افنان ⬛
استيقظت صباحاً غيرت ملابسي ونزلت الى الاسفل دخلت إلى المطبخ كانت مريم في المطبخ
افنان:جاي شتسوين
مريم:جاي اجهز الاكل اليوم راح يجون الكل يتغدون هنا
افنان:صدك
مريم:اي اتصلت عليه جوليا وكالت اليوم راح نجي نتغدى عدكم
افنان:اي اهلا وسهلاً بيهم
التفت حولي
افنان:لعد ملك وين
مريم:بعدها نايمة
افنان:خليها تكعد كافي نوم
خرجت من المطبخ وذهبت الى غرفتها فتحت الباب ودخلت كانت الغرفة مظلمة ذهبت الى ناحية النوافذ وفتحت الستائر لكي تدخل الشمس للغرفة تحركت ملك
ملك:هاي شنو
افنان:كومي اكعدي ملك صارت الساعة بالعشرة
ملك:خليني نايمة امي تعبانه اليوم
افنان:ميصير تبقين نايمة لحد هسة وبعدين لازم تكعدين اليوم لان راح يجون خطار
ابعدت الغطاء عن وجهها
ملك:منو
افنان:امير وجوليا وراح نعزم ابوج واية واخوها جلال حتى يجون يتغدون يمنا
ملك:اها
افنان:اي لازم تكعدين من وكت
ملك:ماشي هسة راح اكوم
تركتها وخرجت من الغرفة
ملك ⬛
تركتني وخرجت امي من الغرفة لقد اصبحت اقول الها امي لانني اشعر كأنها امي لانها تحبني وتحميني مثل امي انها تستحق هذا الاسم لو كانت امي على قيد الحياة لا تفعل معي مثل ما تفعله امي افنان معي لقد وقفت بجانبي في اصعب حالتي وساعدتني كثيراً لكي اتجاوز كل ما مررت به لقد اعطتني شعور البنت والام هذا الشيء الذي حرمني منه ذالك... اصبحت اكره لساني عندما ينطق باسمه لا احب ان اتذكره كم اتمنى ان اسمح من ذاكرتي كل تلك السنين التي عشتها معه ابني هو الشيء الوحيد الذي يحرق قلبي لقد كبر الان واصبح عمره 7 سنوات مرت كل تلك سنوات وانا بعيده عنه كيف حالة الان وكيف اصبح شكله هل يعرفني لم لا كل تلك الاسئلة تدرو في عقلي و تخنقني لا استطيع التحمل أكثر لقد تعبت صبرت سبع سنوات هذا يكفي ياالهي يكفي تعبت
وفجأه انفتح الباب ودخلت اية
اية:ملك وي.... شبيج
اقتربت مني وجلست بجانبي
اية:شكو حبيبتي ليش تبجين
ملك:اليوم عيد ميلاد حسن
اية:شو
ملك:اي اليوم عيد ميلاد حسن صار عمره سبع سنوات
اية:يا حبيبتي
احتضنتني
ملك:تعبت اية ما اكدر اتحمل بعد اريد ابني
اية:ميصير حبيبتي ليش جاي تعذبيني نفسج
ملك:ياربي مو كافي سبع سنوات من العذاب ارحمني ورجعلي ابني كافي عذاب
اية:حاسه بيج والله بس احنا شنسوي ماكو غير الصبر
ملك:واني صبرت سبع سنوات ما اكدر اتحمل بعد محد جاي يحس بيه جاي اموت كل يوم ابني كبر هو بعيد عني منو يتحمل اللي جاي اتحمله اني...
