❤️❤️❤️❤️❤️👇🏻
عسل . طلعت وصلت العياده فتحت الباب ودخلت واشواقي لسيف ماتتوصف فتت للصاله لكيت باقة ورد تخبل بقيت اكمز من الفرح . اخذت الورد خليته بمزهريه بالصاله واخذت ورده وحده مقرره اتركها على مكتب سيف دخلت المكتب لكيت سيف متمدد علقنفه ونايم ومخلي زنده على عيونه تقربت منه ونزلت اتباوع عليه استغليت فرصة نومه حتى اشبع من النظر لان استحي اخلي عيني بعينه
بقيت سارحه بجماله وتمنيت اعضه بشفايفه واكعده تمنيت المس خده مثل مالمسني تمنيت احضنه قوي تنهدت وغمصت عيوني .
سيف . حسيت بيها من دخلت واسمعها تكمز فرحانه قررت اسوي نفسي نايم وافاجئها . كنت اباوع من جوه لجوه شلون دخلت وشلون كعدت قريبة مني وبددت تباوع والبسمه باينه عليها وغمضت عيونها.
استغليت الموقف وخليت ايدي على خدها فزت وكأنها كانت بعالم ثاني وصاحت (سيف )
عسل . رحت بعالم ثاني وكنت اتخيل نفسي بحضنه واشم عطره وكنت ذايبه بحبه ما احس الا واحد لمس خدي صحت (سيف ) وفتحت عيوني
سيف . عيون سيف وكلبه وروحه وعمره وحياته
عسل ..؛ حبيبي انت كاعد
سيف ..؛ أول مرة اسمعهه كلمة حبيبي يبعد روح حبيبج
عسل .. دنكت خجلانة اليوم جاي من وگت
سيف ..طبعآ اجي من وگت غير اريد اشوف هالعيون الحلوة
عسل حبيبي خلي نكوم نجهز العيادة قبل ميجون المراجعين كمت لحيلي وسيف سحبني من ايدي
سيف..وين وين رايحة خلي اشبع منج تعالي معليج منهم خليج ويايه
عسل لا حباب كوووم عيب هسه يجون
عسل ..وكفت لحيلي سحبته من ايدة يلا كووم تأخرنة
سيف.. سحبتني تريد تروح بس اني استغليت الفرصة
ودفعتها عالباب صارت بين الباب وبيني
تقربت منها عسل اني أحبج
عسل.. ماعرف شنو الي صار بحالي حسيت نفسي راح يغمى عليه ماعرف شنو احجي بقيت صافنه بعيونة
سيف.. شبيج خجلانة باوعيلي من احاجيج
عسل ..يردني مااخجل واني روحي احس انتهت حبيبي والله راح يجون الناس خلي اطلع
سيف . اوكفي غمضي عيونج وابد لتفتحين اله اسمحلج
عسل . ماااا . غير اعرف شتريد تسوي
سيف . عسل اني احبج ومستحيل اغصبج على شيء او اسوي شي يأذيج ياريت تكونين واثقه مني وثقتج ماتهتز
عسل.. حبيبي واثقة منك وبدون متحجي هالكلام
اممم راح اغمض وامري لله
سيف . غمضت عيونها تكول ملاااك نايم . طلعت المداليه اريد البسها رفعت شعرها واديه صارت مثل ما حاضنها هي كصيره وجهه صار على صدري صرت احس بأنفاسها السريعه ودكات كلبها بقوه واني البسها المداليه وفقدت السيطره والتركيز على كلشي
عسل . غمضت وحسيت سيف مثل الي يريد يحضني حاولت افتح عيوني بس حركته من شال شعري حيرتني حسيت بالمداليه من راد يلبسها الي كنت فرحانه اشوفها بس الي شغلني عطر سيف لان وجهي صار على صدره ودكات كلبه وانفاسه الي صارت مسموعه
سيف . لبستها بصعوبه لان كنت بعالم ثاني وعيوني متشوف غير جمالها رجعت خطوه للخلف وكتلها فتحي حبي
..عسل ابتعد عني وفتحت عيوني وشفت مدالية تخبل على رگبتي ..حيل عجبتني ..حبيبي هاي شنو هاي ألي المداليه
سيف ،،)اي غاليتي طبعا الج اتمنى عجبج ذوقي
عسل بدون مااحجي شي تقربت منة وحضنته بقوة
حبيبي انت كلشي بيك عاجبني النوب تسألني على ذوقك انت احلى شي صادفني بعمري
سيف حضنتني مثل الطفله من تحضن ابوها وكانت فرحانه اني بدون تفكير بادلتها الحركه وحضنتها وبديت اشم عطرها . ياربي اتمنى ماتخلص هاي اللحظه همست بأذنها عسولتي اعشقج .
