مرت اسابيع على ذالك اليوم ولا تزال ملك في كل يوم تذهب الى اعلى الجبل تجلس هناك على حافة الجبل تبكي وتفرغ كل همومها هناك الى أن يحل عليه الظلام تعود الى المنزل
افنان ⬛
اصبحت الساعة الثامنة مساء ولا زالت انتظر عودت ملك من ذالك المكان
مريم:شبيج محتارة هسة تجي
افنان:خايفه عليها كل ما تروح هناك اكول اخاف تتهور وتسوي بنفسها شي
مريم:لا يمعودة بعد الشر عنها شنو هذا الحجي
افنان:لعد ما تشوفيها هي مو بوعيها ولا تقبل احد يروح وياهه
مريم:خلوها الوحدها ترتاح
وتطلع كلشي بكلبها هذا الشي يريحها
افنان:الله يرحمك جَواد هو اني مجاي اتحمل فكرت موته يله ملك تتحمل
مريم:و مو بس واحد فقدت ثنين ابنها وزوجها مو سهله عليها
افنان:ما اكول بس غير الله يصبرها ويصبرنا
وفجأة سمعنا صوت الباب يفتح يبدوا بانها قد عادت ذهبت ورأيتها تدخل إلى المنزل
افنان:مساء الخير حبيبتي
ملك:مساء النور
كانت عيونها منتفخة بسبب البكاء ولا تستطيع التحدث ارادت ان تذهب الى غرفتها ولكنني اوقفتها
افنان:ملك حبيبتي اسويلج شي تاكلين
ملك:لا ما اريد
افنان:ميصير حبيبتي انت طالعه من الصبح وميصير هيج
ملك:عوفيني امي براحتي الله يخليج
تركتني وصعدت الى غرفتها دخلت إلى غرفة المعيشة
مريم:اها شنو الاخبار
ملك:ما تقبل تاكل شي
مريم:ميصير هيج لازم تاكل مو زين عليها
افنان:مليت واني احجي وياهه رجعت نفس حالتها قبل سبع سنوات
مريم:لا وهم اكثر من قبل ميصير تبقه هيج اخذيها اكل وخليها تاكل حتى لو غصباً عنها
افنان:ماشي
ذهبت الى المطبخ احضرت لها الطعام واخذته الى غرفتها طرقت الباب ودخلت كانت ممددة على السرير وتنظر الى سقف الغرفة لم تشعر بدخولي لها وضعت الطعام على الطاوله واقتربت منها
افنان:ملك حبيبتي ميصير اللي جاي تسوينه بنفسج حرام عليج اهم شي صحتج ليش جاي تعذبين نفسج
ملك:شسوي بصحتي اذا روحي طلعت مني
افنان:بنتي الحياة كدامج وانتي بعدج صغيرة حرام عليج صحتج ليش جاي تسوين هيج بينه وبيج
ملك:شسوي بالحياة اذا اللي احبهم راحوا
افنان:اكو ناس هواي تحبج لا تعذبيهم وياج
نظرت إلي ونزلت دموعها
ملك:بس اني اريد جَواد وابني اريد اروح يمهم
نهضت وامسكت بيدي
ملك:اريد اروح الجَواد ساعدني امي الله يخليج
افنان:حبيبتي شنو هذا الحجي
ملك:ما اكدر اتحمل تعبت ساعديني الله يخليج مشتاقتله اريد اروحله
اصبحت اخاف عليها من طريقة كلامها اخاف ان تؤذي نفسها لكي تذهب الى جَواد ياالهي ساعدها وأحميها من أذيت نفسها اصبحت اراقب كل تصرفاتها ولا اعدها تخرج بمفردها من المنزل صرت اذهب معها إلى اين مكان تذهب إليه...
