الدكتور والعسل

الاخير💓💓

سيف ..لبست وتعطرت ورحت على اهلي خابرتهم اني جاي بالطريق اخذت امي واختي رشا وطلعنا لبيت ام عسولتي
وطبعا ماعدهم علم بجية اهلي
سيف وصلت البيت توقعت عسوله الي تفتح الباب بس الي فتحته ام عسل
كعدنا سلمنة ..ام عسل اعرفج هاي الوالدة وهاي اختي رشا
ام عسل انصدمت بجيتهم شو هاي عسل مكالت اهله وياه
اهلا بيهم وبيك عالراس .
سيف كعدت وعيني عالدرج شوكت تنزل عسولتي
متحملت دزيت رساله تعالي اني جووة
عسل حسيت بي اجة بس مردت اطلع بسرعه
بس سمعت صوت الرساله يمة اموت عليك اكدر مانزل
رديتله اوك نازلة عود اني زعلانة
نزلت سمعت صوت مسامعته قبل هاي منو ويا سيف بقيت بحيره وصلت انصدمت مريه جبيره بالعمر تشبه ملامح سيف وحده شابة تبين من عمري السلام عليكم
الجميع وعليكم السلام
سيف كعدت كبالي يبوو شطالعه اليوم
عسل كعدت وخدودي حمر مرتبكة شنو القصه شعجب جابهن معقوله يتعروف على امي لو جابهم يشووفوهاا
دزيتلة مسج شنو القصة شو مكتلي احد حيجي وياك
سيف رديت حبيبيي ذوله مو احد ذولة اهلج واهلي اجوي حتى يشوفوج كومي جبيبي الجاي
عسل ..انصدمت من الكلام هاي شبي شيقصد ياربي الخجل والتفكير خبلني كمت للمطبخ وكلبي يدك
ماما اجتي وراية
ولج شو مكلتي اهله وياه
عسل والله ماعرف حالي حالج بس كال راح اجي مكالي شي بعد
ام عسل امممم والترتيب هذا المن
عسل ،،حيل خجلت
لا بس عجبني ارتب نفسي شنو حرام اندريت عالطباخ ياربي شلون خلاني بموقف فرح وخجل وحب وكلشي
عسل ..اخذت الجاي وايدي ترجف قدمت للكل وصلت لسيف
ماكدر اخلي عيوني بعيونة اعرف راح يسوي حركة لو  يغمز ويخربطني بقيا مدنكة تفضل دكتور
سيف شنو هالرسميات مو يومية تصيحيلي سيف
عسل . عزززة شلون هيج كال
الكل ظل يضحك اني ركضت للمطبخ اووف سيف بسيطه لني الك
سيف ..اتقصدت هيج كلت اريد شوي تشيل الخجل
وكلت لازم نحجي اشرت الامي يعني احجي
ام سيف عيني ابني يريد يتقدم لابنتكم ويكول مالكي احسن منها واعرف جيتنه باليل مراهمه بس بعد سيف من يعند ام عسل حياكم الله والله ماعرف فاجأتوني بالموضوع
بس ان شاءالله اذا اكو قسمة هي الكم سيف خالة اني تره ماعندي صبر اتمنى تحسمين الموضوع وتردين خبر باجر
ام عسل هههه ليش الاستعجال عالعموم باجر او بعد باجر نردلكم ..ام سيف هي وينها الحلوة شو راحت جوه
ام عسل هي هي تخجل هسه اصيحة
سيف لا خالة خلي رشا تصيحة انتي كعدي
رشا راحت وصاحت عسل
عسل ..شلون راح اكدر افوووت گلبي يدك جسمي يرجف
كعدت كدام سيف بس مكدرت اخلي عيوني بعيونة
سيف دزيت رسالة ..شبيج وجهج احمررر حبيبي كافي خجل
عسل وصلت رسالته قرأت بدون ماارد ابتسمت وباوعتلة
ام سيف يلا اتأخرنا كوم ابني نروح وان شاءالله نجي مرة اخرى
سيف . طلعنا من بيتهم وكنت فرحان . وامي ورشا فرحو بعسولتي وصلتهم للبيت ورجعت لبيتي اتصلت بحبي وجاوبت معصبه
عسل .. هاي شنوو ليش مكتلي هاا انصدمت
سيف حبيبي حبيت اشوف شراح ادكولين ليش محبيتي الي صار اليوم ..
عسل اممم طبعا حبيته حبيبي احبك والله مجنت اتوقع راح تسويها وتتقدم بهاي السرعه
سيف ..والله لو عليه من زمان اسويهاا واتقدم بس كلت اشوف انتي تبادليني بنفس الشعور
اتأكدت من حبج الي وجبت اهلي
عسولتي عسولتي
عسل..ها عيون عسولتك
سيف فديتهم شكد احبهم
شوفي حبيبي من اليوم دوام ماكووو واني راح اخذ اجازه لان راح ابلش بتجهيزات العرس للعلم بيتي كامل من كلشي فقط ناخذ شغلات بسيطه وانتي تحتاجيها
عسل يااا ليش حبيبي الدوام شعليه
سيف شبيج تفكرين بالدوام اني وراح اكابلج الدوام شيلي من راسج
عسل اممم خلي توافق ماما اول وبعدين نخطط
سيف تواافق واذا متوافقك اتحضرري اخطفج تره
