جَواد ⬛
استيقظت صباحاً ولا تزال ملك نائمة كانت مثل الطفل وهي نائمة وشعرها التي يغطي عينيها ابعدت شعرها من عينيها وصرت اتأمل وجهها الطفولية وانا ابتسم فجأه تحركت لتفتح عينيها وترسم على وجهها تلك الابتسامة الجميلة
ملك:صباحو
جَواد:صباح الورد
ملك:شبيك تباوع عليه هيج
جَواد:اباوع على الطفلة الي نايمة يمي
ملك:وهي الطفلة البارحة كسرتها تكسر
ابتسمت لها
جَواد:شسوي حياتي غير انتي تردين ابنج يجي بسرعة اتحملي
رفعت حاجبها
ملك:لا
جَواد:اييي ..
ملك:يله كوم خل ننزل جوه
جَواد:شنو رأيج ناخذ جولة مباراة شوية ملك:شنو امشي كوم احسلك
جَواد:شبيج بس اسجل هدف
ملك:امشي كوم لا اسجل هدف بوجهك
نهضت من السرير اخذت ملابسها ودخلت إلى الحمام ونهضت انا ايضاً غيرت ملابسي ونزلت الى الاسفل سمعت صوت قادم من المطبخ دخلت رأيت خالة ملك السيدة مريم تعد لنا الطعام
جَواد:صباح الخير
مريم:صباح النور ابني كعدتوا
جَواد:اي
مريم:شلونها الامور بينكم
جَواد:لا الحمدالله كلشي بخير
مريم:الحمدلله زين ملك وين
جَواد:ملك بالحمام
مريم:تمام على ما تخلص يكون جهز الاكل
جَواد:تعبناج ويانه والبارحة عفتي بيتج بسببنه
مريم:لا شنو هذا الحجي ابني اهم شي تصافت الامور بينكم
جَواد:اي
تركتها وعدت إلى الغرفة عندما دخلت رأيت ملك تقف امام المرأة وهي تضع المنشفه عليها وتصفف شعرها اقتربت منها
جَواد:تحبين اساعدج
اعطتني المشط وقمت بتمشيط شعرها الناعم والطويل جداً
جَواد:شعرج يخبل لا تكصي خلي هيج
كانت تفوح منها رائحة جميلة اقتربت اكثر منها وضعت راسي على رقبتها لكي اتنفس رائحة عطرها قمت بتقبيل رقبتها لم تحاول منعي كانت مستسلمة لي حملتها بين ذراعي وضعتها على السرير
جَواد:ما اكدر اتحمل لازم اسجل هدف
ملك:اريد الهدف يجي بالعارضة
ضحكت وقمت بتقبيل شفتيها.....
مريم ⬛
لقد انتهيت من تحضير الطعام ومرت ساعة كاملة لم ينزلوا الى الاسفل
مريم:وين راحوا الاكل راح يبرد
وبعد لحظات سمعت صوت الباب يفتح ونزلوا من السلم وهم يضحكون بصوت عالي
مريم:يا هلا بهاي الضحكة يسعد صباحكم
ملك:صباح الخير خالة
مريم:صباح النور حبيبتي شلونج
التفت إلى جَواد وتبتسم
ملك:شلوني يعني
مريم:الله يفرحكم دائماً يله تعالوا الاكل جاهز
خرجنا إلى الحديقة لكي نتناول الفطور
ملك:شكل الاكل يشهي
مريم:بالعافية
جَواد:تسلم يدج خالة
مريم:بالعافية حبيبي
التفت إلى ناحية ملك
مريم:انتي لازم تاكلين هواي على مود الطفل
جَواد:اي صح لازم تخلصين هذا الاكل كله
ملك:يمه شنو هاي
مريم:اي لعد شلون اكلج اليوم موعد الدكتورة على مود الفحص الجنين
جَواد:اني اخذها
مريم:ماشي بكيفك
افنان ⬛
افنان:ماكو اخبار جديدة
امير:البارحة اتصلت على جَواد يكول جاي اتصل بالسكرتيرة مال الدكتور وتكول بعد ما راجع الدكتور من كالفورنيا
افنان:لشوكت راح نبقه ننتظر
امير:لازم ننتظر ما عنده حل ثاني اني راح اروح شوية اشوف الدكتور
افنان:ماشي
ذهب امير وخرجت الى حديقة لكي تحدث في الهاتف اتصلت على جَواد
جَواد:الو
افنان:الو اهلا جَواد شلونك ابني
جَواد:بخير امي انتي شلونج
افنان:الحمدالله اكلك ملك شلونها شخبارها بعدكم متعاركين
جَواد:لا الحمدالله كل شي نحل صح شلعت كلبي بس بعدين استسلمت طبعاً وين راح تلكه واحد مثلي ياخذها ااه
افنان:شبيك يمة
جَواد:هاي الخبله هجمت عليه
افنان:هههههههه الله يسعدكم وينها خل احجي وياهه
اعطاء الهاتف الى ملك لكي تتحدث
ملك:الو هلو خالة
افنان:اهلا حبيبتي شلونج شخبارج
ملك:الحمدالله انتي شلونج مشتاقتلج والله
افنان:واني هم ولج طلعتي حامل وما تحجي ليش ولج
ملك:والله جنت اتمنى اكلج بس تدرين بالضروف
افنان:يله مو مشكلة من تجين احاسبح
ملك:اي براحتج
افنان:شلونه الطفل
ملك:لا الحمدالله
افنان:ديري بالج على نفسج ولا تتعبين نفسج على مود الطفل
ملك:ان شاء الله
افنان:انطيني جَواد
بعد لحظات سمعت صوت جَواد
جَواد:نعم امي
افنان:ابني شنو اخبار الدكتور
