part 6

7.4K 115 7
                                    

اقترب مني ومد يده لي
ملك:غمض عينك لا تباوع عليه
اغمض عينيه وسحبته من يده بقوة وسقط في المسبح اصبحت اضحك عليه صوت عالي وبعد لحظات توقفت عن الضحك ونظرت إليه
ملك:هاي لانك واحد مغرور وشايف نفسك وهذا الماي راح ينظف غرورك الزايد
اصبحت اضحك وخرجت من حمام السباحة وتركته فيه
جَواد ⬛
لم تتغيري أبداً مازلتي الفتاة المخادعة وانا الولد الغبي الذي يقع في فخ بسهوله العودة الى الماضي
كنت اجلس مع ملك في حديقة منزلنا القديم وكان امامنا مسبح ضخم جداً
ملك:تعرف تسبح
جود:لا
ملك:جذاب
جود:ليش اجذب جاي اكلج ما اعرف
ملك:واني هم ما اعرف اسبح بس اريد اجرب
جود:لا تسوي تموتين
ملك:لا اريد اشوف تنقذني لو لا
جود:ملك تكعدي لو اروح لابوج والله
نهضت وذهبت الى المسبح
ملك:راح اطفر
كنت اظنها تمزح معي
جود:ملك تعالي خل نلعب غير ..
قبل ان اكمل جملتي قفزت في المسبح
كانت تغرق كنت اظنها تمزح معي
جود:ملك كافي اطلعي راح يجي بابا
ملك:جود ساعدني راح اموت
جود:ملك اطلعي راح اصيح عمي
كانت تغرق فعلاً بقيت التفت حولي ماذا افعل ركضت وقفزت خلفها وانا لا استطيع السباحة كنت اغرق واحاول الخروج سمعت صوتها تضحك
ملك:ضحكت عليك هههههههههههه ملك:تسوي نفسك ما تعرف
كنت اغرق واحاول الخروج الى الاعلى
جود:تعالي ساعدني
ملك:هاي مالتي سوي غيرها
جود:ولج راح اموت
حسن:جود ابني
قفزت ابي خلفي وانقذني من الغرق عندما خرجت رأيتها تجلس على الارض وتبكي
حسن:انتو مو كلكم تنزلون بالماي
ملك:جود هو طلب مني ننزل بالمسبح
التفت إليها نظرت إلي وكأنها تتوسل لي حسن:انت ما تعرف تسبح شكو تنزل
جود:اسف
حسن:انت حمار هسة لو صاير بيك شي امشي روح
دائماً كنت تخطئين وانا كنت اقع ضحية اخطائك الغبية لانني كنت الطفل المغفل الذي ترمين عليه مشاكل كان يتحمل الاهانة بسببك دائماً كنت اسئل نفسي لماذا اتحمل كل هذا منكِ لماذا اساعدك لماذا اخذ الكفون بدل منكِ هذا لانني غبي ولكن اكتشف ذلك في وقت متأخر
ملك ⬛
استيقظت صباحا وكانت ضجه كبيره في المنزل غيرت ملابسي خرجت لكي ارى ماذا يحدث كانوا جميع الخدم منشغلين بالعمل ذهبت الى المطبخ
افنان:اسرعوا في تحضير الفطور
ملك:خالة
التفت لي
افنان:ملك صباح الخير حبيبتي
ملك:شنو القصة شبيكم
توترت وكأنها تتهرب مني
افنان:ماكو شي حبيبتي بس مشغولين بالشغل
كريستين:لقد وصل ضيف مهم الى المنزل ولذالك نحن مشغلين هكذا
ملك:ضيف من
التفت إلى كريستين
افنان:اصمتي واكملي عملك
شعرت بأنها تتهرب مني ولذاك تركت المطبخ وخرجت ذهبت لكي اتجول في المنزل لقد أثارني الفضول اريد أن اعلم من هو ذالك الضيف رأيت احدى الخادمات تحمل بيدها فنجان القهوة اوقفتها