وفي يوم من الايام كانت ملك نائمة في غرفتها اصبحت الساعة 12:00 ومازلت نائمة قلقت عليها كثيراً ذهبت الى غرفتها طرقت الباب ولكنه لم تفتح لي فتحت الباب ودخلت نظرت لم اجدها على السرير ذهبت الى الحمام طرقت الباب الحمام
افنان:ملك انتي هنا.... ملك وينج.... ملك
شعرت بالخوف فتحت الباب ولم اجدها افنان:وين راحت البنيه
نزلت إلى الاسفل ذهبت الى مريم طرقت الباب وبعد لحظات فتحت لي كانت على وجهها النعاس
مريم:خير شكو
افنان:ملك عندج
مريم:لا غير بالغرفة مالتها
افنان:لا ماكو بالغرفة
مريم:لعد وين راحت
وفجأه رن هاتف المنزل ذهبت لكي ارد
افنان:الو
ديانا:الو سيدة افنان انا ديانا
افنان:ديانا ؟
ديانا:كيف حالكِ
افنان:بخير وانتي
ديانا:تمام سيدة افنان اتصلت بكِ لكي أخبركِ بأن ملك موجودة هنا في القصر
افنان:ماذا
ديانا:اجل في الصباح دخلت إلى غرفة السيد جَواد لكي انظفها ورأيتها نائمة على السرير
افنان:حسناً دعيها نائمة انا قادمة إلى القصر
اقفلت الخط وذهبت بسرعة الى هناك
ملك ⬛
لا استطيع أن اتحمل أكثر اريد أن راى جَواد نهضت من السرير غيرت ملابسي وخرجت الفجر من غير أن يراني احد كنت اسير في الطريق وفجأة وجدت نفسي امام القصر اصبحت انظر إليه مطولاً بين الدخول والخروج وبعد لحظات طلبت من الحرس ان يفتحوا لي الباب فتحوا الباب ودخلت إلى المنزل لم يكن احد في الداخل كان الجميع نائماً الان صعدت السلم واتجهت الى غرفة جَواد فتحت الباب ودخلت واصبحت انظر الى الغرفة اقتربت من السرير تمددت عليه اخذت الوسادة واحضتنها بقوة وكأنني احتضن جَواد اغمضت عيني ونمت وهذه اول مرة اشعر براحه في نومي منذوا 7 سنوات لم اشعر بانني مرتاح في نومي مثل هذا اليوم كنت اشعر به بجانبي استيقظت على يدي تلامس وجنتاي كأنها يده لا اريد أن افتح عيني هذا حلم لا اريده أن يذهب
جَواد:ملك اكعدي
ملك:جَواد
جَواد:اكعدي حبيبتي ملك
فتحت عيني ورأيته يجلس بجانبي ويرسم على وجهه تلك الابتسامة التي احبها
نهضت من السرير بفرج
ملك:جَواد
التفت حولي لم اجد شيء امامي فهمت بانني كنت احلم وضعت راسي على وسادة وصرت ابكي وبعد لحظات انفتح الباب ودخلت امي افنان
افنان:ملك حبيبتي شبيج
اقتربت مني وضعت يدها على شعري
افنان:شتسوي هنا
ابعدت راسي عن الوسادة ونظرت اليها
ملك:اجيت حتى اشوفه واشتم ريحته
افنان:ملك حرام اللي جاي تسوي بنفسج والله حرام
ملك:لا تطلبين مني ما اكدر انساه
افنان:امشي خل نرجع للبيت
ملك:خليني هنا بس شوية
افنان:شتسوي باقيه هنا امشي خل نروح للبيت حتى ترتاحين
نهضت معها وعدت إلى المنزل وعندما دخلنا وجدت جوليا وامير في المنزل
افنان:السلام عليكم
امير:وعليكم السلام
نظرت جوليا إلينا باستغراب
جوليا:وين جنتو انتو
افنان:بعدين نحجي خل اخذ ملك للغرفة حتى ترتاح
جوليا ⬛
ذهبت افنان وملك الى الاعلى وبقينا انا وامير ننظر الى بعضنا البعض
