امير:لك هاي مو ملك
جَواد:اي هي
امير:شتسوي هنا
اجبته ببرود
جَواد:مثل مجاي تشوف تشتغل خدامه
امير:شو
جَواد:شبيك تفاجأت
امير:شغلت البنيه خدامه انت من كل عقلك تحجي
جَواد:لعد تريدني اعاملها مثل مرتي
امير:مرتك؟
جَواد:مقابل الديون لي على ابوها اقترحت عليه ينطيني بنته مقابل ديونه هو وافق وطبعاً بس اني ما اخذتها على انو هي زوجتي لا اخذتها على انو هي خدامة حالها حل الخدم الي موجودين
امير:لك انت جاي شنو تحجي
جَواد:مثل ما سمعت
امير:معقول ما نسيت
نظرت إليه واصبحت اتحدث معه بعصبيه
جَواد:لا ما نسيت اذا انتو نسيتوا مو معناتها اني نسيت عمري كله واني انتظر هذا اليوم الي اذلهم بيه وهاي اجه هذا اليوم
امير:بس ملك مالها علاقة
جَواد:لا تكلي ما الها علاقة محد ما اله علاقه كلها راح تتحاسب على اللي صار ومراح ارحم احد مثل ما محد رحمنا
امير:ما اعرف شنو اكول
جَواد:لا تكول شي
امير:انت جاي تتصرف غلط بانتقامك هذا مراح ترجع الي راح
جَواد:حتى لو المهم اطفي النار الي بداخلي منهم المهم سد هذا الموضوع اسمع ما اريد احد عرف بموضوع زواجي وهي هنا خدامه يعني محد راح يعرف وخصوصاً جوليا تعرف ليش
امير:لك صدك نسيت
جَواد:خوش الحمدالله يله هسة سد الموضوع جوليا شلونها
امير:شلونها يعني تدور مشاكل مثل العادة والله مليت منها طالعه عليك
جَواد:لك لا تحجي على اختي
امير:لك مصيبه سوده كل يومه تدور عليه مشكله حتى لو ماكو تخلق
جَواد:تحمل انت الي ردتها لنفسك
ملك ⬛
بقيت طوال اليوم في حيره من امري من اين يعلم ذلك الشخص باسمي ولماذا هذا المعتوه جَواد توتر عندما كنت اتحدث معه
وفجأة انفتح الباب وخرج ذالك الشخص مع المعتوه اختبئت بسرعة خلف الباب لكي لا يراني احد ذهب جَواد الى المكتب وذهب ذلك الشخص لحقت به إلى الخارج واصبحت انادي عليه صوت عالي
ملك:لو سمحت يا استاذ
التفت إلي وتوقف عن السير
اقتربت منه
ملك:اني اسفه بس حبيت اسألك سؤال
امير:اي اكيد اتفضلي
ملك:حضرتك تعرفني من قبل
امير:اها لا
ملك:لعد شلون عرفت اسمي واني مشايفتك
امير:هو بصراحة من دخلت شفتج وجاي تمشين وبعدين وحدة من الخدامات كالت هاي اسمها ملك ومرت السيد جَواد
ملك:اها طيب اني اعتذر منك
امير:لا ولو عادي مو مشكلة بس تكدرين تعتبريني صديق
ملك:اكيد يشرفني هذا الشي
امير:يله صار لازم اروح
ملك:تفضل مع السلامة
امير:مع السلامه
خرج من المنزل وعدت الى الداخل عندما دخلت رأيت احدى الخادمات تبحث عني
كريستين :اين كنتِ السيد جَواد يبحث عندكِ
ملك:ماذا يريد
كريستين:لا اعلم
تركتها وذهبت الى ذالك المعتوه طرقت الباب ودخلت كان يعمل تحدث معي هو ينظر الى الاوراق
جَواد:وين رحتي ليش ما كملتي شغلج
أصبحت انظر إليه
جَواد:شكو بعدج واكفه كملي شغلج
