الدكتور والعسل

الجزء 13

❣️❣️❣️👇🏻

رن الجرس ودخلت اني والمراجعه وهنا سيف وكف وعلامة الاندهاش باينه ولا انتبه لوجودي مثل كل مره . اني احس بنار بكلبي ما اريد اتركها وياااا . دخلت البنيه وسلمت وسيف مانزل عيونه منها واحسه مصدوم استحيت ابقى واكفه طلعت والنار بصدري
سيف . دكيت الجرس بإنتظار رؤية عسولتي والمراجع انفتحت الباب ودخلت فاطمه وعسل اني انصدمت هاي شنو جابها
سيف . كعدت فاطمه وعسل طلعت . لازم اكون قوي واين شخصيتي امامها وتعرف بعد ماتركتني كدرت اوكف من جديد بدونها
سيف . اهلا وسهلا فاطمه شعجب اليوم مريضه لو صاير شي
فاطمه . لا الحمد لله بخير مو مريضه بس حبيت اباركلك على العياده واتكلم وياك شويه
سيف . حسيتها مكسوره وفاقده الثقه بنفسها . ماهمني حالتها لان هي الي تخلت عني . سألتها وانت شلون عرفتي بالعياده ومنو نطاج العنوان ؟
فاطمه . كنت اتصفح بالفيس وشفت الاعلان بي رقمك اتصلت قبل ساعتين تأكدت انت واجيت
سيف . كنت حاس بالصوت مو غريب بس كانت مشاعري ويا عسل وماعرفتها فاطمه . جاوبتها . اها هاي انت الي اتصلتي قبل ساعتين ماعرفت صوتج
فاطمه . سيف لحكت تنسى صوتي تتذكر ...
سيف . فاطمه لهنا وكافي لتتكلمين اكثر ماعندي وقت اسمع تفاهات مزيفه . وما اريد اتذكر شلون تخليتي عني واني كنت بحاجتج. اشكرج على التهنئة واذا سمحتي اتركيني اشوف شغلي المراجعين ينتظرون . ونطيتها ظهري .
فاطمه . كان كلامه سكامين تقطع بجسمي . تركته وطلعت واني ساكته ودموعي تجري . واحاسب نفسي اني السبب اني بعت حبه واشتريت انسان تافه اني الي نسيت ابني بسرعه وما اهتميت بحبيبي اني الي خذلته وسببتله ضعف الالم اني اني اني استاهل اكثر من هذا .
سيف . طلعت فاطمه وياريتها لا اجت ولا ترجع فتحت ذكريات قديمه بصعوبه نسيتها وتجاوزتها ذكريات لما كان يجي التبليغ من المحكمه يطلبون حضوري واخر شيء ورقة الطلاق الغيابي الي وصلتني من المحكمه . بقيت ٥ دقائق ودكيت الجرس لان محتاج حضن عسوله يشيل الذكريات الي رجعت هسه.
عسل . بقيت بنار الغيره الى ان طلعت البنيه بس كانت حالتها غريبه وره دقائق دك الجرس وطلبت من المراجع يدخل ودخلت وياه . كان سيف باين عليه التوتر والحزن ماكدرت اسأله لان المراجع دخل . رجعت للصاله واني كلبي خايف ومنتظره يخلصون المرتجعين وادخل لحبيبي
سيف . دخلت هي والمراجع ما اعرف بساعة الي دكيت الجرس كنت مشتت الافكار كنت اتصور تدخل وحدها . بقيت اصبر نفسي لحد مايخلصون المراجعين . اخر مراجع ماكدرت افحصه وطلبت منه يرجع باجر وكتبتله تحاليل مهمه يكملهن .
طلع المراجع واني طلعت وياه لكيت عسل كاعده
عسل . سيف حبيبي شبيك وجهك متغير .
سيف . عسل لتركيني محتاجلج والله
عسل . سيف لا تقلقني اكثر عفيه حبيبي شبيك شصار شنو تحس
سيف . حبي ما ادري يمكن بسبب الحالة النفسيه و ......
عسل . وشنو حبيبي ؟
سيف . ما ادري
عسل . ولو مو من حقي اسأل بس منو هاي البنيه الي دخلت ؟ من ساعتها وانت مو على بعضك.
سيف . عسل خلي نطلع حياتي والله احس نفسي مختنك هنا
عسل . يله اطلع بس ما اكدر اعوفك وانت بهاي الحاله
سيف . اوصلج للبيت واشوف خاله صارلي اكثر من اسبوع مامجيكها .
عسل . موافقه بس لخاطري ابقى على العشا
سيف . اي موافق بس اطلعي اختنكت . طلعنا وصعدنا السياره وعسل خابرت صديقتها حتى ماتنتظرها ورحنا للبيت .
تلكتنا ام عسل بوجها الطيب وكعدت فحصتها وطمنتها حالتها افضل وردت اطلع بس ام عسل ماقبلت . وعسل واكفه وراها تأشرلي ابقى . جابت عسل العشا وكعدنا ناكل وام عسل تسأني شلون شغل عسل ونسولف .
عسل . كانت اول مائده طعام تجمعني بسيف كنت اتمنى اوكله بإيدي وما اخلي يمد ايده ابد بس موبيدي
سيف . استغليت الفرصه وصرت اسأل عن اهل عسل عمامها خوالها حتى اخطي خطوة جديده واخطبها . وعسل عرفت بقصدي والفرحه واضحه عليها. كملنا وكعدنا نشرب جاي . دك الموبايل نفس الرقم الغريب
سيف . الو . طالع بشغل خير . شتردين . ما اكدر . استغفر الله . اوك جاي .
عسل . بصراحه صرت اكره موبايل سيف صح هو انقذني من سيف مرتين قبل ههههههههه بس هسه لا سمعته يحجي ويكول ا شتردين وحسيته ضاج كنت متأكده نفس البنيه الي اجت للعياده .
سيف . اتصلت فاطمه جاوبتها كالت سيف وين انت اني واكفه باب البيت منتظرتك وتكول عدها موضوع مهم وما ارجع اله اكلمك
ترخصت من عسل وامها وطلعت
عسل . طلع والغضب باين عليه كنت خايفه عليه اكثر مما غيرانه لان متأكده راح للبنيه ياربي صبرني هسه هاي منين طلعتلي ياربي ومنو هي
سيف . كنت متعصب بسبب فاطمه الي طلعتلي فجئة وسلبة فرحتي بعسولتي. وصلت للبيت لكيتها واكفه دخلنا واني اتمنى ما اشوف وجها المنحوس