جوليا:شفت شلون صايره حالتها
امير:اي والله تقهر لازم نساعدها
جوليا:شسوي يعني
افنان:اها
امير:تعالي اكعدي خالة
جوليا:بعدها على حالتها ؟
افنان:بعدها على حالتها يوم كعدت الصبح ما لكيتها بالبيت جان تتصل عليه ديانا وكالت ملك عدنا بالقصر
جوليا:بالقصر شتسوي
افنان:رحت لكيتها نايمة بغرفة جَواد وتبجي
امير:لازم تاخذيها على الدكتور
افنان:اي اني هم فكرت بهذا الموضوع لازم يشوفها دكتور نفسي
مريم:اني اعرف خوش دكتورة نفسية صديقتي جانت
جوليا:نروح،ناخذها هناك شنسوي هنا اكو دكاترة هواي
مريم:لا هي انتقلت هنا
امير:خوش دكتورة تعرفيها ؟
مريم:اي طبعاً
افنان:خوش لعد ناخذها باجر الها
مريم:اني اعرف رقمها راح اتصل بيها
جوليا:ماشي اتصلي
نهضت خالة مريم واتصلت على الدكتورة
مريم:الو السلام عليكم..... شلونك دكتورة رنا.... عرفتيني اني مريم اللي جنت جيرانكم... الحمدلله انتي شلونج... والله عايشة.... اي سمعت بيج اجيتي هنا... اي طبعاً اكلج دكتورة اتصلت بيج على مود شغله اريدج تساعديني... اي والله عندي بنت اختي تعبانة شوية مرت بظروف صعبة واريدج تساعديني... اي فدوة احنا كلش خايفين عليها... ماشي اني راح اجي اشوفج ...وين عنوانج... ماشي يله مع السلامة
اقفلت الخط
افنان:اها شنو كالت
مريم:تكول تعالي واحجيلي شنو حالتها تريد تعرف حالتها قبل ما تساعدهم
جوليا:اي خوش روحي واحجليها وضع ملك
مريم:راح اروح اليوم
امير:اجي وياج
مريم:لا ماكو داعي
مريم ⬛
غيرت ملابسي واتجهت الى منزل الدكتورة رنا وعندما وصلت طرقت الباب وفتح لي طفل صغير
مريم:مرحباً حبيبي خالة رنا موجودة
الطفل:ماما رنا
مريم باستغراب:ماما؟
دخل الطفل وبعد لحظات خرجت رنا
رنا:خالة مريم شلونج شخبارج
مريم:الحمدالله حبيبتي انتي شلونج
رنا:والله عايشة
مريم:شنو هاي عل الخير صار عندج طفل الله يخليه الج
رنا:اها اي الله يسلمج تعالي اتفضلي
دخلنا وجلسنا في غرفة المعيشة
رنا:شنو تحبين تشربين
مريم:لا ماكو داعي
رنا:ميصير لازم تشربين شي
مريم:ماكو داعي حبيبتي لا تتعبين نفسج اكلج تعالي احجيلي شوكت صار عندج طفل شلون صار
رنا:هو بصراحة...
الطفل:ماما جوعان شوكت يخلص الاكل رنا:انتظر حبيبي بس يجي ابوك ناكل
مريم:هههههههه خطية جوعان
رنا:اي بس احنا متعودين ننجمع كل احنا يله ناكل
مريم:اها اي صدك
وفجأة انطرق الباب نهضت رنا
رنا:هذا اكيد احمد اجه راح افتح الباب
ذهبت وبعد لحظات دخلت رنا وزوجها
احمد:السلام عليكم
مريم:وعليكم السلام ابني شلونك
احمد:خالة مريم عدنا هنا شلونج خالة
مريم:الحمدالله ابني انت شلونك
احمد:بخير والله مشتاقيلج صارلنا سنين ما شايفينج
مريم:والله الدنيا مشاغل شنسوي
احمد:اي شعجب تذكرتينه واجيتي
مريم:والله بنت اختي تعبانة شوية مرت بظروف صعبة واجيت على رنا بلكت تساعدها
رنا:خير خالة احجيلي شنو قصتها
مريم:اسمعي قبل 7 سنوات جانت ملك......