جَواد:قبل شوية اتصلت تكول بعده
افنان:يا ابني البنيه حالتها مو زينه
جَواد:شنسوي لازم نصبر جوليا شلونها
افنان:شلونها يعني بس تبجي يله هسة روح اخذ راحتك
جَواد:مع السلامه
افنان:مع السلامة
اقفلت الخط والتفت رأيت اريج تقف خلفي اقتربت منها كان الغضب على وجهها
افنان:قبل شوية جنت احجي وياه جَواد وملك جانوا كلش فرحانين ومنتظرين ابنهم يجي
ابتسمت بسخرية
اريج:لا
افنان:اي يعني انتي ما الج مكان بينهم اقترج عليج روحي قبل ما جَواد يكلج روحي
اريج:خلي اقتراح لنفسح احسن
ابتسمت بسخرية وتركتها وذهبت
جَواد⬛
ذهبنا الى الطبيبة واجرينا الفحص وخرجنا من العياده
جَواد:تعالي امشي خل نكعد نشرب شي
ملك:اريد اكل آيسكريم بالمكسرات مممم
جَواد:هههههه تدللين
ركبنا بالسيارة واتجهنا الى احدى المطعام المثلجات وطلبت لها آيسكريم بالمكسرات كنت انظر إليهاوهي تتناول آيسكريم كانت تاكل وتصدر صوت انين
ملك:الله مممممم
جَواد:ولج شنو هاي هههههههههههه
رفعت راسها ونظرت إلي كان فمها ملطخ بالاسكريم
جَواد:هاي شمسويه بنفسي
ملك:ما اكدر اقاوم تخبل
جَواد:هههههههههههه بالعافية
ملك:ما تاكل
جَواد:لا ما اريد اني اكلي انتي
ملك:اكلك عندي سؤال
جَواد:شنو
ملك:اريج شنو اخبارك وياهه
صمت قليلاً
جَواد:راح اعوفها بس ارجع
ملك:يعني انت بعدك ما عفتها
جَواد:عفتها وما عفتها
ملك:شنو يعني
جَواد:يعني جنت جاي انهي علاقتي بيها شوية شوية بس من رجعنا اني وياج قررت انهي علاقتي بيها تماماً وبعدين هي بعد ما عايشه وياي بنفس البيت مثل قبل
ملك:يعني تركت البيت
جَواد:اي صارلها زمان
ملك:تمام
امسكت بيدها
جَواد:اني ما اريد احد غيرج لا تشغلين بالج أي شي ولا تفكرين
ابتسمت لي
جَواد:يله امشي هسة
خرجنا من المطعم واتجهنا الى منزل عندما وصلنا لم نجد خالة ملك
ملك:لعد خالتي وين
جَواد:ما ادري
ملك:يجوز نزلت على المدينة
جَواد:اي يمكن
ملك:تعال خل نمشي شوية
جَواد:يله
اتجهنا الى الحقل واصبحنا نتمشي في المزرعة وفجأة رن هاتفي نظر إلى الرقم كانت اريج قطعت الخط ..
ملك ⬛
ملك:ليش ما ترد
جَواد:مو مهم
ملك:منو هاي
جَواد:اريج
ملك:ليش دكت عليك هاي
جَواد:ما ادري
ملك:لازم تحجي وياهه وتنهي الموضوع
جَواد:بس ارجع راح انهي الموضوع
ادرت وجهي الى الناحية الأخرى
جَواد:تعالي اكعدي هنا
امسكت بيدي وساعدني على الجلوس على الاعشاب
جَواد:شبيج
ملك:مبيه شي
جَواد:شلون ما بيج شي كلتلج بس ارجع راح انهي كل شي
امسكت بيده
ملك:جَواد اني خايفه
جَواد:من شنو خايفه
ملك:اني عايشة وياك هسة مثل الحلم اخاف يجي يوم واكعد على كابوس وتعوفني
جَواد:ليش خايفه حبيبتي انتي روحي اكو واحد يعوف روحه
ملك:اخاف يصير شي و ارجع اخسرك
جَواد:مراح اعوفج اعوف الدنيا ولا اعرف
وضعت راسي على صدره
ملك:احبك جَواد
جَواد:احبج ياروح جَواد
هدى ⬛
خرجت اتمشى في الحقل ورأيت جَواد وملك يجلسون في الحقل ذهبت باتجاههم
هدى:هاي
جَواد:هلو هدى
هدى:شلونكم ياحلوين
ملك:تمام تعالي اكعدي يمنا
جلست بجانبهم
هدى:اي احجولي شنو اخباركم شنو جاي تسوون هنا
جَواد:وانتي شعليج شنو هاي الفضول وبعدين شكو جاي تسوين ازعاج
هدى:هجم بيتك ولك
ملك:هههههههههههه
هدى:شفتي زوجج هذا الغبي انت على شنو باقيه وياه
ملك:ليش
هدى:عوفيه هذا واحد مغرور وشايف نفسه
ملك:من ناحية مغرور فعلاً عندج حقك
قرصها جَواد من خدها
ملك:اااه شبيك
جَواد:تستاهلين حتى لا تحجين عليه
ملك:وليش بله قابل اني جذبت فعلا انت واحد مغرور وشايف نفسه
هدى:شفت ما جبت شي من عندي حتى مرتك تدري بيك
جَواد:شكو اليوم هجمتوا عليه وبعدين طبعاً اصير مغرور مو بجمالي
هدى:اوف لا تحمه علينا صح انت واحد حلو بس لا تصير مغرور علينا لان اكو احلى منك بهواي
جَواد:انتي شكو جايه هنا حتى تخربها عليه
هدى:على شنو اخربها عليك هي غبية وقابله بيك
ملك:اذا حب جَواد يخليني اصير غبية قابله اصير غبية
هدى:اووو
جَواد:حبيبة كلبي
