مرت تسعه اشهر على سفر ملك وقد تغيرت حياة الكثير في هذه الاشهر
جوليا قد انجبت ابنتها وهي الان تعيش بسعادة مع زوجها امير وابنتهم الصغير
جوليا:شبيج حبيبتي ليش تبجين
كانت ابنتها تبكي وهي كانت تحاول أن تجعلها تتوقف عن البكاء
جوليا:شبيج حبيبتي... امير... امير وينك
امير كان يجلس في غرفة المعيشة يشاهد التلفاز وسمع صوت زوجته ونهض وذهب إليه
امير:خير شبيج
جوليا:تعال شوف البنيه تبجي ما ادري شبيها
امير:يمكن جوعانه اني شمدريني
جوليا:لا مو جوعانه بس تبجي ما ادري شبيها
امير:انطنيها خل امشي بيها شوية حتى تهدئ
جوليا:اخذها
حملها امير واصبح يتجول بها في المنزل لكي يجعلها تتوقف عن البكاء ولكن لا جدوى من ذالك.....
اما اريج لقد تركت منزل جَواد وذهبت تسكن في منزلها الخاص لانه تصرفات جَواد قد تغيرت كثيراً معها منذ سفر ملك لم يعد يتعامل معها بحب كما كان وهذا الشيء قد ازعجها كثيراً ولقد قررت ترك المنزل والسكن بمفردها هذا الشيء قد افرح افنان لانه اخيراً قد تخلصت منها ولكن اريج مازالت تريد جَواد ولا تريد التخلي عنها
كانت اريج تتناول الفطور وكانت تشعر بالملل اكملت الفطور واتصلت على جَواد
اريج:الو
جَواد:الو
اريج:هلو حبيبي شلونك
جَواد:الحمدالله وانتي
اريج:مشتاقتلك واريد اطلع وياك
جَواد:مشغول هسة
اريج:كل ما اتصل بيك تكول مشغول
جَواد:شسوي غير عندي شغل
اريج:فرغ من وكتك على مودي
جَواد:ماشي
اريج:شنو يعني ماشي
جَواد:يعني جهزي نفسي راح اجي اليوم بليل اخذج ونطلع
اريج:صدك
جَواد:اي
اريج:اييي حبيبي اني احبك اموت عليك
جَواد:يله مع السلامة هسة
اريج:باي حياتي
اقفلت الخط وذهبت الى الخزانه لكي تبحث عن شيء ترتديه الليلة.....
اما جَواد منذ أن علم سفر ملك وقد تغيرت حياته اصبح يشغل نفسه في عمله ولم يعد كما كان يبدوا بأنه غياب ملك قد اثر عليه كثيراً اصبح يتذكرها كثيراً و يشتاق إليها حاول البحث عنها في كان مكان ولكن لا جدوى من ذالك قد اختفت تماماً ولا احد يعلم اين مكانها وكان والدها يرفض البوح بمكانها
كان جَواد يجلس في جلسة اجتماع عمل وكان احد الموظفين يقوم الشرح ولكن جَواد لم يكن منتبه له وكان شارد الذهن ويفكر بملك ويتذكر تلك الليلة التي قضاها معها ....
ملك: برغم من كل اللي سويته بيكم انت تحبني
جَواد:شسوي حضي انتي ما سامعه بالمثل الشعبي القط ما بحب إلا خناقه
ملك:بس اني ما استاهل لان
جَواد:ششش لا تحجين شي.... يمكن اني جنت ادافع عنج لان جنت احبج لان لو ما احبج مجان تزوجتج
ملك:تحبني؟
جَواد:اموت عليج مو بس احبج
ملك:واني هم احبك احبك جود
استيقظ جَواد من افكاره على صوت احدى الموظفين
اسامة:سيدي ....سيدي
التفت إليه
جَواد:اها
اسامة:ما رأيك بهذا الموضوع
صمت قليلاً لانه لم يكن منتبه للشرح
جَواد:ممكن نأجل الاجتماع في وقت اخر
الجميع:حسناً
خرج الجميع من الاجتماع وبقى جَواد بمفرده رجع راسه الى الكرسي واغمض عينيه قليلاً وبعد لحظات فتحت عينيه على صوت الهاتف
جَواد:الو
-مرحبا سيد جَواد
جَواد:اهلاً بك كنت انتظر اتصالك هل وجدت شيء جديد
-كلا سيدي بحثا عنها كثيراً ولكن لا جدوى من ذالك
نهض من الكرسي وتحدث معه بعصبية
جَواد:لا تقول لا جدوى في قاموسي لا توجد كلمة مستحيل هل تفهم عد وابحث عنها مرة ثانيه
اقفل الخط في وجهه
لم يأس جَواد من البحث عن مكان ملك ومازال لدي امل بان يجدها في يوم من الايام ...
