الدكتور والعسل

الجزء 10

طالعه ملكة مكدت احجي شي بقيت صافن . مع تجاهلها الي تذكرت زوجتي شلون لما طلبت الطلاق هم كانت مرتبه نفسها وحسيتها تستحقرني . عسل نفس تصرفها لما صارت تتجاهلني كلتلها براحتج ماكو شي . وبقيت مكسور بداخلي واحس نقص بيه بسبب حالتي النفسيه ثاني تجربة حب خسرتها
عسل . سويت نفسي مو بحاله ومتجاهلته . بس بداخلي متحطمه شلون اجذب انتباهه ويحس بحبي .
سيف . بساعتها كرهت كل النساء واولهن زوجتي وعسل وقررت اجاجيها متلبس هلشكل بعد هنا عياده محترمه . انتظرت لحد ماخلصو المراجعين دكيت الجرس
دخلت وهي ولا عبالك اكو شي . عسل . نعم دكتور .
سيف. عصبتني اكثر . صحت عليها . احجي بطريقه اخرى واحب اكولج شي لبس مثل هذا ممنوع عندي هنا عياده مو كوفي شوب وجايه لابسه ثوب مخصر وعطرج مالي المكان ومكياج
عسل . استهضمت ونزلن دموعي وحسيت نفسي رخيصه اكثر وفهمت ان فكرتي بجذب انتباهه خطأ انفجرت بالبجي
ونسيت الخجل وبديت اجاوبه بصوت عالي . شبيك سيف شبيك حرت شلون اخليك تنعجب بيه قبل فتره دزيتلي تريد جواب وجاوبتك وبينتلك حبي وكنت منتظره كلمه احبج منك كسرت كلبي وماجاوبت اعرف نفسي مو من مستواك لان فقيره وعلى كد حالي اني حبيتك لاني بشر مثلك
والانسان مو بمنصبه ولا بفلوسه وطلعت من العياده اركض وابجي
سيف . بقيت واكف ومتعجب من كلامها اني وين كنت افكر وكلامها وين شكد غبي . ماكدرت اجاوب بحرف ولا كدرت افهمها بحبي ولا كدرت امنعها تطلع بقيت بالمكتب متندم لان حسيت خسرتها وبعد ماترجع للدوام قررت ادزلها رساله وافهمها اني نفس مشاعرها طلعت الموبايل وكتبت ( حدثتني بكلامٍ . سَرَ قلبيَ الحزين
هام عقلي بغرامٍ . حلمٌ هذا ام يقين
هجرتني كلماتي . وصار للصمتِ رنين
ترجمت صمتي فراق . واعتلى منها الانين
وهنا يصرخ قلبي معلناً حباً دفين
مهلاً سيدتي مهلاً
ما لكِ لاتفهمين
مكانكِ . لا ترحلين
اي حب تهجرين
مهلاً سيدتي مهلاً
آه آه لو تعلمين
لمن شوقي والحنين
اين كنت من سنين
مهلاً سيدتي مهلاً
ليتكِ عني تسألين
اعدائي والشامتين
لأجابوا فرحين
مهلاً سيدتي مهلاً
عن عاشقٍ تستفسرين
نحن لكِ شاكرين
اكتفينا ناظرين
مهلاً سيدتي مهلاً
لماذا لا تجيبين
مابكِ الا تسمعين
الى اين تذهبين؟؟؟
مهلاً ... مهلاً ... مهلاً... عودي ... عودي... عودي...
مهلاً سيدتي عودي ؟ )
عسل ..؛ شفت رسالتة فزز گلبي فرح على خوف على حب مادري شنو الي صار ياربي مدام هو نفس مشاعري ليش هيج سوه اليوم ليش هيج عاملني مدافهم تصرفاتة اني إحساسي ميخطئ واني داشوف نضراتة الي ولهفتة تبين انو هو يحبني مثل مااني احبة
وقررت اجاوبة برسالة اغويتني بالحب و الحب سلطان
وسرقت قلبي والعواقب و خيمه

في عالم الانسان وحقوق الانسان
سرق المشاعر مثل فعل الجريمه
سيف . رجعتلي جواب وكنت بحاله صدمه كنت اتمنى تكون يمي بالمكتب واحضنها واطفي نار اشتياقي
قررت اتصل واعتذر منها واشرحلها كلشي
بدون ما اعارض فكرتي اتصلت بيها
عسل . الووو ..
سيف . كالت الو واني كلبي رجف
كتلها بدون مقدمات . ليش عفتيني وطلعتي
عسل ..لان جنت قاسي ممتعوده اشوف قسوتك دوم تعاملني برقة وحنان بس اليوم معرف شنو الي غيرك،؟
سيف . كنت ناوي اشرحلج كلشي من ذاك اليوم بس انت صديتيني كنت اتوقعج مثل زوجتي من عرفت بيه مريض ..
عسل ..اولآ مو كل اصابيعك سوه دكتوري بعدين شنو مريض اسم الله..؟
سيف . هسه احجيلج كلشي بس بالاول تسامحيني لان بعد ما اتحمل اشوف دموعج ابد
مسامحتك بدون متطلب هالشي ليش هو اكو احد يكدر يزعل من روحة،؟