الدكتور والعسل

الجزء 7

وهيج انسان تافه مايستحق اعاتبه على تصرفه او انزل لمستواه
سيف . هم تعرضلج غير هذا اليوم
عسل . لا ابد والله بس نظراته احسها غريبه واني مامعتبرته لان واثقه من نفسي ومن تربيتي
سيف . غيري الخط لتبقين وياه
عسل . ياريت والله لان بديت اخاف لا يكرر الي سواه
سيف . اوك باجر نشوف حل لهاي المشكله . نامي وارتاحي هسه وباجر نكمل
عسل . اوك تصبح على خير دكتور
سيف . وانت من اهل الخير مع السلامه
عسل . فرحت من عرفت هو معصب بسبب السايق يعني خاف عليه وفرحتي الاكبر لان عرفت هو منفصل يعني اكو امل اتقرب منه بس شلون لازم هو يبدي مو اني افرض نفسي ويحسني رخيصه
سيف . صوتها خلاني اطير بالسماء كان ساحرني وسيطر على كل مشاعري . وفرحت لان عرفت هي مامرتبطه ولا حابه شخص قبلي بس شلون اتقرب منها خاف تحس اني استغلها لان فقيره وتشتغل
عسل . نمت بدون ما احس كعدت متأخره لان كنت حلمانه حلم حلوووو بعد فرحتي بإتصال سيف
صارت الساعه ب٢ اتصلت بيه ساره وكالت اليوم مريضه وخابرت المديره واخذت اجازه
طبعا كنت خايفه شلون اصعد بالخط لوحدي وخصوصا طلعتي تكون تقريبا وقت ظهر يعني الشوارع شبه فارغه بدلت وطلعت واجه السايق وصعدت طبعا طول الطريق وهو مانزل عيونه عني واني كلبي يدك علسريع من الخوف وكنت اتمنى وجود سيف قربي حتى احس بالامان
بهذا الوقت ما احس الا السياره وكفت والسايق كال عطلت السياره وكانت نظراته بيها مكر وخصوصا كانت المنطقه معزوله
كنت خايفه منه بس ماكنت متوقعه يتعده حدوده بهاي الاثناء ما احس الا فتح باب السياره وتهجم عليه اني بدون شعور صرت اصيح واضرب بي وهو يكولي احبج احبج اريدج راح اموت عليج واني ادعي ربي ياربي خلصني واحميني ومغمضه عيوني وما احس اله صوت رجل عالي وهي يصرخ اتركها يانذل
سيف كنت افكر لا السايق يتجرئ ويسوي نفس البارحه ويتحارش بيها قررت اطلع من وكت حتى من توصل اكون موجود واني امشي بالطريق شفت السياره واكفه وعرفت السياره بسرعه فكرت خاف هذا الحقير متقصد
وكفت ونزلت سمعت صوت عسل وهي تصرخ بدون شعور رحت وسحبته وضربه بديت اضرب بي بدون ما اشعر بنفسي
الا ان حسيت عسل تجر بيه وتكول لخاطري عوفه ليموت بيدك تركته يتألم بالشارع والدم ينزف من وجهه واخذت عسل ورحنا للعياده كان وجها اصفر وترتعش من الخوف وتبجي
نزلتها من السياره واني لازم ايدها وايدي الثانيه على جتفها وصعدنا للعياده  كانت شبه منهارة واني احاول اخليها تهدء صعدنا فوك سديت الباب لان بعد نص ساعه باقي ويبدء الدوام ..اخذتها لغرفتي وجبت الهه مي جانت تبحي بحركة ..
عسل ..ماعرف شلون اتخلصت من السايق الحمدلله دكتور سيف وصل بالوقت المناسب وخلصني منة اريد انسى الي صار ويايه مااكدر ابجي ودكتور سيف اتقرب مني
شربتها مي
وكعدت يمها محتار شلون اسكتها
مسحت دموعها بيدي ولمست خدها من جديد احس نار بكلبي وبنفس الوقت كانت قريبه مني اكثر من المره السابقه ظليت اشم عطرها ورحت بعالم ثاني
ولمست ايدي تغيرت من مسح الدموع الى لمسة عاشق ولهان مشتاق لحبيبته