تنفست بضيق وعدت إلى ترتيب المكتب كنت اعمل وفي نفس الوقت كنت اشعر بنظراته اتجاهي وعندما كنت التفت إليه كان يبعد نظره عني وينظر الى الاوراق التي بيده وبعد ان انتهيت نهضت ووقفت امامه
ملك:خلصت تريد بعد شي
جَواد:لا ما اريد روحي
خرجت من المكتب واقفلت الباب خلفي
ملك:كبر شلون شكل غثيث ثكيل على الكلب شلون راح استحمل سنة كاملة اكتله قبل ما تخلص السنة
كنت اقف امام الباب واتحدث وفجأة انفتح الباب وخرج ورأني امامه
جَواد:انت شتسوين بعدج هنا
تركته وذهبت بسرعة من غير ان انطق بحرف كنت اسير بسرعة و اصطدمت بافنان
افنان:اهدي شبيج تمشين بسرعة
ملك:لا بس هيج
افنان:خلصتي شغل
ملك:اي
افنان:اوكي لعد تعالي وياي
ملك:وين
افنان:نفتر بالبيت حتى تشوفينه
ملك:قصدج القصر
افنان:بصراحة عندج حق هو مثل القصر
اصبحنا نسير ونتحدث
ملك:بس شلون تمشون بيه من غير ما تضيعون
ضحكت افنان
افنان:لان نعرف المكان ومراح نضيع
ملك:بس شلون
افنان:راح تتعودين عليه
ملك:ممكن سؤال
افنان:اكيد حبيبتي اتفضلي
ملك:اشو البيت فارغ يعني مجاي اشوف احد موجود بس الخدم وين العائلة
تنهدت وثم قالت
افنان:بهاذه البيت محد يعيش بس جَواد ملك:ليش ما عنده عائلة
ابتسمت واكملت حديثها
افنان:شلون ما عنده عائله عنده وعائلة جبيرة هم
ملك:اها
افنان:اي بس هو عايش الوحده بهاذه البيت من جان عمر عشر سنوات
ملك:شو
افنان:امه سافرت بعد ما توفه ابوه السيد حسن الله يرحمه جان خوش رجال
ملك:ابوه متوفي
افنان:اي
ملك:شلون
افنان:ديري بالج تحجي بهاذه الموضوع
ملك:اي موضوع
افنان:جَواد ميقبل احد يجيب موضوع اهله يصير عصبي
ملك:ليش
افنان:قصة طويله المهم اخته متزوجه وعايشه بيت زوجها الي اجه اليوم الصبح
ملك:قصدج هذا الشاب الي اجه اليوم
افنان: اي هو
ملك:تعرفت عليه خوش ولد
افنان:اي فعلا خوش انسان وجوليا هم خوش انسانة راح تحبيها
توقفت عن السير
ملك:جوليا.... جوليا
افنان:شبيج
ملك:اها ولا شي كملي
افنان:اي وراحوا اهله وهو بقه عايش بهاذا البيت ميقبل يبيعه يكول ذكرى من والده الله يرحمه
توقفنا امام احدى الغرف وفتحت الباب وفجأة امسكت افنان بيدي واقفلت الباب بسرعة
افنان:تعالي وين رايحه
ملك:شكو
افنان:هاي الغرفه ممنوع يدخل عليها احد
ملك:ليش
افنان:جَواد ميقبل احد يدخل عليها ولا حتى ينظفها ومن يضوج يكعد بيها
ملك:زين شنو بيها
افنان:محد يعرف لان محد يدخل بيها وانتي ديري بالج تحاولين تدخلين عليها ملك:ماشي
وثم اقتربنا من غرفه كانت غرفة رياضه
دخلنا إلى الداخل
ملك:هاي شنو
افنان:هاي غرفة مال رياضه مال جَواد
ملك:يعني يلعب رياضة
افنان:اي
ملك:يعني عنده عضلات قوية
افنان:اي
ملك:يعني اذا صار عصبي يضربني بوكسي يطيرني
افنان:هههههههههههه لا مو لهالدرجة
ملك:شلون لا ما تشوفين الأغراض هاي تخوف
افنان:امشي يمعوده امشي
اكملنا التجول في المنزل
امير ⬛
عدت الى المنزل طرقت الباب وفتحت لي وكان وجهها غاضب مثل العادة