اما... ملك كانت في الشهر التاسع وهي الان بانتظار مولدها كانت خالتها تعتني بها و بطفلها مرأة كبيرة في السن كانت تحبها وتعتني بها كثيراً
مريم:ملك.... ملك.... ملك وينج
خرجت تبحث عنها في المزرعة كانت خالتها تملك مزرعة كبيرة جداً وبها انواع الاشجار والاثمار
مريم:هاي وين راحت... لج ملك
سمعت صوتها
ملك:هاي اني هنا خالتي
التفت حولها لم تجد شيء وفجأة نهضت ملك من بين العشب
مريم:لج شتسوين نايمة هنا وانتي بطنج واصله لحلكج
ملك:ممكن تساعديني
اقتربت منها لكي تساعدها على النهوض مريم :يابنتي مو زين عليج تنامين هنا وانتي بهاي الحالة
ملك:بصراحة جان المنظر يخبل وكلت انام شوية على الاعشاب
مريم:انتي بالشهر التاسع يعني بأي لحظة ممكن تصير عندج ولاده
ابتسمت وملك ووضعت يدها على بطنها
ملك:اي ويجي ابني الحلو ما مصدكة شوكت يجي هذا اليوم
مريم:اصبري حبيبتي ما بقه الا القليل ويجي ابنج
ملك:اي
مريم:يله تعالي امشي لان حضرتج الغداء وراح يبرد
ملك:يله
الساعة الخامسة مساءاً كانت اريج تقف امام المرأة وتجهز نفسها للخروج مع جَواد ارتدت فستان احمر قصير ورفعت شعرها الى الاعلى على شكل كعكة ووضعت قليلاً من المستحضرات التجميل وارتدت حذائها ونزلت الى الاسفل تنتظر وصل جَواد وبعد نصف ساعة وصل جَواد الى المنزل نظرت من النافذه ورأت سيارته تقف امام المنزل اخذت حقيبتها وخرجت فتحت الباب وركبت بجانبه اقتربت منه وطبعت قبله قصير على شفتاه
اريج:حبيبي اشتاقيتلك
ابتسم لها واجابها ببرود
جَواد:يله خل نروح
شغل السيارة وذهبوا الى احدى المطاعم المكسيكي لكي يتناولون العشاء
اريج ⬛
وصلنا الى المطعم وطلبنا العشاء وكنت اتناول الطعام وقلت لنفسي هذه احسن فرصة لكي افتح معه موضوع زواجنا كان يتناول الطعام
اريج:حياتي
رفع راسه
جَواد:اها
اريج:اريد احجي وياك بموضوع
جَواد:اي كولي
اريج:صارلنا شكد مخطوبين
صمتت قليلاً
جَواد:ثلاث سنين
اريج:برأيك ما اجتي الفرصة حتى نزوج
ترك المعلقه ونظر إلي
جَواد:اني ما اكدر ازوج هسة
اريج:ليش ما تكدر تزوج هسة شوكت مقرر تزوج
جَواد:بعد
اريج:شوكت بعد يعني جَواد اني صبرت هواي وتحملت هواي لشوكت راح يخلص صبري مو كافي بقيت ساكته على الي سويته حضرتك
جَواد:ليش اني شنو سويت
اريج:نسيت ملك و زواجك منها وانت خاطبني
جَواد:هذاك الموضوع انتهى
اريج:لا ما انتهى جَواد لان انت بعدك ما طلكتها
جَواد:ومراح اطلكها
اريج:ليش مراح تطلكها
جَواد:لان..