ملك:الى اين انتي ذاهبه
اماند:لكي اعطي هذا القهوة الى السيد جَواد وضيفه
ملك:اين هو
اماندا:في غرفته
ملك:حسناً دعيني أساعدكِ سأذهب أنا بدل منكِ
اماندا:ولكن
اخذته منها وذهبت الى هناك طرقت الباب ودخلت عندما دخلت تفاجئت بالمنظر الذي رأيته كانت هناك فتاة معه وكانوا يقبلون بعضهم البعض فتحت عيني من الصدمة وفجأة انتبهوا لي وابتعدوا عن بعض نظرت لي الفتاة بغضب شديد
اريج:هل انتي غبية لم تستأذني قبل الدخول
مازالت مصدومه لم ارد عليها
التفت إليه
اريج:حبيبي هذول الخدم اغبياء غير تفهمهم
كان متوتراً لم يرد عليها اخذت نفس وتحدث معها
ملك:اني دكيت الباب بس محد سمعني
التفت لي
اريج:او انتي عراقية
ملك:اي
اريج:عفية عليك وين لكيت خدامة عراقية
تركت القهوة على الطاولة وخرجت بسرعة من تكون هذه الفتاة ان كان مغرم بفتاة اخرى لماذا تزوج بي
جَواد ⬛
اريج: حبيبي مشتاقتلك هواي تدري مو مصدكة نفسي اخيراً رجعت وشفتك
ابتسمت لها وضعت يداه على رقبتي
اريج:بس انت شكلك مو مشتاقلي
جَواد:ليش
اريج:ما ادري بس تصرفاتك غريبة يعني جَواد:ليش غريبة
اريج:ماكو رومانسية
جَواد:تردين رومانسية هسة اشوفج الرومانسية
اقتربت منها وقمت بتقبيلها
افنان ⬛
انتبهت لغياب ملك وذهبت لكي ابحث عنها لا اريدها ان ترى اريج مع جَواد ذهبت الى غرفتها طرقت الباب ودخلت كانت جالسه على السرير وشاردة الذهن لدرجة بأنها لم تنتبه لدخولي
افنان:ملك
التفت إلي
ملك:خالة
افنان:شبيج حبيبتي
ملك:مابيه شي
افنان:شلون ما بيج شي صاير شي
ملك:لا بس عندي سؤال واريد جواب
افنان:سؤال شنو
ملك:اذا جان جَواد يحب وحدة ليش تزوجني
افنان:شنو
ملك:اني شفته بالغرفه مالته هو وياه وحده بوضع المهم اريد اعرف الجواب لا تكولين على مود ديون بابا اصلا يكدر يتصرف بغير طريقة ليش اختار هاي الطريقة بالذات لازم اكو شي
افنان:شي مثل شنو شبيج انتي
ملك:وانتي شبيج توترتي
افنان:اها ليش اتوتر
اقتربت مني وامسكت بيدي
ملك:اذا تعرفين شي احجي
افنان:هاي شبيج انتي اليوم
ملك:اريد اعرف شنو القصة اني متأكدة اكو شي وانتي تعرفين بيه احجي الله يخليج
افنان:لا انتي صدك تخبلتي شبيج انتي
وفجأة انطرق الباب ودخلت ديانا
ديانا:لقد انتهينا من تحضير الفطور والسيد جَواد والانسه اريج لقد نزلوا إلى الاسفل
افنان:حسناً اذن دعينا نحضر لهم الطعام
ارادت ان تنهض ولكنني اوقفتها
افنان:ماكو داعي انتي تجين خليج مرتاحه
ملك:لا لازم اجي اساعدكم
لم استطع إقناعها واضطررت للموافقة
ملك ⬛
ذهبت معها واصبحنا نرتب الطاولة وكان جَواد وتلك الفتاة يجلسون عليها وفجأة وضعت يدها على يده وتحدث معه
