ملك ⬛
مر أسبوعان واخيراً جاء اليوم الذي كنت انتظره اليوم موعد محكمة ابي واخيراً سوف يخرج من السجن نهضت من السرير وانا اشعر بالنشاط دخلت إلى الحمام استحممت وخرجت غيرت ملابسي وتناولت وفطوري وخرجت من المنزل اتجهت الى منزل اية لكي اذهب مع اخيها جلال الى المحكمة لانه هو من يمسك قضية والدي عندما وصلت طرقت الباب وبعد لحظات فتح لي جلال الباب وكانت على وجهه ابتسامة
ملك:صباح الخير حضرت المحامي
ابتسم لي
جلال:صباح النور اليوم جايه من وكت
ملك:طبعاً حتى نروح بسرعة نطلع بابا مو مصدكة اخيراً راح يطلع
جلال:كلتلج عرفي كلشي على رب العالمين وهاي راح تنحل
ملك:صح يله هسة خل نروح بسرعة
جلال:انتظري بس اجيب مفاتيح السيارة واجي
ملك:تمام
وقفت بجانب السيارة انتظر خروجه من المنزل وبعد لحظات خرجة ركبنا في سيارته واتجهنا الى المحكمة وبعد ساعتين وصلنا عندما دخلت رأيت جَواد كان يتحدث مع محاميه الخاص عندما رآني تفاجئ واصبح ينظر الى جلال لم اكترث له التفت إلى جلال واصبحت اتحدث معه
جلال:تدري خايفه لا يصير شي وما يطلع اليوم
جلال:لا تخافين راح ندفع الكفالة ويطلع من غير مشاكل
جَواد:ويجوز جَواد يسوي شي حتى ما يطلع
جلال:ميكدر لان كل شي تحت القانون
إلتفت الى حَواد كان ينظر إلي بغضب لم اهتم له ولا لنظراته وبعد ربع ساعة نادى الشرطة على قضيتنا وخلنا الى قاعة المحكمة وعندما دخلت رأيت ابي يجلس وبجانب شرطة كنت اود الذهاب لي ولكن جلال امسك بيدي لكي اجلس
جلال:وين رايحه ميصير ممنوع
التفت وجاءت عيني على جَواد كان ينظر الى يدي وجلال يمسك بها ابعدت يبدي عنه فوراً لان رأيت نظرات غضب في عين جَواد وابدأ القاضي بالتحدث
القاضي:القضية 55 التي رفعها السيد جَواد حسن على السيد اسماعيل حقي بسبب عدم تسديد الديون ولذالك قررت المحكمة بالسجن..
نهض جلال لكي يتحدث مع القاضي
جلال:حضرت القاضي عذراً على المقاطعة ولكن هل تسمح لي بالتحدث لدي شيء مهم بخصوص القضية
القاضي:اجل تفضل
جلال:سيدي لقد تدبر المبالغ المالية التي منسوب الى موكلي ويمكننا دفعه الان للطرف الخصم لذاك اطلب من حضرتكم اطلاق سراح موكلي ودفع المال الذي منسوب إليه
نظر القاضي الى محامي جَواد
القاضي:هل هذا الكلام صحيح
نظر المحامي الى جَواد وهز جَواد راسه المحامي:اجل سيدي قد تم دفع المال بالكامل ولذاك موكلي يسحب التهمة
الموجهة بحق السيد اسماعيل حقي
القاضي:حسناً بما أن قد دفع المبلغ كامل للسيد جَواد حسن لقد قررت المحكمة اطلاق سراح السيد اسماعيل حقي من التهمة المنسوبة إليه
نهضت بسرعة و احتضنت ابي
ملك:بابا حبيبي
اسماعيل:ياعمري اشتاقيتلج هواي
ملك:واني هم
جلال:حمدالله على سلامتك عمي
اسماعيل:الله يسلمك ابني ما اعرف شنو اشكرك على اللي سويته انت انقذتني
جلال:ولو ما سويت شي
ملك:يله بابا خلينا نطلع منا ونرجع للبيت اسماعيل:يله امشوا
خرجنا من المحكمة وعنده خروجنا رأيت جَواد كان يريد الركب في سيارته
التفت إلى ابي
ملك:بابا ممكن تنتظرني شوية هسة اجي
اسماعيل:ماشي حبيبتي
