الدكتور والعسل

الجزء 11

سيف . فديت روحج . عسل راح احجي كلشي بالتفصيل وانت بعدها قرري
تخرجت وبديت حياتي وتزوجت الانسانه الي حبيتها وكانت حبي الاول والي ماكنت متوقع يجي يوم ازعلها وبالفعل كنا اسعد زوجين . والله سبحانه وتعالى من علينا بطفل وكانت روحي متعلقه بي بس للاسف فرحتي ماكملت بشوفته يكبر امام عيني واسمع كلمة بابا منه
كان مريض و الاطباء المختصين اكدولي مايبقى عايش . وبالفعل توفى واخذ عمري وحياتي وفرحتي وتعب سنيني وياه
بقيت مصدوم وصارت عندي حاله نفسيه استمرت اشهر . وزوجتي حب حياتي بمكان ماتبقى سندي بمحنتي تخلت عني وتركتني واني بأمس احتياجي الها.
ورفعت دعوة طلاق وتطلقت غيابي . وتركتني اعاني لوحدي . والحمد لله بفضل الله وبمساعدة صديقي دكتور محمد كدرت اطلع من المحنه واتجاوزها . وقررت ابدي حياة جديده . وكافحت والحمد لله مثل مداتشوفين كدرت اتجاوز كلشي
لحد ما انت الله دزج وكمل لطفه ورحمته عليه
الوووو عسل انت نمتي الووووو
عسل ؟..
لا لا الي يسمع صوتك هم يكدر ينام
بس حيل انت شكد شايف تعب وقهر بحياتك الله يعينك حيل انقهرت بس لتضوج من اليوم ورايح اني دنية جديده الك اني فرحة لعمرك

.عسل . لا لا الي يسمع صوتك هم يكدر ينام
بس حيل انت شكد شايف تعب وقهر بحياتك الله يعينك حيل انقهرت بس لتضوج من اليوم ورايح اني دنية جديده الك اني فرحة لعمرك
سيف . بالمناسبه تعرفين اني لهسه بالعياده
عسل . صدك ليش ؟
سيف . بقيت مصدوم لان كنت افكرج صاده عني وبقيت هنا لان عطرج بالعياده ما اريد افارقه
عسل ..اممم اني هم مشتاقتلك تدري صرت اموت عالدوام اكعد من الصبح احسب ساعات شوكت تصير بال ٣ حبيت العيادة والمراجعين وكلشي بسببك
سيف . يله لعد تعالي المراجعين كاعدين منتظريج
عسل .  ههههه سيف والله اني هم اتمنى اشوفك هسه بس شبيدي
يلا مبقى شي للصبح لتضوج ☺️
سيف . اعرف حبي بس مامستوعب فرحتي شيجيب باجر اكول عسولتي ممكن طلب ؟
عسل . عيوني الك
سيف .فديت عيونج . باجر تعالي نفس الفستان ونفس ترتيبج اليوم
عسل . تفداك كل تفاصيلي ..
بس حسيتهم ماعجبوك ملابسي!
سيف . انت شنو تحجين ولج من من شفتج نسيت نفسي ماتتذكرين من كتلج ماكو شي اخذي راحتج
عسل.  حيل خجلت من كلامة يمه كلامة يموت ..
امم صار عيوني الك الي تريده يجرالك
سيف . عسل ستوني حسيت بالجوع من البارحه ماكلت شي

عسل . حبيبي لخاطري كوم روح للبيت وتعشا
سيف . اروح بس بشرط
عسل . تأمر بكلشي بس كوم تعشا
سيف . نبقى نسولف لحد ما انام على صوتج
عسل . وانت تتصور راح اغلق الاتصال . تدلل بس كووووم
سيف . طلعت من العياده واني اسولف ويا عسولتي حبيبة كلبي رحت للبيت واخذت بطريقي بيتزا تعشيت وتمدد وعسوله تحجيلي تفاصيل حياتها . لحد مانمت بدون شعور وكانت نومتي مريحه واحلامي كلها بعسل

فاطمه . امممم اول شي اكيد تتذكروني ؟
اني فاطمه زوجة سيف الاولى طليقته يعني
تركت سيف وانفصلنه لان سيف عنده حاله نفسيه وهملني لابعد حدود وكانت حياته ابنه وبس
صح هو ابني بس هذا امر الله ولازم نتقبل القضاء والقدر مهما كان بس سيف قرر يتوقف عن الحياة وكان عايش بدون روووح
لذلك قطعت املي منه وانفصلت عنه .
كنت اتصفح بالنت . وجذب انتباهي اعلان لعياده محتاجه سكرتير او سكرتيره. والي جذب نظري كان رقم سيف موجود .
بقيت مستغربه معقوله سيف تشافى من حالته وكدر يتعده الازمه؟
لازم اتأكد واعرف عنوان العياده بس ما اريده يعرف رقمي قررت اشوف خط غريب عليه اتصل .
عسل . كان اجمل يوم بحياتي والاجمل من هذا سيف صدك نام على صوتي وبقيت اسمع انفاسه وتمنيت لو كان نايم بحضني واني العب بشعره واشم عطره وابوسه وهو نايم . نمت واني مبتسه ومنتظره باجر يجي بسرعه واخلي عيني بعين حبيبي واسمعه يهمسلي احبج .