اراد ان يقبلها ولكني صرخت عليهم
هدى:هوب هوب عيب ولكم صح احنا بالخارج بس لا تنسون اصول البلد
جَواد:اكلج ترحين من يمنا لا اطلع الاصول العراقية كلها عليج
نهضت من الارض
هدى:لا تصير عصبي رايحه استمروا محد راح يجيكم
تركتهم وذهبت
جَواد ⬛
جَواد:خلبه
ملك:بس تضحك
جَواد:اي صدك
ملك:انت شلون تعرفت عليها
صمتت قليلاً
جَواد:من طلعنا من بيتكم عشنا يمهم
امسكت بيدي
ملك:شكراً
جَواد:على شنو
ملك:لان نطيتني فرصه حتى انسيك كلشي سويته بيك وسامحتني
جَواد:مو اتفقنا ننساه كلشي صار
ملك:صح ومن يجي حسن راح يخلينه ننساه كلشي صار
جَواد:حسن منو؟
ملك:شنو منو ابنك
جَواد:اسمه حسن
ملك:اي قررت اسميه حسن على اسم عمي الله يرحمه حتى تبقه ذكره عمي بيه
اصبحت انظر إليها
ملك:شبيك تباوع عليه هيج
جَواد:وتكولين ليش احبج اصلا حياتي ما الها معناه من دونج
ملك:الله يقدرني واكدر اعرضكم عن كلشي
جَواد:وجودج يمي هذا اكبر تعويض
ملك:مراح اعرفك للموت
جَواد:واني هم مراح اعوفكم لا انت ولا ابني وراح ابقه يمكم للموت
ملك:جاي احس نفسي بحلم وما اريد اكعد منه
جَواد:لا كعدي منه وخلي نعيش واقع احله من الحلم
وضعت يدي على وجنتيها
جَواد:من اليوم حياتج كلها راح تتغير وياي راح نعيش واقع احله من الحلم راح تكونين اميره على عرش كلبي
وضعت يدها على قلبي
ملك:هذا المكان لي وبس
اقتربت مني و وضعت شفتاها وعلى شفتاي و قبلتني اصبحنا نتبادل القبل شعرت بيدها تفتح زرار قميصي امسكت بيدها وفصلت القبله
جَواد:شتسوي ولج احنا بالشارع
ملك:احنا بالمزرعة محد يجي هنا لا تخاف
عادت وقبلتني ولكني ابعدتها عني
جَواد:خلي نروح للبيت احسن
ملك:لا تخرب اللحظة الرومانسية جَواد
جَواد:شكلج ناويه اليوم تجيبين بالمزرعة
ضحكت قطعت ضحكتها بقبله طويلة عادت ملك وفتحت زرار قميصي لترمي به على الارض من غير ان نفصل القبله وضعت يدي على ظهرها وفتحت سحاب فستانها ونحن مستمرين في التقبيل تمددت على الارض وابعدت نفسي عن شفتاها كانت ملطخة بدماء لانني كنت اقبلها بشغف كبير
جَواد:هاي شنو ا...
قبل أن اكمل جملتي سحبتني من كتفاي لتقبلني مرة اخرى......
مريم ⬛
عندما ذهبوا ملك وجواد خرجت من المنزل وذهبت إلى السوق لكي اشتري الاغراض وعندما عدت لم اجدهم يبدوا بانهم مازالوا عنده الدكتوره دخلت إلى المنزل وقمت بتنظيفه وبعد نصف ساعة سمعت اصواتهم خرجت من المنزل
ملك:خالتي اجيتي
مريم:اي صارلي شكد انتو شوكت اجيتوا
جَواد:من زمان
مريم:لعد وين جنتوا
ملك:بالمزرعة نتمشى
نظرت إلى ملابسهم كانت متسخه
مريم:لعد شبيها ملابسكم هيج
ملك:اها
شعروا بالتوتر نظر إلى قميص جَواد لم يقفل زرارات قميصه جيد ابتسمت لهم
مريم:مرة ثانية من تخلصون رتبوا نفسكم زين حتى ما تنكشفون
ابتسم جَواد وقد احمر وجه ملك من الخجل
مريم:روحوا جهزوا نفسكم وتعال على ما اجهز الاكل
جَواد:تمام ....
الساعة الثانية صباحاً كان الجميع نائماً استيقظ جَواد على صوت ملك كانت تشعر بألم شديد في بطنها
جَواد:شكو شبيج
ملك:الحكني راح اجيب
جَواد:اخاف مثل هذاك اليوم
ملك:لا هاي المرة راح اجيب صدك ااااه
نهضت بسرعة من السرير بدل ملابسه وحملها وخرجوا من الغرفه صادفتهم مريم استيقظت على صوت الصراخ
مريم:شكو
جَواد:راح تجيب
مريم:انتظر خل ابدل واجي وياكم
جَواد:لا خليج انتي اذا صار شي اخابرج
مريم:ماشي
اخرجها من المنزل وضعها في السيارة وذهبوا المشفى كانت ملك طول الطريق تبكي وتصراخ بسبب الالم
ملك:لك امشي بسرعة راح اموت
جَواد:اخاف مثل هذيج المرة نروح ويطلع كلشي مابيه
ملك:واذا هسة انت خسران شي
وبعد نصف ساعة وصلوا الى المستشفى وادخلوا ملك للغرفه الفحص
جَواد:هاا دكتوره
كانت الطبيبة صامته وملك كانت تصراخ من الالم
جَواد:شكو دكتورة
الدكتورة:لازم ندخلها للعمليات بسرعة
ملك:شنو صار دكتورة
دكتورة:بصراحة ما ادري شنو اكول بس الحبل السري ملفوف حول الجنين وهذا الشي خطر عليه وعلى الام لازم نسوي عملية هسة ونطلعه بسرعة