جوليا ⬛
جوليا:يله حياتي جهز نفسك راح نتأخر
امير:اي خلصت
جوليا:بله شو باوع عليه
التفت إلي
جوليا:دخيل الله شنو هذا الجمال معقول هذا زوجي
امير:احم احم
جوليا:هههههههههههه
نفتح الباب ودخلت جوان
جوان:ماما
جوليا:بعدج ما كملتي
جوان:بس سوي شعري ما اعرف
جوليا:لج صار عمرج تسع سنوات وما تعرفين
جوان:لا ما اعرف اسوي مثلج
امير:يله يمعوده سوي شعرها وخل نروح راح نتأخر
جوليا:اكلك اليوم عيد ميلاد حسن ابن ملك
امير:لج اي صدك
جوليا:لا تحجي بالموضوع بلا ما تذكرهم يجوز ناسيه ملك
امير:ما اعتقد هي كل سنة تذكر عيد ميلاد ابنها
جوان:واكيد اليوم راح تجيب كيكة
امير:اي مثل كل سنة والله شكد انقهر عليها
جوليا:جَواد اوف منك جَواد
امير:لو اعرف مكانه وين جان رحت واخذت الولد غصباً عنه
جوليا:الله يهدي بس
امير:يله خل نروح
جوليا:يله
خرجنا من المنزل واتجهنا الى منزل الخالة افنان وبعد نصف ساعة وصلنا طرقنا الباب وفتح لنا جلال
جلال:اهلا وسهلاً
امير:ولك هاي شوكت اجيت
جلال:صارلي ساعة اني واية
جوان:شلونك عمو جلال
جلال:هلا باميرة الصغيرة
دخلنا إلى المنزل كان والد ملك وخالتها يجلسون في غرفة المعيشة لقد تحسنت علاقتي مع عمو اسماعيل
جوليا:السلام عليكم
اسماعيل:وعليكم السلام هلا نورتو
امير:هاي كلها جايين قبلنا
جوليا:كله بسببك اربع ساعات واكف على المراية بس تعدل نفسك
امير:غير ارتب نفسي لعد اطلع مخربط
جلال:انت جنك قرد شنو ترتب نفسك
امير:احله منك روح شوف نفسك بالمرايه
الجميع:ههههههههههههه
ملك:السلام عليكم
الجميع:وعليكم السلام
ملك:شلونج جوليا
جوليا:الحمدالله حبيبتي انتي شلونج
ملك:الحمدالله
التفت إلى جوان
ملك:هلو حياتي شلونج
جوان:الحمدالله عمه انتي شلونج
امير:شلونج ملوكة
ملك:الحمدالله وانت
امير:بخير
ملك:اشو تأخرتوا يله اجيتوا
نظرت إلى امير فهمت ملك قصدي واصبحت تضحك
ملك:عادي هاي مو اول مرة
الجميع:هههههههههههه
وفجأة انطرق الباب نهضت ملك لكي تفتح الباب وبعد لحظات دخلت علينا وبيدها شيء كبير نظر الجميع إليها باستغراب
اية:شنو هاي
ملك:هاي كيكة مال عيد ميلاد حسن
صمت الجميع وشعروا بالحزن اتجاهه
ملك:يله خل نحتفل مثل كل سنة
اصبح الجميع ينتظرون الى بعضهم البعض
ملك:شبيكم صافنين يله .
نظرت إلى خالة افنان
ملك:امي حضري العصير للكل
رتبت ملك الطاولة ووضعت عليها العصير الكعكة واحضرت شمعه رقم 7 وضعتها على الكعكة
ملك:يله تعالوا خل نطفي الشمعه
ملك ⬛
نهض الجميع و اقتربنا من الطاولة اقترب من الطاولة واطفئت الشموع
ملك:كل عام وانت بخير حبيبي
تجمعت الدموع في عيني
ملك:سنة سعيدة حياتي
اقترب مني ابي احتضنته بقوة نزلت دموعي وصرت ابكي
ملك:بابا اريد ابني جيب ابني ساعدني الله يخليك
اسماعيل:راح اجيب ابنج صدكيني
ابتعدت عنه
ملك:صدك
اسماعيل:اي بنتي راح ادور عليه بكل مكان وعد اله ارجعه الج
نظرت الى الجميع
ملك:ساعدوني الله يوفقكم اريد ابني تعبت والله ما اكدر اتحمل محد يحس بالنار الي بداخلي راح اموت
امير:راح احاول اعودج
جلال:واني راح ارجع ادور على جَواد وهاي اريج
ملك:اذا تردون اكون مرتاحه بحياتي جيبولي ابني خلوني اشوفه لو مرة وحدة بحياتي ...