قبل أن يتحدث قاطعته
اريج:لا تكول بسبب انتقامك هذا
لم يرد علي
اريج:جَواد اني مليت صارلي شكد واني انتطرك تعبت خلينا نحل هاي المشكلة
جَواد:كلتلج زواج مراح ازوج هسة
قاطع حديثنا صوت هاتف جَواد كانت افنان تتصل
جَواد:الو
افنان:الو جَواد وينك
جَواد:شبيج امي
افنان:تعال بسرعة للمستشفى
جَواد:مستشفى شكو
افنان:اتصلت عليه جوليا تكول ابنتها مريضه واخذوها للمستشفى
جَواد:جوان شبيها
افنان:ما ادري بس جانت تبجي تعال بسرعة اخذني
جَواد:ماشي هسة جاي
اقفل الهاتف ونهض
اريج:شكو
جَواد:جوان مريضه واخذوها للمستشفى
اريج:مريضة شبيها
جَواد:ما ادري لازم اروح واشوفه
اريج:اني جايه وياك
جَواد:خرجنا من المطعم اتجهنا الى المنزل اخذنا افنان وذهبنا الى المستشفى عندما وصلنا كانت جوليا تبكي وامير يجلس على الاريكة ويضع يده على راسه
جَواد:شكو شبيكم
اريج:شبيها جوان
جوليا:بنتي راح تموت راح تموت
جَواد:لج شكو احجي
جوليا:ما ادري شنو صار جنت نايمة كعدت على صوتها تبجي اجيت حتى اخذها لكيت حلكها كله دم
افنان:شنو
اريج:شنو يعني هذا
جوليا:ما ادري شنو
امير:الدكاترة كلها جوه ولحد هسة محد طلع وكال شي
نهض جَواد وجلس بجانبه
جَواد:ان شاء الله خير
جوليا:بنتي اذا صار بيها شي شلون اتحمل
جَواد:ان شاء الله مبيها شي شبيكم انتو جوليا:يارب
وفجأة انفتح الباب وخرج الطبيب نهض الجميع
جوليا:خير دكتور ماذا حدث لابنتي
امير:تكلم ارجوك
الدكتور:للاسف ابنتك لديها سرطان الرئة
جَواد:شو
امير:لا مستحيل
لم تتحمل جوليا الخبر وقعت على الارض واغمى عليها
افنان:جوليا
اريج:جوليا حبيبتي شبيج
بقى امير وجَواد يتحدثون مع الطبيب واخذنا جوليا لاحدى الغرفة وضعوا لها مهدئ للأعصاب
جَواد ⬛
جَواد:لديها امل
الدكتور:اجل ولكن النسبة قليل
امير:مستحيل
جلس امير على الارض واصبح يبكي
جَواد:اهدئ امير خليك قوية
امير:شلون جَواد كلي شلون بنتي راح تموت
جَواد:لا تكول هيج خلي عندك ايمان بالله
امير:ونعم بالله
امير:بس ليش هيج ياربي ليش
احتضنته واصبحت اواسي
ملك ⬛
كنت اجلس في غرفتي واتحدث مع ايه في الهاتف كانت(القطة) تلعب بجانبي
ملك:شوكت تجين حقيرة مشتاقتلج
اية:واني هم والله بس عندي شغل هواي بس يخلص اخذ اجازة واجي
ملك:اي لج تعالي والله ضايجه
اية:لا تخافين اجي مراح اعوفج
ملك:اي خوش بس انتبهي وانتي جاييه اية:لا تخافين مراح اخليه يدري بس والله مقهورة عليه خطية ماكو مكان وما دور عليج
ملك:رجاءاً اية سدي هذا الموضوع كلتلج لا تفتحين هذا الموضوع بعد
اية:بس والله خطية يعني صارله تسع شهور هو يدور عليج
ملك:هو مجاي يدور عليه لان يريدني هو جاي يدور حتى يحطني تحت عينه
اية:لا ما اعتقد هيج
ملك:لا اعتقدي اني اعرفه زين
اية:بعده لحد هسة يدور عليج اني اتوقع تغير وصار فعلاً يحبج
ملك:ما اريده ولا اريد حبه اصلا كل شي صارلي بسببه
اية:لا تخلين العصبيه تخرب عليج حياتي
ملك:بالعكس اني هسة مو عصبيه اصلا هسة يله كدرت ارتاح بحياتي وما اريد كل شي من الدنيا بس ابني
