ورا شويه سمعنا صوت سياره بالباب هو فتح البرده كلها وصاح على عمي بابا علي بالباب حتى مطلع للولد اني كاعده مقابل الشباك دا احل منزله راسي المهم عمي طلع دخل الولد بهاء راح سلم على الولد المهم راحوا الخطار اني خلصت كعدت دا انتظر أبويه يجي يأخذني عمي كعد يسولف ويايه بس اطلعين معدل ألج احلى هديه ورا شويه عمي راح يصلي بقيت وحدي بالهول اجى بهاء وجهه فرحان ومبتسم كلي اريد اسألج سؤال انت صدگ هيج نظيفه اني بالاول مفتهمت عبالي نداره يقصد كتله دا احاول اتعلَّم من امي گلي مو هذا قصدي قصدت ماعندج سوالف حب وولد اني حسيت بأهانه فقدت گتله انت شلون تحجي ويايه هيج ليش أشفت مني كتله اني بعيني أبويه وإخوتي مستحيل اخون ثقتهم ولا احد يستاهل هو طبعا ارتبك وخربط بالحجي گلي لا اني ما قصدت بالعكس اني فتحت البرده وراقبتج ردت اشوفج من دريتي ولد راح يفوت راح تباوعين اني كأنه ذب بانزين عليه گتله اظاهر انت عندك مرض نفسي متثق بأحد وعيب عليك تفتح البرده دتختبرني ونسيت الولد من راح يفوت راح يشوف بت عمك من الشباك شباكهم جبير تقريبا ماخذ كل الحايط الي يفصل الهول عن الكراج المهم هو كلش فشل اني بقيت ضايجه ورا شويه إجى أبويه رحت هو من شاف أبويه بقى مرتبك المهم وراها كتلهم لاهلي بعد ما احتاج اروح مفتهمه الباقي المهم مر الاسبوع مرحت الي وراه مرحت الاسبوع الثالث إجى الخميس ما اشوف الا بيت عمي يمنا وهو وياهم كعدنا بالحديقه ضحك وسوالف دخلت للمطبخ دا اودي الصينيه إجى ورايه گلي ليش مدتجين بعدج زعلانه مني اني غلطان كتله اني ما أزعل منك انت اخويه أكيد تحرص عليه هو من گتله اخويه عَصّب گلي اني مو اخوج اني ابن عمج كتله الاثنين نفس الشي كلي لا الأخ ميزوج اخته بس ابن العم يكدر يزوج بت عمه اني ارتبكت ومعرفت احجي شي لان بداخلي اعتبره اخ ماعندي مشاعر تجاهه وخفت اجرحه بعد بحجابه بس بقيت اتجنبه وهو حس بهالشي حسيته هو هم ابتعد مراد يلح وإني صرت صف سادس