مرت اسبوعين ما زال الجميع مستمر في البحث عن جَواد واريج ارسل جلال احد موظفينه الى إيطاليا لكي يبحث له عن اي شيء يخص جَواد واريج وبعد مرور اربع ايام من ذهابه الى هناك اتصل به
جلال:الو هلو ماجد بشر عرفت شي
ماجد:والله لحد هسة اجي ادور بس رحت اليوم على واحد معروف هناك وطلبت منه يبحث عن معلومات تخصهم وكال باجر ادزلك الخبر
جلال:لازم تلكاهم ما ترجع بدونهم
ماجد:اني جاي احاول
جلال:ما اريد تحاول لازم تنطيني خبر اكيد
ماجد:اكيد
اقفلت الخط وانطرق باب المكتب ودخل امير
امير:اها بشر ما عرفت شي جديد
جلال:لا والله لحد هسة ماكو شي جديد امير:ملينه صارلنا سبع سنوات ندور عليهم
جلال:اخاف مو إيطاليا يجوز راحوا على غير مكان
امير:اني هم جاي اشتغل على هذا الموضوع
جلال:انت وين تتوقع هذا الكلب ممكن يكون
امير:ما ادري جَواد يسافر هواي بس ما عنده مكان محدد يروح عليه دائماً
وفجأة رن هاتف امير
امير:الو... اي نعم اني امير..... شنو انت تحجي صدك.... وين... لا ..ماشي هسة اخذ طائرة واجي.... بس انطني العنوان... يله مع السلامة
اقفلت الخط
جلال:شكو
امير:لكينه جَواد و اريج
جلال:صدك
امير:اي والله بهولندا عايشين
جلال:لازم اتصل على ملك
امير:لا لا تتصل عليها خل نتأكد بالبداية
جلال:وين رايح هسة انت
امير:اني راح اسافر على هولندا حتى اجيب الولد بس اسمع ما اريد احد يدري
جلال:اجي وياك
امير:لا خليك انت هناك اخاف احتاجك
جلال:ماشي
خرج امير من مكتبي
امير ⬛
خرجت من المكتب وذهبت الى المنزل لكي اجمع ملابسي وعندما دخلت رأيت جوليا
جوليا:هلو حبيبي
امير:هلو
تركتها ودخلت إلى غرفة النوم فتحت الخزانة وبدت بجميع اغراضي
وبعد لحظات دخلت جوليا
جوليا:جاي شتسوي
امير:اجمع غراضي راح اسافر
جوليا:وين
امير:على هولندا عرفنا مكان جَواد واريج
جوليا:اروح وياك
امير:وين ترحين وياي والبنيه
جوليا:خليها يم خالة افنان
امير:محد يدري اني رايح
جوليا:لا تخاف مراح احجي شي بس لازم اروح وياك عندي حجي لازم احجيهن الجَواد
امير:ماكو داعي تحجي وياه وتتعبين نفسج
جوليا:لا خليني روح لازم احجي وياه
امير:اوف منج
جوليا:مراح احجي لحد عفية
امير:ماشي جهزي نفسج بسرعة
جوليا:هسة
جهزنا اغراضنا وخرجنا من المنزل ذهبنا الى منزل الخالة افنان لكي نضع جوان عندهم طرقنا الباب وفتحت مريم لنا
مريم:اها اهلا وسهلاً اتفضلوا
دخلنا إلى المنزل
امير:لعد وين الكل
مريم:افنان نايمة وملك راحت تشوف ابوها
امير:اها
جوليا:اكلج خالة احنا راح نسافر على هولندا
مريم:شتسوون هناك
جوليا:امير عنده شغل وكلت اروح وياه
امير:اي واريد ابقي جوان يمكم بس على ما نرجع
افنان:لكيتو جَواد
التفنا ورأينا افنان امامنا
امير:خالة
دخلت إلى الغرفة
افنان:لكيتوا جَواد
امير:لا رايحين على مود شغل
افنان:لا تجذبون احجوا الحقيقة
صمتنا قليلاً وثم قلت
امير:بصراحة اي لكينا جَواد واريج بهولندا
افنان:وانتو رايحين عليه
جوليا:اي راح نجيب الولد بس خالة احنا ما نريد ملك تدري
امير:اي لا تحجون شي احنا بس نرجع نتصل بيكم
افنان:ماشي
امير:خلو جوان يمكم بس على ما نروح ونرجع
افنان:ماشي روحوا
جوليا:يله امير امشي خل نطلع هسة لا نتأخر