عندما انتهت من شرح القصة لهم اصبحوا ينظرون الى بعضهم البعض وكانوا هم الاثنين مصدومين
احمد:شنو؟
مريم:اي هاي كلها القصة
رنا:يالله دخليك شنو هاي الصدفة
مريم:شنو
احمد:لج هاي نفس القصة
رنا:اي صدك
مريم:اي قصة
رنا:بصراحة احنا هم عدنا موضوع مهم لازم تعرفيه
مريم:شنو
احمد:بالاول وين بنت اختج اريد اشوفها
مريم:شنو ليش؟
رنا:راح تعرفين بس بالاول لازم نشوفها
مريم:موجودة بالبيت
التفت رنا الى زوجها
رنا:احمد خلينه نروح
احمد:يله امشي
رنا:خالة لازم تاخذينه نشوفها وبسرعة يمكن نكدر نساعدها
مريم:اي اكيد
رنا:انتظروا بس اجهز حسن
مريم:حسن؟
ذهبت رنا الى الداخل بعد ربع ساعة خرجنا من المنزل اتصلت بالجميع وطلبت منهم الحضور إلى منزل افنان وبعدها وصلنا الى المنزل وكان الجميع بانتظارننا
مريم:السلام عليكم
الجميع:وعليكم السلام
كان الجميع ينظروا الى رنا وزوجها وابنهم باستغراب
مريم:هاي الدكتورة رنا وعائلتها
افنان:اهلا وسهلاً
احمد:اهلا بيكم
اسماعيل:اتفضلوا اكعدوا
رنا:ممكن اعرف منو بيكم ملك
افنان:ملك؟
رنا:اي المريضة مو اسمها ملك صح
افنان:اي اسمها ملك
نظرت رنا إلى زوجها وابتسمت
امير:خير شنو القصة
مريم:انتي من وين تعرفين اسمها ملك
رنا:بس اريد اشوف ملك بالبداية
اية:اني راح اجيبها واجي
ذهبت اية الى غرفة ملك وبعد لحظات دخلت ملك علينا
ملك:السلام عليكم
احمد:وعليكم السلام
جلست امامهم وكانت متعبه للغاية
ملك:خير اني ملك
رنا:اي صح انتي ملك
ملك:ما افهمت
رنا:اني راح افهمكم كل الاسئلة اللي تدور براسكم اني عندي موضوع مهم يخصكم وخصوصاً ملك صارلنا سنين واحنا ندور عليها ماكو مكان والا ما سألنا بيه لحد ما ملينه من البحث بس ما جنت ادري انتي بنت اختي جيراني العزيزة الخالة مريم
افنان:ليش؟
رنا:بصراحة عدنا شي مهم لازم تعرفونه امير:احجي
رنا:قبل سبع سنوات طلعنا اني وزوجي احمد سفره على الجبل وجان الجو بارد
العودة الى الماضي....
