الدكتور والعسل

الجزء 3

سيف . ماشي اسأليها وشوفي ردها واليوم عليه اني اوصلج للبيت لان اول يوم وبعدج مامتعوده على الاوضاع
عسل . لا دكتور اشكرك الدنيا المغرب والناس اذا شافتني صاعده وياك ماراح ترحمني وخاصة احنه ساكنين بس اني وامي
سيف . هي هاي المشكله الدنيا المغرب وما اكدر اتركج ترحين وحدج الدنيا مو امان وامج اعتبرتج امانه يمي
عسل . اوك راح اخابرها وهي تجي
عسل الو ماما اني خلصت دوامي تعالي اخذيني . يله منتظرتج بالعياده . باي
سيف . تمام لعد راح ابقي وياج لحد ماتوصل والدتج وبنفس الوقت نكلمها على موضوع الخط لان زحمه عليها كل يوم توصلج وترجعج
اني بالمكتب من توصل انطيني خبر
عسل . من دخل المكتب بقيت افكر بإسلوبه اللطيف والي شغلني اكثر خوفه عليه من اول يوم التقيت بيه مع هذا اني فاقده حنان الاب والاخ بنفس الوقت يعني متعلمه بس امي مهتمه بيه وتخاف عليه وهسه دكتور سيف فتح ثغرة بكلبي صح هاي الثغره موجوده عندي بس ماكنت منتبهه عليها ولا حاسه بهذ الشيء
سيف . من كنت احجي وياها واشوف جمالها وخجلها من تكلمني بقيت محتار شلون اطبع ملامح وجها بعقلي لان احس ساعتها بحاجه الى النظر الها ما اعرف السبب مع ان هذا اول لقاء بيناتنا يعني ما اعتقد اعجاب مجرد نقص بداخلي لاني فقدت اغلى ما املك ابني اولا
وزوجتي وحبي الاول الي تخلت عني وخذلتني وتركتني اعاني لوحدي رغم حبي الها ورغم ماكنت محتاج وجودها تركت عسل بالصاله ورجعت للمكتب حتى لتحس بنظراتي الها وتاخذ عني صوره مو حلوه
وتاخذ عني صوره مو حلوه
عسل . وصلت ماما وحجيتله عن الدكتور كتله ماما دكتور سيف ميقبل ايكلي سوي خط ايصير السعر انسب لان راتبي مراح استفاد منة كله حيروح على التكسيات وطلب هو يوصلني لان طريقنه واحد بس رفضت لان خفت الناس تحجي عليه
ماما كالت نشوف الدكتور ونتفاهم
مشيت ودكيت الباب.
سيف . اندكت الباب واني كنت سارح بتفكيري بين ذكرياتي القديمه وبين حياتي الي قررت ابديها من جديد بحذر . كلت تفضلو .
ودخلت عسل وامها
ام عسل . السلام عليكم دكتور اشكرك على خوفك على بنتي لان هي الوحيدة واني كلش اخاف عليه بس الزمن خلاني اقبل تشتغل لان تعبت
سيف . عليكم السلام اهلا خالة ام عسل تفضلي استريحي .
خاله هذا واجبي مايحتاج تشكريني وبنتج اعتبرها امانه عندي اطمأني عليها وان شاء الله اكون كد الامانه وعسل مبينه بنية مؤدبه وتعبانه على تربيتها
عسل . صار احمر من الخجل ودنكت
ام عسل . الله يبارك بيك دكتور هذا من ذوقك وطيب تربيتك
سيف . خاله حجيت ويا عسل علمود شغلة جيتها و رجعتها اول شي انت تعبانه وزحمه عليج توصليها وترجعيها وثانيا ماراح تستفاد عسل من راتبها . بالاول كنت مفكر كل يوم امر عليها بطريقي وارجعها . بس عسل نبهتني على شغله ماكنت مفكر بيها وهي كلام الناس .
برأيي تشوف خط هواي افضل وهي كالت تشوف موافقتج.
