بالبداية اعرفكم على بطلة القصة
ليا مواليد ٨٥الوحيدة لاهلها بين ٥ ولد الكبير اوس كلش نحس علاقتي بي اصدقاء مو اخ والثاني علي ابو قلب الطيب والثالث عمار هذا عايش لنفسه والرابع يوسف والخامس سامر هذولي صغار المهم والدي يشتغل بمكان حساس بالدوله كلش عصبي وتربيته النا حديه بشكل لكن بنفس الوقت مصادقنا وممخلينا محتاجين شي يعني الولد ممنوع يصادق ويلعب على البنات ممنوع يكصون شعرهم حفر ومن هالموديلات يعني صدك مربي رياجيل اني جنت بالنسبه اله حمامه البيت بحياته كلمه محاجي ويايه مزعلتني ومنطيني ثقه عمياء لان تصرفاتي بحكم عايشه ويا ولد شويه صبيانيه بحيث والدي جان يعتمد عليه بالابتدائيه بهوايه أمور وابد ما احس عندي مشاعر انثويه يعني اهتم بنفسي وبلبسي انيقه لكن ممخليه بالي إنّو لازم احد يشوفني حلوه ماعندي هالافكار براسي صرت بالمتوسطه اشمئز من البنيه الي تحب وتصادق أو تخلي مكياج احسها مو زينه أبدا ما اصادق هيج نماذج صديقاتي مثلي مستقيمين الى درجه مرحلة المراهقه ما عشتها بالعكس جنت شخصيه مسؤوله عن اهلي وتصرفاتي الى درجه ودائما أبويه واخوتي بعيني شكد اتعرض لمغازلات بالشارع أو من ولد الجوارين أو من الاقرباء بس محد يخترق قلبي بقيت هاي شخصيتي طبيعيه وحديه الى درجه بحيث الكل يتخيل اني مغروره لكن بالحقيقه أبدا ما عندي غرور ولا مفكره اني حلوه أو مو حلوه لكن شكلي كلش حلو شعر طويل جوه وركي طويله رشيقه الغزل الي جنت اغلب المرات اسمعه عن خصري وعيني وشعري اكثر شي ملامحي حاده جذابه الى درجه من كبرت كمت انتبه من أفوت بمكان بي شباب الفت انتباهم بشخصيتي اكثر من جمالي لان ما اعبر اكبر واحد وصلت رابع إعدادي نفس الحاله ماعندي مشاعر حب أو إعجاب أو اهتمام بمكياج أو لَبْس حتى ألفت انتباه احد محد يعرف اهلي عدهم بنيه لان اركب السياره من كراج البيت لأي مكان ومن ارجع تدخل السياره للكراج وانزل والدي حبي الوحيد وصديقي متعلقه بي الى درجه بحيث مرات يشوفني دا ادرس تعبانه أو ضايجه يجي يله بدلي نطلع اني وياج وصدك نفتر ونكعد بمطاعم لو نأكل ايس كريم اتوقع هو تقصد يعاملني بهالشكل حتى ميخليني احتاج عاطفه ومشاعر ادورها بره اهلي مخليلي احترام وكلمه بالبيت مثل مذكرت والدي حدي ماعدنا تجاوز بين الاخوه الجبير يحكم وإني الثانيه الي كلمه بالبيت وكلمة اخويه عندي متصير اثنين مره دنطلع اني لابسه بدي ابيض وتنوره لف نيلي ومقلمه بأبيض بوقتنا هاي الموده والدي كلش فري ويايه ميعارض على لبسي دا اطلع ويا اهلي بالگراج صار هوا فتح التنوره طلعت رجلي لحد فوگ ركبتي اتذكر اخويه الجبير بالمطبخ وشافني وطلع گلي مقتنعه بهاي التنوره اني ولا كلمه رجعت لبست بنطرون من يومها ما لَبْست هالتنوره ومن يومها من اريد اطلع اتقصد امر من يمه حتى يشوفني اخاف عنده اعتراض على شي هو خطيه يعرف يگلي شطالعه الْيَوْمَ الجميله
