زادت علاقتنا اني وصديقتي بكروب زينه وهو بدا يوگف ويانا ومحد يدري اكو شي بيناتنه غير زينه وصديقتي بس من نبقى احنه الاربعه لسانه يطلع ويغرد زينه مراح تحنين وتگوليلي احبك زينه تنصب علي لك احبك وأموت عليك شوكت تخطبني هو يضحك ويگول زينه سنه الخ اخطبج اني رابع هي تجاوبه الله عليك احلف هو يجاوبها لتعيشين الدور الحجي مو ألج اذا احلف أتورط بيج اني طبعا اضحك وبديت اجاوبه بنفس ألطريقه مثلا أكول الله يتمملج على خير زينه أو من يگول شوكت راح تگوليلي احبك اني اجاوب زينه حبي خطيه اكسبي اجر وراها بدا يحجي ويايه وهم موجودين مثلا مره كاعدين دناكل بسكت إني وصديقتي ودندرس اجى هو وزينه وولد بشعبتهم وزوجته بالعلوم السياسيه وگفوا يمنا ديحجولنا هاي المآده مال فلان وصعبه ديروا بالكم هو صعد تك رجل على المسطبه واتكأ على رجله نزل جسمه صار قريب سألني شكد عندج سعي گتله عالي نصه صوته گلي لعد لتعبين هالعيون الحلوه ترى اذا تلبسين مناظر ما ريدج اني جاوبته لا والله طبعا هو عايفني براحتي أبد ميلح عليه خلاني شويه شويه أخذ علي مره جابلي هديه بعيد ميلادي استغربت شلون عرف التاريخ ومقبلت اخذها گلي راح احتفظ بيها من اخطبج تاخذيها وعدته اخذها ذاك الوقت وراها بدت امتحانات اخير السنه شافني دا استنسخ اني وصديقتي گلي ليا اريد احجي وياج على انفراد گتله وين گلي بالمكتبه العامه جاوبته أوكي رحت لگيته ينتظرني كعدنا گلي خلصت السنه لشوكت راح تبقين هيج ويايه لا اني بالسما ولا اني بالارض عيونج تگول تحبيني وتصرفاتج كلها صد خلصت السنه وإني اصيح احبج وانت كلمه منطقتيها
جاوبته يعني شتريد ضحك لا بله صار ساعه احجي مفتهمتي شنو اريد اني ابتسمت گلي اريد كلمه من ٤ حروف اني حبيت اسلوبه ويايه ياخذني على كد عنادي وراسي اليابس حسيت كافي لازم ابين مشاعري لان مفضوحه من عيوني جاوبته احبك جاوبني شكد بخيله اني لو احسب كم كلمة احبج طالعه من لساني حتى لسان ما بقى عندي بس فرحان حسيته ويضحك رجع گلي ليا شلون راح اشوفج واسمع صوتج بالعطله جاوبته تشوفني مستحيل لان متعرف شوكت اطلع وتلفون ارضي ماعندي رفع حاجبه گلي متأكده ماعدكم تلفون جاوبته اي ماعدنا
هنا صدمني صدمه من ضحك عليه وگلي راح اكتبلج رقمي بورقه اخاف تحتاجين شي اني هم أخذت الورقه اشوف رقم الأرضي مال بيتنا فتحت عيني شفته ديضحك گلي حبيبتي لتصيرين لوتيه اعرف كلشي عنج تاريخ ميلادج تلفونكم منطقتج بيتكم حتى اختج شايفها