عسل . هههههههههه لا عيني ماتخطفني لان اني خاطفتك
يله حبيبي نام وارتاح والصبح اشوف رد ماما واخابرك
سيف . اوك غلاي انام بس بشرط
عسل . سيف بدينا نتشرط تره اخجل
سيف . مايخصني مل انام اله تنيميني على صوتج حبيبتي
عسل . تفداك حبيبتك وصوتها يله اسمع هاي القصه......
سيف . كالعاده تخدرني بصوتها وسوالفها الحلوه سرحت بعالم ثاني ونمت بدون احساس
عسل ..حسيته نام سديت الخط واني هم نمت
كعدت الصبح الفرحة مرسوومة على وجهي شعور كلش حلووو اجيت للمطبخ صبباح الخير ماما
ماما صبااح النور حبيبتي سويتلج حليب شربي
عسل اي حيل مشتهيته
ام عسل ..هذا الدكتور مستعجل لازم اليوم اخابر خوالج ونحجي بموضوعكم
عسل دنكت اي ماما بكيفج الي تشوفي مناسب سوي
محمد كعدت الصبح طلعت لمحمد حجيتله الي صار بالتفصيل ومحمد فرحلي هوايه اتفقنة انروح زلم حتى نطلبها من اهلها
حاجيت عمامي وكالو اي وقت احنا حاضرين نروح وياك
عسل اجوي خوالي وكالو لازم اليوم نسال عليه وباجر نتطيهم خبر
وفعلا خالي سأل وكالولة احسن ناس واهلي وافقوو واتصلنا بسيف وماما كلتلة تفضلووو ماعدنة مانع
سيف حسيت انولدت من جديد مامصدك شلون راح تصير يمي عسولتي
عسل احلى يووم بعمري اخذت ماما وطلعنا ناخذ ملابس للخطوبه
اخذت فستان أحمر طويل نازك مخصر عالجسم وسويت مكياج لون الحمرة احمر والشدو اسود شعري فتحتة على طوله لان سيف يحبها هالشكل اجوي كوومة ناس بيت عمامه وعماتة وخواله البيت مالتنة صغيرر يادوب كفاهم
كملت الخطوبه وسيف حيل فرحان وصار يتغزل بيه كدام الكل
خلص اليوم بفرح وحب ونمت مرتاااحة راح اصير السيوفي حبيبي ..
سيف رجعت للبيت ومابودي ارجع وهي هناك لازم استعجل بالعرس وبديت احضرر ومبقالنا شي باجر كملنا تجهيزات وباجر العرس
خلص اليوم بفرح وحب ونمت مرتاااحة راح اصير السيوفي حبيبي ..
سيف رجعت للبيت ومامدي ارجع وهي هناك لازم استعجل بالعرس وبديت احضرر ومبقالنا شي  كملنا تجهيزات وباجر العرس
عسل رحنا واختاريت فستان العرس على ذووق سيف مقبل اللبس فستان فاضح راد شي مسترر واني هم وافقت ماريد احد يشوفني غيرره اخذتني رشا للصالون ان الصالون طلبت تصبغ شعري كتله اسأل حبيبي اول اتصلت بسيف ورفض كال احب سواد شعرج واني كتلة لا نخلي مااصبغة مدام عاجبة كملنا كلشي واتصلت بسيف حبيبي كملت
سيف رحت اخذت قاط گحلي وقميص ابيض
محمد طلب مني هو الي يزفنة بس اني رفضت حبيت اني ازف عسولتي بيدي
سيف..اخذت عسل من الصالون لبييت اهلها كعدنا شوي هناك لازم تروح يم امها تسلم عليها
عسل طبيت بيت اهلي وشفت ماما كاعدة والدمعه على خدها حضنتتها وبجيت وياهه ماما حبيبتي لتنقهرين وصدكيني يوميه اجي اشوفج سيف يبوو كلبتوها مناحة ام عسل تره عسل بعيوني لديرين بال
سلمنها عليها واخذت عسل للفندق اني وجماعتي واهلي بالززفة
عسل ..حبيبي خلي ناخذ صور
سيف تأمرين بعد العمرر انتي
نزلنا للمصور واخذنا اني وهي وخالتها واهلي صور
وصحت ياجماعة بعد لحد يكول لفلان مكان للفندق كبل استودعناكم
اخذت عسل وبوجهي للفندق
اجوي ورايه بالزفه وسويننة دبكة ووهووسة حلووة مقابيل الفندق محمد مكعد لحظه عهههههع والكل يركض صدك جان احلى يوم بعمري
خلصت الزفة والكل راح واحنا صعدنا للغرفة
سيف . دخلنا للغرفه واني مامصدك نفسي قفلت الباب وشلت قزومتي بحضني شلتها واخذتها للسرير
عسل شالني واني ميتة خجل مرتبكة
سيف باووعت بعيونها همست
واخيرآ صرتي يمي
عسل اي حبيبي اني ملكك من اول يوم التقيت بيك
سيف . عسولتي اريد انسى الدنيا وياج اريد اعيش كل حياتي مثل هذا اليوم
عسل أوعدك كل يوم راح تكون مثل الف ليلى وليلى

انتهت القصة اتمنى نالت اعجابكم