اني جاوبته ما عندي خوات گلي والي اجتي وياج بيوم التسجيل اني انصدمت گلي تعرفين اني شوكت حبيتج من دخلتي ويا أستاذ محمد لغرفه التسجيل ولا عبرتي واحد بينا گأنه محد موجود بالغرفه والي وياج لعد منو جاوبته امي بس اني مصدومه گلي عمتي حلوه بعدها شباب وكل هالمعلومات عرفتها من فايلج اول مطلعتوا اخذته وقريت كل المعلومات وكتبتها بورقه يعني حب من اول نظره اني بس دا اسمع ومندهشه وفرحانه هذا اثبات هو يحبني صدگ كتبلي رقمه الأرضي بورقه گلي انتظر اسمع صوتج
خلصت الامتحاناتوبدت العطله اني ما فكرت أصلا اتصل وبيوم كعدت الصبح خلصت شغل البيت اهلي عدهم وظائف يطلعون ب ٧.٣٠ أبقى بس اني بالبيت واخوتي يكعدون متأخرينلل ١١ دگ التلفون ساعة ب ٩ تقريبا رحت شلته طلعتلي بنيه صباح الخير جاوبتها صباح النور ليا موجوده گتلها منو انت گالت صديقتها جاوبتها انت منو لان ما اعرف هالصوت جاوبني صوت رجال الو من خرعتي سديت التلفون ركزت عرفت هذا صوت ابراهيم رجع دگ التلفون رفعته البنيه گالت الو جاوبتها الو تفضلي اني ليا جاوبتني اني أخت ابراهيم يريد يحجي وياج جاوبتها عفيه ما اكدر سحب التلفون ابراهيم گلي حبيبتي اموت عليج شوكت اشوفج اني جاوبته بيوم استلام النتائج گلي شلون راح اصبر جاوبته ما اكدر احجي اكثر عفيه هو تفهم وراح
بقى يوميه يدك من اجاوب اني يگلي احبج ومن يجاوبون اخوتي يسكت يسدون التلفون بوجهه اني بقيت قلقه لا احد يشك فد يوم طلعوا اهلي العصر لبيت عمي بقينا اني وإخوتي ٢ اجوي عليهم اصدقائهم بالحديقه كعدوا اني گلت خلي احجي ويا يبطل شغلة التلفون كل شويه يدگ
دگيت طلعلي هو من كثر ما دعيت هو يجاوب مو احد ثاني وأسده بوجهه طبعا مرتبكه وخايفه
جاوب اموت عليج تأكدت هو جاوبته عفيه بعد لدگ ليروحون يشكون گلي والله ما أتحمل ما اسمع صوتج ثانيا تذكرت شلون تطلعين بالگراج لابسه شورت فوگ الركبه وتيشيرت ابيض اني انصدمت جاوبته وين شفتني گلي من السطح وضحك گلي لا حبيبتي اني يوميه امر بشارعكم بالسياره شفت الباب مفتوح لمحتج بالكراج بقيت اروح واجي بالشارع انت دتخلين مي للسنادين .طرت من الفرح لان حسيته صدك ديثبتلي حبه يوم بعد يوم جاوبته اني اكثر مشتاقتلك هو طار من الفرح گلي باجر امر ساعة ٦ بشارعكم حاولي تطلعين اشوفج جاوبته لا اكو شباك غرفه بنهاية البيت بس باوع علي راح تشوفني واگفه
صدگ ثاني يوم شفته وهو بقى بسيارته يباوع عليه حتى محد يشوفه وراها رحت للجامعه بيوم استلام النتائج وشفته حسيته متلهف من مشيته وابتسامته اني حسيت نفسي قلبي راح يطلع من مكانه من وگف گبالي گلي حبيبتي وأخيرا