امير:خير شكو ياستار
جوليا:انت وين جنت
امير:وين يعني بالشغل ورحت اشوف اخوج
جوليا:شلونه
امير:زين
جوليا:وليش ما كلتلي حتى اجي وياك
فتحت عيني بصدمة
امير:اها
جوليا:شنو اها شبيك اخترعت
امير:لا بس خليها على غير مره
جوليا:اريد اروح اشوفه اليوم
امير:شنو
جوليا:اي ونتعشه هناك
امير:مو اليوم هسة اني تعبان
جوليا:تعبان من شنو بله هو كاعد على المكتب وتوقع اوراق
امير:بس هذا هم شغل
جوليا:تعال لعد شوف شغلي وتنظيف البيت شلون يتعب
امير:هو هذا شغلجن طبيعي
جوليا:اها
امير:هسة انتي ليش تدورين مشاكل شتردين بالضبط
جوليا:نروح على جَواد
امير في نفسه:يالله هاي شلون مصيبه
جوليا:شبيك
امير:مبيه شي غيري ملابسج وامشي
ذهبت الى الغرفه جهزت نفسها وخرجنا متجهين الى منزل جَواد في الطريق كنت احاول الاتصال على جَواد ولكنه لا يجب على اتصالاتي
جوليا:شبيج جاي تلعب بالتلفون ركز على طريق
تركت الهاتف واكملت القيادة وبعد نصف ساعة وصلنا الى المنزل وقفت السيارة في الكراج ونزلنا
امير:شكو جايين بهيج وكت
جوليا:كلتلك اريد اشوف اخويه
امير:الدنيا ليل
جوليا :عادي
امير:اوف
وصلنا الى الباب وطرقنا الباب وفتحت الخادمة الباب
ديانا:هلا تفضلوا
دخلنا إلى المنزل واصبحت التفت حولي يمينا وشمالا
جوليا:شبيك انت اليوم
امير:شكو
جوليا:تصرفاتك غريبه
ابتسمت لها
امير:شبيه طبيعي
جوليا:مو هذا الي راح يخبلني طبيعي واني متعودة على خبالك
وفجأة سمعنا صوت ضحكات من الخلف التفت ورأينا جَواد واقف امامنا ويضحك
امير:اسكت لك
جَواد:والله قصف
نهضت واحتضنته
جوليا:حبيبي شلونك مشتاقتلك
جَواد:واني هم
جوليا:جذاب لو مشتاقلي صدك جان سألت عني
جَواد:حبيبتي مو تدرين شغل وهوسه
جوليا:اي عوف فراغ لاختك شوية
امير:انتو احجوا واني راح اشرب ماي واجي
نظرت الى جَواد وغمزت له بعيني وذهبت الى المطبخ رأيت ملك وبجانبها افنان
امير:مرحباً
افنان:هلا ابني شلونك
امير:شلونج خالة
افنان:الحمدالله
نظرت الى ملك
امير:شلونج ملك
ملك:بخير وانت
امير:تمام
اشارت الى افنان بان تأتي معي إلى الخارج خرجنا خارج المطبخ لكي نتحدث
امير:خالة عندي طلب
افنان:اتفضل ابني
امير:اليوم لا تخلين ملك تطلع كبال جوليا
افنان:ليش جوليا اجتي
امير:اي اسمعي خالة ما اريد جوليا تشوف ملك ابدا
افنان:واذا جَواد طلب تجي
امير:لا جَواد ميريدها بس مثل ما فهمتج لا تخليها تطلع وتشوفها جوليا
افنان:تمام
افنان ⬛
عاد امير الى الصالة وعدت الى المطبخ
كانت ملك تعد الشاي حملت الشاي ارادت ان تخرج ولكني اوقفتها
افنان:انتظري ملك
ملك:نعم
افنان:وين رايحه
ملك:انطيهم شاي
افنان:لا خلي ديانا تاخذه بمكانج انتي روحي ارتاحي
ملك:بس
افنان:لا تخافين مراح يحجي شي روحي ارتاحي انتي
ملك:تمام
اعطه الشاي الى ديانا وذهبت الى غرفتها قمت بتجهز الطعام واخذته لهم وضعوا الطعام على الطاولة وبعدها انصرفوا جميع الخدم وناديت على الجميع
