اني سويتله حركه بوجهي معناها لا والله هو ضحك وراح وگف يم سيارته ينتظرني المسافة كم متر كل متصير عيني علي يهمس بشفايفه احبج
اني صدك حبيته وصرت احس بالامان بالجامعه ما اهتم من يتأخر الخط لان هو يبقى ينتظرني ورا فتره اطورت صار من يگلي صباح الخير اجاوبه تعرفت على بنات اكبر من عدنا ناخذ منهم ملازم ومرات يساعدونا بالمواد اكو بنتين من شعبته هو من شافني كم مره اوگف وياهم گام يتردد على كروبهم علاقته قويه بوحده منهم اسمها زينه كلش حبابه من يشوفني يمها يجي يسلم ويگلها زينه تدرين شكد احبج لو بيدي الجمعه هم أداوم هي تضحك تگله هاي شكو يگلها احاجيج يا بنتي واسمعج يا چنتي گلتلي لج ليا مو يقشمرج زينه عرفت هو يحبني بيوم سألتني ليا انت هم تحبي وحلفت متحجيله گلتلي ترى هو خوش ولد ما اكلج ما سوى علاقات بهاي السنوات بس اني دا اشوفه جدي وياج كتلها والله ما اعرف بس احس نفسي احبه واشتاقله وأفكر بي وبالحجي مالته كتلها بس اني غير خطوبه ميفيدني ما اكدر علاقه لذلك ما انطي مجال گلتلي احسن مرت الأيام هو بدا من نظرة عيني يعرف اني احبه بس ماكو علاقه تربطنا مجرد اني اعرفه يحبني وهو عرف وبَقينا على نفس الوضع الى ان بيوم اني وصديقاتي كاعدين بالكافتريا إجى ولد يعرف وحده من كروبنا رشا گلتله تفضل اكعد شو هذا جر كرسي وگعد بصفي لزگ شلت راسي واشوف ابراهيم گبالي خزرني خزره صدگ خفت منه ونزل بسرعه ضايج اني انداريت على الولد گتله ممكن تنطيني مجال امر گلي دنتعرف رشا گلتله ولَك هاي متتعرف وخر ترى تزورگ عينك اني نزلت صديقتي المقربه گلتلي اني هم انزل وياج نزلنا مسافه مشينا وصار بوجهي گالب خلقته كاعد على المسطبه اني حاولت أسوي الأمور اعتياديه گأنه ممسويه شي وبالفعل اني ممسويه شي صرت قريبه علي عبرته بخطوتين گلي اوكفي ليا طبعا اني وكفت وصديقتي وكفت ويايه گتله نعم گلي اني منتبه انت متاخذين صور واگفه يم طالب وحتى الطلاب الي تعرفيهم وعلاقتج زينه بيهم بشعبتج اوادم ليش قبلتي يكعد يمج وانت متعرفي ومن غير قسم بس بعصبية گتله ترى هو كعد اول ما انت فتت
وطلعت بسرعه ما كعدت وياهم . هو حس اني ضجت گلي ترى اني اخاف عليج تجيج حجايه وهذا الولد مو راحه اعرفه واكرهه
اني گتله شكرًا لتخاف عليه هو استحى يحجي شي كدام صديقتي گلي ماشي اني هم مشيت وعفته رجع كعد على المسطبه وإني مشيت صديقتي گلتلي ليا ترى مبين صدگ يحبج لان شفت المسافه الي مخليها من واگف ويانا حتى تبين وگفة زملاء جاوبتها والله اني صرت ما اعرف دا احس قلبي ديتورط يوم بعد يوم ودا احبه اكثر وخايفه لا يطلع ديضحك عليه گلتلي انتو ما بينكم علاقه وكعده وطبه وطلعه ومحد يدري بمشاعركم بالقسم يعني انت ممسويه شي يكدر احد يمسج بحجايه
حسيت كلامها طمني