ذهبت الى جَواد لكي اتحدث معه
ملك:جَواد
التفت إلي اقتربت منه
ملك:طبعاً انتهت المحكمة وطلع بابا
جَواد:اي
ملك:بقيت قضية الطلاك شوكت تمشي بيها
التفت إلى ناحية جلال
جَواد:شكلج مستعجله
ملك:طبعاً مستعجلة اريد يخلص كل شي
جَواد:اموت واعرف من وين دبرتي الفلوس
ملك:برأي هذا الشي ما يخصك
جَواد:اخذتي الفلوس من هذا المحامي
ملك:ليش تسئل
جَواد:بس هيج لان حسب ما ادري الناس ما تساعد احد بدون مقابل ومدام ساعدج اكيد عنده شي
ملك:والله اذا جان عنده شي بمقابل هذا الشي يخصني وبعدين انت شعليك ليش تسئل
جَواد:انتي لازم تنتبهين على تصرفاتج لان انتي بعدج مرتي
ابتسمت بسخرية
ملك:اوو مرتك من شوكت صرت مرتك هذاك اليوم كلتلي انتي ولا شي بالنسبة لي
جَواد:صح انتي ولا شي وبعدج هم ولا شي بس مهما كان انتي بعدج زوجتي ولازم تنتبهين على تصرفاتج
ملك:لا تخاف اني منتبها على تصرفاتي ومجاي اسوي شي غلط وبعدين ليش ضايج من تصرفاتي وياه شنو تغار
صمتت قليلاً وثم ضحك
جَواد:اغار؟ عليج انتي ههههههههههههه
والله ضحكتين
نظرت إلي بجدية
جَواد:انتي مو عبالج احجي هيج لان اغار عليج انتي اساساً ما تهميني ولا تعنيني اي شي شوفي نفسج انتي مجرد خدامة جانت تشتغل عندي حتى ما اعتبرتج مرتي لان اشمز منج اني مستحيل ينزل مستواي واغار على وحدة جانت تشتغل خدامة عندي حتى اللي صار بهذاك اليوم خلاني احس بالاشمئزاز شلون سويت علاقة وياه خدامة شي مقرف مو؟
اشعرت بغضب تمنيت أن صفعه كف ولكنني امسكت نفسي
ملك:تدري هسة اتمنى اضربك كف على كلامك هذا بس لا ما اريد اوصخ يدي بواحد تافه مثلك انت حتى ما تسوء اسوي هيج لان راح اعطيك اهميه وانت ما تستاهل
تركته وذهبت الى سيارة جلال ركبت بجانب ابي
ملك:يله جلال امشي
اسماعيل:شبيج بنتي شنو كال هذا التافه
ملك:مو مهم خلي يولي
لا اريد أن ابين الحزن الذي بداخلي لابي لكي لايحزن ولكن كلامة جرحني كثيراً كنت احاول امسك نفسي لكي لا ابكي امام احد شعرت بالانكسار قال انه يشعر بالاشمئزاز مني كم كنت غبية حين صدقت كلامة لماذا لم انتبه لنفسي كيف تمكنت من فعل هذا كم كنت غبية
عدنا الى المنزل نزلت من السيارة وذهبت فوراً إلى غرفتي تمددت على السرير وضعت يدي على بطني
ملك:ابوك يشمئز من عدنا ما يريدك ولا يريدني يحس بقرف من عدنا لان امك جانت تشتغل خدامة
مسحت دموعي
ملك:الحمدالله ما كلتلك اني حامل لان انت ما تستاهل انت واحد اناني مغرور وان شاء الله راح يجي يوم ونكسر بيه غرورك هذا
جَواد ⬛
كنت طول الطريق افكر بكلام ملك اغار عليها... هل حقاً انا اشعر بغيره لماذا اغار عليها اصلا هي لا تعني لي شيئاً اذن لماذا اغار
-اذا كنت لا تغار عليها اذا لماذا غضبت عندما رأيتها تتحدث مع المحامي
اصبحت اتحدث مع نفسي
جَواد:هذا لان هي مرتي وما اريد تحجي وتشاقه وياه احد
-شفت هذا اكبر دليل على غيرتك عليها انت ضجت لان حجت وياه شخص ثاني
جَواد:لا هذا مو معناتها انو اني احبها واغار عليها
-اني ما كلت انت تحبها انت ليش افتهمتها هيج ...
