الدكتور والعسل

الجزء 2

اجوني المراجعين يشتكون منه ..ياخذ رشاوي من المراجعين ويقدم ويأخر بالسرة براحته واني كلش اتخبل من هالشي انوب هو متعبني ..
كتله خويه هاي حسابك والله وياك ..
وبقيت بليه سكرتير لمدة سبوع حيييل تبهذلت
رغم جان ذاك مومرتب بس اهون ..رحت لمحمد وكتله اني ماعندي سكرتير شلون ..كال خلي انزل اعلان بالفيس بالنت او ندك اعلان وانت اختار اذا اجوي عليك ..كتله ماشي مرت ايام
ورن الجهاز مالتي الوو..
الووو.منو؟؟
..خلي نعرفكم اول على بطلة القصة وبعدها نررجع للأتصال ..

.....أهلآ اني اسمي عسل عمري ٢٢ سنة
بيضاء بشرتي الطوول قزومة 🙈 فديتني
شعري طوويل ولونه اسود بشرتي حنطيه
صاحبة خدووود يعني يسموني قزومة ام خدود
جسمي مليان مربربة 😬 بالمختصرر حليووة
☺️
كلش محبوبة اني الوحيدة الامي
بابا متوفي  ..من صغري ..يعني يادوب اتذكر ملامح شكلة ..امي كلش متعلقه بيه بقت بدون زواج وعيشتني ..تشتغل بالبيت ..تسوي كبب وحلويات معجنات ..ومن شغله عايشين والحمدلله
بس اني كبرت وكلت لازم اساعد ماما صح بيتنة جان ملك بس جان بأطراف بغداد وحيل صغير
يعني على كد حالنة ..بيوم من الايام داتصفح بالنت وشفت إعلان دكتور محتاج سكرتيرة ..
ركضت على امي
ماما هاي صار شكد ادور على شغل هاي خوش شغلة والمكان موكلش بعيد علينة
ماما ..لا بنتي شلون تشتغلين ماقبل اخاف عليج بعدج صغيرة ..
عسل ..لا ماما الى متى ابقى مادة ايدي عليج اني كبرت واحب اشتغل ومن تعبي اصرف وانتي ماقصرتي عليه وتعبتي لازم اشتغل وانتي ترتاحين بالييت ..طبعا اني دراستي وصلت ثاني متوسط وتركت بسبب الضروف الي مريت بيها حالتنه متسمح انو اكمل بس الحمدلله كلشي اعرف وحيل ذكية ومقرره اكمل بالسنة الجاية ..
ماما رفضت بس اني لحيت وتقريبا وافقت وكلت
اتصل افهم من الدكتور شلون يكون الدوام
اذا ناسبني اشتغل ..
الو السلام عليكم انتو منزلين إعلان محتاجين
سكرتيرة ..
سيف .. نعم اي صحيح تفضلي
عسل ؛ ..يعني ممكن اعرف اي ساعه يبدء
الدوام واي ساعه ينتهي وشلون الراتب
سيف : الدوام يبدء ساعه ٣ العصر
بس تعالي للعيادة وسهلة المبلغ نتفق عليه
عسل اوك اليوم الساعه ٣ اني امر الكم
شكراا مع السلامة ..
سديت الجهاز ورحت احجي الامي حتى تروح ويايه ..
سيف:: اي الحمدلله اجتي هالبنيه بلكي بيها حظ وتستمر بالشغل يلا تجي ونشوف
عسل : صار العصر للبست وتحضرت اني وامي
اخذنه تكسي وكبل لنفس العنوان الي بالنت
وصلنة العيادة مغلقه وماكو احد😢
ماما.. هاي شنو بنتي يضحكون علينه دمشي خلي نرجع حرامات اجيت وضيعت وقت وراية شغل ..
عسل؛  لا ماما دوكفي مخسرانين شي نتتضر
بلكي يجي تعالي نكعد بهاي الكافترية نشرب شي بين ميجون ..كعدنة وبعد ربع ساعه. طبكت سيارة ونزل منها شاب مرتب حيل ..يخرابي🙈
معقولة هذا هو الدكتور وكفت الحيلي كومي ماما العيادة انفتحت ..طب الدكتور والعيادة فارغة مابيها احد انتضرتة يفتح الباب ويدخل جوة
واني ادخل وراه ..دخل الدكتور وصاح احد هنا تفضلو اني وكفت اي بلي اني اكدر ادخل ..
سيف.. نعم تفضلي ..
عسل كلبي يرجف موبس يدك 😃
مرحبا اني الي اتصلت بيك اليوم الصبح علمود الشغل
د سيف .. اي نعم اتذكرج .. بس منو الي راح يداوم ويايه انتي لو الي وياج ..
؛ سيف باوعت معقوله هاي راح اداوم يمي تبين طفله حيل ناعمه وصغيره كلت خلي اشووف. منو 
بلكي هاي الكتوكته اكيد راح يحبوها الاطفال والمراجعين مبينه ملسونه ..

عسل: لا طبعا اني ماما اجتي وصلتني واني الي راح اداوم هنا
د سيف مشتغله قبل انتي
عسل لا والله هاي اول مره بس ان شاءالله اعرف جربني ونشوف ..
سيف مممم يلا ماكو مشكله نجرب تحبين تبدين من اليوم ..
عسل ..، صدك يعني اليوم ابدي يلا ماعندي شي حخلي ماما ترجع ومن اكمل شغل اتصل بيها تجي تاخذني ..
راحت ماما وجيت على المكتب كله تراب رحت للكافتريه اخذت منهم شغلات انضف بيها
نضفت المكتب والعيادة مكدرت انضفها لان المراجعين بدو يجون ..و بعدني ماعرف شلون راح يكون النظام ،، بديت بالشغل لحد اخر مراجع رن الدكتور الجرس ..
ورحت ركض نعم دكتور
سيف: كم واحد بره ..
عسل؛ بقى واحد لازم هسه يدخل
سيف ماشي دخلي وبعد ميروحون عندي حجي وياج ..
عسل .. يبوو خفت ليش ديكلي هيج بس لا ماعجبه شغلي اوووف خلي ادخل المريض ونشوف ..
دخل المريض وخلصو المراجعين ولازم اتصل بأمي تجي تاخذني بس قبل كلشي لازم افهم الدكتور شرايد ..
دكيت الباب .. ودخلت ..
..د سيف .. شوفي عسل العياده مهمله بس من باجر راح اخلي عامل النضافه ينضفهه وانتي معليج بهيج امور الي عليج هو اتنضمين السرة
وماحب اشوف شغلة رشاوي ابد اريد نضام بالشغل وبس ومن ارن الجرس تجين للغرفه وراتبج احنة اتفقنه عليه .. بس انتي راح ابقين امج توديج وتجيببج شراح تستافدين من الراتب
خلي خط اشتركي ويا احد .. عسل
اي دكتور مفهوم كل الي كلته وان شاءالله ماقصر بس شغلة الخط صحيح احجايتك
بس مااتصور امي تخليني ..اجي ويه احد غريب تخاف عليه ..احنه بيتنه قريب راح اساله وانشوف اذا قبلت