اية:صدك ذكرتيني شلونه هذا الشيطان
ملك:ولج موتني بس يضرب بيه
اية:اي طبعاً لان يريد يطلع من منج هههههههههههه
ملك:هههههههههههه
ملك:لج ما مصدكه شوكت يجي
ايه:ما بقى شي ويجي
ملك:اشتريت البارحة ملابس اله
اية:صدك
ملك:اي نزلت البارحة اني وخالتي على المدينة واشترينه ملابس و غراض حتى من يجي كل شي يلكا جاهز
اية:فدوة حبيبي
ملك:يله روحي هسة اريد انام
اية:ماشي ديري بالج على نفسج
ملك:وانتي هم
اية:تصبحين على خير
ملك:وانتي بخير حبي
اقفلت الخط التفت كانت نائمة بجانبي على السرير
ملك:ياروحي انتي نمتي
اخذت الغطاها الخاص ووضعته عليها
تمددت على السرير وتذكرت والدي تجمعت الدموع في عيناي لقد اشتقت اليه كثيراً كيف وضعه الان هل يشتاق إلي لم لا يتذكرني حتى مازال غاضب مني ولا يريد رؤيتي لماذا كل هذا الجفاء يا ابي
اغمضت عيناي الدموع تملأ عيناي
وفي اليوم التالي الساعة الثامنة صباحاً جَواد ⬛
كنت اجلس خارج غرفة جوليا نتحدث انا وامير
امير:راح شنسوي جَواد
جَواد:ما ادري بس لازم اكو حل
امير:اني حجيت وياه الدكتور يكول اكو طبيب مختص بهاي الامراض وراح يكدر يساعدنا
جَواد:اي خوش لعد شنو منتظر
امير:يكول هو مسافر لازم يتصلون عليه حتى يجي بس المشكلة تلفونه مغلق صارله يومين
وضعت يدي على راسي
جَواد:يالله
امير:لازم يجي هذا الطبيب ويعالج بنتي ما اتحمل يصير بيها شي بعدها صغيرة جَواد ما تعرف يعني شنو مرض
جَواد:ان شاء الله كلشي ينحل
افنان ⬛
استيقظت جوليا كانت تبكي وتريد رؤية ابنتها وانا واريج كنا نحاول أن نجعلها تهدئ
افنان:اهدي بنتي ميصير هيج تسوي بنفسج
جوليا:اريد بنتي جيبوا بنتي اريد اشوفها
اريج:حياتي ممنوع لان حاطيها بالعناية المركزة
ازداد بكائها
جوليا:بالعناية المركزة ليش بعدها صغيرة ياربي ليش
اريج:ميصير تسوي هيج ادعي ان شاء الله تتحسن
جوليا:ياربي دخليلك شافي بنتي ولا تحرمني منها دخيلك ياربي
انفتح الباب ودخل امير
جوليا:بنتي شلونها شنو كلك الطبيب
امير:راح جَواد يحجي وياه الطبيب
جوليا:يعني بنتي راح تموت
افنان:حبيبتي شنو هذا الحجي اذكري الله
جوليا:يارب
انفتح الباب ودخل جَواد
جوليا:جَواد شنو كال الطبيب
جَواد:يكول لازم احد يروح يجيب الطبيب
جوليا:وشنو منتظرين ما يرحون عليه
جَواد:موجود بالبيت مالته وبيته صاير بالمناطق الزراعية لازم احد يسافر يروح يجيبه ويجي
امير:شلون هسة
جَواد:اني باجر مسافر راح اجيبه واجي افنان:اي الحمدالله
نهضت جوليا وامسكت جَواد من يده
جوليا:انقذ بنتي جَواد لازم تنقذها الله يخليك انت اخويه الوحيد واني ما عندي احد غيرك
جَواد:لا تخافين حبيبتي جوان راح تتحسن وراح تعيش
في اليوم التالي جهز جَواد نفسه وركبه بسيارته واتجه الى هناك الى المناطق الزراعية حيث توجد هناك الكثير من الغابات والجبال وهذه المناطق مليئة بالغابات والمزارع
وبعد مرور سبع ساعات من التعب والإرهاق اخيراً وصل الى هناك وذهبت الى عيادة الطبيب حيث توجد عيادته في المدينة ذهب إليه
جَواد:مرحباً