ملك:انتي شنو جاي تحجين يعني ابني مات
دكتورة:لا تخافين ان شاء الله مابيه شي اني رايحه احضر غرفة العمليات
خرجت الدكتورة وامسك جَواد بيدها
ملك:جَواد اني خايفه لا ابني صاير بيه شي
جَواد:لا تخافين حبيبتي اني يمج
ملك:جَواد اموت اذا صار بيه شي
جَواد:ان شاء الله ماكو شي
جَواد ⬛
ادخلوا ملك الى غرفة العمليات وانا مازلت انتظر خارج الغرفة خروج الطبيبة واتصلت على خالتها لكي تأتي
وبعد نصف ساعة وصلت الى المستشفى
مريم:اها شكو
جَواد:بعدها جوه بالغرفه العمليات
مريم:محد طلع
جَواد:لا لحد هسة ماكو
وفجاة انفتح الباب وخرجت الدكتورة
جَواد:اها دكتورة طمنيني شلون حالتهم دكتورة:ممكن تتفضل وياي استاذ جَواد اريد احجي وياك
جَواد:شكو
دكتورة:تعال وياي
جَواد:ماشي
ذهبنا الى غرفة الدكتورة جلست امامها على المكتب
جَواد:شكو دكتورة خوفتيني
دكتورة:بصراحة وضع ومرتك والطفل كلش خطير
جَواد:شنو
دكتورة:اي للاسف واحنا لازم نطلع الطفل بسرعة لان راح يموت
جَواد:لعد ما تطلعونه شنو منتظرين
دكتورة:هي هاي المشكله
جَواد:ما افهمت
دكتورة:شوف استاذ جَواد ابنك ما مكمل الشهر التاسع والحبل السري ملفوف حول ركبته واحنا لازم نطلع هسة
جَواد:طلعوا لعد
دكتور:اذا طلعنا الطفل بهذا الوكت راح راح نعرض حياة مرتك للخطر
جَواد بصدمة:شو
دكتورة:لازم يكمل الشهر التاسع واذا بقه بداخلها لحد ما كمل الشهر التاسع مو اكيد راح يطلع عايش بس اذا طلع هسة راح يعيش بس مرتك مو اكيد راح تعيش
جَواد:انت شنو جاي تحجين
دكتورة:للاسف واني اجيت اخذ رأيك شنو راح نسوي
جَواد:وكفي العملية
دكتورة:شنو
جَواد:لا تنزلين الطفل هسة
دكتورة:بس هذا الموضوع خطر على الطفل
جَواد:مو مهم الطفل اهم شي ملك
دكتورة:بس
جَواد:ماكو بس وكفي العملية
دكتورة:بس هيج راح تتعرض حياة الطفل للخطر
جواد:كلشي بيد الله
دكتورة:ماشي
اوقفت الدكتورة العملية وطلبت الدكتورة ان تبقى ملك بالمستشفى الى ان تلد لان هذه الفترة خطيرة على حياتها وضعوها في غرفة خاصة كنت اجلس في غرفتها انتظرها الى تستيقظ وفجأة فتحت عيناها
جَواد:ملك كعدتي حبيبتي
ملك:ليش ما اجه ابني
جَواد:تكول الدكتورة مو هسة الولادة
ملك:شلون مو هسة لعد مو كالت وضع الولد خطير وما اعرف شنو جَواد
جَواد:اي بس بعدين كالت هسة انتي مو بوضع الولادة
ملك:جَواد احجي الصراحة ابني مات
جَواد:لا حياتي شنو هذا الحجي طفلنا بخير
ملك:لعد ليش لحد هسة ما جبت جَواد شنو القصة
جَواد:،حبيبتي شبيج انتي جاي اكلج ماكو شي
ملك:جَواد لا تجذب عليه كول ابني بيه شي
جَواد:يمعودة شبيج انتي
ملك:لعد ليش ما تحجي شنو القصة
صمتت قليلاً
ملك:ابني مات
جَواد:لا بس حالته مو زينه
ملك:شنو ليش
جَواد:تكول الدكتورة الولد بعده ما مكمل الشهر التاسع وما يكدرون يطلعونه هسة لحد ما يكمله بس المشكلة الحبل السري الي ملفوف على رقبته اذا بقه عليه لحد ما يجي احتمال ما يجي عايش بس اذا طلعوا هسة راح يعيش
ملك:لعد شنو منتظرين خل يطلعونه هسة
جَواد:بهاي الحالة راح نعرض حياتج للخطر
ملك:شو
جَواد:اي واني طلبت منهم يوكفون العملية
ملك:ليش جَواد
جَواد:شلون ليش
ملك:خلي يجي ابني هسة
جَواد:انتي مخبله سمعتي اني شنو حجيت
ملك:اي سمعت واريد ابني يجي هسة مو مهم تتعرض حياتي للخطر بس اهم شي يطلع ابني عايش
جَواد:لا انتي تخبلتي اكيد
ملك:الله يخليك جَواد سوي اللي اكلك عليه
جَواد:مو بكيفج انتي اسكتي
ملك:خليني اسوي العملية جَواد
جَواد:مستحيل اسكتي وبعدين يجوز يطلع عايش اصبري
ملك:واني انتظر على يمكن
جَواد:لعد تتعرضين للموت على موده
ملك:مراح يصيرلي شي جَواد
جَواد:لا كلتلج لا يعني لا
امسكت بيدي واصبحت تبكي وتتوسل بي
ملك:الله يخليك جَواد وافق مراح يصير شي صدكني
جَواد بعصبية:لج انتي شكو مستعجلة اصبري
ملك:ما اكدر اصبر يجوز يموت
جَواد:لعد تموتين انتي
ملك:مراح يصير شي وافق جَواد الخاطري
جَواد:لا