ماكو كاسيت ينزل للمطربين الي احبهم ميجيبه لو اريد اروح لآخر الدنيا يودوني بدون ملل بالمناسبه عندي صديقه وحيده واهلها اصدقائنا هاي عندي أغلى من الأخت اسمها ساره صديقة عمري كتلكم وصلت صف رابع كمت احس ابن عمي بهاء يتوددلي وكلش هوايه يترددون علينا هو اكبر مني ب٥ سنوات طالب كلية هندسه كلش اهتم بموضوع دراستي ويلح عليه ادرسي طبعي معدل اي شي تحتاجي اني ادرسج وطبعا عمو خاله اي شي تحتاجه ليا اني ادرسها وبعتبار هو مهندس يعني شاطر اني جنت متفوقه جان طموح امي اطلع صيدله فد يوم عانيت من الرياضيات امي خابرت أبويه گلتله نخليلها مدرس بابا ميحب سوالف التدريس الخصوصي المهم ابن عمي تبرع ايدرسني كل خميس وجمعه بابا هم خطيه يوديني ويبقى ينتظر يكعد ويا بيت عمي مرات من اخلص نرجع فديوم كعدنا نقره بالمطبخ انطاني مسأله حليتها طبعا اني دا احس بي يباوعلي اني مغلسه انطيته الورقه گلي انت ليش صايره هيج حلوه اني اعتبرت الشغله اخويه ابتسمت بديت احس يتصرف تصرفات غيره وتملك فديوم دخل أمجد ابن عمي وابن عمه علاقتي بي كلش اخويه هو من النوع الي يضحك ويشاقه دخل للمطبخ لگانا دندرس گام يغنيلي اغنيه كاظم عجبي على حرفين قد سلبا وقاري بعدين گلي هاي مترهملج انت ٣ حروف اني ضحكت حسيت بذاك راح يطگ وحسيت اكو شي بينهم لان كانت رده فعل بهاء گلي عوفج منه ركزي بدراستج هذا ميفبدج أمجد جاوبه شلون عرفت ما افيدها گله اكو مثل يگول امشي ورا الي يبجيگ ولا تمشي ورا الي يضحكك اني من يومها حسّيت اكو شي بينهم (عمامي ٣ كلش علاقتنا قويه بيهم بحيث ميمر اسبوع اذا مو گلنا ملمومين بيت واحد واحنه بنات وأولاد العم نفس الإعمار تقريبا فرق اكبر واحد بيهم اكبر مني١٢ سنه وبنات العم اكبر وحده مواليد ٧٥وعلاقتنا قويه اكثر من علاقتي بأهل امي الي كلهم بهوايه اكبر مني )المهم مرت الأيام اني توضحت الصوره عندي بفضل بت عمي گلتلي أمجد ترى يحبج وبهاء واضح مثل عين الشمس يحبني وثبتلي هالشي فد يوم اني يمهم كعدنا بالهول دندرس جان يمهم خطار بالصاله اصدقائهم رجال ومره كبار بيت عمي ماعدهم بنات اني استحيت أبقى كاعده ومرت عمي بالمطبخ دتحضر ضيافتهم وعلاقتي بيها كلش حلوه كلش احبها وتحبني حتى دائما من ملمومين تبقى تمدح بيه كدام الكل .كتلها عمه روح اكعدي يم خطارج اني أسوي الجاي وأخلي الكليجه راحت خطيه طبعا بحكم شغل أبويه دائما من احنه صغار متواجد بالشغل ايّام ومرات أسابيع عمامي ميقبلون نبات وحدنا يجون ياخذونا يمهم نبات لذلك اني احس بيوتهم مثل بيتنا المهم حضرت كلشي صحت بهاء يساعدني اني شلت الجاي والكليجه بالصينية وهو شال الكيكه والمي دخلنا سوه الصاله سلمت عليهم وهو هم سلم فالمره گلتلهم هاي منو الحلوه متنطوها لعلي ابني عمي ضحك گلها بت اخويه وبعدها صغيره احنه منزوج بنات قبل ميخلصون جامعه بهاء حسيته كلش ضاج حتى رجع يدرسني عصبي اني الحقيقيه ماعندي اي مشاعر تجاه اي احد اعتبرهم مثل اخوتي وكلش احترمهم ما افتح حلگي بكلمه اذاما افكر
