ويوميه هو يمي وإني هم اروح ابيتهم بس سابقا قليل .بس بهالشهر رحت مرتين راد أخذ على البيت واهله بدا يجيبني يمهم الظهر ويرجعني بداية الليل مره رحت اقيس الغرفه دنجيب زوليه حتى العصر نطلع نشتريها خلصنا غدا بقينا نسولف عمو وخاله راحوا ينامون هو تمدد على القنفه اني رحت بالمطبخ ويا اخته صاحني اجيت دا اشوفه لكيته صاعد بالغرفه مالتنا صعدت جاوبته ها حياتي گلي عندي صداع تعالي سويلي راسي اني بقيت أفرك راسه هو بدا يغفي نام نزلت بقيت ويا اخته شربنا چاي رحنا دنتفرج مسلسل اخته گلتلي لو صاعده ما خذه القياسات مبقى شي على العصر ونروح اني هم أخذت الفيته وصعدت دا اقيس فز گلي جيبيلي صابونه حتى بعدين أفوت أسبح وأبدل ونطلع جاوبته ما اندل گلي انزلي شوفي بالمطبخ گتله استحي والله سمعت صوت طگة مفتاح بقى واگف يم الباب طبعا حالته حاله مبين من عيونه ونظراته حجيت ويا افتح الباب ليحسون والله عيب جاوبني لا مو عيب فتح الباب لعد تعالي اكعدي يمي لان دا احس نفسي صرت فلاونزا اني اموت عليه نام اني اجيت كعدت بصفه حس عليه مستحيه و متشنجه گلي راح اتعبيني بيوم العرس گتله گوم خلص امورك دنروح مقبل اخته تجي ويانه حتى نبقى وحدنا بالطلعه وبنفس الْيَوْمَ رحنا دنشوف البدلات بدربنا أخذت للحنه بدله بسيطه مقسمه على الجسم بيها ألوان هو اختار لون كلش حلو بيج بس بي لمعه الكريستال اخذنا بدون قياس لان اعرف قياسي رجعت للبيت لبسته بغرفتي حلوه على ضوة الشمعه خلصنا كل الترتيبات
الْيَوْمَ الحنه رحت صالون قبلها بيوم خصلت وسويت مكياج وتسريحه كلش بسيطه رجعت للبيت لبست البدله ونزلت للصاله لكيت صديقاتي دخلت هلاهل ما احس الا صديقتي گلتلي لج خطيه الْيَوْمَ يموت الرجال مطلعه جسمج جاوبتها هو اختارها وراد اللون جاوبتني لج هاي الاضاءه عاليه ومبينه البدله خفيفه ضجت خفت لا من يجون يحنوني يدخل احد ويا وصلوا دخلت امه وأخته وقريباتهم وهو اخر واحد دخل وسد الباب اني ميته بدمي بقيت گاعده استحي اگوم لحد ما اجتي لحظه يبوسوني النسوان وكفت هو بقى يبصبص اجتي خالته نصت صوتها گلتله ليش هالنظره باجر هذا كله ألك حبيبي أني صرت من الخجل ثوله اجتي خالتي وبنات خالتي گوموني اركص وياهم رگصت ونسوني الارتباك الي جنت بي صارت عيني بعينه اشرلي تعالي رحت كعدت بصفه اني توقعت معصب من ورا البدله جاوبته مو انت اختاريتها گلي اي حبيبتي لعد ليش قفلت باب الصاله من دخلت ادري بيها فضيحه بس تقصدت اشوف بعض كرايبنا(نسوان) مرتي لان رادوا أخذ بت عمتي وگايلين خلي انشوف مرته الكتل روحه عليها اني صعدت الغيره سألته من هي جاوبني بعدين تعرفيها أهله كلش فرحانين حسيتهم متباهين لان امه كل شويه تجي تبوسني وتقرا المعوذات خلصنا الحفله ديروحون الناس راحوا خالاتي وياهم يفرشون فرشتي هو بقى گلهم اني ارجع من ترجعون خالاتها بقى حبيبي يسمعني حچي لحد ما اموت ما أنسى بالمناسبه مكدرنا نسوي عرسنا بقاعه لان جانت الظروف مو زينه وصارت حادثه مسلحين دخلوا لعرس سلبوا المعازيم كلشي ذهب وفلوس من هالحادثه بطلوا الناس يسوون بالقاعه بهالفتره
