أمجد گايل كدام بت عمي انتظرها تدخل كليه واخطبها جان يحاول يحسسني من اروحلهم ويبين اهتمامه لكن بضحك وشقى واغاني الشخصيتين مختلفه بهاء رزن وجدي وامجد شقاوجي ومرح وحلو كلش بحيث من جنت احجي لبت عمي اگلها ماعندي مشاعر تجاهه غير الأخوه تتخبل لج انت تتعيقلين دشوفي يخبل كتلها مو بيدي ما احس تجاهه بشي المهم اني من صرت بصف سادس حسيت صرت كلش حلوه والكل تثني على جمالي وأخلاقي وأعمامي كل ميشوفوني يسمعوني حجي معناه انت تصيرين يمنا واحد يگلي انت تكحلين عينه الي ياخذج يقصد لان اخلاق وحلوه والثاني يگلي انت حبيبتي وبنيتي اريدج اداريني بكبرتي من تحين يمنا اني صُم بكم اضحك اجاملهم طبعا أهل أبويه يحبون يزوجون منهم يعني عندي بنات عم ولد عم متزوجين المهم اني تعلمت على هالحجي وبديت افهم اني صرت چبيره وعندي جاذبيه لكن بنفس الوقت ركزت على دراستي وجان منفذي الوحيد صديقتي ساره تعرف بكل هالتفاصيل ومتفهمه احساسي حتى مرات اشاقه وياها اگلها يمكن اني مسترجله لان ما اتأثر الغزل والحب جانت تضحك تگلي ولج بالعكس انت كلج انوثه شكلج تصرفاتج صوتج جسمج لكن انت مسيطره على قلبج وتفكرين بعقلج اكثر والإنسان الي راح تحبي لسه ما لگيتي اني بوقتها ضحكت كتلها اخاف أمه من حبلت بي طرحته وصعد للجنه واضحك وهي تضحك مرت الأيام طبعا هوايه احداث وامور اختصرتها مثل بهاء خاف لا أمجد يسبقه فمصارح امي وگايللها اني عيني عليها رايدها امي انسانه مثقفه گايلتله كلشي قسمه وهي ليا بعدين تقرر اذا انت نصيبها بس بالاول تخلص جامعه وما أريدك تحجي وياها بهالموضوع هي سادس ما اريد شي يشغل تفكيرها هو منطيها وعد /اني وساره خلينا مدرسين بالاربعين يوم وإني حياتي صارت بس قرايه اهلي كلهم حسيت داخلين إنذار ويايه بقينا اني وساره يوم اني يمها ويوم هي يمي ونقرا من الصبح الى ألليل ساره متحب تقرا تحب ضحك ونسولف بس مثلي ماعدها حب وصداقات وسوالف شباب طفوليه اني دمرتها اخليها تقرا ويايه من الصبح لليل بحيث بالاربعين يوم كلتلي بعد ادرس وحدي المهم امتحنا بنفس المدرسه اتذكر امي لوجه الصبح متنام وابويه يبقى ينتظرني من ادخل للامتحان لحد ما اطلع حتى يوديني لمدرستي الاصليه اخلي المدرسات يشوفون اجاباتي وكلهن يگولولي انت منخاف عليج تجيبين ب تسعينات
صدك اتذكر طلعت النتائج اني للصبح منايمه وأهلي نفس الشي نمت ساعه خمسه الصبح من التفكير والتعب ما اسمع الا جرس ديندگ كعدت لگيتها ب ٩ الأربع الصبح منو يجي بهيج وقت فتحت الباب ابويه دخل يركض من الگراج فرحان ويصيح طلعتي ٨٨.٦اني من الفرحه دمعت لان شفت امي وابويه فرحانين وسوولي حفلة تخرج وحسيتهم متباهين بيه جانت اول مره أسوي حاجبي بس بعدني ما اخلي مكياج اتذكر من دخلت بحفلة التخرج لابسه فستان بنفسجيها طوخ وشعري سويته بالصالون حسيت العيون عليه وگلولي كبرانه صايره مره أمجد باركلي وگلي اكو تغير بشكلج صايره مره كتله شكرًا ساره طلعت معدل نهاية السبعينات راحت لغات اني قدمت جامعه النهرين هندسه معماري من اني صغيره حلمي لكن امي جانت تريد صيدله بس من طلعت المعدل گلتلي بكيفج تنقبلين صيدله وتنقبلين هندسه ماطول رفعتي راسنا اختاري الي انت تريدي اني اختاريت جامعه صدام سابقا هسه النهرين هاي الجامعه ٥ سنوات تحصل على شهاده ماستر ودراستها صعبه من هاللحظه بدت القصة
