طبعا حياتي بالبيت بقت نفسها ومحاولات ولد عمي بعدها بس بديت أحط حد واحاول افهمهم اني ما أفكر بيهم غير اخوه مرت الأيام وهو ديثبت حبه الي وخوفه عليه حتى يغار عليه بس لسى ماكو شي بينا اني بعدني أصد مره لبست بدي برتقالي على طوله دكم لولو ابيض وبنطرون اسود ضيق وشعري مفتوح دا امشي صار بوجهي فتح عينه اني من شفته انثولت وكعت قلمي هستوني نزلت جسمي دا اشيله گلي عوفي لتنزلين اني فزيت من اللهجه والعصبيه مشى كم خطوه نزل شاله دينطيني القلم گلي اهلج شافوج من طلعتي اني باوعتله بخزره حتى مگتله شكرًا مشيت مشى ورايه گلي لدنگين ولا تكعدين وواحد واكف كدامج ماطول ملابسه فانيله جواه اني دا امشي كدامه انداريت گتله ليش شفت شي عبس وجهه طبعا شفت من نزلتي دتاخذين القلم بعد هذا متلبسي اني حبيت حرصه وخوفه عليه وحسيته صدگ يحبني مو شكول لعب اني هم كملت طريقي بس ضجت من نفسي لان شاف فتحت الصدر وراها مطلعت للسنتر وطول الْيَوْمَ مخليه أيدي لو حاضنه ملزمه حتى ميبين شي من دا اطلع للخط اثاري ديمشي ورايه ديشوف راح اباوع على المكان الي يوگف بي اني مباوعت لان فشلانه وگالبه وجهي جان اسمعه ورايه حبيبي عنده شلال مو شعر ديري بالج تگصي اني ضحكت گلي ترى حتى لو اني وراج اعرفج دتضحگين من خدودج تطلع اني صدك ضحك هالمره بحيث بين دا اضحك من فشلتي وصلت يم مصطبتي گلي يله اروح الزم حراسه بس ترى انت تحبيني