اريج:حياتي اليوم اريد اقضي الوكت كله وياك يعني لا تكول عندي شغل وما اعرف شنو ماشي
جَواد:ماشي
اريج:اريد نطلع ونفتر مثل ايام زمان
جَواد:اكيد
التفت إلى افنان
جَواد:امي حضروا غرفتها
اريج:لا حياتي ما اريد عرفة الوحدي اريد ابقه يمك
سقط الصحن من يدي على الارض
افنان:انتبهي
كنت انظر لهم
اريج:شبيج صافنه هيج انزلي نظفي المكان اخاف نتأذى
التفت إليه
اريج:من وين جايب هاي الخدامة صدك غبية كل شوية شكل
نهض جَواد من الطاولة
جَواد:اني شبعت ورايح للمكتب شوية
تركنا وذهب كنت اقوم بتنظيف المكان الذي انكسر في الصحن انتهت من تنظيفه وذهبت الى غرفة المكتب لكي اتحدث معه طرقت الباب ودخلت كان يعمل على مكتبه
ملك:اذا ما عندك شغل ممكن نحجي
جَواد:اذا جان الموضوع تافه إجلي لان عندي شغل
ملك:يمكن يكون بالنسبة لك تافه بس بالنسبة لي مهم
جَواد:خير احجي
ملك:انت ليش تزوجتني
نظر لي بطرف عينه
ملك:اذا عندك وحده تحبها ليش تزوجتني شنو السبب
جَواد:وليش انتي عبالج تزوجتي لان احبج مثلاً
تنفس بضيق
ملك:مو هذا قصدي
جَواد:لعد شنو قصدج
ملك:قصدي انو وراك بسبب غير ديون بابا يعني مو معقول تسوي هيج بس على مود الديون
حَواد:لعد شنو ؟
ملك:ما اعرف اني جاي اسالك
جَواد:من تلكين الجواب تعالي
ملك:يعني شكي صح انت عندك شي جَواد:اي
ملك:ومراح تنطيني الجواب
جَواد:اي
ملك:تمام
ترك المكتب وخرجت سوف اجد الجواب وبنفسي
جَواد ⬛
جَواد:اذن قررتي تعرفين الحقيقة...اي خل نشوف من تعرفين راح شيصير
العودة الى الماضي منذ ذاك الحادث ولم اتحدث مع ملك او بالاصح لا اريد رؤيتها بعد الذي حصل لقد تعبت من رمي التهم علي واخذ الاهانات بسببها لذالك كنت اتجنب رؤيتها وكنت اجلس في غرفتي ودخلت علي جوليا اختي الصغيرة
جود:تعالي
جوليا:جود ماما وبابا طلعوا تعال العب وياي
جود:يله تعالي
جوليا:مو هنا نطلع بالحديقة
جود:لا ما اريد بالحديقة خل نلعب بالبيت احسن
جوليا:لا تخاف اني مراح اطلب منك تطفر بالمسبح مثل هيج
تفاجأت من كلامها
جوليا:اي اني شفتكم وسمعت كل شي
مو انت الي طفرت وحدك هي الي جبرتك سمعت الحجي مالتكم واني رحت كلت لبابا واجه يركض بس ليش ما كلت هي الي جبرتك ليش خلية بابا يحجي عليك بسببها
ابتسمت لها
جود:مو مشكله انسي
جوليا:اخي هاي وحدة حقيرة لا تلعب وياهه بعد اخاف تموت بسببها
جود:لا تخافين عليه يله تعالي ننزل نلعب
خرجنا إلى الحديقة وجلسنا لكي نلعب مع بعض
ملك:هلو
التفتنا ورأينا ملك كانت جالسه في حديقة منزلها ونظر إلينا من خلف الاسلاك الشائكة اكملنا العب ولم نكترث لها
ملك:شبيكم ليش ما تباعون عليه
همست لاختي جوليا
جود:امشي خل نفوت جوه بالبيت