ام عسل . كلامك عين العقل والخط صح احسن لان محد راح يتجرئ ويحجي
سيف . بما ان انت هنا هسه اني اوصلكم لان انت موجوده ونكمل بالطريق حديثنه
طلعنا من العياده وصعدنا بالسياره
عسل . كلامه صدك حسسني بالامان واحس صار عندي سند بالحياة انسان يخاف عليه
بقيت اسرق الفرص حتى اشوف ملامح وجهه
اكيد متزوج وزوجته سعيده وياه الله يهنيهم
وبنفس الوقت احسدها عليه
سيف اقتنعت ان نظرتي الها كانت بسبب حالتي النفسيه لذلك ماحاولت اكرر نظراتي
وصعدنا بالسياره وكملنا حديثنا عن الخط واتفقنا باجر يشوفون خط وتبدي عسل وياه وصلتهم براس الشارع وطلعت للبيت
عسل . وصلت للبيت وحيل فرحانه بالدكتور لان كلش حباب ومحترم وخوفة علية بأوول يوم وماما كالت الحمدلله طلع خوش انسان اني امنت عليج هسه بس لازم نشوف خط الج علمود الاجور اتقل
عسل..؛ اي ماما تدرين حخابر على مرت محمود جوارينة هي عدها دوام هناك قريب على عيادتنه اداوم بمدرسة اهليه العصر بلكي اكو مجال وتاخذني وياهم لان هي عدها خط مرة حجتلي اليوم باليل اصيح عليه من الباب ونتفق وان شاءالله خير ..طبيت سبحت وصليت ورحت ساعدت ماما بالعشى اجوي جماعة اخذو طلبات الاكل ماما جانت محضرتهم ..وكملنة العشى وطلعت على زووجة محمود ودكيت الباب وجانت تسبح وكلت لزوجها ياريت بس تكمل تتصل بية عندي شغلة وياهه
..محمود..تفضلي دقائق وتكمل ..امم لعد راح انتضرها بالحديقة بين متكمل ..كعدت بالحديقة وتذكرت الشغل وحيل متحمسه لازم ابدي اخذ ملابس لان هذا دوام يومي لازم اكون مرتبة عيب .بهالاثناء اجتي سارة زوجة محمود وحجيتلة عن شغلي وحيل فرحت كالت جانت وياهه وحده بالخط بس تركت شغلها وزوججهه ميقبل تروح بالخط وحدها ولازم وحدة وياهه هنا فرحت الحمدلله اجتي مسهلة شغلتي واتصلت سارة بالولد كلتلة تعال باجر ساعة ٣ اني وصديقتي عدنا دوام بنفس المنطقة
سيف . رجعت للبيت وكل ما ادخل للبيت اتخيل ابني يتلكاني يركض وينقفص صدري . كلت اخابر محمد اشوفه اذا فارغ نتعشا سويه خابرته
سبحت وصليت وطلعت وكعدنا اني ومحد علكورنيش
بدينا نسولف عن الدوام والعياده
سيف . تذكرت محمد نسيت اتصل بيك بخصوص الاعلان
محمد . بشرني حصلت شخص امين
سيف . حصلت اكثر من هذا الشي
محمد . سيف تره مو وكت الغاز
سيف . حجيت لمحمد القصه وبنفس الوقت نسيت نفسي واني احجي على عسل واوصفها لمحمد ومحمد يضحك واني مامنتبه
اخر شي انتبهت على ضحك محمد كتله شبيك تضحك
محمد . لا بس خلي ارجع اتأكد نشرت الاعلان بكروب تعارف للزواج لو شنو ههههههههه
سيف . انتبهت لنفسي صدك نسيت روحي وتنهدت
محمد . حسيت بحزنه من تنهد كلت لازم احجي وياه يبدي من جديد حتى من الجانب العاطفي
محمد . سيف لازم التغيير يشمل كل حياتك
سيف . ما فهمتك
محمد . وصفك للبنية خلاني احس انت راح تنجح بالتغيير وصار عندي فضول اشوفه للبنيه ايبين هاي بنت اووادم
سيف . محمد تتصور هاي البنيه تناسبني يعني
محمد . شبيها لعد مو تكول حلوه ومؤدبه وخجوله وثكيله وفاهمه وتخاف على سمعتها شنو المطلوب اكثر يعني تتصور لان فقيره وعلى كد حالها ماتناسباا