الدكتور والعسل

الجزء 6

لا ..فكرت شلون اتصل وشراح اكوول ماعندي اي شي احجي اووو شبية اني خلي اروح لأمي من زمان مشفتهه ..
رحت مشتاق الأمي من زمان مشفتهه وديت ملابسي اختي تغسلهم بقيت يمهم للعصر بدلت وتعطرت ورحت للداووم واني بالسيارة شفت عسل تنزل من السيارة والسايق بدء يفتح الباب وسحب ايدها ونزلهااا
وعسل ارتبكت بس عافته بدون محجت شي ومشت
الولد راح واني مشيت وراهه للعيادة
دخلت سلمت هلو عسل
عسل . هلو دكتور اليوم جاي من وكت ؟
سيف . مو مهم . بس اريد اسألج هذا السايق شبي ؟
عسل . خفت وگفت لحيلي
نعم دكتور ... شبي !
سيف . اني سألتج لتجاوبيني بسوآل . واعتقد تعرفين على شنو اسأل.
عسل خفت من غضبه وعيونه تخوف وجان يحجي بعصبية بس مافهمت ليش اعصاب شنو السبب معقوله شاف الولد من نزلني ولزم ايدي،،؟
دكتور اني مافهمت اكو شي ممكن اعرف
سيف . شفتها تتهرب من الجواب وعرفت بيناتهم شي البارحه نظراته عليها واليوم لزم ايدها ونزلها
تركتها وبدون ما اجاوبها دخلت للمكتب واني احس نار بصدري واتمنى احرك السايق والسياره وياه اني صوجي لو مزود راتبها ومخليها على التكسيات
عسل؛؛عافني ومشه محجة شي بقيت محتارة شنو الي صار شبي عصبي والخوف مسيطر عليه الدكتور حيل معصب خايفه يخليني اترك الشغل واني اتعودت عليه ..
بدو يجون المراجعين
وكل واحد يدخل ادخل وياه للدكتور
وهو ولا ينتبهلي يحجي ويايه وهو مندار حسيته زعلان مني رغم اني مبدر مني شي ياربي هسه لو بس اعرف. شصاير
سيف . لما دخلت للمكتب تندمت لان ماحصلت جواب لو باقي يمها وافهم . حالتي صارت صعبه لان غيره وشك بنفس الوقت كنت اتمنى تدخل تكرر السوآل حتى افهم شنو عدها دكت الباب ودخلت تصورت تسألني
جان تكول دكتور اكو مراجعين بره . ولا مهتمه للموضوع ضجت من تصرفها وتجاهلت وجودها
خلصو المراجعين واني بقيت اتجاهلهه وطلعت من الدوام بدون ماسألهه عن شي او اسلم عليهه
عسل..:حيل انقهرت جنت اريد اسأله شبي الولد افهم شصاير ♧°˚بس الضاهر حيل ضايج وميحب اححي وياه اخذت جنطتي قفلت الباب وطلعت لكيت السايق وسارة ينتضروني ورجعت والطريق كله صفنة تجيبني وصفنة توديني وصلت البيت ماما
ها عسوولة شبيج اليوم شو مااكلتي بالعشى
عسل ماما ماعرف مالي نفس وتعبانه
رحت اتمدد بفراشي اتصفح بالمبايل وفكرت شلون لازم اتصل بي او اراسلة افهم شصاير اكيد يردني اترك الشغل
تركتها وطلعت ومثل ماتجاهلتني تجاهلتها طلعت افتر بالسياره والنار بصدري خابرت محمد وانتظرته بالمطعم اجه محمد وسلم وكعدنا نسولف كنت ناوي احجيله شصار بس غيرتي على عسل منعتني اتكلم خفت لا محمد ياخذ عنها نظره وبنفس الوقت اسأل نفسي ليش هلكد مهتم الها وليش غيرتي عليها تجاوزت الحدود معقوله احبها
كملنا كعدتنا وطلعنا كل واحد راح لبيته واني تفكيري بعسل وشلون اتصل بيها بهاي الساعه المتأخره
تمنيت اشوف فد اشاره منها ترميشه مسج اتصال اي شي
عسل . بقيت بحيره لازم اعرف شبي ولازم اتأكد يريدني اداوم باجر لو اترك الدوام لازم اتصل هسه . بس شلون اتصل اخاف زوجته تفتهم الموضوع غلط وتسويله مشكله . شلون ياربي ساعدني . خلي ادز رساله واذا كاعد يجاوب بدون ماتحس زوجته بشي اي اي هذا افضل حل