نهضنا ودخلنا الى المنزل وبعد لحظات رأينا ملك تقف امامنا وكان وجهها حزين جود:انتي شكو جايه
ملك:اجيت حتى اعتذر منكم اني اسفه سامحني جود والله مجنت ادري انت صدك ما تعرف تسبح عبالي تضحك عليه
جوليا:جان جود راح يموت بسببج
ملك:اي واني اسفه
جوليا:لعد ليش كلتي هو الي طلب منج تطفرون بالماي
ملك:خفت بابا يعاقبني
جود:واني تعاقبت بمكانج
ملك:اني روح واحجي وياه بابا بس سامحني
نظرت الى اختي كانت تطلب مني بان لا اسامحها ولكنني لم استطع أن اجعلها تحزن بسببي
جود:يله مسامحج
ملك:شكراً
جوليا:جود انت شلون تسامحها هاي وحدة جذابة
ملك:جوليا لا تصيرين مكروهه خلينه نرجع اصدقاء
جوليا:انتي وحدة جذابة واني ما اريد اجع اصير صديقتج
التفتت إليه
جوليا:جود انت رجعت سامحتها بس دير بالك منها
نهضت وتركتنا وذهبت تلعب في الخارج
ملك:جوليا ليش تكرهني اني مسوي شي عن قصد
جود:عوفيها بعدين راح ترجع تحبج
ملك:اي يله هسة خل نلعب
للاسف في ذالك الوقت لم اكترث لكلام اختي جوليا لانني كنت اصدق براءة وجهها الطفولي لم اكن ارى ذلك الشيطان الذي يخفي نفسه بداخل الوجه الملائكي استمر الهدوء بيننا ثلاثة أيام ولم تكن هناك اي مشاكل او بالاصح هذا الهدوء ما قبل العاصفة في احد الايام كنت ادرس في غرفتي وكانت اختي جوليا تلعب في حديقة منزلنا وفجأة سمعت أصوات غريبة في الحديقة نهضت ونظرت من النافذة رأيت جوليا وملك يتشاجرون في بجانب المسبح واستمر الشجار لدقيقة وفجأة رأيت ملك تدفع بيدها جوليا واسقطت في المسبح وكانت جوليا تغرق وملك تنظر لها وتبتسم خرجت من غرفتي اركض ذهبت الى ابي
جود:بابا جوليا وكعت بالمسبح
ركض ابي وعمي الى هناك وصلوا في الوقت المناسب واخرجوا جوليا من المياه كانت لا تستطيع ان تتنفس كنت انظر الى ملك في ذالك الوقت رأيت وجهها الحقيقي وقد ظهر الشيطان الذي بداخلها كانت تنظر إلى جوليا بحقد وكأنها تتمنى موتها وفجأة استيقظت جوليا
حسن:شلون وكعتي حبيبتي
ارادت ان تتحدث ولكن قاطعتها ملك
ملك:جانت تلعب و وكعت بالماي بابا
لم اعد اتحمل اكثر لا أستطيع التغطية على أفعالك الشنيعة صرخت في وجهها
جود:جذابــــــــــــة
التفت الجميع الى ناحيتي
جود:هاي وحدة جذابة هي وكعت جوليا
ملك:شنو اني
جود:اي انتي وكعتي اختي بالمسبح شفتج من فوك دفعتها و وكعت بالماي
نظرت إليه بنظرت حقد اقترب والدها منها وامسك بيدها
اسماعيل:هذا الحجي صدك ملك
ملك:بابا
اسماعيل:جاي اكلج هذا الحجي صدك يعني انتي وكعتي جوليا بالماي
جوليا:اي عمو حجي جود صح
صفعها والدها كف على خدها لكي تستيقظ كنت اظن بان هذا الكف سوف يجعلها تستيقظ من الحقد الذي بداخلها ولكنني لم اكن اعلم بانه سيكون دمر عائلة بأكملها.....
