردين روحي بس ادفعي الديون مال ابوج
نزلت راسي
جَواد:لا لعد تنفذين كلشي اكلج عليه وانتي ساكته
ملك:وشنو تريد هسة مني
جَواد:راح تتعاقبين على تصرفاتج هاي ماكو ريوك اليوم راح تنظفين القبو هذا هذا كله خلال ساعة وحدة
نظرت حولي الى المكان
ملك:شنو
جَواد:بس هذا جبير يعني ما اكدر الوحدي
جَواد بصراخ:كلتلج لا تعترضيــــــــــــن
ملك:تمام
جَواد:اذا ما خلصتي راح يزيد الشغل عليج
نظر إلى الساعة التي بيده
جَواد:بدا وكتج من هسة
تركني وخرج وبقيت لوحدي انظر من حولي واستطلع المكان كان المكان مكركب جداً ومتسخ والغبار يمتلئ المكان
ملك:الله ياخذك هذا شلون راح انظفه الوحدي ساعه هم
بدأت بإزالة الغطيات من على الاغراض وكان الغبار ينتفض عليه
ملك:ان شاء الله يخلوك بحاويه مال مزبلة وكل زبالة الناس يشمروها عليك يامغرور ياتافه
وفجأه سمعت أصوات غريبه تأتي من الداخل الاغراض اقترب من الصوت وفجأة خرج من الخزانه فار فزعت وخرجت من القبو اركض واصرخ جاءت إلي احدى الخادمات
كريستين:ماذا بكِ لماذا تصرخين؟
ملك:فاراً يوجد فاراً
جَواد:واذا
التفت ورأيت ذالك المعتوه يقف امامي
ملك:اسمع اني ما اكدر انظف هذا المكان اختار غيره بس ما اكدر انظف اخاف من الفار
جَواد:اها شنو رأيج اجي اساعدج
رفعت حاجبي
جَواد:امشي روحي
نظرت له بستسلام ودخلت بحث عن الفار ولكني لم اجده يبدوا بانه خرج وبدأت بالعمل وتنظيف المكان قبل أن ينتهي الوقت المحدد وبعد ساعة انفتح الباب القبو ودخلت ديانا كانت تنظر لي بأشمزاز لا اعلم ماذا تتصرف معي هكذا هذه الفتاة
ديانا:هل انتهيتي من عملك
ابتسمت لها ابتسامة النصر
ملك:كما ترين لقد رتبت كل شي في الوقت المحدد
ديانا:جيد اذن استعدي للعمل الاخر
نظرت لها بصدمة
ملك:ماذا
ديانا:اجل عملك لم ينتهي هنا سوف تذهبين وترتبي مكتب السيد جَواد
ملك:ماذا تقولين انتي
ديانا:هذه اوامر السيد جَواد هو من طلب مني ان اقول لكي هذا
ملك:حقير
ديانا:ماذا قلتي للتو؟
تركتها وخرجت من الغرفه ذهبت الى المكتب وكانت ملابسي مليئة بالغبار بسبب تنظيف ذالك القبو دخلت إلى مكتبه وقمت بترتيبه وفجأة انفتح الباب ودخل شخص رفعت رأسي ورأيت رجلاً انصدم عنده رؤيتي امامه
-ملك
تفاجأت من اين يعلم بأسمي هذا الرجل _ملك انتي شتسوين هنا
وانه يتحدث باللهجة العراقية
ملك:انت من وين تعوفني
توتر قليلاً واصبحت يتهرب من السؤال
ملك:انت تعرفني؟
وفجأة دخل جَواد الى المكتب ونظر إلي
جَواد:روحي اطلعي هسة بعدين تكملين خرجت من الغرفه ولا يزال ذالك الشخص مصدوم
جَواد بعصبية:امير انت شنو سويت
جَواد ⬛
كنت اتناول الفطور واخبرتني احدى الخادمات بوصول امير وذهب الى غرفة المكتب نهضت فوراً من الفطور وذهبت بسرعة لانني اعلم بانه ملك في المكتب الان وان رأها سيحدث شيء فذهبت مسرعاً إلى هناك وفعلاً دخلت في اللحظات الاخيرة وانقذت الموقف
امير:لك هاي مو ملك
جَواد:اي هي
امير:شتسوي هنا
اجبته ببرود
جَواد:مثل مجاي تشوف تشتغل خدامه
امير:شو
جَواد:شبيك تفاجأت
امير:شغلت البنيه خدامه انت من كل عقلك تحجي
جَواد:لعد تريدني اعاملها مثل مرتي
امير:مرتك؟
جَواد:مقابل الديون لي على ابوها اقترحت عليه ينطيني بنته مقابل ديونه هو وافق وطبعاً بس اني ما اخذتها على انو هي زوجتي لا اخذتها على انو هي خدامة حالها حل الخدم الي موجودين
امير:لك انت جاي شنو تحجي
جَواد:مثل ما سمعت
امير:معقول ما نسيت