السكرتيرة:مرحباً
جَواد:هذه عيادة الدكتور تشارلز داروين
السكرتيرة:اجل سيدي ولكن الطبيب ليس هنا الان
جَواد:اين ذهب
السكرتيرة:سافر الى كاليفورنيا للعلاج احد المرضى
جَواد:ماذا ومتى سيعود
السكرتيرة:بعد خمسة أيام
جَواد:او
جَواد في نفسه:راح شسوي هسة ما اكدر ارجع لازم انتظر هنا خمسة ايام
خرج من العيادة واتصل على امير
امير:شنو بعد خمسة ايام
حَواد:اي لان مسافر
امير:زين راح شتسوي هسة
جَواد:شسوي يعني راح ابقى لحد ما يرجع واجيبه واجي
امير:زين وين راح تبقى هسة
جَواد:راح اكعد بالفندق وين يعني
اخذت افنان الهاتف من امير لكي تتحدث مع جَواد
افنان:الو جَواد
جَواد:اها امي
افنان:بيت اختي نوال موجود هناك روح واكعد يمهم احسلك
جَواد:لا ماكو داعي اني راح اكعد بالفندق احسن
افنان:لا ميصير شلون تكعد وبيت اختي موجود روح هناك ترتاح اكثر وهمه راح يفرحون من تجي عدهم
جَواد:بس
افنان:ماكو بس روح هناك لا تخلي بالي ينشغل عليك
جَواد:ماشي راح اروح
افنان:ماشي واني راح اتصل بيهم حتى ابلغهم
جَواد:يله مع السلامة
افنان:مع السلامة
ملك ⬛
كنت اجلس في الحديقة مع خالتي مريم ونتناول الفطور اثمعاً
مريم:اليوم اريد اروح للسوق اشتري غراض للبيت
ملك:تحبين اجي وياج
مريم:لا وين تجين وانتي بهاي الحالة
ملك:اساعدج
مريم:بشنو تساعديني انتي ما تكدرين تشيلين شي وبعدين لا تجيج الولادة واحنا بالطريق انوب شنسوي
ملك:ماشي براحتج
مريم:اني مراح اتأخر
نوال:السلام عليكم
مريم:وعليكم السلام اهلا ام هدى شلونج
نوال:الحمدالله وانتي شلونج
التفت إلي
نوال:هلو ملوكه شلونج
ملك:الحمدالله
نوال:شلونه هذا الصايع
ملك:والله موتني بس يضرب وجاي يأذيني
نوال:طبعاً حبيبتي لان هو هسة بالشهر الاخير وجاي تصير ضرباته قويه
مريم:اتحملي هو ما بقى بس كم يوم ويجي الافندي
نوال:ما قررت شنو اسمه
ملك:لا والله بعدني عندي هواي اسماء بس ما قررت
نوال:انتي راح تجيبين وابوه بعده ما راجع من السفر غير يجي حتى يوكف يمج
مريم:شنسوي يكول عنده شغل هواي
نوال:ميصير لازم يجي يوكف وياه مرته بهاي الضروف
وفجأة رن هاتف جيراننا ام هدى
نوال:الو..... هلو حبيبتي شلونج شخبارج..... الحمدالله..... خير شكو.... شنو ياستار ياربي شلون صار هيج... الله يشافيها يارب.... صدك اجه... لا وين يكعد بالفندق وبيتي موجود.... اي خل يجي اهلا وسهلاً... يله مع السلامة
اقفلت الخط ونهضت
نوال:يله اني اترخص
مريم:وين رايحه اكعدي ويانه شويه
نوال:لا والله ما اكدر راح يجي خطار من المدينة
مريم:اها منو
نوال:ابن اختي وهاي اول مرة يجي لازم نجهز البيت
مريم:اها يله واني هم رايحه
ملك:وين
مريم:مو كلتلج اريد انزل على المدينة حتى اشتري غراض
ملك:اها
ذهبت ام هدى الى منزلها وايضاً خالتي ذهبت الى السوق دخلت إلى المنزل ارتديت معطفي وخرجت اتمشى قليلاً بالمزرعة
جَواد ⬛