العودة الى الحاضر
كانت ملك و افنان يقومان بأعداد الطعام ودخلت اريج الى المطبخ
اريج:ملك اريدج تاخذين ملابسي وترتبيهن بغرفة جَواد لان راح اكعد يمه
التفت إليها افنان
افنان:شنو
اريج:شبيج ما سمعتي
افنان:لا ما سمعت ارجعي شنو كلتي حضرتج
اريج:اريد ملك تروح ترتب ملابسي وتخلين بغرفة جَواد
افنان:شنو يعني انتي راح تكعدين بغرفة جَواد
اريج:اي
افنان:منو سمح الج بهاذا الشي
اريج:اني سمحت لنفسي
افنان:لا حبيبتي ممنوع احنا ما عدنا هيج شي
اريج:ليش ممنوع هو خطيبي يعني بعد كم يوم راح يصير زوجي هذا الشي عادي
ملك:شو؟
اريج:شبيج اخترعتي انتي
افنان:اني جاي احجي وياج انتبهي عليه
اريج:خير
افنان:راح نحضر الج غرفة الضيوف تكعدين بيها غير هاي الغرفة ممنوع
اريج:شنو غرفة الضيوف
افنان:اي عود من تزوجين جَواد راح نكعدج وياه
اريج:انتي صدك تحجين
افنان:لعد اشاقه ممنوع عدنا البنيه تبقه وياه الشاب بالغرفة بدون زواج
اريج:اوف لا تصيرين كئيبة هسة الوضع تغير
افنان:هذا الي عندي
اريج:واني ميعجبني هذا الوضع راح احجي وياه جَواد
افنان:اي روحي
تركت المطبخ وخرجت التفت ملك الى افنان
ملك:هاي شنو
افنان:لا تهتمين حبيبتي هاي وحدة تافهه
ملك:هاي خطيبته؟
افنان:اي
تحدث بعصبية
ملك:لك هذا شنو شلون يتزوجني وهو خاطب شيريد مني هذا ليش ما يعرفني اريج ⬛
ذهبت لكي اتحدث مع جَواد طرقت الباب ودخلت
اريج:حبيبي اريد احجي وياك
جَواد:خير تعالي
دخلت وجلست في حضنه
اريج:حياتي اني مو خطيبتك
جَواد:اي
اريج:واكيد راح يجي يوم ونزوج
جَواد:طبعاً
اريج:يعني راح اعيش وياك بالغرفة
جَواد:شنو هذا الاسئلة الغريبة شبيج
اريج:طلبت من الخدم يرتبوا ملابسي بالغرفه مالتك بس خالة افنان رفضت وتكول ممنوع عاداتنا وتقاليدنا وما تسمح بهاذا الشي
جَواد:اي صح
اريج:شنو صح انت ما تريدني ابقه يمك جَواد:لا حبيبتي طبعاً اريدج بس انتي تدرين هي تضوج من هذا الشي وانتي سوي الشي اللي تكوله وبلا مشاكل
اريج:شنو قصدك اني ادور مشاكل
جَواد:لا حياتي مو هذا قصدي بس نفذي الشي الي تكلج عليه حتى ما تصير بينكم مشاكل وبعدين هو اني يمج يعني وين راح اروح شوكت ما تردين تعالي
اريج:ماشي
ابتسمت له واقترب منه لكي اقبله وانفتح الباب وافسد اللحظة الرومانسية علينا نظرت كانت تلك الغبية ملك
ملك:اسفه دخلت بوكت مو مناسب
ارادت ان تذهب ولكن اوقفها جَواد
جَواد:انتظري
التفتت إليه
جَواد:خير شنو تريدن
ملك:خالة افنان جهزت غرفة الانسة اريج تكول اذا تريد خل تجي تشوفها
اريج:ماشي حياتي راح اروح اشوف الغرفة واجي
قبلته من وجنتيه وخرجت
ملك ⬛
خرجت معها من الغرفة كنت اسير واقوم بتقليد صوتها وكلماتها
ملك:ماشي حياتي راح اروح اشوف الغرفة واجي موواه كبر لفكم ملطلطين
ذهبت الى المطبخ واكملت عملي واصبحت الساعة الثانية ظهراً خرج جَواد واريج من المنزل انتهزت فرصة خروجهم وذهبت الى غرفة جَواد لكي ابحث عن شيء يساعدني في كشف حقيقته دخلت إلى الغرفة واصبحت ابحث في اغراضه الخاصة