افنان:الاكل صار جاهز تعالوا اتفضلوا
نهض الجميع وجلسوا على الطاولة
امير:الله شكل الاكل يشهي
جوليا:اي صح
افنان:بالعافيه
افنان:الله يعافيج
نظرت الى جَواد
افنان:تردون بعد شي
جَواد:لا شكراً
عدت الى المطبخ وتركهم يتناولون الطعام
جوليا ⬛
كنت اشعر بنظرات غريبة بين جَواد وامير
جوليا :انتو شنو قصتكم
جَواد:شكو
جوليا:ما اريد بس تصرفاتكم غريبة اليوم صاير شي
امير:مثل شنو يعني شبيج انتي اليوم
جوليا:والله ما ادري بس احس ضامين عليه شي
شهق امير وتوتر جَواد اعطه كأس من الماء رفعت حاجبي ونظرات لهم
جوليا:هسة تأكدتُ عدكم شي احجوا
اصبحوا ينظرون الى بعضهم البعض
جوليا:لا تباعون هيج احجوا شكو
التفت جَواد الى امير
جَواد:اني غلطان لان كلتلك
جوليا:احجي لا تغير الموضوع
جَواد:اني تزوجت
فتحت عيني على وسعها
جوليا:شو
امير:هاي الصدمة ولا شي مقابل الي جاي
جوليا:شنو بعد
جَواد:انت جاي تزودها ولك
جوليا:مجاي افتهم شي كمل
جَواد:اهدي راح احجي..........
نهضت من مكاني
جوليا بصراخ:شنو
جَواد:اهدي جوليا
جوليا بعصبية :اهدى شنو انت شلون تروح تزوج هذيج السافله بنت هذيج العائلة
جَواد:الموضوع مو مثل ما انتي فاهمه
جوليا:شنو نسيت كل شي سوه بينه نسيت
جَواد بعصبية:لا ما نسيت ولهذا السبب تزوجتها حتى اذلها واذل ابوها وكل عائلتها اني ما نسيت
نزلت دموعي وصرت ابكي
جوليا:انت سويت هيج على مودك مو على مودنا
جَواد:على مودي مو؟ تعالي
امسكني من يدي وذهبنا الى المطبخ
افنان:جَواد خير شكو شبيكم
جَواد:وين هاي
افنان:منو ؟
جَواد:ملك
افنان:راحت ترتاح بالغرفة مالتها
جَواد:شو منو طلب منها تروح ترتاح
نظر إلى احدى الخادمات
جَواد:نادي عليها فوراً
ديانا:حسناً
ذهبت الخادمة وبعد لحظات وعادت ومعها فتاة اعتقد بانها ملك انصدمت عندما رأيتها كنت على وشك أن اقتلها ولكنني امسكت نفسي بصعوبة
جَواد:انتي منو طلب منج ترحين ترتاحين
نظرت الى افنان
افنان:اني طلبت منها ترتاح
جَواد:ممنوع ترحين ترتاحين لحد ما تخلصين كل شغلج
ملك:شنو اسوي
جَواد:روحي رتبي الطاولة بس انتي الوحدج من غير مساعدة من احد
ملك:تمام
ذهبت لكي ترتب الطاولة نظرت الى جَواد دمعت عيني
جوليا:جَواد
جَواد:شفتي اختي اني ما نسيت الماضي ولا كل شي سوه بينه
جوليا:اريد اروح للبيت
جَواد:ماشي
عدت الى المنزل انا وامير
وفي اليوم التالي
ملك ⬛
ذهب ذلك المعتوه الى العمل وطلبت مني افنان بان اذهب و ارتب غرفته ذهبت الى هناك فتحت الباب ودخلت نظرت الى الغرفة جيد كانت نظيفه وليست فوضى
ملك:الغرفة نظيفه شنو انظف بيها هذا الغبي مرتب
التفت حولي رأيت الخزانة وعليها عطور اقتربت منها اخذت احد العطور شممت رائحته كانت جميلة جداً
ملك:الله شلون ريحه تخبل تخلي الواحد يسكر ههههههه