رنا:حبيبي الجو بارد خل ننزل
احمد:لج احنا وصلنا شكو راح تنزلينه وبعدين المكان فوك يخبل شبيج انتي خل نكمل
رنا:اوف منك امشي خلصني
صعدنا إلى اعلى الجبل وقفنا على خافة الجبل واصبحنا ننظر من فوق
احمد:شوفي هذيج الوردة
رنا:الله تخبل
احمد:انتظري هسة اجي
رنا:لك وين رايح
احمد:انزل اجيبها
رنا:وين تجيبها انت شايف المكان يخوف راح تنزل جوه على مود وردة
احمد:لا تخافين
رنا:يمعود خلي تولي لا توكع
احمد:هاي شبيج هسة اجي
نزل احمد الى الاسفل وبقيت انتظره في مكاني وفجأة سمعت صوت طفل يبكي
رنا:هاي شنو
اقتربت من مكان الصوت وفجأة رأيت طفل مرمي على الارض ويبكي ركضت عليه
رنا:ياحبيبي هاي منو حاطه هنا
اصبحت التفت حولي لم اجد شيء
رنا:ياربي دخيلك شنو هاي
اخذت الطفل واصبحت اصرخ على احمد لكي يأتي الي
رنا:احمد.... احمد وينك.... احمد تعال بسرعة
وبعد لحظات سمعت صوته يصرخ علي
احمد:رنا تعالي بسرعة رنا
ذهبت إليه والطفل بين ذراعي
رنا:شبيك
احمد:لج شو... هاي شنو
رنا:هذا الطفل لكيته فوك الجبل حاطينه احمد:لج تعالي شوفي اني شنو لكيت
اقتربت من المكان ورأيت رجل مرمي من اعلى الجبل وكان وجهه ملخط بالدماء
رنا:ياربي هاي شنو
احمد:لازم نبلغ الشرطة بسرعة
رنا:عايش لو ميت
احمد:ما ادري بيه لان ماكدر اوصل هناك اخاف اوكع
رنا:اتصل بالشرطة بسرعة
اتصلنا بالشرطة وبعد نصف ساعة وصلت سيارات الشرطة والاسعاف الى المكان سحبوا من المكان بصعوبة واخذنا الى المستشفى وكان على قيد الحياة ولكن حالتة كانت خطيرة جداً ادخلنا الى للمشفى اخذوا فوراً إلى غرفة العمليات وكنا ننتظر في الخارج
رنا:راح شنسوي هسة
احمد:لازم ننتظر
رنا:وهذا الطفل
احمد:راح نبقي عدنا على ما يتحسن هذا الرجل لعد وين يروح خطية
رنا:ياربي دخيلك منو مسوي هيج
احمد:والله الناس صارت تخوف وكلشي الواحد يتوقع منهم
كان الطفل يبكي طوال الوقت وكنت احاول أن اجعله يتوقف عن البكاء
رنا:شبيك حبيبي ليس تبجي
احمد:اخاف جوعان
رنا:اي يمكن روح جيب حليب وغراض مالته خلي ياكل خطية
احمد:ماشي هسة طالع انتي انتظري هنا
ذهبت احمد لكي يجلب اغراض للطفل وانا كنت انتظر خارج غرفة العمليات وبعد لحظات انفتح الباب وخرج الدكتور
رنا:طمني كيف حالة الان
الدكتور:لقد أجرينا له العملية ولكن لا تزال حالة خطيرة لانه الدماغ قد تعرض لضربة قوية و ادت الى نزيف بالدماغ
رنا:ماذا تقصد هل سيموت؟
الدكتور:في حالته هذه كل شيء متوقع رنا:ياالهي
الدكتور:وضعناه الان في غرفة العناية المركزة
رنا:شكراً لك
ذهب الطبيب واصبحت انظر الى ذالك الطفل الصغير الذي بين يدي شعرت بالحزن عليه كم انت مسكين يا عزيزي والدك بين الحياة والموت و والدتك ليس معك الان اي حظ سيء لديك
وصل احمد الى المستشفى وهو يحمل بيده اغراض للطفل
احمد:اها شنو الاخبار طلع
رنا:طلع قبل شوية الدكتور ويكول صاير عنده نزيف بالدماغ وحالته كلش خطيرة احمد:يا الله دخيلك
رنا:وهسة نقلوا على العناية المركزة وراح يبقه هناك
احمد:ياربي زين وهذا الطفل
رنا:راح ناخذه ويانه للبيت على ما يتحسن ابوه لان منكدر نخليه هيج خطية
احمد:ماشي
اخذنا الطفل معنا الى المنزل ولا تزال حالة والده خطيرة وكنا انا واحمد نذهب الى المستشفى باستمرار لكي نطمئن عليه وفي يوم من الايام اتصلوا بنا المستشفى وقالوا بان المريض قد استعاد وعيه ويريد رؤيتنا ذهبنا انا وزوجي احمد الى هناك واخذنا الطفل معنا وعندما وصلنا ادخلوا على غرفته كانت حالته خطيرة جداً جلسنا بجانبه وبعد لحظات بدأ يستعيد وعيه فتح عينيه ونظر إلينا وكان يحاول أن يقول شيء ولكنه لا يستطيع
احمد:لا تحجي شي انت بعدك تعبان ارتاح هسة
جَواد:ااا.. اريد... اشوف ابني
اقتربت منه ووضعت الطفل امامه حاول أن يضع يده على الطفل ولكنه لا يستطيع
احمد:ماكو داعي تحاول خليك لا تتعب نفسك
نظر إلينا
جَواد:عندي طلب منكم
احمد:كول
جَواد:اذا صارلي شي ابني امانه بركبتكم
احمد:لا خويه شنو هذا الحجي الله يكومك بالسلامة
جَواد:خليني اكمل حجي ارجوك
احمد:اتفضل
جَواد:ابني هسة امانه عدكم دير بالك عليه اذا صارلي شي وما كدرت اخذه اريدك انت تاخذه وتروح على لوس أنجلوس هناك امه عايشه اسمها ملك وابني اسمه حسن اريدك تروح على هذا العنوان هو.....هو.....
