الدكتور والعسل

الجزء 14

المنحوس
فاطمه . سيف اريدك تسامحني
سيف . على شنو
فاطمه . اني بعتك واني غلطت وضعفت والله عاقبني
سيف . بشنو عاقبج والغضب بعيوني
فاطمه . سيف راح احجيلك الي صار وانت احكم واتمنى تسامحني
سيف . ما اعتقد
فاطمه . انت تعرف اني وحيده وماعندي اخ . والي خدعني وخلاني اوصل لهاي الحاله لانسان الوحيد الي كنت اعتبره اخوي (زياد ابن خالتي ) ضحك عليه واستغل احترامي اله وتقديره وكدر يقنعني اتخلى عنك واطلب الطلاق وبعدها كدر هو وخالتي وامي يقنعوني اتزوجه وافقت وتزوجته وبعد فتره عرفت عنده علاقات وواجهته بالادله واعترف هو متزوجني علمود املاكي الي ورثتهن من والدي وطلبت منه االطلاق وبعد ما اخذ فلوووس مقابل الطلاق طلقني . سيف انت الانسان الوحيد الي حبني لنفسي مو لاملاكي سيف اني بعالم مليان وحوش ومحد يحميني غيرك سيف عاقبني مثل ماتريد بس احميني ورحت حضنته حتى اشعر بالامان . وابجي
سيف . صارت تسولف قصتها وهي مكسوره خايبه خايفه وتبجي واجت حضنتني من خوفها . دموعها اثرت بيه وحن كلبي لحبها حضنتها ومسحت دموعها بس هنا انتبهت . هذا موخدها مو لمستها هاي مو عسل دفعتها عني وبقيت محتار شلون اخلص منها . كلبي بس لعسل مايصير لاثنين كلتلها اسألج سوآل واحد
فاطمه . اسأل اي شي
سيف . لو اني بعدني مثل ما تركتيني ترجعين تتوسلين ترديني احميج
فاطمه . سيف انت ماتعرف شلون كانت حالتك مثل انسان داخل غيبوبه
يعني محتاج الي يحميك ويعتني بيك شلون راح تحميني ...
سيف . وحضرتج من احتاجيتج تركتيني وهسه لما انت تحتاجيني لازم اكون جنبج فاطمه اعتقد تعرفين طريق الخروج . وما اسمحلج بعد تتقربين مني لا هنا ولا بالاتصال ولا بالعياده
فاطمه . طلعت وحسيت بغلطي بالفعل استحق الي صار بيه
عسل . بقيت بنار وكاعده حاضنه المداليه وابجي وادعي ربي حفظه الي ياربي كون يتصل ويطمني ياربي صبرني
سيف . طلعت فاطمه وارتاحيت منها بس احس ضيق بصدري كنت محتاج لحضن امي بدون ما افكر طلعت من البيت ورحت لبيت امي وبوجهي خضنتها وصرت ابجي مثل الطفل امي عرفت بيه مخنوك ومهموم ماحجت اي كلمه وتركتني بحضنها حتى افرغ كل همومي وارتاح
بالفعل وره ربع ساعه حسيت بنفسي مرتاح وفرغت كل تعبي وهمومي بحضن امي سلمت عليها وبست ايدها وسلمت على اختي واخواني وكعدنا نسولف
امي اول موضوع فتحته هو موضوع الزواج .
الوالده . يمه سيوفي كافي تعذبني بعد ما اتحمل اشوفك تدمر حياتك  . شكد ابنك كان عزيز وتخاف عليه انت هم ابني اذا تحبني لتخليني اتعذب بسببك مثل ما انت تعذبت اني كبرت واريد اشوفك مستقر واشوف اطفالك.
سيف . يمه انت تدللين كنت ناوي اجي ابشرج بأي لكيت الانسانه الي تسعدني بنيه مؤدبه وطيبه
الوالده . صدك يمه . فرحتني احجيلي منو هاي
سيف . حجيت لامي عن عسل وشلون تحبني وحجيتلها عن وضعها وعن طيبة كلبها لحد ما تأخر الوكت واني والوالده نسولف ونضحك ونسيت نفسي لان اغلب كلامي عن عسل ومن اذكرها انسى الوقت
عسل . تعبت من التفكير والبجي نمت من التعب بدون ما احس .
سيف انتبهت صارت الساعه ب١ بالليل واني ما متصل بعسل ولا طمنتها . اتصلت بيها ماتجاوب
ماتجاوب . هاي شلون بيها هسه بس اريد اطمأن عليها
عسل . فزيت بالموبايل يدك طفر كلبي من صدري سيف يتصل . بس كنت مقهوره منه مافكر بيه وكال اطمنها ماجاوبت . بس بقيت افكر خاف صاير بي شي هسه لو بس سامعه صووته اطمأن واغلقه