الدكتور والعسل

الجزء 9

رجل غريب يدخللهم
طلعت شغلت سيارتي ومشيت
احس نسيت شيء يمهم بالبيت
وره ربع ساعه تذكرت الي نسيته عدهم هو (❤ )
عسل . طلع سيف من البيت واخذ كلبي وياه . موقفه كان حلو لان ماذكر لامي شي من الموقف  
لان امي اذا عرفت مستحيل تتركني اداوم بقيت افكر لازم الاقي حل للمشكله مايصير هو يجيبني وياخذني . قررت تخابر ساره واحجيلها شصار ونتوصل لحل سويه
خابرت ساره وشرحتلها الموقف شلون قبل يوم لزم ايدي وشلون اليوم تعدى عليه وشلون الله دزلي سيف وخلصني
ساره كالت كنت منتبهه لنظراته بس كنت اتوقع انت مبادلته الاعجاب لذلك سكتت . وكالت بعد الي صار ما اعتقد راح يتجرئ ويجي باجر . واتفقنه اذا اجه مانصعد وياه ونطلب من زوجها يشوفلنه خط ثاني
رحت للفراش ومخليه الموبايل على صدري بلكي سيف يحس بحبي ويتصل او يراسل وادعي الله كون موقفنا اليوم مو مجرد نزوه انتهت بوقتها
سيف . وصلت للبيت واني بس اتذكر نظراتها انفاسها عطرها نعومة جدها . سلبت كل افكاري دخلت الحمام سبحت وكعدت سارح بعسولتي وشلون كدرت بس بنظراتها تنسيني نفسي وابني وحبي الي اعتبره الاول والوحيد
قررت اخطي اول خطوه واشوف ردها رسلت رساله تحمل كل الي بقلبي وحالتي وامنيتي
الرساله (في ربيع عمري هبت اعاصير الشتاء
قلعت جذور زهر السنين
باتت حدائق القلب يسكنها غبار الاحزان
وسكون يحرق افكاري
يجعلني لا اتمنى سوى الصراخ
صراخ بصوت مرتفع متقطع الانفاس
صوت مختنق أطلب به حبل للنجاة
اني اغرق ببحر من الالم
فمدي الي يدك سيدتي
كوني منقذتي ... لا تترددي
لا اقول بأنني اعشقك
لكني متيقن بأن حبك سيكون املي
سيدتي اصنعي حبي بأناملك
وبذور زهور الشوق بيدك انثري
واجعلي حدائق القلب بحبك ترتوي
كوني منقذتي ... لا تترددي )
وبقيت مخلي الموبايل على صدري منتظر جوابها .
عسل.. انتضر تمدتت عاالسرير جنت تعبانة وفرحانة بنفس الوقت بقيت صافنة اتذكر كل لحظة مرت بيني وبين سيف
واني صافنة رن جهازي وكمزت ركض عالجهاز ياربي يكون سيف فتحت الرسالة وشفت الكلام الي خلاني اذوب وادوووخ يمةةة گلبي معقولة كل هالكلام الي مجنت اتصور كل هالشيء راح يطلع من سيف صفنت لازم اردلة برسلة والي يصير خلي يصير لان مااتحمل هالكلام ذوبني ورسالتي كانت✍🏻️
أقر و أعترف لك يا سيدي ...
بأنني أحببتك بكل حواسي الخمس ...
أقرأ لك ياعشقي ...أحبك بالشم
والسمع والذوق والبصر واللمس ...
أقرأ لك يا أميري ...
بأنك أصبحت لي القمر والنجوم
والسماء والشمس ...
فمن لي سواك ؟
ولو كان حبك صامتآ
قلها ولو بالهمس♡♡