ملك:جَواد اترجاك لا تحرمني من ابني
جَواد:لج ليش جاي تسوي هيج ليش
ملك:اريد اشوف ابني
جَواد:احتمال ما تشوفينه
ملك:كلشي بيد الله بس وافق
جَواد:مستحيل
ازداد بكائها وغضبت كثيراً
جَواد:يالله منـــــــــــج
ملك:خليني اسوي العملية الله يخليك
صمتت طويلاً لكي افكر في الموضوع
ملك:جَواد مراح يصير شي راح نطلع من العملية بخير وسلامة صدكني
جَواد:واذا صار شي
ملك:لا اكيد مراح يصير بس انت وافق
نظرت إلى وعيناها طويلاً وثم قالت
جَواد:تمام
احتضنتني بقوه
ملك:مراح اعوفك راح ارجعلك صدكني
جَواد:وعد لا تعوفيني
ملك:وعد
ادخلوا ملك الى غرفة العمليات وانا وخالتها ننتظر اتصلت على امي وجاءت إلينا هي ايضاً
افنان ⬛
وصلت الى المستشفى الساعة الخامسة مساء ذهبت الى غرفة العمليات كان جَواد وخالة ملك ينتظرون امام الغرفه
افنان:اها ابني بشر
جَواد:لحد هسة بالعمليات صارلها ساعتين
كان شكله متوتراً وقلق
افنان:اهدى شوية ان شاء الله ماكو شي
مريم:مرحباً اني خالة ملك
افنان:اهلا وسهلاً اني ام جَواد
مريم:اهلا بيج
جَواد:ليش تأخروا لحد هسة
مريم:طبعا يتأخرون هاي عملية جبيرة ابني
جَواد:خايف لا يصير شي
افنان:لا ان شاء الله ماكو شي ويطلعون ثنينهم بخير
جَواد:يارب
وبعد نصف ساعة خرجت الدكتورة من غرفة العمليات
جَواد:طمنيني شلونها ملك
دكتورة:الحمدالله ثنينهم بخير
جَواد:صدك
دكتورة:اي الحمدالله مصار اي مضاعفات بالعملية
جَواد:الحمدالله
افنان:الحمدالله
جَواد:وين ملك
دكتورة:هسة راح ناخذها على الغرفة حتى ترتاح
مريم:يعني ما بيها شي
دكتورة:مابيها شي
افنان:والطفل
دكتورة:صحته كولش زينه
نظرت الى جَواد كان يبتسم
افنان:مو كلتلك لا تخاف
جَواد:اريد اشوف ملك
دكتورة:هسة راح ناخذها للغرفه
جَواد:اني راح اروح هسة اجي
افنان:ماشي
ذهب جَواد واخروجوا ملك من غرفة العمليات وضعوها في غرفتها الخاصة كانت نائمة كنت اجلس بجانبها بعد ربع ساعة فتحت عينيها نهضت وذهبت اليها افنان:حمدالله على السلامة ملوكه
ابتسمت عندما رأتني
ملك:خالة افنان انتي هنا
افنان:ارتاحي حبيبتي
ملك:ابني شنو صارله
افنان:لا تخافين ابنج بخير
ملك:صدك لو تجذبين عليه
افنان:لا تخافين ثنينكم بخير وهذا ابنج يمج
ملك:صدك
ارادت ان تنهض ولكنني اوقفتها
افنان:لا تكومين على كيفج هسة انطيج ابنج
اخذت الطفل واعطيته لها اصبحت تقبله وتبكي
افنان:ليش تبجين
ملك:ما مصدكة هذا ابني اني
افنان:لعد ابن منو
ملك:جنت راح اموت من الخوف عبالي مراح يجي
افنان:لا الحمدالله مابيه شي وصحته كلش زينه
ملك:الحمدالله
الفتت حولها
ملك:لعد جَواد وين
افنان:طلع ما ادري وين
ملك:وخالتي وين
افنان:راح للبيت هسة تجي
ملك:اها انتي شلون اجيتي
افنان:اتصل عليه جَواد واجيت
ملك:وعفتي جوليا الوحدها
افنان:اجه الطبيب واليوم راح يسون العملية مال جوان
ملك:الله يشافيها
افنان:يارب والله خطية
ملك:شلون عفتيها واجيتي
افنان:كلها موجودين هناك كلت خل اجي اشوفج
ملك:مشاقتلج هواي
افنان:واني هم حبيبتي
ملك:جَواد ليش تأخر
افنان:اي والله تأخر وين راح هذا خل انزل اشوفه
ملك:ماشي
ملك ⬛
خرجت خالة افنان من غرفة مرت ساعة على غيابهم ولم يعد اي احد منهم إلى هنا شعرت بالنعاس وضعت الطفل من مكانه وخلد الى النوم وبعد نصف ساعة استيقظت فتحت عيني ولم اجد احد بجانبي
ملك:وين راحوا بعدهم ما راجعين
التفت لكي اخذ ابني ولكنني لم اجده في مكانه
ملك:حسن ابني وينك
شعرت بالخوف اصبح جسدي يرتعش
نهضت بصعوبة من السرير اتجهت الى ناحية مكان الطفل وجدت ظرف مغلق مرمي بداخل سرير الطفل اخذت وتفتح الظرف وقرأت الرسالة
جَواد:ادري من راح تقرين هاي الرسالة راح تنصدمين وراح تتفاجئين بالي مكتوب بيها... لحد هنا وخلص بعد ما اكدر جذب اكثر ملك كلشي صار بينه جان عبارة عن جذبه وكلشي كلته الج جان عبارة عن جذبه سويت كل هاي الخطة حتى اخذ الطفل منج هاي الخطة جنت اخطط الها من اول يوم سمعت بيج سافرتي....