افنان ⬛
كنت في المطبخ نجهز الطعام وسمعت صوت الباب ذهبت لكي ارى من جاء وعندما خرجت من المطبخ رايت جَواد يصعد الى الاعلى كنت نادي عليها ولكنه لا يرد عليه حتى انه لا يلتف لي
افنان:شبيه هذا
ذهبت الى غرفته طرقت الباب
افنان:جَواد
جَواد:تعالي امي
افنان:شبيك حبيبي ليش ضايج
جَواد:جنت بالمحكمة وطلع اسماعيل من السجن
افنان:شنو ؟
جَواد:اي شفت الفرحه بعيونه وبعيون ملك تذكرت بابا وشلون دخل للسجن جنت اتمنى اعيش الفرحة مثلهم من كال القاضي برائته للحظة واحدة تخيلت برائة ابويه جنت اتمنى يطلع من السجن ويرجع لنا بس بدل ما يطلع لنا طلع وراح للكبر
وضع يداه على راسه اصبح يبكي احتضنته واصبحت اطلب منه أن يهدئ
افنان:هدئ حبيبي
جَواد:ليش هيج صار ليش عافنه وراح حتى امي عافتني وراحت كلها راحوا وعافوني
افنان:شنو هذا الحجي حبيبي كلها موجودة يمك انت مو الوحدك وبعدين مو اني موجودة يمك
جَواد:الله يخليج الي وما يحرمي منج
رفعت راسه ونظر إليه
افنان:حبيبي انت لازم تنساه الماضي وتعيش حياتك حاول تنساه الانتقام وكل هاي الاشياء وتبدي من جديد
جَواد:ذكريات ابويه بعدها عايشه بداخلي مجاي تخليني انساه
افنان:لازم تنساه وتكمل حياتك ميصير هيج.....
ملك ⬛
استيقظت من النوم وانا اشعر بألم فضيع بداخلي لا استطيع التحمل صرخت بأعلى صوته وصل ابي الى غرفتي يركض
اسماعيل:خير بنتي شبيج
ملك:راح اموت بابا بطني ترجعني
اسماعيل:ليش شبيج بنتي
ملك:اني حامل
اسماعيل:شنو
ملك:بعدين احجيلك اخذني للمستشفى بسرعة
خرجنا من المنزل وذهبنا الى المستشفى كنت اشعر بألم شديد لا اتحمل وكنت انظر الى والدي لا يزال مصدوم من الذي قلته له وصلنا وادخلوني الى غرفة الفحص الطبي واصبحت الدكتورة تفحص الجنين
ملك:طفلي دكتور هل هو بخير
الدكتورة:لا تقلقي الطفل بخير وانه في صحه جيدة الان
ملك:حقاً
الدكتورة:اجل ولكن يجب عليكِ ان تبتعدي عن الضغوط النفسية لان خطرة على الجنين وانتي في الاشهر الاولى
ملك:حسناً سوف اعتني به ولا ادع أي شيء يصيبه
الدكتورة:جيد
خرجنا من المستشفى انا والدي
اسماعيل:انت حامل
ملك:اي بابا
اسماعيل:شلون صار هيج
ملك:تعال خل نروح على شي مكان ونحجي
اسماعيل:يله امشي....