ملك:لازم اكو شي يساعدني حتى اعرف انت منو وشتريد مني
تذكرت تلك الغرفة التي منعتني افنان من الدخول إليه اعتقد بأنه الذي ابحث عنه موجود في تلك الغرفة ولكن كيف يمكنني الدخول إليه خرجت من غرفته واتجهت الى تلك الغرفة توقفت امام الباب واصبحت انظر الى الغرفة كان هناك شعور بداخلي يمنعني من الدخول ولكن لا يمكنني الانتظار اكثر يجب أن اكتشف الحقيقة بنفسي امسكت بمقبض الباب وفتحت الباب ودخلت إلى الغرفة كان المكان مظلم فتحت الضوء وانصدمت من الذي رأيته كانت صوري وصور عائلتي معلقه على الجدران صوري عندما كنت صغيرة وايضاً عندما كبرت من اين حصل جَواد على كل تلك الصور وكانت هناك علامة اكس على صورنا
جَواد:انتي شلون دخلتي على هاي الغرفة
التفت ورأيت جَواد يقف امامي وينظر إلي بغضب
ملك:هاي شنو
جَواد:جاي اسئلج انتي شلون دخلتي على الغرفة من سمح لج
ملك:اني سمح لنفسي اريد اعرف الحقيقة
جَواد:تردين تعرفين الحقيقة تمام خلينه نكشف أوراقنا
اريج:حياتي شكو شبيك
التفت إليها
جَواد:روحي انتظريني بالغرفة عندي حساب هنا ولازم صفي اليوم
اريج:شنو؟
جَواد:كلتلج روحي
تركت الغرفة وخرجت وثم دخل جَواد الى الغرفة واقفل الباب خلفه شعرت بالخوف وتراجعت الى الخلف
ملك:منو انت وشتريد مني
جَواد:منو اني؟
اقترب خطوة مني
جَواد:فعلاً ما تذكرتيني باعي عليه زين وجهي يذكرج بمنو
انظرت الى وجهه واصبحت تذكر الاشياء القديمة
افنان:هذا ذكر من والد جَواد السيد حسن.... اي واخته جوليا اكيد راح تحبيها..... حسن.... جوليا .....زوجج اسمه جَواد.... جَواد...جوليا ....حسن
اصبحت تلك الاسماء تتردد في عقلي اكثر من مرة
ملك:جَواد... جَواد
فتحت عيني على وسعها ونظرت إليه بصدمة وقلت بدون وعي
ملك:جود
ابتسم وقال
جَواد:عفية
تراجعت إلى الخلف من الصدمة لا استطيع الوقوف
جَواد:ديري بالج لا توكعين من المفاجئة
ملك:جود انت جود؟
جَواد:هو بعينه
انزلت راسي الى الاسفل
جَواد:بما انج نزلتي راسج معاناتها تذكرتي كلشي بس اكو شغلات انتي بعدج ما تعرفيها خل نحجيها بس راح نبدي من الاول شنو رأيج نذكر الماضي الطفولة الجميل
ادمعت عيني نظر إلي وتحدث بسخرية
جَواد:لا لا لا تبجين احنا بعدنه بالبداية يعني ماكو جود هنا حتى يساعدج هذا الي واكف كدامج جَواد وهذا ما يساعد احد وشفتي بعينج ما ساعدج ابدا
شعرت بالانكسار ونزلت دموعي
العودة الى الماضي
منذ ذالك اليوم الذي انكشف فيه حقيقة ملك ولم تعد تأتي إلى منزلنا لقد منعها والدها عن الخروج بسبب تصرفاتها الطائشة لقد شعرت بالحزن عليها ولكنها يجب أن تعاقب لكي تفهم غلطتها طلبت امي مني الذهاب الى منزلهم لان خالتي ايمان والدة ملك تريدني من شيء وقررت الذهاب الى هناك وعندما وصلت لم يكن احد موجود بداخل المنزل دخلت إلى المنزل واصبحت ابحث عن خالتي وفجأة رأيت ملك تخرج من غرفة مكتب والدها وهي