اقفلت الخط وركبت بسيارتي واتجهت الى منزل الخالة نوال كنت اسير في الطريق دخلت إلى المناطق الزراعية لم يكون حولي غير المزارع كان المكان جميل و مليئة بالطبيعة كانت اسير بسرعة كانت رايت مرأة كبيرة في السن كانت تسير في الطريق وهي تحمل الاغراض ويبدوا عليه التعب
اوقفت سيارتي امامها
جَواد:مرحباً
_مرحباً
جَواد:هل يمكنني مساعدتكِ سيدتي
_لا داعي عزيزي لا اريد إزعاجك
جَواد:لا داعي للإزعاج تفضلي
نزلت من السيارة وحملت لها الاكياس وضعتهم في سيارته وركبت بسيارتي واتجهنا الى منزلها في الطريق اخرجت الهاتف من حقيبتها لكي تتحدث
مريم:الو وينج انتي اني اجيت
التفت إليها انها تتحدث باللغة العراقية
مريم:ارجعي للبيت ما تشوفين حالتج... يله اني جايه بالطريق
اقفلت الخط كنت انظر إليها ابتسم
مريم:لماذا تبتسم لي
جَواد:خالة انتي عراقية
التفت إليه وكانت متفاجئة
مريم:وانت هم
جَواد:اي
مريم:اهلا وسهلاً ابني اي مو اكول هذول مبيهم احد يساعد شعجب
جَواد:اي صح بس شنسوي
مريم:انت عايش هنا
جَواد:لا اني اجيت من لوس أنجلوس
مريم:اها يعني انت عايش بالمدينة الجبيرة
جَواد:اي واجيت هنا يم بيت خالتي
مريم:عدها مزرعة خالتك
جَواد:اي اسمها نوال
مريم:اها ام هدى
جَواد:اي
مريم:هاي جيرانه
جَواد:صدك
مريم:اي قبل شوية جانت يمنه يعني طلعنا جيران
جَواد:اهلا وسهلاً
وفجأة رن هاتفها اخرجته من الحقيبه لكي ترد
مريم:الو ....اي رجعت راح اوصل انتي رجعتي لو بعدج.... خوش اني راح اوصل يله مع السلامة
اقفلت الخط
نوال: اها بنت اخويه تسئل وصلت لو لا المسكينة خايفه تبقى الوحده لا تجيها الولادة
جَواد:الله يسهل عليها
مريم:ان شاء الله
بعد ربع ساعة وصلنا الى منزلها
ملك ⬛
كنت في غرفتي سمعت صوت سيارة وقفت امام المنزل يبدوا بان خالتي قد عادت خرجت من المنزل رأيت تدخل الاغراض للمنزل
ملك:اجيتي
مريم:اي والله شاب ابن حلال وصلني هذيج سيارته
اشارت إلي التفت نحو السيارة تبتعد كثيراً عن منزلنا لم راى شكله لا علم لماذا خفق قلبي عندما نظرت الى تلك السيارة يمكن لانها تشبه سيارة جَواد حملت الاغراض معها وادخلتها إلى المنزل
مريم:ولج شلعتي كلبي ليش تشيلين بالغراض
ملك:شبيج هو اني شنو سويت يعني
مريم:مو زين على الطفل بنتي اخاف يصير بيج شي
ملك:لا تخافين ماكو شي ان شاء الله
جَواد ⬛
اوصلت تلك السيدة الى منزلها واتجهت الى منزل خالتي وكان منزلها قريب من منزل هذه السيدة وعندما وصلت طرقت الباب وفتحت لي الباب فتاة صبية
جَواد:مرحباً
هدى:مرحباً
جَواد:اني جَواد ابن خالتج افنان
هدى:انت جَواد
جَواد:اي
هدى:لك شبيك تباوع عليه هيج شنو نسيتني اني هدى الي جنت تلعب وياهه
جَواد:انتي هدى
هدى:لا ابوها
جَواد:كبرنا ولج
هدى:لعد تريدني ابقى زعطوطه
جَواد:بعدج مثل ما انتي خبله
هدى:هههههههه تعال تفضل
دخلت إلى المنزل كان بسيط من الداخل ولكنه جميل جلست في غرفة المعيشة
هدى:اتفضل اكعد هسة تجي ماما شنو تشرب
جَواد:لا ماكو داعي
هدى:لا ميصير لازم تشرب شي شنو ولك تستحي ههههههه
جَواد:لا ليش
هدى:تمام لعد راح اسويلك العصير اللي جنت تحبه
جواد:بعدج تذكرينه