اريج ⬛
ذهبنا انا وجوليا الى المشفى لكي نطمئن على صحة الجنين وعندما دخلنا إلى المستشفى رأينا ملك تخرج من غرفة الطبيب النسائية
جوليا:لج هاي مو ملك
اريج:اي شتسوي هنا
جوليا:ما ادري
اريج:وليش طلعت من الطبيبة النسائية
جوليا:جاي تسأليني شمدريني
اريج:تعال خل نسئل
ذهبنا الى سكرتيرة الدكتورة
اريج:مرحبا
الممرضة:مرحباً
اريج:اريد اسألك سؤالاً
الممرضة:اجل تفضلي
اريج:هذه الانسة التي خرجت قبل قليل ماذا كانت تفعل هنا
الممرضة:كانت تقوم بفحص الجنين
جوليا اريج بصدمة:ماذا
بقينا مصدومين من الذي سمعنا
اريج:لج سمعتي شنو كالت
جوليا:اي ولج
اريج:لج هاي طلعت حامـــــــــــل
جوليا:ششش اسكتي فضحتينه
اريج:شفتي خطتج شنو سوت حلي المشكلة هسة
جوليا:امشي خل نطلع منا نحجي بغير مكان
اسماعيل ⬛
اسماعيل:شنو هاي الحقارة شنو سوى بيج هيج مو واعدني مراح يسويلج شي
ملك:بابا اهدئ شوية عندي موضوع مهم لازم تعرف بيه
اسماعيل:موضوع شنو بعد
ملك:ادري اللي راح احجي هسة راح تنصدم بسببه بس اني ما اكدر اسكت بعد وانت لازم تعرف كل شي
اسماعيل:شكو
ملك:بصراحة بابا كلشي جاي يصير بينه بسببي اني
اسماعيل:شنو بسببج انتي شعليج
ملك:لا بابا اني وحدة مجرمة
صمتت قليلاً
اسماعيل:شكو بنتي شنو صاير
ملك:بابا تذكر عمو حسن
اسماعيل:حسن منو
ملك:عمو حسن صديقك اللي جان عايش ويانه
صمتت قليلاً لكي اتذكر
اسماعيل:اي صح حسن...تذكرته جان اقرب صديق لي بس غدرني شبيه وليش اجه على بالج هسة
انزلت راسها الى الاسفل
ملك:مو هو اللي غدرك اني غدرتك
اسماعيل:شنو؟
جوليا ⬛
ذهبنا وجلسنا في احدى الكوفي شوب لكي نتحدث
اريج:ولج مجاي اصدك طلعت حامل
جوليا:اهدي شوية وخل نفكر
اريج:بشنو نفكر احجي... كل شي خرب بسبب خطتج هاي اجيتي تصلحين المشكلة خليتها تزيد علينا
جوليا:فوك ما اجيت اساعدج
اريج:ياريتج ما ساعدتيني خربتي حياتي بدل ما تساعديني هذا اللي جنت خايفه منه
جوليا:لا تضلين تلطمين وخلينا نفكر
اريج:بشنو نفكر فهميني بعد شنو خطة عندج اروح الجَواد واكله ملك حامل منك
جوليا:اسكتي واسمعيني اكيد جَواد هسة ميدري لان لو يدري جان كال
اريج:اي وترديني اروح واكله مرتك حامل
جوليا:انجبي خل اكمل
اريج:كملي عيني
جوليا:لازم نخليها تنزل الطفل
اريج:شنو
جوليا:اي هذا الطفل لازم ينزل
اريج:شلون
جوليا:لازم نفكر على كيف بخطة تخليه تنزل الطفل .....
ملك ⬛
شرحت لابي كل ما حصل في الماضي وقلت له بان عمي حسن قد توفى في السجن وبان جَواد هو نفسه جود ابن عمي حسن كان مصدوم ولا يصدق ما قلته له
اسماعيل:يعني انتي سويتي كل هذا
ملك:اي
اسماعيل:شلون تسوين هيـــــــــــج
صرخ بوجهي جعل الجميع الناس يلتفتون إلينا
ملك:بابا اهدئ الله يخليك
اسماعيل:ليش ترديني اهدئ لج ليش سويتي هيج
ملك:بابا الناس جاي يباعون عليه
امسكني من يدي بقوة واخذني الى المنزل كنت اشعر بالخوف من الذي سوف يفعله بيه كنت قلقة على الطفل وصلنا الى المنزل
اسماعيل:تعالي اكعدي واحجيلي ليش سويتي هيج
صرت ابكي واتوسل إليه
ملك:بابا غصباً عني والله مجنت اتمنى يصير هيج
اسماعيل:لج دمرنا عائله كامله ليش هيج ملك ليـــــــــــش
ملك:اني الغلطانة واستاهل اترجاك سامحني بابا
اسماعيل:اسامحج شلون اسامحج ليش ما حجيتي ليش بقيتي ساكته كل هاي السنين
ملك:ما كدرت احجي جنت خايفه
اسماعيل:شلون جنتي تنامين بليل ضميرج ما عذبج لج رجال مات بسببج خليتيني اتهم صديقي الوحدي ومات الرجال بسببي وبسببج
كان كلام ابي مثل السكين الذي يطعني في صدري
اسماعيل:اكول ليش جَواد حاقد علينا هيج ما الومه على كل شي يسويه بينه لان بنتي السبب
ملك:سامحني بابا دخيلك
اسماعيل:اسامحج على شنو ولج مستحيل اكدر اسامحج انتي مريضة نفسياً
ملك:اني تغيرت والله العظيم تغيرت
اسماعيل:تغيرتي بعديش اها بعد ما دمرتي حياتهم ومات ابوهم بسببـــــــــــج
جلست على الاريكة وصرت ابكي بصوت عالي
اسماعيل:للاسف دموعج هاي مراح ترجع اللي راح
ملك:سامحني الله يخليك
اسماعيل:ما اكدر اسامحج ملك
نهضت وامسكت بيده
ملك:بابا الله يخليك اترجاك
اسماعيل:وخري مني
ابعد يدي عنه واراد ان يخرج ولكنه توقف والتفت إليه
اسماعيل:اسمعيني زين من باجر تاخذين غراضج وترحين تعيشين يم بيت خالتي بالمزرعة مالتهم
ملك:شنو ؟
اسماعيل:ما اريد اشوفج يمي بالبيت
ملك:بابا الله يخليك لا تسوي بيه هيج
اسماعيل:كلتلج ترحين يعني ترحين
تركني وخرجت وقعت على الارض وصرت ابكي....