رحت على بيت اريج وسمعتها تحجي وياه جوليا
جوليا:انتي شلون خليتها تروح لازم نخلص من الطفل
اريج:ماكو داعي مدام سافرت يعني بعد مراح ترجع وجَواد وبهذا الوضع من وين راح يدري بيها حامل
جوليا:واذا رجعت
اريج:لا مراح ترجع واذا رجعت يكون اني تزوجت جَواد
جوليا:تمام هم صح اكلج يله لعد اني رايحه للبيت هسة لان خاف يجي امير
اريج:ماشي عود خابريني
جوليا:اكيد يله باي
عندما خرجت جوليا من المنزل ظهرت انا لها
اريج:جواد انت شوكت اجيت
جَواد:من لازم نتخلص من الطفل
اريج:شنو انت
جَواد:يعني ملك حامل
اريج:اها
جَواد:وانتي تدرين ما تحجين
اريج:خفت لان انت راح ترجع الها من تدري بيها حامل
جَواد:بس الحمل مراح يخليني ارجع الوحده خدامة
اريج:شنو يعني
جَواد:يعني حتى لو حامل اني ما اريدها وهذا الطفل مراح يخليني اتقبل وجودها ابدا
اريج:شنو يعني حتى لو حامل انت مراح تسامحها
جَواد:شلون ترديني اسامحها وهي دمرت حياتي شلون تفكرين هيج
اريج:زين راح شتسوي هسة
جَواد:،والله ما ادري بس لازم افكر بشي اريج:اطلب منها تنزل الطفل
جَواد:لا اكيد مراح تقبل لازم اسوي شي قوي
صمتت طويلاً وبعد لحظات نظرت الى اريج وابتسمت لها
جَواد:لكيت خطة تخبل
اريج:شنو
جَواد:راح اخذ ابنها منها هذا اكبر عقاب الها
ابتسمت اريج
اريج:شلون
جَواد:بعدين اكلج شلون بس الاول لازم نعرف وين المكان الي راحت عليه
اريج:اني ممكن اعرف وين راحت
جَواد:شلون
اريج:انتظر
نهضت اريج واتصلت على المطار وطلبت ان يعطوها معلومات عن الطائرة التي كنتي بها
اريج:راحت على المناطق الزراعية
جَواد:منو عدها هناك لازم نعرف
وبقينا يومين نبحث وبعدها اكتشفنا بان لديكِ خالة تسكن هناك ونفذنا الخطة الثانية
جَواد:بما انو عرفنا اين مكان ملك هسة لازم ننفذ الخطة الثانية
اريج:شنو؟
جَواد:لازم تخرب علاقتنا وتعوفين البيت لازم الكل يحس بهذا الشي بان علاقتنا اني وياج مستحيل تكمل
اريج:زين ليش
جَواد:حتى من العب عليها محد يحس
اريج:انت مصيبة
جَواد:طبعاً حلفت الا ادفعها الثمن
فعلاً تركت اريج المنزل واصبح الجميع يعتقد بان علاقتنا انا واريج قد انتهت واصبحت مستحيلة وشك الجميع بحبي لكي وخصوصاً من بعثت وراء شخص لكي يبحث عنكِ حتى يصدق الجميع وكنت اعطيه معلومات خاطئة وانا كنت اراقبك طوال تلك الاشهر كنت انتظر للحظة المناسبة التي اظهر بها امامك عندما دخلتي في الشهر التاسع وتعرضت ابنته جوليا الى المرض وقالوا لنا بان احدى الدكاترة المختصة بهذا المرض موجود هناك وطلب الدكتور بان يذهب احد الى هناك ويجلب الطبيب قلت لنفسي بان هذه هي فرصتي سوف اذهب انا وانفذ باقي خطتي في الحقيقة مرض جوان ساعدني كثيراً طلبت من امير بان اذهب انا الى هناك وهو وافق فعلاً واتجهت الى هناك اتصلت على امير وقلت له بانني سوف استأجر فندق وانا كنت اعلم بانه امي تقف بجانبه سوف تسمع حديثي معه وتطلب مني بان اذهب الى منزل خالتي وانا علمت منذوا البداية بانه منزل خالتك مريم بجوار منزل وشقيقيها امي ولهذا السبب تحدث في موضوع الفندق لكي سمع امي فعلاً حصل مثل ما توقعت طلبت امي بان اذهب وسكن مع اختها
عندما ذهبت رأيت خالتك مريم وانا كنت اعرفها منذوا زمان طويل عندما كنت صغير كانت تأتي كثيراً الى منزلكم ولكنها لم تتعرف علي اوصلتها الى المنزل وجعلتها تثق بي لكي تساعدني
وعندما في قناعك طلبت من هدى بان نخرج لانني اعلم بانكِ في هذا الوقت تجلسين في الحديقة وقررت بان اظهر امامك والباقي تعرفينه انتي وين هسة انتهى كل شي وعرفتي اللعبه شنو جانت كلشي جان جذب انتهت العبه ملك game over ....
عندما انتهت ملك من قراءة الرسالة كانت في حالة صدمة لم تستوعب ما يحصل امامها سقطت الرسالة من يدها على الارض وهي مازالت واقفه في مكانها...
انفتح الباب ودخلت خالتها
مريم:ملك
اقتربت منها وامسكت بها
مريم:ملك حبيبتي شبيح
كانت مصدومة
مريم:شنو صار شبيج وين الكل
التفت حولها ورأت تلك الرسالة مرميه على الارض اخذتها و قرأتها وعندما انتهت فتحت عيناها
مريم:هاي شنو
امسكت بملك ولكنها لا أستطيع أن تتحرك
مريم:ولج شنو هاي فهميني.... ابنج وين
تركتها ملك وخرجت من الغرفة من غير أن تقول شيء
مريم:ملك وين رايحه تعالي
استأجرت سيارة وعادت الى المنزل دخلت الى المنزل بحثت عن جَواد ولم تجده خرجت من المنزل واتجهت الى بيت خالته فتحت الباب ودخلت تبحث عنه من غير أن تتحدث مع احد
نوال:ملك شكو على شنو جاي تدورين
هدى:شبيج ملك شكو
ملك:جَواد وين
هدى:جَواد ؟
ملك:اي وين
هدى:قبل شوية اجه اخذ غراضه وكال راح ارجع للبيت
مريم:اي بيت
هدى:بيته شكو
خرجت ملك مو المنزل استأجرت سيارة وذهبت الى المطار هي وخالتها
مريم:فهميني شنو صار ليش جَواد كتب هيج
لم ترد عليه
مريم:احجي شي لا تبقين ساكته
كانت تنظر من النافذة
وصلوا الى المطار ركبوا في طائرة وذهبت الى لوس أنجلوس وبعد مرور ساعتين وصلت الى لوس أنجلوس مريم:وين راح نروح هسة
لم ترد عليها استأجرت سيارة وذهبت الى منزل جَواد
مريم:برأيج هو موجود هناك..... احجي يمعودة لا تبقين ساكته هيج
ملك:اسكتي الله يخليج خالة
ملك ⬛
وصلنا الى منزل جَواد خرجت من السيارة واقتربت من حرس البوابة
ملك:اين السيد
اصبحوا ينظرون الى بعضهم البعض
ملك:لماذا لا تتحدثون اين السيد جَواد
ذهبت بإتجاه الباب واصبحت تطرق به بقوة وانادي عليه
ملك:جَـــــــــــواد جَـــــــــــواد وينـــــــــــك
وفجأة توقفت سيارة امام المنزل وخرجت افنان من السيارة ذهبت إليها
ملك:خالة جَواد وين
افنان:جَواد
ملك:اي جَواد وابني وين
كانت صامته ولا تنظر إلي
ملك:ليش ما تحجين جاي اكلج جَواد وين
افنان:جَواد اخذ اريج وابنج وراحوا على بريطانيا راح يعيشون هناك
ملك:شنو..