هدى:طبعاً اني لحد هسة اشرب منه
جَواد:اها
نوال:السلام عليكم
جَواد:وعليكم السلام
نوال:شلونك ابني شخبارك
جَواد:الحمدالله خالة انتو شلونكم
نوال:الحمدالله شنو هذا الخبر اللي سمعنا صدك بنتي جوليا بيها مرض
جَواد:للاسف اي واني اجيت هنا على مود الطبيب
نوال:اي كالت افنان
جَواد:راح اضوجكم خمسة ايام
نوال:لا ابني شنو هذا الحجي اهلا وسهلا بيك
دخلت هدى وبيدها العصير
هدى:تفضل هذا عصيرك المفضل
شربت منه كان طعمه لذيذ جداً
جَواد:شكد شربت عصير التوت بس محد يسوي مثلكم كلش طيب
هدى:بالعافية
تناولنا الغداء و تحدثنا معا اصبحت الساعة الخامسة مساءاً وطلبت مني هدى ان نخرج نتمشى قليلاً وتريني مزرعتهم غيرت ملابسي وخرجنا كنا نسير معاً وكان المكان في غاية الجمال و الاشجار في كل مكان
جَواد:كل هاي الاراضي لكم
هدى:لا بس هاي الصفحة لنا بس الباقي لبيت جيرانا
جَواد:اها
هدى:او هاي ملك صديقتي تعال خل نسلم عليها
التفت بسرعة عندما نطقت هدى باسم ملك وكانت الصدمة رأيت ملك امامي تجلس على احدى المقاعد لم اتخيل نفسي بانني سوف اجدها هنا لقد بحثت عنها كثيراً واخيراً وجدتكِ لقد اشتقت اليكِ كثيراً لم تنتبه لي كانت تنظر الى الناحيه الاخرى
جَواد:هاي ملك
هدى:اي هاي ملك شبيك انت تعرفها
لم اقل لها شيء لا زالت تحت تأثير الصدمة امسكت هدى بيدي وسحبتني إليها عندما اقتربنا منها التفت ورآتني فتحت عينيها على وسعهما واصبحنا ننظر الى بعض البعض كانت هدى تتحدث ونحن ولا احد منا منتبه لها
هدى:شبيكم انتو
التفت لي
هدى:انت تعرفها
جَواد:اي
كانت متوترة جداً ولا تنظر إليّ
جَواد:شلونج ملك
ملك:تمام
هدى:جَواد صديقي من ايام الطفولة واجه يشوفنا وكلت خل نتمشى شوية وشفتج كاعده الوحدج ليش خالتج وين
ملك:نايمة لان تعبانه
هدى:اها خطية وانتي شلونج البيبي شلونه
جَواد:البيبي؟
نظرت إليه وقد اصبح وجهها شاحب اللون
هدى:اي الطفل لان ملك حامل
فتحت عيني ونظرت إليها وقالت بصوت عالي
جَواد:ماحــــــــــل
نهضت ملك بسرعة من مكانها انصدمت اكثر عندما رأيت بطنها منتفخة حقاً انها حامل كيف ومتى ولماذا لم تقل لي شيئاً تركتنا وذهبت الى منزلها انا ما زلت مصدوماً
هدى:كل شنو القصة فهمني انت من وين تعرف ملك وشبيها هيج توترت من شافتك فهمني
جَواد:اني زوجها
هدى:شو
جَواد:والطفل هذا ابني بس اني مجنت ادري بيها حامل
هدى:ما جنت تدري ليش
جَواد:هاي قصة طويلة المهم هسة اني لازم اشوفها لازم احجي وياهه
اردت الذهاب الى منزلها ولكن هدى اوقفتني
هدى:تعال وين رايح
جَواد:اريد احجي وياهه
هدى:لا تروح هسة لان حسب ما سمعت من ملك جانت تكول زوجها مسافر ومن شافتك توترت وشكلها ضايجه منك مو ؟
جَواد:اي بس اني لازم اشوفها واحجي وياهه
هدى:راح تشوفها بس انتظر هسة لان حسب ما اعتقد هسة هي متريد تشوفك واكيد هسة تعبت حالتها خليها ترتاح واني باجر اخذك لها
جَواد:بس اني لازم
هدى:جَواد اسمع كلامي ومعليك واني باجر راح اخذك الها بس هسة تعال خل نروح للبيت واحجيلي شنو قصتكم