مرحبا دكتور ..ممكن اخذ من وقتك شويه
هاي جانت رسالتي ويارب يجاووبني بعد مابيه انتضر
سيف . الجهاز بيدي وصلت رساله تخربطت اوضاعي نسيت حتى رمز الموبايل
فتحت الموبايل واني مامصدك وبكلبي ادعي ياربي كون رساله منها . وتحققت الامنيه
قريت رسالتها طلبت وقت للحديث جاوبتها هلو عسل اتصل لو نتراسل
عسل . كاعده وادعي ربي يكون صاحي وينسه عصبيته ويجاوبني بهاي الاثناء اجت رساله منه ويكول اتصل او نتراسل خجلت لان من بداية دوامي مايوم اتصلت بي جاوبته (هلو دكتور لا خليها راسله ما اريد اسوي ازعلج او اتسبب بمشكله )
سيف . جاوبت وبقيت مستغرب لان كنت اتصور تعرف بيه منفصل
رديت عليها ( شنو قصدج من كلامج شنو ازعاج وشنو مشكله)
عسل . جاوبني يسأل شنو قصدي جاوته ( اقصد من جانب زوجتك لان الوقت متأخر واني اضطريت اراسلك لان من طلعت حسيتك ماتريدني اكمل دوامي بالعياده لذلك راسلتك )
سيف . انتبهت هي صدك ماتعرف بيه مطلق ( عسل اني ساكن لوحدي اني منفصل عن زوجتي )
عسل . جاوبني وعرفت بي مطلق فرحت واحس الخبر زرع عندي امل كلش كبير
سيطرت على نفسي وكلت خلي اتأكد منه يريدني اداوم او لا
(دكتور ماجاوبتي تريد استمر بالدوام او لا )
سيف هاي شبيها منو كاللها اتركي الدوام ( عسل شنو هذا السوآل تره دوختيني شنو صار شي من تركتج وطلعت)
عسل . معقوله احساسي كان غلط
( دكتور مو انت كنت ماطايق وجودي وكنت عصبي تصورت وجودي مضايقك واني ما اعرف السبب لذلك راسلت حتى افهم شنو المشكله)
( دكتور مو انت كنت ماطايق وجودي وكنت عصبي تصورت وجودي مضايقك لان مافهمت سبب عصبيتك وشنو بدر مني)
سيف . يعني كانت مافاهمه شي وماكانت تتجاهلني (اوك عسل اكدر اتصل هسه )
عسل . خجلت شلون راح اجاوبه بس تشجعت وحسبتها خطوه اولى الي ( اوك دكتور اتصل)
سيف . بلا شعور وتردد اتصلت بيها جاوبت
عسل . الو
سيف . هلو عسل
عسل . هلو دكتور
سيف . البارحه ردت اسألج واجه الخط ومالحكت اسأل
عسل . بلي دكتور تفضل اسأل
سيف . انت مرتبطه
عسل . خجلت من سوآله وارتبكت ليش يسأل جاوبته اسفه دكتور مافهمتك
سيف . سوآلي واضح عسل انت عندج علاقه ويا شخص
عسل . ليش دكتور شفت عليه شي
سيف . ليش دائما تجاوبيني بسوآل جاوبي هسه
عسل . لا مامرتبطه ولا عمري فكرت ارتبط لان الزمن مو امان والناس تغيرت راحت الغيره من اغلب الرجال للاسف
سيف . ارتاحيت من جوابها وخاصه لما تكلمة عن غيرة الرجال يعني راح تقدر غيرتي عليها
عسل . الو دكتوووور تسمعني
سيف . وياج عسل بس اريد احجي وخجلان
عسل . تفضل اسمعك
سيف . ليش سمحتي للسايق يلمس ايدج
عسل . ياربي هسه عرفت شبي شافني هاي شلون ياربي اول فرصه راح تضيع من ايدي
سيف . عسل وينج ممكن تجاوبين
عسل . دكتور والله ماكنت منتبهه ردت افتح الباب وانزل ما احس الا هو فتح الباب ولزم ايدي سحبت ايدي واحتقرت حركته ومشيت هذا كل الموضوع وهيج انسان تافه مايستحق اعاتبه على تصرفه او انزل لم