ابتسمت لها
ملك:انتي جاي تشاقين انتي هم مشتركة باللعبة
انزلت افنان راسها
ملك:ليش ساكته
امسكت بيدها ونظرت الى عينيها
ملك:هاي لعبه من جَواد صح .. يريد يشوفني شكد احبه وهاي الرسالة كلها لعبه منه صح؟...اني احبه والله احبه هو اغلى شي بحياتي بس خلي يطلع كافي يعذبني اكثر هو يدري اني ما اكدر اعيش بدونه وجاي يسوي هيج حتى يتأكد من حبي
التفت إلى ناحية القصر
ملك:جَـــــــــــواد اطلع الله يخليك كافي تعذبني اني ادري بيك انت جوه بالبيت وجاي تسوي هيج حتى تشوفني شكد احبك والله احبك وداعت ابني احبك ليش جاي تسوي بيه هيج وانت تدري ما اكدر اتحمل اعيش بدونك اذا تحبني صدك اطلع حبيبي
اقتربت مني افنان وضعت يدها على كتفي
افنان:ملك
نظرت إليها وتجمعت الدموع في عيناي
ملك:خلي يطلع كافي ما اكدر اتحمل بعد
افنان:ملك روحي على بيتج
ملك:وين اروح وجَواد
افنان:جَواد بعد ما يريدج انسي
ملك:لا هاي لعبه هسة يطلع اني مراح استسلم
امسكت افنان بيد بقوة
افنان بعصبية:لج افتهمـــــــــــي جَواد راح عافــــــــــج وراح اخذ ابنــــــــــج وراح بعد ماكو لا جَواد ولا ابنج اصحي على الواقع شوفي شنو صار جَواد جان يضحك عليج وعلينا جان متفق وياه اريج حتى يدمروج وانتي بعدج تفكرين بيه وتحبينه اصحي شوفي بعينج شنو صار كلشي جان لعبه منه اخذ ابنج وراح
ابتعدت عنها ومازال كلامها يتردد في اذني لا استوعب ما تقوله افنان
ملك:لا مستحيل لا جَواد مستحيل يسوي بيه هيج
افنان:لا سوه بيج قبل ما يسافر دز لي رسالة وكال انتهت اللعبه اني جنت اضحك عليكم اني لا احب ملك ولا اريدها واني سويت كل هاي الخطة حتى اخذ ابني منها وكال اني اخذت ابني و اريج ورايحه على إيطاليا نعيش هناك وكال كولي لملك خل تنسى ابنها وتنساني لان مراح ارجع بعد
سقطت على الارض وصرت اصرخ باعلى صوتي
ملك:لا جَــــــــــــــــواد...جَــــــــــــــــواد.. ابنـــــــــــــــــي حسن ابنـــــــــــــــــي
بعد مرور 7 سنوات
*لقد تحسنت جوان ابنة جوليا وقد تعافت من المرض تماماً .....
*جوليا لقد تغيرت كثيراً واصبحت فتاة طيبة وقد تصالحت مع ملك واصبحت صديقتها المقربة وقد قطعت علاقتها مع اخوها واريج لم تتصل بهم وهي الان تعيش مع زوجها وابنتها جوان بسعادة....
امير * قطع علاقته مع جَواد وترك الشركة واصبح يعمل لدى شخص آخر مع جلال شقيق اية واصبحوا اصدقاء مقربين جداً
افنان * تركت منزل جَواد وذهبت تسكن في منزل صغير مع ملك وخالتها مريم وهم الان يعشون مع بعض
ملك *تصالحت مع والدها واصبحت تزوره كثيراً وهو يأتي إليهم وما زالت تبحث عن ابنها وجلال شقيق ايه كان يساعدها في البحث عنه كان جلال يحاول التقرب منها ولكنها لا تهتم لي وكل ما يهمها هو ان تجد ابنها لقد انتهى ذالك الحب الذي كان بداخلها لجَواد
اصبح بداخلها حقد وكراهية بدل من الحب الذي كان بداخلها وهي الان كل ما تتمنى هو الانتقام منه واخذ ابنها منه بحثون عنه كثيراً ولكنهم لم يجدونه لكنها دائماً لديها امل بان يأتي يوماً ما وترى ابنها حسن ...
جَواد *جَواد قد تخلى عنه الجميع وتركوا بسبب تصرفاته هذه وكان الجميع يظن بان جَواد الان مع اريج في إيطاليا ولكن لا احد يعلم ماذا حصل له في ذالك اليوم عندما خرجت من المستشفى.....
