جاوبته مستحيل اصعد وياك روح انت اني راح اطلع مشي گلي ليا زين تعالي اوصلج للبيت واسلمج بأيد عمو واحجيله الي صار وليش اني وصلتج جاوبته مستحيل صار عصبي صاح ولد صديقه انطا مفتاح السياره گله اخذها واطلع روح لبيتكم العصر امر اخذها منك ( السياره )وبَقى ويايه طلعنا لبوابة الخارجيه لگيت الخط صعدت وصعد ويايه كعد بالاخير بس الخط كله يباوع علي هو مغلس وصلت للبيت نزل ويايه لگيت اهلي واگفين بالباب قلقين لان تأخرنا ب ٣ ساعات سلم على بابا وحجاله الموضوع وطلب من ابويه يأذن بمثل هيج ضرف ارجع ويا ابويه وافق من عرف اني بهذا الموقف ومقبلت اصعد بسيارته انطاني ثقه اكبر ابراهيم وعلمودي ترك سيارته وسجل بنفس الخط مالتي وراها گلي ليا عفيه لبسي حجاب الظروف موزينه وانت حلوه وإني اخاف عليج اني هم لبست الحجاب لان تقريبا ٩٠/ من البنات صاروا يخلون شال على راسهم هو يصعد الصبح بالخط قبلي يكعد بالاخير وصل الخط اني صعدت لابسه حجاب هو بقى صافن وصلنا للجامعه گلي ليا بعد متنزعي كدام اي احد اوعديني ترى أني بحكم خطيبج يعني تتحاسبين على شي اني ما اقبله جاوبته ماشي هالأيام اروح اشتري ملابس مال محجبات للطلعات هو طار گلي من شفتج الْيَوْمَ بالحجاب حسيت صرتي مرتي حسيتج عروسه كلش فرحان وبقينا نروح ونجي سويه وصار يغار عليه بس مو شي فوگ الحد بس استنساخ ميقبل أبقى واگفه يجي يأخذه هو يستنسخلي طلعوا شعبتي مره كلهم راحوا للفقمه ما قبل ابراهيم اروح وياهم وابويه بوكتها جان منطيني موافقه اروح بس مرحت وياهم لخاطر حبيبي بقيت وحدي هو دخل محاضره طلع لگاني دا أقره گعد بصفي اني ابتسمتله گلي حبيبتي گومي خلي نروح نتمشى نفتر الجامعه كلها مراح ادخل محاضرات الْيَوْمَ كلشي مفتهمت لان بالي يمج بقيتي وحدج رحنا لسنتر جامعة بغداد وراها بكافتريا الهندسه اكلنا وراها دنروح للعلوم السياسيه اكو ممر بالهندسه يودي على العلوم السياسيه بي نباتات دنمشي بي خلى ايده بأيدي حس راح اسحبها بقى مجلب بيها گلي امشي وانت ساكته ترى ابوسها اني ضحكت جاوبته مو عيب هسه احد يشوفني محجبه وواحد لازم ايدي گلي خطيبتي و جبتج منا غير اعرف هذا الطريق فارغ جاوبته زين رخي إيدك أيدي توجعني عافها گلي ليا اني هسه قررت ادرس حتى اطلع دور اول وتصيرين مرتي بأسرع وقت نضراته وصلت الحجي الي ميكدر يحجي رجعنا دننتظر الخط صعدنا شفته راح على ابو الخط يتبسبس ويا صعدوا كل الطلاب ابو الخط اندار تروحون للفقمه نأكل ايس كريم اني التفتت على ابراهيم ابتسمت وافقوا الكل رحنا انتظرت ينزلون حتى انزل ويا گلي ابقي بالسياره هسه اجيج بقيت جاب الآيس كريم وصعد كعد گبالي گلي الْيَوْمَ لمت نفسي مخليتج تروحون ويا شعبتج بس والله دا اخاف عليج اني لأول مره اخلي ايدي على ايده وابادر جاوبته أصلا اني ما أتونس اذا انت مو ويايه لو بنفس المكان ../وقربت السنه تخلص هالمره راد تخلص السنه حتى يخطبني رسمي وخلصت الامتحانات بدت العطله ورآه بأيام رحنا استلمنا النتائج ناجحين دور اول گلي حبيبتي خبري خاله بعد يومين ادز النسوان وأجوي النسوان وراها بيوم الزلم هذا الْيَوْمَ جان كلش صعب لان عمامي وولدهم جايين خفت لا يخربون الخطبه وسمعت الهلاهل سجدت سجدة شكر ورا كم يوم رحنا محكمه كطعنا مهر صار رجلي وصرت مرته