وفجأة توقف جهاز القلب قبل أن يكمل كلامة
رنا:لا ...لا
خرج احمد يركض من الغرفة لكي ينادي الطبيب وفجأة اصبح الطفل بيكي وكأنه يشعر بالذي يحدث حوله وكنت ابكي واحاول أن اجعله يتوقف عن البكاء وبعد لحظات دخل الطبيب وطلب منا الخروج خرجنا ننتظر خارج الغرفة وكان حسن يبكي
احمد:شبيه فجأة صار يبجي
رنا:ما ادري شبيه عبالك يحس باللي صار
احمد:الله دخيلك تشافي وتعافيه لخاطر هذا الطفل المسكين
وفجأة خرج الطبيب من الغرفة ركضنا عليه
احمد:ماذا حدث
الدكتور:متأسف لم نستطع انقاذه لقد فقدنا المريض
احمد رنا:لا
العودة الى الحاضر
جوليا:جَــــــــــواد
اصبح الجميع يبكي ما عدا ملك كانت صامته وتنظر الى رنا و زوجها وبعد لحظات من صمتها الطويل نهضت و اقتربت منهم
ملك:وين الكبر مالته
رنا:موجود بمنطقة مالتنه القديمة
ملك:اخذوني هناك اريد اروح
لم تكن ملك بوعيها حتى انها لم تسئل عن ابنها كل ما تريده هو معرفة مكان القبر الذي دفن في جَواد اخذوها رنا و زوجها الى هناك وذهبوا معها امير وافنان و جوليا وبعد ساعتين وصلوا الى المقبرة لم يدخلو معها احد تركتها بمفردها معه
رنا:هذا الكبر مالته
نظرت ملك الى القبر لم يكتب عليه اسم لانهم لا يعلمون ما هو اسمه
ملك:عوفوني الوحدي
رنا:امشي يله احمد
ملك ⬛
جلست امام القبر واصبحت انظر اليه مطولاً هل هذا هو مكان حبيبي جَواد هل هو نائماً الان هنا من سبع سنوات وانت هنا ولا احد يعلم
ملك:سبع سنوات واني افكر بالانتقام منك وجنت اكول اخذ ابني وغدر بيه وجنت اصير عصبية من احد يذكر اسمك كدامي ليش جَواد ليش ما عاقبتني واخذت ابني ورحت سبع سنوات او عشر سنوات عاقبني العمر كله موافقه بس ليش عاقبتني بهيج عقاب ليش جَواد ليش رحت وعفتني وين وعدك مو كلت مراح تعوفني ليش جذبت عليه ليش خليني اعيش بالواقع ليش ما عفتني احلم شسوي بالواقع اذا انت ماكو بيه على مود منو باقيه عايشه
افنان:على مود ابنج
التفت ورأيت امي افنان وكانت تمسك بولد صغير
ملك ⬛
اقتربت منها وجلست امام القبر
افنان:ملك صح جَواد راح بس ابنج بعد موجود هو هسة بحاجة الج لامه وما عنده احد غيرج وانتي هم بعد ما عندج احد غيره هاي امانه عندج من جَواد تردين تتخلين عن امانة جَواد
التفت إلى ابنها ونظرت إليه مطولاً امسكت بالطفل وطلبت منه ان يذهب إليها
افنان:حبيبي هاي امك روح عليها
اقترب حسن من ملك وجلس بجانبها
حسن:ماما
عندما نطق حسن بكلمة ماما سحبته ملك الى حضنها و احتضنته بقوة واصبحت تبكي بصوت عالي...