تحمل كيس بلاستيك وكان ثقيل جداً عليها يبدوا بانه بداخله شيئاً ما اردت أن اذهب لكي اساعدها ولكنني رأيتها تخرج من منزلها وتذهب الى منزلنا وهي تلتفت حولها يميناً وشمالاً استغربت من طريقة تصرفاتها ولكنني لم اكترث للموضوع جيد وذهبت الى خالتي لكي اتحدث معها وعندما انتهيت عدت الى منزلنا ولم اجد ملك يبدوا بانها ذهبت اكملت يومي عادي وفي المساء الساعة 9:00ليلاً كنت ادرس في غرفتي وفجأة سمعت أصوات ابي وعمي اسماعيل صديق والدي وهم يتشاجرون خرجت من الغرفة ونزلت الى الاسفل سمعت احاديث فضيعه بينهم كان عمي اسماعيل والد ملك يتهم ابي بالسرقة وكان ابي يحاول أن يبرر موقفه ولكنه عمي لا يصدقه وكان يشتم ابي وكان والدي يتوسل إليه
حسن:اني ما اخذت شي صدكني
اسماعيل:لا جذاب بنتي ملك شافتك بعينها وانت تاخذ الفلوس
حسن:لك اي فلوس شلون شافتني
اسماعيل:لا تجذب هسة راح اتصل على الشرطة تاخذك يا حرامي
حسن:شرطة اسماعيل تجيب الشرطة عليه اني صديقك
زينب:على بختك ابو ملك شنو هذا الحجي
اسماعيل:انتهت صداقتنا بعد ما سرقت فلوسي
التفت إلى الخدم
اسماعيل:اتصلوا بالشرطة
كنت انظر الى والدي كان يتوسل إليه وامي ايضاً كانت تتوسل به واختي جوليا كانت تبكي التفت حولي ورأيت ملك تقف بعيداً وترسم على وجهه ابتسامة وبعد لحظات وصلت الشرطة واخذوا ابي معها وقاموا بأخراج ذالك الكيس البلاستيكي الذي به النقود انتبهت إلى الكيس نفس الكيس الذي كانت ملك تحمله اليوم هذا يعني بأنها هي من فعلت هذا ذهبت إليها
جود:هاي انتي
ملك:شنو
جود:انتي سويتي هيج اخذتي الفلوس ملك:فلوس شنو انت مخبل
جود:شفتج ملك لا تجذبين روحي احجي لا اروح  اني واكله لابوج
ملك:متكدر تحجي
جود:يعني انتي اللي سويتيها
ملك:اي اني حتى تطلعوا من البيت انت وامك واختك الحقيرة
جود:ليش
ملك:ما اريدكم يمنا هذا بيتنا لنا روحوا اطلعوا انتو 
تفاجئت كيف لفتاة صغيرة ان تكون بتلك الحقارة
ملك:دير بالك تحجي شي لان بابا مراح يصدك بيك
جود:لا راح اروح واكله كل شي
ملك:اذا حجيت راح اندمك
جود:انتي لازم تتعاقبين
تركتها وذهبت الى والدها اقتربت منه
جود:عمو اريد اكلك شي
وفجأة سمعت صوت ملك تبكي وهي تنادي على والدها
ملك:بابا.... بابا تعال بسرعة
نهض والدها والذهاب إليها
اسماعيل:شبيج ليش تبجين
ملك:جود ضربني
اسماعيل:شنو
ملك:اي يكول انتي حطيتي الفلوس لابويه حتى ياخذون ابويه للسجن
اسماعيل:شنو
جود:عمي جذابة لا تصدكها
اقترب مني وصفعني كف على وجهي
اسماعيل:ابوك سرق فلوسي وانت تضرب بنتي شنو هاي الحقارة اللي عدكم اطلعوا برا
زينب:امشي نروح للبيت
اسماعيل:انتظري
التفتنا إليه
اسماعيل:اخذي جهالج وعوفي هذاك البيت واطلعوا
زينب:شنو
اسماعيل:اي هكذا البيت بيتي وانتو عايشين بفلوسي وجاي تبوكوني
زينب:تطردنا بنص الليل وين نروح
اسماعيل:واني شعليه بيك بــــــــــــرا
اخذتنا امي وخرجنا من المنزل ولم يدعونا ناخذ شيء معنا....
