الدكتور والعسل

الجزء 8

عسل ..حضني وخلاني قريبه من دكات گلبة اسمعه تنبض
وانافسه صوتهه عالي احساس اول مره احس بي حسيت احساس كلش حلوو
سيف . حسيتها تجاوبت ويا لمسه ايدي وسكتت وانفاسها تغيرت احس بنبضها كنت متردد ابقى بهذا الوضع او اتقرب اكثر او ابتعد اخر شي قررت ابقى على ما انا عليه واشوف ردت فعلها
عسل . بقيت بحضنة وهو حاضني بقووة حيل حبيت وجودي بقربة عشت لحظات نستني الي صار ويايه من دقائق حبيت اكون بحضنة طول العمر رغم ماعرف شنو الي يخليني حابة هالشي ممكن إعجاب ممكن لان محرومة من الحنان الي مفتقدتة ماعرف بس الي اعرفة اريد قرب سيف مني
سيف . بقت متجاوبه وياي وبدون شعور صرت اتقرب منها رفعت راسها وصارت عيني بعينها صرت اتأمر جمالها شفايفها كانت تسحر طمعت بيهن وتقربت ابوسها وهي كانت ذايبه بيدي تقربت من شفايفها ومابقى الا القليل واتذوق طعمهن . وجان يدك الموبايل
فزيناا اثنينا وكأنما كنا بعالم ثاني بعيد عن كلشي كنا حلمانين وصحينه واحد يباوع للثاني طلعت الموبايل جاوبت
طلع ابو الصيدليه الجوه سيف هسه هذا وكتة شرايد مني لحظه عسل الصيدلاني يتصل
الو اهلاا اي نعم لا موجود بالعيادة بس جان عدني ترتبات بالاوراق والفحوصات هسه تقريبآ كملنا لحضات وافتح الباب
عسل افتهمت من كلامة وية الصيدالاني انو المراجعين اجوي نهضت بسرعة عدلت نفسي ارتبكت سيف اشرلي بأيدة دقيقه

سد الجهاز
وكلي لحظة شبيج وين رايحة .. شلونج هسه مرتاحة لو بعدج متضايقة من الي صار ..
عسل ماعرف ليش خجلت اباوع بعيونه بقيت مدنكة لا بفضلك هسه احسن اني اشكرك دكتور لانك دائما تحميني وتوكفلي ماعرف شلون اجازيك
سيف باوعيلي من تحجين ليش  هالخجل
سحبتها من خصرها وصارت بين ايدي
باوعيلي من احاجيج شبيج لو هم تخافين مني
عسل ..لا دكتور مااخاف بس
سيف باوعيلي من تحجين خلي اشوف عيونج
عسل ارتبكت ماعرف حسيت جسمي يرجف
گلبي انتهى حيلي راح ..
دكتور اني مااخاف منك بالعكس انت
كلش كبرت بعيني من اول يووم السايق
لزم ايدي وشفتك انقهرت وعصبت حسيت
انت تخاف عليه من كلشي وتحب تحميني
اشكرك هوايه وهسه لازم ننزل
سيف ..اممم اي ننزل بس مرة ثانيه من نكون سوية
شيلي الرسمايات وناديلي سيف
عسل ..ان شاءالله دكتور
سيف هاا شو هم رجعنه
عسل هههه نسيت نسيت
مشيت سريع
سيف سحبت ايدها وهي ماشيه
اندارت وعيونها بعيوني
فدووة لهل ضحكة دوم ابقي مبتسمة
عسوله ..
عسل ماعرف بعد اجاوبة عفتة ومشيت حسيت راح يغمى عليه فتحت الباب وطلعت للمكتب وكلشي بيه متخربط جسمي گلبي انفاسي ماعرف بس الي اعرفة حيل كنت سعيدة بوجودي بقربة
اول مراجع دخل للعيادة مكدرت ادخل وياه حسيت نفسي خجلانة مرتبكة لازم ابقى شوي لحد مااهدء
سيف كل ماارن الجرس يدخل المراجع وحدة اباوع على فتحت الباب اكيد عسولتي وياه
بس ابد مجتي ماعرف ممكن تكون مشغولة
او تكون خجلانة تشوفني
كملنا الدوام مثل كل يوم بس جنت مشتاق اطلع اشوفهه
طلعت ملكيت عسل ..انصدمت معقولة راحت بدون متسلم عليه زين ويامن راحت وليش منطتني خبرر صدك ضجت
عسل. طلعت اخذ من الصيدلية علاج  وصتي الوالدة عليه
وشفت المراجعين راحو كلت اختصر الوقت بس رجعت جان سيف يبين علية ضايج
عسل دكتور كملنا المراجعين
سيف اي اعرف طلعت وماشفت احد
وين جنتي..؟
عسل دكتور جنت اخذ علاج الوالدتي
وصتني اليوم قبل مااطلع واتذكرت ورحت اخذ لان شفت كملنه الدوام اسفة طلعت بدون علمك
سيف . وليش ماكلتيلي نازله للصيدليه وشي ثاني مو اتفقنه ماتكولين دكتور . كولي سيف حلوه تطلع منج وتقربت عليها بدون شعور
عسل . شفته تقرب مني حسيت بي محتاج حنان اكيد تعبان بحياته بس تمالكت نفسي وكتله تأخرنا وهسه امي تقلق
سيف . اوك يله اني اوصلج للبيت واريد اسلم على خالتي
وبكلبي خجلت من نفسي لان حسيت نفسي دا استغل وضعها

عسل . لا دكتور شلووون مو انت تعرف
قاطعها سيف . اسسسس ولا كلمه الي صار اليوم مستحيل اخلي يتكرر لو على جثتي امشي يله اوصلج
طلعنا وصعدنا بالسياره . طول الطريق هدوء واثنينا عيونه على الشارع وقلوبنا تحدثنا وكل واحد يسأل نفسه معقوله نحب بعض
وصلنا للبيت ونزلت عسل تنطي خبر لامها اني موجود واريد اطمأن على حالتها لان اعرفها مريضه...
دخلت وجيكتها وكلتلها كل اسبوع اجي اطمأن عليج وترخصت وطلعت لان ضروفهم ماتسمح رجل غريب يدخللهم