خرجنا من المنزل وذهبنا الى المطار ركبنا في الطائرة واتجهنا الى هولندا وبعد مرور 3 ساعات وصلنا الى مطار هولندا اتصلت على انور لكي يأتي وياخذنا وبعد نصف ساعة وصل إلينا
انور:السلام عليكم حمدالله على السلامة
امير:وعليكم السلام الله يسلمك
جوليا:وين بيت جَواد
انور:ارتاحوا بالبداية
امير:ماكو داعي نرتاح خل نروح بسرعة
انور:يله امشوا
ركبنا بسيارته واتجهنا الى المكان الذي يوجد به جَواد وبعد ربع ساعة وصلنا خرجنا من السيارة واصبحت انظر الى المكان باستغراب
امير:هاي شنو
جوليا:احنا شنسوي جايين هنا
انور:على حسب المعلومات اللي وصلتني
جوليا:لك هاي مستشفى مال المجانين شنسوي جايين
انور:تعالوا وانتو راح تعرفوا كل شيء
دخلنا إلى المستشفى وطلب انور بان ننتظره في الحديقة
جوليا:شنو القصة مجاي افتهم شي
امير:ولا اني
جوليا:جَواد واريج وين
امير:ما ادري
جوليا:زين احنا شنسوي جايين هنا
امير:انتي جاي تسأليني شمدريني اني
جوليا:لك شوف شنو هاي
التفت إلى الخلف ورأيت الممرضة وبيدها اريج
جوليا:هاي مو اريج
اصبحنا ننظر إليها بصدمة
امير:هاي شنو
كان شكلها مخيف جداً وشعرها منفوش وجهها مخيف وكانت ممرضة تمسك بيدها لانها لا تستطيع السير اقتربت منا وجلست بجانبنا على الطاولة كانت تنظر إلينا بطريقة غريبة وكأنها اول مرة ترانا
جوليا:هاي شبيها
انور:اني احجيلكم شبيها
اقترب انور وجلس بجانبها
انور:اريج دخلت المستشفى الأمراض النفسية من 3سنوات
جوليا:شنو ليش
انور:اريج اجتي على هولندا قبل سبع سنوات الوحدها تعرفت على شخص يشتغل بنادي ليلي حبته وتزوجته بس هذا الشخص طلع يضحك عليها واخذ كل فلوسها وطلكها وطردها من البيت اللي جانت عايشة وياه اريج ما استحملت هذا الشي وكتلته وصارت بيها حالة نفسية دخلوها للمستشفى المجانين
امير:زين وجَواد وابنه وين
انور:بحثت شكد عنهم ما لكيت شي وحسب الي عرفته اريج وصلت على هولندا الوحدها يعني مجان اكو وياهه احد
جوليا:شنو لعد جَواد وين
انور:ما نعرف شي عنه
امير:شنو يعني ما تعرف شي وين راح جَواد
نهضت وجلست بجانبها امسكت بيدها
امير:احجي لج وين جَواد
نظرت إلي وهي تبتسم
امير:احجي جَواد وابنه وين
اريج:بم جَواد
جوليا:شنو؟
امير:احجي لج
انور:على كيفك استاذ امير
امير:احجي اريج وين راح جَواد
اريج:جبل برد دفعته
جوليا:شو
اريج:جَواد
اصبحت تضحك
اريج:دفعته من فوك الجبل
صرخت جوليا
جوليا:جــــــواد
امير بصدمة:شنو
اريج:اي ما قبل يجي وياي ودفعته ومات هههههههههه
جوليا:لا
اريج:و ابنه عفته على الجبل والدنيا جانت باردة وصار يبجي على ابو بس اني عفته فوك حتى يروح لابوه هههههههه
جوليا:لا مستحيل جــــــواد
اصبحت جوليا تبكي وتصرخ عليها
جوليا:لج ليش كتلته يا حقيرة ليــــــــش
كنت مصدوم وكنت اسمع بكاء وصراخ جوليا ولا استطيع أن اتحرك اقترب مني جوليا وامسكت بيدي
جوليا:امير هاي كتلت اخوية اميــــــر
كانت جوليا تبكي وتصراخ وانا لم اكن بوعيي كنت مثل كأنني اخذت ضربه قويه على راسي لم استوعب ما يحصل امامي جَواد هل ما سمعته حقيقة لم خيال
جوليا:امير احجي شي كول هذا كله جذب امير لا تسكت هيج الله يخليك... جَواد.... جَواد صارله سبع سنوات ميت واحنا ما ندري واني جنت كل هاي السنوات احجي عليه واتهمه لا ياربي لا احجي امير لا تبقه ساكــــــت
