الْيَوْمَ يوم العرس دك التلفون ساعة ب ٨ حبيبتي كعدتي جاوبته نمت ب 5 الصبح گلي ليش بيج شي جاوبته ودموعي تنزل لا بس البارحه بابا إجى حچى ويايه و وصاني عليك وعلى أهلك سكت گلي يله حبيبتي دكومي حضري نفسج مو ب ٩ مو عد الصالون راح يجون ياخذوج الْيَوْمَ المفروض اسعد يوم بحياتنا ادعي الله يتمملنا على خير جاوبته ان شاء الله
رحت للصالون خلصت لبست بدلتي بالمناسبه البدله بس اني ويا رحنا اشتريناها ومحد شايفها بس امي وامه موديلها جديد نازل بسيطه والشغل الي بيها بسيط واحلى ما بيها الطرحه كلش طويله ومو توال اسمه كرستال مثل الشيفون وبي شغل كيبور بالاطراف اتذكر البدله سوت ضجه بالصالون وسألوني من وين ماخذتها دليتهم وطلعت
وصلت البيت ورا ساعه سمعت صوت الموسيقى نهاريت بچي خالتي قبل ليدخلون مسحت دموعي وتأكدت ماكو خلل بالمكياج ورا هالبجي لسه اتذكر خلت ام الصالون تخليلي مسكارا ضد ألمي وكحل مو اي لاينر لان عرفت راح ابجي مخنوگه
نزلت الطرحه على وجهي دخل حبيبي بوسني ورا شويه خله ايده بأيدي وطلعنا للسياره دا اركب ما ادري منو داس على الطرحه حسيت راسي انسحب الحمد لله مصار شي التسريحه بعدها ثابته بس الطرحه انشگت من جوه صعدني للسياره كلش ضاج صعد گلي حبيبتي تأذيتي جاوبته لا بس رگبتي دا احس تشنچت بقى بالطريق يحاول يفگ التشنچ ووصلنا للفندق مقبل احد يصعد ويانا گلهم اني يمها بقوا يضحكون علي جوه خالته گلتله ميصير لازم يصعدون يحضرون غراضها ملابس النوم يساعدوها تبدل مقبل صعدنا وحدنا وراشويه اني اجتي خطيه بالها يمي بوستني وراحت قفل الباب
اني ميته خجل صار گبالي گلي تذكرين مره گتلج راح تصيرين مرتي الْيَوْمَ راح تصيرين مرتي بقى يهديني بالحجي والغزل بقت مأذيتني رگبتي خليت عليها منشفه بيها مي الحار فكت شويه هو هم بقى يفرك بيها شويه الخوف قل عندي حسيت بالامان جنت كلش متخوفه من اشوف عيونه ونظراته ولهفته اخاف منه بس ثبتلي العكس كعدنا أتعشينا ولافه شعري بالمنشفه گلي عصمان الْيَوْمَ انت اجازه باجر ما ارحمك
اجيت نمت سألني بعده التشنج جاوبته لا احسن گلي يله نامي اني هم راح انام تعبانين طبعا بقيت اتگلب لان أبد ماارتاحيت اول مره ينام بصفي متعلمه فراشي وحدي بس من نام بقيت اباوع عليه گلت الحمد لله رجلي حلو اصبح بوجهه 😂