بعد مرور 20 عاماً لقد كبر حسن واصبح اكبر مهندس وجل اعمال ناجح في العالم مثل ابيه جَواد هو الان يستعد لحفل زفافه على جوان ابنة امير وجوليا اما ملك... لا تزال كما هي تعيش مع افنان في قصر جَواد القديم لقد طلب جلال يدها للزواج اكثر من مرة ولكنها في كل مرة كانت ترفض الزواج منه لانها لا تزال تحب جَواد وتريد العيش على ذكرى وعندما فقد الامل من موافقتها قرر الزواج وتزوج من فتاة طيبة وجميلة واصبح يحبها كثيراً هو الان لديه ولد وبنت واية ايضاً تزوجت وقد اصبح لديها فتيات اثنان جميلات
جوليا وامير لقد انتقلوا للعيش مع ملك وافنان في ذالك القصر الكبير و رفضت ملك بيع القصر لان هذا القصر كان جَواد يحبه ولذالك طلبت منهم أن لا يبيعون القصر ويعيشون فيه مع بعض خالتها مرين و والدها اسماعيل قد توفيا منذو ثلاث سنوات
يوم الزفاف حسن وجوان ...
كانت ملك تجلس في غرفتها وتمسك بصورة جَواد وتتحدث إليه
ملك:حياتي اليوم زواج ابنك حسن لو تشوفه شلون كبران وصاير شكد حلو يشبهك تماماً يعني صاروخ هههههه كل ما اباوع بوجهه اذكرك لانه ماخذ منك هواي ملامح راح يزوج بنت جوليا جوان خوش بنيه وتحبه صح مرات تصير بس هو يحبها بكل حالتها يعني مثل ما انت جنت تحبي ههههه حياتي شكد مشتاقتلك ما ادري ليش احس راح اجي يمك عن قريب هل ايام هواي جاي اتحلم بيك حبيبي ومشتاقتلك موت
جوليا:يله ملك راح نتأخر وينج
وضعت الصورة على الطاولة وخرجت لها
ملك:شكو شبيج بعد وكت
جوليا:وين راح تبدي الحفله لج شنو هاي
ملك:شبيج
جوليا:طالعه شكد حلو ولا عبالك هاي وحده عمرها 40 سنة
ملك:ياستار من عينج ههههههههه
حسن:لك شنو هاي
ملك:شكو ولك
حسن:امي وخالتي طالعات موزز
امير:لك درو راحت عليهن الجمال
جوليا:امشي لك
حسن:والله يا عمي خالتي ممكن بس امي بعدها صاكة
ملك:ههههههههه
جوليا:اي طبعاً تحجي هيج هاي امك دشوف منو راح يزوجك بنتي
حسن:لا يمعودة دخيلج
امير:شعليك بيها مدام اني موجود
ملك:يله بله حجي زايد امشو خل ننزل
نزلنا إلى الاسفل وبدأت الحفله وعندما انتهت الرقصه طلب حسن مني بان ياخذ صورة معي وقفت بجانب وبجانب عروسته لكي يلتقط المصور لنا صورة وفجأة شعرت بلمسات يدي على كتفي كانت لمسات يد جَواد التفت بفزع إلى الوراء لم اجد شيء
حسن:امي.. امي
ملك:اها
حسن:شبيج
ملك:ما... مبيه شي يله خل ناخذ صورة
اشعر بان جَواد يقف الان بجانبي ويلتقط صورة معنا صورة عائلية....
النهاية....