اصبحت اريج تصرخ بصوت عالي بسبب بكاء وصراخ جوليا جاءت الممرضة واخذتها ولكن جوليا امسكت بها
جوليا:تعالي لج كلبه وين ترحين كليلي اخويه وين اخذتي اخويه
انور:مدام جوليا ما يصير هيج
دفعته بعيداً
جوليا:وخر مني اليوم اكتلج خلص مثل ما كتلتي
كانت اريج تصرخ من صوت جوليا
وصلوا الدكاترة واخرجوا خارج المستشفى واخذوا اريج الى غرفتها لان قد اصيبت بالانهيار العصبي بسبب صراخ جوليا عليها
جلست جوليا على الارض وهي تبكي
جوليا:ليش كل هذا صاير بيه واحنا ما ندري
جلست بجانبها واحتضنتها واصبحنا نبكي مع بعض
جوليا: جَـــــــــــواد
اصبحت تصرخ بصوت عالي احتضنتها بقوه وبعد لحظات رن هاتفي ابتعدت عنها واخرجت الهاتف من جيبي كانت الخالة افنان تتصل فصل الخط لا استطيع أن ارد عليها الان لا اعلم بماذا اجيب عليها
امير:جوليا... جوليا
كانت تبكي لا تستطيع التحدث
امير:جوليا خلينه نرجع
جوليا:واخويه
امير:لازم نرجع ونحجي للكل
جوليا:شنو راح يصير من يعرفون
امير:لازم يعرفون احنا مضطرين نحجي ذهبنا الى المطار وبعد مرور 3 ساعات وصلنا الى مطار لوس أنجلوس استأجرنا تاكسي وذهبنا الى المنزل الخالة افنان يجب أن يعلم الجميع بهذا الخبر
جوليا:راح شنسوي
امير:لازم الكل يعرف
جوليا:ما اكدر اتحمل
امير:ملك راح شسوي من تعرف
جوليا:ما ادري الله يصبرها خسرت ابنها الي جانت تنتظره من سنوات طويلة وخسرت زوجها الي جانت تتهمة على طول
امير:احنا ومجاي نستحمل الخبر لعد هي شلون
جوليا:مجاي اكدر اتنفس احس شي جاي يخنكني
نظرت إلي
جوليا:امير صدك جَواد مات صدك جَواد عافني وراح يعني بعد ما اشوفه
نزلت دمعتي ومسحتها بسرعة وفجأة رن هاتفي نظرت كان جلال
امير:هذا جلال
جوليا:شوفه شنو يريد
فتحت الخط
امير:الو
جلال:الو امير انت وينك
امير:اني رجعت للبيت
جلال:همزين رجعت عندي لك اخبار حلوة
امير:بعد ماكو اخبار حلوة
جلال:شكو شبيك... شبيه صوتك
أصبحت ابكي
جلال:لك شكو شنو صار
لا استطيع التحدث معه
جلال:خوفتني شنو صار
امير:جَواد... جَواد وابنه ماتوا
جلال بصدمة:شنو
امير:اي اريج كتلت جَواد وابنه من سبع سنوات واحنا ما ندري
جلال:يالله دخليك شنو هاي كتلت جَواد امير:اي وهسة رايح للبيت ابلغهم
جلال:لا انتظر لا تروح
امير:شكو
جلال:تعال للشركة مالتي بسرعة
امير:ما اكدر اجي هسة
جلال:لا لازم تجي بسرعة ولا تروح للبيت
اقفلت الخط واصبحت انظر الى جوليا
جوليا:شكو
امير:جلال يكول لا تروح للبيت تعال على الشركة
جوليا:هذا وكت شغل هسة
امير:ما ادري يكول عنده اخبار جديده
جوليا:ما اكدر اسمع شي خليني ارجع للبيت
امير:خلي نشوف شنو عنده ونرجع
بصعوبة اقنعتها وذهبنا الى مكتب جلال امير:خير شكو
جلال:تعالوا اكعدوا
جلسنا امامه
جلال:اني من البارحة وصلتني هاي الاخبار مال وموت جَواد وابنه بس ما بلغت احد كلت خل اتأكد بالبداية
جوليا:احنا رحنا وتأكدنا من الخبر
جلال:قبل ما نبلغهم خل نروح للمكان ونتأكد
امير:اي مكان
جلال:الي صار بيه الحادث
جوليا:تتأكد من شنو
جلال:لازم اكو شي يساعدنا هناك
جوليا:مثل شنو يعني جاي اكلك كل شي صار واضح
جلال:هاي انتو ليش تفقدون الامل خل نجرب
جوليا:ما اريد يحترك كلبي بعد ما اكدر اتحمل
امير:صحيح خل نروح ونشوف بلكت اكو شي يساعدنا