اسماعيل ⬛
لم اصدق ما فعلته ابنتي لقد دمرت كل شيء بيننا لماذا فعلتي ذلك ملك لماذا هل هذه هي ملك ابنتي الصغيرة لماذا الحقد والكراهية اثرت عليها هكذا لدرجة بأنه تسببت بموت انسان ..
كنت اسير ولم انتبه على نفسي الا وانا واقفه عنده منزل جَواد يبدوا بأنه قدمي اخذتني الى هناك لكي اعتذر منه على ما فعلنا بهم ذهبت الى الحراس
اسماعيل:مرحباً هل السيد جَواد هنا
الحارس:اجل
اسماعيل:ممكن ان تناديه اريد التحدث معه
الحارس:من اقول له
اسماعيل:السيد اسماعيل حقي
الحارس:حسناً انتظر هنا
ذهبت الحارس الى المنزل
جَواد ⬛
كنت اجلس على الاريكة وانا اتصفح الجريدة وانطرق الباب وذهبت كريستين لكي تفتح الباب وبعد لحظات عادت إلي
كريستين:سيدي احد الحراس يريد التحدث معك
جَواد:دعيه يدخل
كريستين:حسناً
ذهبت وبعدها دخل الحارس واقترب مني
الحارس:سيدي يوجد شخص في الخارج يريد مقابلتك
جَواد:من؟
الحارس:يقول ان اسمه اسماعيل حقي
جَواد بصدمة:ماذا
الحارس:اجل سيدي انه ينتظرك في الخارج
جَواد:حسناً دعه يدخل
خرج الحارس وبعد لحظات انطرق الباب وطلبت من كريستين ان تدخله الى المنزل وبعدها دخل واقترب مني و وقف امامي
جَواد:خير شنو جابك هنا
اسماعيل:اجيت اطلب منك السماح والغفران
جَواد:شنو
اسماعيل:اجيت اطلب منك تسامحني وتسامح بنتي على اللي سوينا بيكم
فهمت من طريقة كلامة بأنه قد علمه بكل شي هل يعقل بان ملك هي التي حكت له كل ما حدث
اسماعيل:ادري اني مو من حقي اجي واعتذر منك وادري باللي سوته بنتي مراح ينتهي باعتذار بس
جَواد:مدام تدري بهاذا الشي ليش اجيت
اسماعيل:اجيت اطلب منك الغفران
جَواد:تطلب الغفران على شنو ولا على شنو اها
صمت وانزل راسه الى الاسفل
جَواد:على الاهانات الي جنت اخذها بسببكم لو على تهمتك لابويه لو على طردنا بشارع بنص الليل لو على سجن ابويه لو على موته فهمني على شنو اغفر لك
اسماعيل:كل شي تحجي حقك بيه مراح الومك على اللي تسويه بينا لان احنا نستاهل
جَواد:خوش انت اعترفت بنفسك يعني تستاهلون كل شي جاي يصير بيكم انت وابنتك
اسماعيل:اني جاي اطلب منك تسامحني
نهضت ونظرت إليه بغضب
جَواد:لك انت من كل عقلك جاي تعتذر وتريدني اسامحك ليش اللي صار ممكن يخلص بكلمة سامحني انتو شنو
اقتربت منه وقفت امامه
جَواد:سماح مراح اسامحك لا انت ولا بنتك راح يبقى ضميركم يعذبكم طول عمركم على اللي صار وبنتك هاي مراح انساه اللي سوته وراح تبقه تدفع الثمن طول عمرها وطلاك مراح اطلكها لا تحلم اطلكها وتخلص مني بسهولة راح تبقه لا هي مزوجه ولا هي مطلكه هذا عقابها مراح اخليها ترتاح بحياتها ابدا
جَواد:اطلع برا
اشارت إليه بيدي لكي يخرج من المنزل
ترك المنزل وذهب
اريج ⬛
اريج:خوش خطة هاي بس كون ما تصير شي يخربها
جوليا:اذا نفذنا الخطة مثل ما هي مراح يصير شي
اريج:تمام
جوليا:امشي هسة خل نرجع للبيت
ذهبنا الى المنزل .....