العودة الى الحاضر
كانت ملك تجلس على الارض وتبكي وكان جَواد يقف امامها
جَواد:تبجين مو ابجي بس طبعاً هذا ولا شي مقابل الي جاي تحبين تسمعين شنو صار بعد اسمعي...
جَواد:من طردنا ابوج المحترم وطلعنا بنص الليل مره وعدها اطفال ثنين الوحدهم الساعة بالعشرة بالليل يفترون بالشارع والدنيا جانت بارده رحنا على بيت صديقة امي بقينا يمها يومين وما نعرف شي عن ابوية انقطعت عنه كل اخباره وما جانوا يقبلون نشوفه وبيوم من الايام اجه الشرطة على امي وبلغها بوفاة ابويه انتحر بالسجن
شهقة ملك وفتح عينيها
ملك:شنو
جَواد:اي مات ابويه بسببج سمعتــــــــــي
ازداد بكاء ملك واصبحت تبكي بصوت عالي
جَواد:تدمرت عائلة كامله بسبب وحده انانيه مثلج مو جنتي تردين تعيشين بالبيت الوحدج هاي تركنا البيت كله الج ملك:صح اني جنت انانيه واستاهل العقاب
جَواد:عرفتي هذا الشي بس عرفتي بوكت متأخر بعد ما خسرنا كل شي بسبب وحدة مريضه نفسياً والسبب مني اني لان جنتي على طول تغلطين و ترمي اخطائج عليه واني جنت اسكت ومجان اكو احد يوكفج عن حدج ولهذا السبب انتي تماديتي
اقترب منها وجلس امامها
جَواد:بهذا الوكت جنت اتمنى اروح واكتلج بس كلت لا مراح اخليها ترتاح هيج انتظرتج لحد ما تكبرين وبنفس الوكت جنت اجمع القوة الي عندي حتى اخسركم كل شي وفعلاً خليت ابوج يلعب اقمار وخسر كل املاكة وسويت شي ابدا مجانت متوقع اسوي بس كلت يله وحده بوحدة امج ماتت بسببي
نظرت إليه بصدمة
جَواد:اي شبيج تفاجئتي اني السبب بموتها اتفقت وياه الدكتور يوكف العلاج مالتها حتى تشوفين مثل اللي شفته وتعيشين نفس اللي عشته
ازداد بكائها اكثر
جَواد:اي ابجي ابجي الدموع تغسل ذنوب الانسان
ترك الغرفة وخرج واصبحت ملك تبكي بصوت عالي لدرجة بأنه جميع من في المنزل سمعوا صوت بكائها
انانيه كم نحن أنانيين يحن نفكر في انفسنا ولا نفكر في ألم غيرنا وتسيطر الغيرة والحقد علينا وتختفي بالبراءة التي بداخلنا نخطئ ولم نجد من يحاسبنا على اخطائنا او يرشدنا الى الطريق الصحيح في النهاية لم نجد شيء لنا سوى الندم على ما فعلنا ولكن يأتي هذا في وقت متأخر جداً تكون قد خسرنا جميع من كانوا حولنا ولم يتبقى لدينا سوى البكاء والندم يقول الدموع تغسل ذنوب الانسان ولكنها ايضاً تخرج الوجع والألم الذي بداخلنا

تزوجته رغما عنيحيث تعيش القصص. اكتشف الآن