جوليا:لا تخلوني اعيش بالامل الله يخليكم
امير:حياتي خل نروح مراح نخسر شي
جوليا:ماشي يله
جلال ⬛
خرجنا من الشركة وذهبنا الى هناك الى المناطق الشمالية وصلنا الى المكان ولم نجد شيء حولنا سوى الجبل العاليه
جوليا:مرت سبع سنوات شنو راح نلكه مثلاً
جلال:لازم اكو شي يساعدنا حتى نتأكد
صعدنا إلى اعلى الجبال رن هاتف امير
امير:هاي الخالة افنان
جلال:من البارحة تخابر عليه وما اكدر احجي شي رد عليه انت خطية
افنان ⬛
امير:الو
افنان:الو اهلا امير وينكم انتو
امير:احنا رجعنا
افنان:يعني لكيتوا الولد
صمت امير
افنان:الو امير
امير:وياج خالة
شعرت بشي بصوته
افنان:شبيه صوتك
امير:ماكو شي
افنان:شلون ماكو شي وصوتك متغير احجي شنو صاير
امير:مصاير شي
افنان:لكيتوا جَواد
امير:لا
افنان:ليش لا شكو احجي صار شي
وفجأه سمعت صوته يبكي
افنان:امير... امير شبيك
لم يرد عليه وكنت اسمع صوت جوليا تبكي
افنان:ولك احجي شنو صار جَواد بيه شي
ازداد في البكاء تجمعت الدموع في عيني واصبح جسدي يرتعش
افنان:ولك احجي صاير شي على جواد
ملك:جَواد
التفت ورأيت ملك تقف امامي وكانت مصدومة اقتربت مني واخذت الهاتف
ملك:امير ابني وين
امير:ملك هاي انتي
ملك:احجي ابني وين لكيت ابني
امير:لا لكيت بس اريج بالمستشفى مال الأمراض النفسية
ملك:شو لعد ابني وين شنو صار بيه
امير:ملك ما اكدر احجي
ملك:شنو ما تكدر تحجي جاوبني ابني وين وشنو سووله
امير:ابنج وجَواد مختفين
ملك:شنو يعني مختفين
امير:ملك تعالي على هذا العنوان (....)
ملك:شنو هاي
امير:تعالي هناك ومعليج
افقلت الخط وخرجت
افنان:ملك وين رايحه
لم ترد عليه خرجت بسرعة من المنزل
ملك ⬛
اعطاني امير العنوان وذهبت الى هناك مسرعه وعندما وصلت لم اجد شيء حولي سوى الجبال بعد لحظات وصلوا إلي جوليا وامير وجلال استغرب من وجودهم مع بعض في هذا المكان
ملك:انتو شتسوون هنا
نظرت حولي
ملك:ليش جبتوني على هذا المكان لكيتوا ابني
وفجأة نزلت دموع جوليا واصبحت تبكي اصبح جسدي يرتعش
ملك:شكو
نظرت إلى جوليا
ملك:ليش جوليا تبجي شكو احجوا الله يخليكم
امسك امير بيدي
امير:تعالي ملك
اخذني وصعدنا الى اعلى الجبل كان المكان عالي جداً عندما وصلت شعرت بشيء غريب بداخلي نظرت الى عيونهم كانت الدموع تملأ عيونهم برغم من انهم يحاولون اختفائها عني
ملك:ليش صعدنا هنا شكو
اقترب امير وامسكت بيدي
امير:ملك الي راح تسمعي صعب عليج بس انتي لازم تعرفين بيه
ملك:شكو
امير:جَواد ما غدر بيج وكلشي قريته جانت لعبه من اريج هي سويت هيج بيج
ملك:شو
امير:هي خطفت ابنج وهددت جَواد بيه وطلبت منه يجي على هذا المكان و وكف بنفس المكان اللي هسة انتي واكفه عليه وطلبت منه يروح وياهه على إيطاليا بس هو رفض طلبها ومن رفض طلبها دفعته من اعلى الجبل ملك.. انتي تسمعيني ملك
جوليا ⬛
كنت انظر الى ملك كانت صامته تنظر الى امير وهو يتحدث معها
امير:ملك انتي جاي تسمعيني
اقتربت منها وامسكت بيدها
جوليا:ملك بيج شي
جلال:ملك انت بخير
ابتعدت عنه واقتربت الى حافة الجبل واصبحت تنظر الى الاسفل كانت ليست في وعيها وفجأة
صرخت بأعلى صوتها
ملك:ااااااااااااااه
سقطت على الارض واصبحت تصرخ وتبكي بصوت عالي
ملك: جـــــــــــــــــــــواد جـــــــــــــــــــــواد