العودة الى الماضي قبل 7 سنوات
عندما خرج جَواد من المستشفى ذهب الى بائع الورود لكي يجلب لملك الورود ولكن صادفته اريج في طريقة
اريج:هلو
جَواد:اريج انتي شتسوي هنا
اريج:ليش ما ترد على اتصالاتي
جَواد:جنت مشغول
اريج:مبروك سمعت مرتك حامل لا وجابت هم
جَواد:اي صح بس انتي شمدريج بيها جابت
اريج:شلون شمدريني اني اريج
جَواد:اها
اريج:اريد احجي وياك بموضوع علاقتنا
جَواد:واني هم اريد احجي وياج بس هسة مشغول
اريج:اني ادري انت شنو راح تكول... انت تريد تعوفني صح
جَواد:بصراحة اي علاقتنا مراح تستمر
اريج:ممكن نكعد بشي مكان ونحجي
جَواد:بس
اريج:لا تخاف مراح تتأخر
جَواد:ماشي
ذهبوا الى احدى المطاعم
جَواد:خير
اريج:اني جنت ادري بيك انت مقرر تعرفني من زمان بس جنت اريد اتأكد
جَواد:اريج انتي خوش بنيه والف واحد يتمناج بس اني
اريج:انت تحب ملك صح
جَواد:اي و اريد اعيش وياهه وياه ابني
اريج:تمام روح اذا تريد
جَواد:شنو
اريج:اي شبيك روحي
جواد:اني ادري بيج انتي كلبج طبيب اكيد راح يجي يوم وتلكين الشخص المناسب
اريج:ان شاء الله
جَواد:يله اني صار
اريج:روح مع السلامة
عندما ذهب جَواد اتصلت اريج بالشخص لكي ينفذ المهمة وبعد ربع ساعة اتصلت اريج على جَواد
جَواد:اريج خير
اريج:انت وصلت للمستشفى
جَواد:اي هسة راح ادخل
اريج:لا تدخل للمستشفى
جَواد:ليش
اريج:قبل ما تدخل شوف هذا الفيديو راح يوصل على موبايلك
اقفلت الخط وبعد لحظات وصل الفيديو كان مشهد خطف الطفل ابن جَواد وملك انصدم جَواد عندما شاهد الفيديو وبعدها اتصل على اريج
جَواد:لج شنو هذا
اريج:لا تصير عصبي حياتي
جَواد:لج شنو هاي وين ابني
اريج:ابنك صار عندي هسة اذا تريده يعيش تعال لي ولا تدخل للمستشفى
جَواد:وين انتي
ذهب الى المكان الذي موجود به الطفل كان مكان مهجور ومخيف لم يكن حوله شيء غير الجبال بعدها وصلت اريج
جَواد:ابني وين
اريج:تعال خل نصعد على الجبل حلو المنظر من فوك
جَواد:ماكو داعي خل نحجي هنا
اريج:بس ابنك موجود على الجبل
جَواد:شو؟
اريج:اي تعال وشوف
اتجهوا الى هناك وعندما وصل وجد الرجل وبيده الطفل ركض عليه واخذه منه
جَواد بعصبية:لج انتي مخبله شنو هاي التصرفـــــــــات
اشارت بيدها الى الرجل لكي يبتعد عنهم قليلاً
اريج:مخبله بيك لحظة انت شنو كلت قبل نص ساعة راح يجي يوم اعيش بسعادة سعادتي وياك حبيبي
جَواد:واني كلتلج ما اريدج
اريج:مو بكيفك جَواد
جَواد:لعد بكيفج
اريج:اي انت مضطر تسمع كلامي على مود ابنك
جَواد:انتي وحدة مريضه واني ما اريد اعيش وياه مريضة
اريج:بس انت وافقت تعيش وياه المريضة نفسياً شنو نسيت ملك شنو سوت من جانت صغيرة
جَواد:هاي انتي كلتي بنفسج ملك من جانت صغيرة يعني مجانت تعرف شي جانت تتصرف تصرفات مال جهال بس انتي جبيرة
اريج:صح اني احسن منها بهواي اني اكدر اسوي اشياء هي ما تكدر تسويها
نظر إلى الطفل احتضن جَواد ابنه
جَواد:انتي راح شتسوين اذا تقربتي على ابني اكتلج خلص اريج
اريج:خايف على ابنك اذا خايف عليه هيج ليش ما تسمع كلامي وتجي وياي اصلا هسة الكل راح يكرهك اني دزيت رسالة لملك وكلتلها انت بعد ما تريدها وانت سويت كل هاي على مود تاخذ الطفل وتنتقم منها على موت ابوك
جَواد بصدمة:شنو انت من وين تعرفين كل هذا
اريج:جنت اراقبك من اول يوم سافرت بيه دزيت واحد وراك وعرفت عنك كلشي من اول يوم سافرت بيه وشلون لكيت ملك وشنو صار بعدها يعني حتى النفس الي تاخذه عرفته عنك
جَواد:زين ليش
اريج:لان ادري راح يجي يوم تغدرني بيه اي ومو بس هيج دزيت للكل الجوليا وافنان يعني الكل هسة يدري انت اخذت ابنك وسافرنا اني وياك وبعد مراح نرجع
جَواد:انتي من وين جايبه هاي الثقة شمدريج راح اوافق اروح وياج
اريج:عادي حياتي اذا ما تريد تروح لا تروح بس هم مراح ترجع الهم
جَواد:شنو يعني
اريج:يعني اذا مراح تكون لي هم مراح تكون لغيري
حس جَواد بانها سوف تفعل شيء فوضع ابنه على الارض ركضت اريج باتجاهه ورمت به من اعلى الجبل وسقط من الاعلى الجبل وفي نفس ذالك الوقت الذي سقط به جَواد كانت ملك تصرخ امام منزله
جَواد:ااااااااااه
ملك:لا جَــــــــــــــــواد...جَــــــــــــــــواد
سقط جَواد من اعلى الجبل وكان الطفل يبكي بصوت عالي واريج تقف امام الطفل
اريج:شفت ابوك شكد غبي ما سمع كلامي لو سامع كلامي جان هسة وهو عايش بس لانه واحد غبي اختار الموت على العيشه وياي
كان الطفل يبكي صوت عالي وكأنه كان يشعر كل شيء
اريج بعصبية:ششش لا تبجي دوختني
اريج:ياربي راح شسوي بهذا الطفل
اصبحت تنظر حولها لم تجد شيء سوى الجبل
نظرت إلى الطفل
اريج:حبيبي مضطرة اعوفك هنا لان ما اريد اخذك وياي وانت راح تبقه هنا انت وحضك لو تعيش لو تموت بس ما اتوقع راح تعيش بهذا الجو البارد على العموم اذا متت وشفت ابوك اريدك تسلم عليه
تركت الطفل بمفرده يبكي في اعلى الجبل وذهبت الى المطار....
مرت 7 سنوات على ذالك اليوم ولا احد يعلم ماذا جرى لجَواد وابنه في ذالك اليوم والجميع يظن بان جَواد الان مع اريج ولكن لا حد يعرف الحقيقة ....