فتحت الدرج كان يحتوي على ساعات يدويه كثيراً ومن جميع الانواع العنصرية
فتحت عيني من الصدمة
ملك:هجم بيتك هاي شنو
اقفلت الدرج واتجهت الى الحمام فتحت الباب ودخلت ادهشت من المنظر الذي رأيته كان في غاية الروعه ولون الحائط ذهبي وبداخل الحمام يوجد ساونا كبيرة وعندما وضعت يدي على حنفية المياه انفتح الماء فوراً واصبح الماء يتلون بألون مختلفة
ملك:هاي شنو حاطين صبغ بالماي
اقفلت الماء وخرجت من الحمام دخلت الى غرفة الملابس كانت جميع الملابس تحتوي على ملابس رجالية كثيرة
ملك:عزة بعينك شكد عندك ملابس هذني ينفتح بيهن اربع محلات مال ملابس
خرجت من الغرفه وذهبت الى الاعلى دخلت إلى صالة الرياضة التفت حولي رأيت جهاز للمشي ركبت به
ملك:هاي شلون تشتغل
ضغط على الزرار واشتغل الجهاز واصبح يمشي بسرعة امسكت بجهاز وحاولت ان اوقفه ولكنني لا استطيع أن اوقفه
ملك:وينكم انتو تعالوا ساعدوني لك وينكم
كان يشتغل الجهاز بأقسى سرعه اشعر بانني سوف اقع على الارض اصبحت ابكي واصرخ عليهم لكي يأتي احد ويساعدني
ملك:لكم وينكم راح اوكع تعالوا
لم اعد اسيطر على نفسي وابعدت يدي عن الجهاز اردت أن اسقط ولكن امسك بي شخص ما وسقطنا على الارض فتحت عيني ورأيت نفسي فوق جَواد بقيت انظر إليه من شدة الصدمة استيقظت من صدمتي على صوت صراخه
جَواد:لج كومي مني
دفعني بيده وابتعدت عنه نهض من على الارض وتحدث معي بعصبية
جَواد:انتي جاي شتسوين
ملك:م.. ماكو شي بس اجيت حتى انظف المكان
جَواد:و تنظفين وانتي جاي تلعبين
ملك:بس حبيت اجرب
جَواد:مدام ما تعرفين ليش حتى تلعبين
ملك:اسفه
جَواد:روحي انزلي جوه
تركته وخرجت من الغرفة
جوليا ⬛
جوليا:ما اكدر استحمل وجود هاي الحقيرة بالبيت يم جَواد
امير:شبيج انتي خايفه
جوليا:اخاف تسوي شي لاخويه هذول مجرمين
امير:لا صدك انتي تخبلتي
جوليا:لازم اخليه يطلعها من البيت وبأي طريقة
امير:ليش
جوليا:ما اريدها عايشه وياه
امير:لج البنيه ما تعرفه حتى ما تذكر
جوليا:حتى لو يجوز عرفته وتذكرت
امير:واذا تذكرت راح شتسوي تره البنيه ما الها علاقة باللي صار
جوليا:لا تكلي ما الها علاقة كل شي صار بسبب هذيج العائلة وهاي السافله اني راح اشوف طريقة حتى اخليها تعوف البيت
امير:راح شتسوي يعني
جوليا:شسوي يعني
اخذت هاتفي واتصلت بشخص
جوليا:الو هلو حبي
-هلو بيج حبيبتي شلونج
جوليا:اني الحمدالله انتي شلونج
-مشتاقتلج حبيبتي
جوليا:اذا مشتاقتلي صدك جان اجيتي
-لج هو راح اجي بعد يومين اريد اشوفج
جوليا:تشوفيني اني بس
-لا طبعاً غير اشوف حبيبي مشتاقتله هواي
جوليا:لعد لازم تجين ميصير تعوفينه الوحده هيج
-لج شسوي غير عندي شغل هواي ع العموم اني اخذت استراحة كم يوم وقررت اجي حتى اشوفكم
جوليا:ماشي لعد منتظرين جيتج حياتي -اكيد يله صار لازم اروح هسة
جوليا:اخدي راحتج حبيبتي