وفي اليوم التالي استيقظت من النوم دخلت إلى الحمام جهزت نفسي وانتظرت خرج جَواد من المنزل لكي اذهب لكي انفذ ما اتفقنا عليه انا وجوليا نزلت إلى الاسفل لم اجد جَواد في المنزل سئلت الخادمة وعلمت بانه خرج من المنزل ذهبت الى غرفتي غيرت ملابسي وخرجت اتجهت الى جوليا كانت تنتظرني في الطريق اخذتها وذهبنا....
ملك ⬛
استيقظت صباحاً وقمت بتجهيز حقائبي للسفر نزلت إلى الاسفل كان ابي يجلس على الاريكة اقتربت منه لكي اودعه ولكنه ادار وجهه
ملك:راح تجي اية تاخذني
اسماعيل:ماشي
ملك:قبل ما اروح مراح تسامحني
اسماعيل:لا تنتظرين مني اسامحج على اللي سويتيه
نزلت دموعي اردت الخروج ولكنه اقفني
اسماعيل:انتظري البارحة جنت يم جَواد ملك:شنو؟
اسماعيل:لا تخافين ما كلتله انتي حامل لو انتي ما تستاهلين المساعدة بس اسمعي شنو كال يكول طلاك مراح يطلكج
التفت إليه بصدمة
ملك:شنو
اسماعيل:بس مع هذا هو ما يريدج وبصراحة حقه لو اني بمكانه اسوي اكثر راح تبقين هيج لا انتي مطلكه ولا مزوجه يكول هذا هو عقابج
ملك:شنو يعني مراح يطلكني
اسماعيل:لا ولا ترحين عليه ولا تحجين وياه لان ميريدج تجين
وفجأة سمعنا صوت الباب يطرق
اسماعيل:شكلها اية وصلت يله روحي هسة
انتظرته ينهض لكي يحتضني ولكنه لم يفعل هذا تجاهل خروجي من المنزل تركته وخرجت بسرعة من المنزل كانت اية تنتظرني
اية:ملك شبيج ليش تبجين
ملك:خل نروح بسرعة
اية:ماشي بس اخذ الغراض مالتج
وضعت اية الحقائب في السيارة وذهبنا الى المطار عندما وصلنا سمعنا صوت نداء على طائرتي
ملك:صار لازم اروح
اية:ديري بالج على نفسج حياتي
ملك:اكيد
اية:راح اشتاقلج
ملك:واني هم
احتضنتها
اية:لا تزعلين نفسج حبيبتي مو زين على الطفل
ملك:مممم
اية:اني اذا صارت عندي فرصة اجي اشوفج
ملك:ياريت والله
اية:راح اجيج بأقرب وكت
ملك:يله مع السلامة
اية:مع السلامة
اخذت الحقائب وذهبت الى الطائره
لقد تركت كل شي او بالاصح هم تركوني اصبحت منبوذة من الجميع لا احد يريدني لقد تخلى عني الجميع وهذا ما استحق هل هذا هو عقابي وضعت يدي على بطني لكي اتحدث مع طفلي لم يبقى لدي احد غيرك انت الوحيد الذي بقى لدي لا تتركني انت ايضاً ولا تكرهني عندما تكبر وتعلم ماذا فعلت لا اريدك أن تكرهني لانه انت الوحيد الذي اذا تخليت عني سوف اموت لا استطيع العيش من دونك سوف نبدأ من جديد انت الذي سوف يعطيني الامل في هذه الحياة وستكون لنا حياة سعيده لنا نحن الاثنان
بعد مرور تسعة أشهر.......