عسل يهمس بأذني وحس برعشه بجسمي خجل وارتباك وحب واشواق فرحانة بكل لحظة اكون قريبة من سيف ☺
رفعت راسي وعيوني كانت بعيونه وبدون شعور همست (احبك)
سيف . ما اعرف شصار بيه من تحركت شفايفها وكالت احبك صدك عسل اسم على مسمى كان كل تفكيري اتذوق العسل من شفايفها بعد ما اكدر امنع نفسي
دنكت عليها قزومتي . وتقربت من شفايفها التقت شفايفنه لاول مره وانفاسنا اختلطت يويه ونبضات قلوبنا بعد مانعرف شي منها قلبي الي ينبض او قلبها كأنما قلب واحد ينبض للطرفين .
كان حلم مايتوصف انتهى بدكة الموبايل الي خلاني اعصب وتصورته الصيدلاني نفسه استجمعت قواي وتركت عسولتي تستجمع قواها مثلي فتحت خط كان رقم غريب . الوووو .
نعم تفضلي . اي نعم هذا الاعلان قديم ونسينا نحذفه لان حصلنا سكرتيره . عادي اختي لاتهتمين ماصار شي مع السلامه.
سيف . هسه هاي منين طلعتلي . وكتها هي . يعني لو الصيدلاني لو هاي مدري منين اجتني
عسل ..ابتسمت لتضوج حبيبي بعدين اني يوميه وياك وقريبة منك
سيف والله لو اخليج بروحي هم احس بعيده اريدج دووم قريبة مني
حبيبي اني وياك طوول العمر وهسه حطلع لان حيجووون حبيبي رايحة
سيف اووو هم راحت ماشي ماشي وين تروحين مني
عسل..؛طلعت وعفت سيف جوة واجى اول مراجع ..
وسيف رن الجرس
ودخلت اول المراجعين واني دخلت وياه
سيف تقصدت ارن الجرس حتى هي تجي وياه
عسل دخلت واني مبتسمه وخجلانة عطر سيف بملابسي
وبكل مكان رفعت راسي وباوعت بعيوني
سيف باوعتلي بعيونها الي تسحر غمزلتها وبتسمت عسل
خرب يتقصد يغمزلي والمراجعين موجودين خفت احد يشوفه ارتبكت معرف بعد شسوي
اوك اني اترخص دكتور واذا احتاجيتني اني برة
سيف عادي اخذي راحتج
سيف ..؛ شسوت بيهه هالحلوة خلتني ماعرف اركز بشغلي
افحص المريض واني بالي يمها وكل موقف اتذكرة اسرح بيها
عسل وصل السره لبنيه حلوه وشغلتني لان جايه وحدها . شلون ياربي اريد اطردها شلوووووون ( طبعا السبب هو غيرتي شلون اتركها ويا حبيبي )
أنت تقرأ
الدكتور والعسل
Romansaقصه للكاتبه اساور العزاوي ان شاء الله تحبوه لان القصه بيها احداث حلوه ومشوقه