سيف . وصلني جوابها وطرت من الفرحه جاوبت بسرعه ( احبج عسل . من اول يوم دخلتي كلبي وعجبتيني ) ردت انطيها ارسال ترددت . تذكرت شلون بسبب حالتي النفسيه زوجتي تخلت عني بالرغم ماكنت اول حب بحياتها وبيناتنا عشره حلوه وابد ماصارت مشاكل فكرت احتمال
احتمال عسل من تتقرب مني هم تتخلى عني بسبب حالتي النفسيه واني لحد الان مامتأكد تشافيت منها او بعدني
قررت احجي لعسل حياتي ومشكلتي حتى تتعرف عليه اكثر وتشوف تكدر تستمر بحبي لو لا
ما اكدر استوعب بعد صدمه مثل صدمة زوجتي .
حذفت الرساله . وبقيت افكر شلون احجيلها حالتي ونمت بدون ما احس
عسل . كنت فرحانه وطايره من فرحتي وعيوني على الموبايل شوكت سيف يجاوب ويكول اول كلمه ( احبج ) كنت مقرره اكتب الوقت والتاريخ واحتفظ بيها احلى ذكرى بحياتي
بقيت ساعه انتظر وماكو جواب نمت من التعب . تعب انتظاري طبعا
كعدت الصبح وعيني اول مافتحتها على الموبايل ماكو جواب . فكرت الي صار البارحه نزوه وانتهت بوقتها وهو اصلا تفكيره مو يمي.
سيف . كعدت الصبح وكنت مقرر اليوم افاتحها بالموضوع بالعياده وانطيها وقت تتأكد من مشاعرها حتى ما انصدم .
عسل طبعا صارت ساعه ٣ وما اجه ابو الخط فرحنه اني وساره لان تخلصنه منه بدون مشاكل وبدون ماتكبر الشغله وامي تسمع وتبطلني . دخلت ساره لزوجها وحاجته يشوفلنه خط ورحنا اني وياها بتكسي وتواعدنه نرجع سويه بتكسي بين ما زوجها يشوف خط جديد .
وصلت للعياده واني ضايجه من موقف البارحه وندمانه لان تجاوبت ويا دكتور سيف اكيد اعتبرني رخيصه لان بدون اي علاقه تجاوبت . وقررت اسوي حاجز بيناتنا حتى يعرف قيمتي
سيف . دخلت العياده وكانت عسل موجوده بس متغيره ما اعرف شبيها حاولت ابدي بالكلام كان وجها ثكيل سألتها شلون اجيتي .
كالت اجرنا تكسي اني وصديقتي بين منشوف خط جديد وسكتت
دخلت المكتب واني كل لحظه اريد اصيحها واحجيلها بس نظراتها الي وتجاهلها تمنعني فكرت اكيد حست بحالتي النفسيه وقررت تبتعد .
عسل . ثكلت وجهي عليه لان ماردت ابينله اني سهله وانزل قيمتي . تصورت راح يصراحني بالحب ويطلع تفكيري غلط . بس للاسف ماكلف نفسه وتكلم كلمه طلع تفكيري صح
خلص الدوام ورجعنا للبيت اني وساره . نفس الروتين اليوم تعشينا اني وماما وتابعنا مسلسلتنا ورحت لفراشي افكر شنو اسوي لان حبيته واول مره بحياتي احب شخص . بهاي الاثناء دك الموبايل فرحت تصورته سيف طلع الاتصال من ساره . وبشرتني زوجها حصلنا خط جديد ويا رجل كبير بالسن وانسان محترم ويخاف الله فرحت ورجعت افكر شلون اخلي سيف يحبني صدك
قررت اغير كل تصرفاتي ولبسي وحركاتي واتحكم بكل حواس سيف الى ان يجي يوم ويستسلم لحبي
سيف . تركت الموضوع لان تصرفها ذكرني بزوجتي وشلون تخلت عني بسبب حالتي النفسيه
نمت حتى بدون ما اتعشى بسبب التفكير.
عسل .مرت الايام عادي نفس الروتين لحد ما اجه اليوم الي استلمت بي راتبي كنت طايره من الفرح لان اول مره احصل فلوس بتعبي . قررت اروح اشتري ملابس وشغلات طلعنا اني وماما للسوك واشتريت كلشي يلزمني.
والعصر رحت للعياده بس كان وضعي يختلف

لبست فستان اسود طوويل وبي جاكة من الخلف ومطعم بالأحمر الفستان جان كلش حلو علية گاعد على جسمي لان اني جسمي مليان رسمت عيوني بالگحل ومكياج كلش خفيف
شكلي جان حيل حلوو وصلت العيادة وسيف رن الجرس دخلت منطيني ضهرة ديرتب بالاغراض هلو دكتور أحتاجيتني بشيء
سيف اني حسيت بيها دخلت للغرفة سويت نفسي طبيعي لكن التفتت الها وياربي شنو هالحسن العيون تخبل والاسود لوني المفضل وهي لابسه فستان طالعه ملكة