الدكتور والعسل

الجزء 4

سيف . محمد انت اخوي الوحيد واكثر الناس فاهمني وتعرف ما اهتم لهيج اسباب شنو فقيره
بس الي اقصده ما اعرف عنها شي جائز مرتبطه او مخطوبه
محمد . سيف فهمتك واني ما اكول روح تقدم الي اقصده فكر بالموضوع واستغل عملها وياك حتى تعرفها اكثر وتفهمها وتعرف شي عن حياتها.....
محمد . سكتت وشفت كلام سيف واقعي لازم اغير كل حياتي كملنا عشانه ورجعت للبيت تعبان وبوجهي للفراش نمت
عسل . كعدت من الصبح فرحانه كنت اتمنى اروح للسوك اشتري ملابس جديده بس كانت الحاله ميسوره فقررت من اول راتب اشتري سويت ريوك وتريكنا اني وماما حبيبتي ونظفت البيت ورتبته وامي تشتغل بالطلبات مثل كل يوم صارت الساعه بـ٢ سبحت وبدلت وتحضرت وانتظر الخط
اجه السايق وصعدنا طلع ولد شاب بس مبين مو راحه مادخلني بي لان تفكيري كله بالشغل
وصلت والدكتور بعده ماوصل بقيت واكفه بالباب وره نص ساعه وصل
سيف . طلعت للعياده ومن بعيد شفتها واكفه بالباب تذكرت حديث محمد بخصوصها كانت كلش حلوه وانيقه جمالها يسحر واكيد كل الي يمر يمها يباوع لحسنها وتذكرت شلون نسيت انطيها نسخه من المفاتيح خطيه احتمال من زمان تنتظرني نزلت تلكتني سلمت عليه وفتحت باب العياده ودخلنا ونطيتها نسخه من المفاتيح واعتذرت منها لان اتأخرت وهي تنتظر مرت الايام اعتياديه وعسل شغلها حلو ومرتب وغيرت ترتيب العياده وضافت لمسات حلوه عليها مبين مرتبه وذوقها حلو
عسل . مرت ايام ماكو تغيير نفس الروتين يعني ودكتور سيف عجبه شغلي لحد مايوم طلعت من البيت دايخه ورحت للعياده
سيف . كانت تصرفاتها بالايام الي مرت حلوه وشغلها مرتب
لحد ما بيوم ما احس اله فد ٥ مراجعين دخلو عليه واحد يدفع الثاني تفاجئت وكفت وهدأت الناس وقنعتهم يدخلون حسب السره وعسل ماموجوده
عصبت وكتمت اعصابي لان مايصير ابين امام الناس
لحد ما خلصو المراجعين دكيت الجرس اجتي عسل واني الغضب بعيني اعتقد مفهمج ماتطلعين من العياده وتعرفين اهم شي عندي النظام والهدوء وكل واحد ياخذ دوره بدون ظلم
بعدج بالبدايه صرتي ماتهتمين لشغلج ما اعرف وين رحتي وتركتي العياده اذا عندج شغل خلي وقت الصبح وكمليه مو وقت الدوام تروحين
عسل . كنت دايخه وتعبانه دخل حد المراجعين للدكتور كلت استغل دخوله وانزل اجيب شي اشربه نزلت ركض ورجعت لكيت هوسه بالصاله والباب مغلق هدئتهم وكلت همزين المراجع بعده ماطالع كملو المراجعين وتحضرت ارجع للبيت
دك الجرس
فتحت الباب ودخلت لكيت الدكتور الغضب باين على وجهه
وبده يتكلم بعصبيه وتصور اني تاركه العياده ونازله اقضي شغله
اني انهضمت واختنكت بالعبره و دموعي تنزل بدون سيطره
لان اتهمني بذنب بريئة منه بقيت ابجي بحركه لان عصب عليه بدون مايسألني
سيف . اني معصب ومنتظر جواب منها حتى افهم اشو هاي مثل الطفله صارت تبجي ومختنكه بعبرتها
نسيت عصبيتي وبقيت محتار شسوي شلون اسكتها ياربي شسويت اني هاي شبيها البنيه بديت اسكت بيها عسل اسف والله موقصدي لتبجين لتخافين ماقاصد اخوفج ما احس الا نفسي حضنتها وبدون شعور او قصد وامسح بدموعها من على خدها كان خدها انعم من الحرير نسيت نفسي واني اباوع عيونها ما احس اله هي رجعت لوره واني بقيت صافن
عسل . صرت ابجي بدون ما اسيطر على نفسي وما احس نفسي اله اني بحضنه وهو يمسح دموعي بيده ويتوسلي حتى اسكت كانت لمسات ايده بيها شعور غريب استجمعت قواي وحاولت ابتعد عنه
وهو تجاوب ويا حركتي وتركني
سيف . اني اعتذر عسل والله ماقاصد شي
عسل . دكتور اني اسفه والله كنت دايخه واستغليت دخول المراجع ونزلت اشتريت عصير ورجعت ركض
سيف . اني تسرعت بس دخول المراجعين خلاني اتصور من زمان طالعه سامحيني لان صيحت عليج
عسل . دكتور اعذرني وان شاء الله ماتتكرر بعد
سيف . يله امشي تأخرنا .