အမုန်း၏အခြားတစ်ဖက်•On The Other Side Of The Hate

အပိုင်း(၂)

မ​နေ့က ထူးဆန်းစွာ ပြောလာသော ထိုလူကြီးရဲ့ နေရာကို အသည်းအသန် လိုက်ရှာနေမိသည်။

အကြောင်းတစ်ခုခုရှိရမည်။

နာမည်ကြီး ဂျူဒို Group နဲ့ ပတ်သတ်မှုတစ်စုံတစ်ရာရှိရမည်။

မေမေ့ ဘ၀ရဲ့ အဆုံးသတ်သွားသည့် နေ့ရက်သည် ကြာရှည်ခဲ့ပြီး ဖြစ်သော်လည်း ကျနော့် မှတ်ဉာဏ်ထဲတွင် မ​နေ့က အဖြစ်အပျက်လိုပင်။

ပုံရိပ်တွေက ပြက်သားစွာ ထင်ကျန်နေမြဲ.......။

လိပ်စာရေးမှတ်ထားသော စာရွက်ကလေးနှင့် ရှေ့တွင်တွေ့နေရသော အိမ်လိပ်စာတို့သည် ထပ်တူညီစွာ။

ဘဲလ်ကို နှိပ်မည် အပြု ခြံတံခါး ရုတ်တရက် ပွင့်လာသည်ကို ကြောင်ငေးနေမိသည်။

ထို့နောက် လူတစ်ချို့ပြေးထွက်လာကာ ကျနော့်ကို အရိုအသေပြု ကြပီး နှုတ်ဆက်ကြသည်။

'' ဘတ် ချန်ယောလ် ရှီ..

အထဲမွာ သူ​ဌေး စောင့်နေပါတယ် ''

ကျနော် ခြံထဲသို့ ၀င်ကာ ခပ်လှမ်းလှမ်းတွင်မြင်နေရသော တိုက်အိမ်ကြီးကို မော့ကြည့်လိုက်သည်။

အပေါ်ထပ် တွင် လူကြီးတစ်ယောက်သည် ကျနော့်ကို မတ်တပ်ရပ်ကာ စိုက်ကြည့်နေဟန်။

ထိုအိမ်ထဲသို့ ယုံကြည်ချက်အပြည့်ဖြင့်၀င်ကာ သူတို့ ခေါ်ဆောင်ရာနေရာသို့ ဦးတည်လိုက်လာခဲ့သည်။

''သူ​ဌေး...
ဘတ်ချန်ယောလ် ရောက်ပါပြီ ခင်ဗျ''

''၀င်လာခဲ့လို့ပြောလိုက်!''

"Nae! သူဌေး!''

သူဌေးရဲ့ခွင့်ပြုချက်ရသည်နှင့်တံခါးအပြင်တွင်
ရပ်စောင့်နေသော ချန်ယောလ် ကိုပြောရသည်။

'' ၀င်သွားလိုက်ပါ။

ဘတ်ချန်ယောလ် ရှီ!

ကျနော်တို့ အပြင်ဘက်ကနေပဲ စောင့်နေပါ့မယ်။''

အနောက်တိုင်းဝတ်စုံကိုသပ်ရပ်စွာဝတ်ထားသော ထိုလူကတံခါးကိုဖွင့် ပြီး လက်ဟန်ပြကာ ကျနော့်ကို ဝင်စေသည်။

ကျနော် တံခါးကို စတိုင်ကျကျ ရှောင်ဖယ်ကာ ၀င်လိုက်တော့ လူကြီးတစ်ယောက် ကျောပေးကာရပ်နေပါ၏။